السلام عليكم ورحمة الله وبركاته
سلمكم الله نحن عايلة اماراتية مكونة من اب وام و8 عيال ! احلفي خخخ عدنا كل الاعمار يهال ومراهقين وبالغين وعيايز ماشاالله
وانا البنت الثانية مرتبة السفرات
خلوني اخبركم السالفه كلها قبل الاستفسار
السنة ماكنا معزمين على سفره بس ضربنا الوله لماليزيا
فيلست ادور عن ارخص الطيرانات لماليزيا
حصلت الصيني الجنوبي وينزل ترانزيت للصين
خبرت الوالد وعيبته الفكرة فقلنا خلنا انجرب الصين لأول مرة! لان نحن عادة نسوي هالحركة نسير بلاد وننزل ترانزيت فبلاد ثانية يعني عصفورين بحجر
ورتبنا الرحلة وحجزنا واشترينا التذاكر الاسبوع اللي طاف لان نحن متعودين نحجز من وقت للصيف عشان الاسعار
سعر التذ1كرة 2100 درهم رخيصه صحح : )
ترتيب الرحلة كالتالي
دبي الى قوانزو 107
قوانزو الى كوالالمبور 167
كولالمبور الى دبي 267
مثل ماتشوفون بنقعد 6 ليالي فقوانزو
وييت ادور فهالمنتدى الحلو اللي دوم نستفيد منه لسفراتنا
ادور وادور وادور عن شي سياحي فقوانزو مافيه !!!!!!!!!!!! كل المواضيع تجارة وشحن واسواق ومحلات جملة واثاث وتشطيب ووووو
ياهي وهقة نحن شلنا فالتجارة !! انحب الشوبنج وااايد انخم الاسواق بس مب كله شوبنج! يعني خل نقول 3 اسام شوبنج و3 ايام سياحة
ف... استفســـــــــاري يقول
هل فيه مناطق سياحية فقوانزو
او حتى فمناطق قريبة لها يعني بالسيارة او المقطار ساعة ساعتين
نحن متعودين على قطارات عادي لو فيه شي يسوا
بس بنقعد الفترة كلها فقوانزو فهل بنستانس فيها ؟؟!!
اتريا ردكم ومشورتكممواضيع عشوائيه ممكن تكون تعجبك اخترناها لك:
- استفسار عن هونج كونج
- مسافر لهونج كنج في اغسطس وابي مساعدتكم
- من الشوارع الرئيسية في مدينة اييوا
- فزعتكم
- أرجوووو المساعدة ضروووووري
- للاخوة إلى عندهم خبرة في الصين
- ابي برنامج شهر عسل في الصين
- السياحة في الصين بعد القرقر تقرير
- استفسار لو سمحتوا لاهل الخبرة
- سؤال عن التأشير للأجانب ارجو الرد عاجل
- أيهما أفضل حجز الفنادق من السعودية أم من مطار الصين؟؟؟
- ممكن المساعده للسفر
- اين اجد مصانع القماش واي مدينه هي المختصه بذالك
- استفسار عن مدينة ارجوا الاهتمام ؟؟
- تصنيع الزل
- ابغى ماركات عالميه هاي كوالتي؟؟
- اود الاستفسار عن المنتجعات الموجوده في كوانزو
- فندق نظيييييف وحلووو في كونزوو
- إستفسار عن ضروري سفري قريب
- نوع الفيش الكهربائي المستخدم في هونج كونج؟؟
رد مع اقتباس
المفضلات