أول شي أحب أقولكم اني توني جاي من رحلة عائلية خليجية طيبه ... خرجت من الكويت على مدينة الخبر في السعودية وسكنت في شقق مفروشه ولا أروع وسعرها 350 يال وقعدت يومين حلوه وبعدها شدينا الرحال الى الإمارات وعلى الشارقه وتم حجز سبارك للشقق الفندقية عن طريق التلفون وعند الوصول الى الفندق أعجبنا الفندق بصراحه وفيه جميع الخدمات وهو يعتبر 4 نجوم وكان سعر الشقه 350 درهم ونظيفة وخدمات فندقية وحمام سباحه وانترنت في اللوبي وحركات يعني
المهم انبسطت أنا وعائلتي لمدة خمس أيام وتمشينا أحلى تمشيه والحمدالله وبعدها حركنا آخر يوم الساعه 3 العصر وقالوا العيال نريد أن نمر قطر نجلس بها ثلاث أيام وان فيها برامج سياحية ونريد ان نراها قلت تم ... المهم وصلنا قطر تقريبا الساعه 1 بالليل وتوجهت اى فندق الريتز قلت ثلاث ايام عادي حتى لو يكون غالي شوي وانا اعرف اسعار الخمس نجوم .. وسألت موظف الاستقبال لو سمحت نحن عائلة ونريد ان نسكن ماذا يصح لنا قال غرفتين مفتوحه على بعض قلت حلو كم السعر قال ((( 2150 ريال قطري ))))
قلت شنووووووووو أنت تتكلم صحيح ولا تضحك قال لا ياخوي اتكلم صحيح قلت ياخي انا ساكن في فرنسا ولندن فندق خمس نجوم 500 ريال قطري تقريبا ليش السعر هذا قال هنا قطر وهناك لندن وباريس قلت طيب سلام .... وأتصلت على الشيراتون وقال لي الغرفه على 1000 ريال والسويت على 1600 تقريبا ... قلت ياجماعه من صجكم انتوا ؟؟؟؟؟ قال هذي اسعار قطر ... قلت مافيه الا اروح حق فندق 4 نجوم نفس اللي خذيته في الشارقه المهم لقيت فندق 4 نجوم أسمه الواحه ودخلت عليه قلت حبيبي احنا عائلة ونبي غرفة مع صاله قال موجوده قلت كم قال 1500 ريال قطري .. انا هنيه انجنيت والله ودايخ حدي وعيالي نايمين بالسياره والساعه وصلت ثلاث الفجر ووقفت لي قطري جزاه الله خير وقلت اخي لاتوجد شقق مفروشه قال فيه اتبعني وتبعته ... ووصلني الى شقق مفروشه نسيت أسمها بس عادية جدا ودخلت سألت عندكم شقه قال موجوده قلت كم قال 950 ريال ... قلت طيب اباخذ لي فره بسيطه اذا مالقيت ابرجع لك ... وفعلا خذيت لي فره ولقيت شقق أسمها الجزيرة وقالي الموظف الهندي لدينا شقق بـ 500 ريال قلت نزل شوي وانا ماسك خشمي من ريحتها قال 450 قلت ماشي خلني اشوفها ولما شفتها لقيتها والله نفس الشقق اللي على الخط السريع ومكيفات شباك وبعضها خربان وغير نظيفه ... قلت خلاص ابسكن ابنام انا وعيالي بس ... وفعلا سكنا ونمنا وصحينا الظهر وسوينا شيك آوت وطلعنا ومرينا سيتي سنتر شويه وعلى جوازات ابو سمره للسعوديه على طول وسكنا نفس الشقق بالخبر قريبه من مجمع الراشد وفخمه ونفس السعر بــ 350 ريال سعودي ..
ياجماعه والله اني انصدمت بأسعار السكن في قطر ...أقسم بالله ماحصلت الأسعار هذي في فرنسا وبريطانيا .. شلون حكومة قطر تشجع على السياحه والأسعار هذي فيها ... السائح أهم شي عنده السكن ولا تبونه ينام في الشارع ... والله تمنينا ان احنا ماطلعنا من الشارقه ... انا أقول الكلام هذا وأنا أكن كل التقدير والاحترام لأهل قطر الحبيبه .. ولكن أنصح باللي يفكر يتمشى بقطر هو وعائلته أنه يتأكد بنفسه من الأسعار ولايهتم بكلامي يمكن أكون كذاب ... ولكن عليه بالإتصال على الفنادق والشقق واذا كان يريد ارقام التلفونات فهي موجوده لدي وشكرا .
ومنا لأهل قطر لكي يعدلون هذه السلبيه الموجوده في البرنامج السياحي لديهم .مواضيع عشوائيه ممكن تكون تعجبك اخترناها لك:
- خبر مفرح لمسافري القطرية
- جاي مع العائلة وعندي بعض الاستفسارات
- ممكن سؤال بخصوص الثوب القطري
- هل استطيع السفر الى قطر بالبطاقة السعودية
- أول مرة في قطر ياليت تساعدوني ؟
- ممكن الاماكن السياحية في الدوحة والمطاعم في قطر
- عاجل جدا لاهل دوحة الخير
- اسعار الاراضي الفلل البيوت في قطر
- أستفسار عن بوفيه الفطور بفندق هوليداي فيلا الدوحة
- اخوكم من الكويت يطلب المساعدة في اختيار الشقق الفندقية ووضع جدول عائلي لمدة اربع ايام
- ساقضي ساعة في الدوحة اقتراحكم يا احباب
- اللي عنده علم يرد علي؟؟؟
- المستندات المطلوبة لسفر الخادمة المنزلية لقطر
- الهيئة العامة للسياحة تستعدّ لاستضافة مهرجان الدوحة السنوي الثاني للأغذية
- هذا مارأيته في سيلين بقطر الغاليه على القلب
- متحف العصر الذهبي للفن الهولندي في قطر
- إنطلاق مسابقة الدعو قرناس شاهين
- اريد زيارة قطر لمدة اسبوع فماذا تنصحون ؟
- وأخيراً تحقق الحلمنصراوية
- وقع لي حادث مروري البارحة في قطر أثناء رجوعي للسعودية ماذا أفعل؟؟
رد مع اقتباس
المشاركة الأصلية كتبت بواسطة اسيرالدوحه
المشاركة الأصلية كتبت بواسطة سائح قطري
المفضلات