مدري اذا موضوعي بدري كثير او لا؟ بس احب يكون كل شيء مرتب وماشي زي حرف ال الالف)
ولهذا الشيء مانستغني عن مساعدتكم وخبرتكم.
الرحله لشخصين اعزبين يعني مو عائلي.
اول محطه ميلان بتاريخ 22 يوليو ولمدة 4 ايام
1- افضل سكن (من حيث الموقع والرقي) لن استاجر سيارة وابي موقع يم الهرجه والزحمه والسهر
2- هل يحتاج حجز مبكر والا ممكن تروح وتحصل على طول
3- ارغب بزيارة لوقانوو هل اذهب بالسياره او قطار؟ وهل يكفي ذهاب وعوده بنفس اليوم او يحتاج اسكن فيها.
ثاني محطه حتكون ريميني وريتشيني:surf ولمدة 5 ليال
1-هل السكن بريميني افضل او ريتشيني؟
2- افضل الفنادق للمدينه المختاره السبب (نبغي جو خليجي وسهر زي نيس و كان)
3- هل نحتاج الي ايجار سياره للتنقل بين ريميني ورتشيني يوميا
4- افضل وسيله للوصول الي المنطقتين من ميلانو (اعتقد قطار) هل متوفر وسهل
5-هل هنالك الحاجه لحجز السكن مسبقا او سهل (لاتسنى حنكون جايين بالقطار)
ثالث محطه حتكون فنيسيا ولمدة ليلتان
نفس الاسئلة السابقه+ افضل وسيله للوصول الي زلامسي وانسبورق من فنيسيا (اعتقد قطار) هل متوفر وسهل.
بعد هذا راح انتقل لمنتدى النمسا والمانيا لاكمال رحلتي :8888:
خالص الشكر مقدما لكل من سيساهم في اخراج هذه الرحله واعدكم بتقرير كامل بعد الوصول:bounce8:
ملاحظات عامه:
1- سعر السكن يكون بمعدل 180يورو يعني زود ببلد ونقص ببلد
2- مراعاة اننا شباب يعني واحد يزهق يبي يروح ينام وواحد يصحى متاخر فيحتاج السكن يكون قريب جدا من مكان الزحمه والوناسه.
3- كل ماكان هنالك تفاصيل اكثر يكون احسن مع العلم انها اول زياره لايطاليا وتم قرائة غالب مواضيع المنتدى:x1:
راح احط الي توصلتلناله انا وصاحبي من الفنادق بعد نصيحتكم الميمونه ونبي تعليقكم على الاسعار والمساعده في الاختيار النهائي لاني ناوي احجز من بوكينق هل الاسبوع
ميلانو:
NH Jolly President 180euro باين هذا فخم هل هو بوسط الدومو وفعلا على صوره؟
Starhotels Rosa 207euro احس ان هذا ازينهم
Grand Hotel Plaza 160euro باين صورة مضروبه بقوه وتخوف
Hotel De La Ville 192euro وهذا مو بعيد عنه شكله مو هذا القد
ريتشوني وريميني:
grand hotel rimini 216
national hotel 155
le meridien 156
متردد بقوه من هل منطقه! انا بصراحه ودي رتشوني لاكن مافي حد فايدني والمواقع الي على الانترنت ماتبرد القلب, ابي حد مجرب ابي فندق بوسط هرجة ريتشوني وفخم والمبلغ مايهم
فنيسيا:
Bauer Hotel 190 قريت حد الكتاب يقول ان هذا الفندق مقلب ومو على الصور والسمعه!!
The Westin Europa 265 حسيته حلو وفخم مدري عن موقعه لان سعره غويلي
Starhotels Splendid Venice 130 شكله حلو هل موقعه زين وفعلا جميل؟
Hotel A La Commedia 186 لاتعليق
Palace Bonvecchiati 195 شكله حلو هل موقعه زين وفعلا جميل؟
وايش رايكم ناس تقول اسكن بالساحه وناس تقول اسكن عند الجسر لان السهر يكون في الجسر
ادري اني مزعج ههههههههه لاكن زي منتوا عارفين السكن اهم شيء بالسفره
فما نستغني عن خبراتكم وتجاربكم....
تحياتي:x1:
السلام اخوي
بالنسبة لفينيسيا اذا تقدر اسكن بالهلتون واستمتع بعالم من الخيال والله لتدعيلي ان شاء الله.
المفضلات