الموضوع: ارجو الرد علي بسرعه ؟؟؟

السلام عليكم ورحمهه الله وبركاته
انا ناويه اسافر مع زوجي لندن ومن خلال قرائتي لمواضيعكم قاعده اكتب اهم المناطق السياحيه الموجوده هناك بس فيه مشكله انا لغتي الانجليزيه بسيطه وزوجي مايعرف انجليزي وابي رحلتنا تكون حلوه من غير مانضيعها بالدوران لان زوجي معتمد علي ومابي اتفشل عشان كذا ابي مساعداتكم عندي كم سوال ارجو الرد علي وسامحوني على الاطاله لاني اول مره اسافر لندن
1 كثير تكتبون الرحله بالون الاحمر بني اخضر مافهمت هل الالوان هذي واضحه ولا اشوفها باللوحات
2 وش ارخص تنقل بالتاكسي ولا بالباص ولا الاندر قراوند
3 وش افضل اوتيل يكون موقعه ممتاز بحيث يكون قريب من الاماكن ويكون سعره رخيص او بمعنى معقول
4 انا وزوجي ناوين ناخذ قطار بنهايه رحلتنا نتجه لباريس بس خايففن هل القطار يخوف وكيف اجرائاته وكم يبعد عن باريس وكم يكلف وكيف الطريقه عشان اقص تذكره وتنصحوني فيه ؟
5 الكل يحذرنا من شارع العرب يقولون يخوف ومشاكله كثيره كيف اعرف ان المكان اللي انا فيه شارع العرب او كيف اتجنبه وش اسمه بالانجليزي
6 اغلبيه قاعد يكتب السواق اللي عجبته وانا احترت ابي سوق اشتري منه اشياء حلوه وابي سوق معقول اقدر اشتري منه هدايا الاهل بس مابيه يكلفني تعرفون الاهل كثيرين ومانبي ننسى احد بنس الوقت مانبي نخسر كثير
7 هل الاماكن اللي عددوهاالاخوان معروفه بارقام معينه مثل لو ابي شارع اكسفورد هل معروف برقم معن للباص ولا على حسب المكان اللي انا فيه
تحملوني انا كتبت بالعاميه وكل اللي يخطر في بالي واللي بيخطر بس ياليت تجاوبوني لاني سفرتي قريبه وابي اجمع معلمات وانا الحين انمي نفسي باللغه النجليزيه بس عندي مشكله محادثتي ممتازه بس عندي مشكله بالقرائه وشكراااااا انتظركم

مواضيع عشوائيه ممكن تكون تعجبك اخترناها لك:

• ابغى منطقة ريفية مثل الافلام الانجليزية
• استفسار بخصوص التاشيرة للسعوديين
• أحلا مناظر بريطانيا لاتفوتكم
• لندنية من الطراز الإماراتي في أسبوع
• رايكم العيش خمس سنوات في مانشستر بريطانيا أو بتسبرغ بنسلفانيا في امريكا
• من لندن
• تقرير مختصر لرحلتي الى لندن
• وندرمير
• دبلن
• ما بقى شي على رحلتي ولا حجزت ٬ انقذووني خطه توفيريه بالداخل
• استفسار بخصوص الملتحين في الوقت الحاضر
• سويندون اوت ليت
• السفارة البريطانية في الرياض و الكريسميس ؟
• الجو والمواصلات في مانشستر
• مستعجل ساعدوني
• ماركة للساعات اين اجدها في لندن
• مساعدتكم ومشورتكم لصيف
• اهم المعالم في ايرلندا
• اماكن بنادق الهواء في لندن
• مفاجئه وصارت لي

وعليكم السلام وهلا ومرحبا

1 كثير تكتبون الرحله بالون الاحمر بني اخضر مافهمت هل الالوان هذي واضحه ولا اشوفها باللوحات .
- ما فهمت وش قصدك هل الأندرقراوند أو غيره

2 وش ارخص تنقل بالتاكسي ولا بالباص ولا الاندر قراوند
- التكسي إلى وسط لندن تقريباً 40 إلى 50 باوند وهذا الأريح
- الأندرقراوند تقريباً للواحد 6 باوند ومتعب ممكن تغيرون أو تبدلون على حسب موقع الفندق
- القطار 18 باوند للواحد وهو الأسرع إلى وسط لندن ربع ساعة
- الباص ما جربته ولا أنصح فيه
فمن وجهة نظري التكسي أفضل

3 وش افضل اوتيل يكون موقعه ممتاز بحيث يكون قريب من الاماكن ويكون سعره رخيص او بمعنى معقول
- على حسب ميزانيتكم وحسب المنطقة اللي تبونها وخذي لك لفة في http://www.booking.com?aid=1329869

4 انا وزوجي ناوين ناخذ قطار بنهايه رحلتنا نتجه لباريس بس خايففن هل القطار يخوف وكيف اجرائاته وكم يبعد عن باريس وكم يكلف وكيف الطريقه عشان اقص تذكره وتنصحوني فيه ؟
- القطار زي العسل ولا أحلى منه , وأجراءاته مثل المطار برودنق وجوازات لازم تكون معكم
لندن عن باريس ساعتين تقريباً , وتكلفته على حسب وقت حجزكم تقريباً يبداء من 55 باوند بالكثير توصل 80 باوند ز أحجزي من الموقع أفضل من المكاتب بكثير ممكن دبل السعر
وهاك هالموقع http://www.eurostar.com/dynamic/index.jsp
تشترين التذكرة من الموقع وتطبعين التذكرة

5 الكل يحذرنا من شارع العرب يقولون يخوف ومشاكله كثيره كيف اعرف ان المكان اللي انا فيه شارع العرب او كيف اتجنبه وش اسمه بالانجليزي
- شارع الأجورردو - عند محطة مربل ارش - بتعرفينه من كثرة العرب اللي فيه . ولا تخافون مايخوف بالشكل اللي فيا بالك . شارع عادي بس من وجهة نظري أتحاشى أتعامل مع العرب .


6 اغلبيه قاعد يكتب السواق اللي عجبته وانا احترت ابي سوق اشتري منه اشياء حلوه وابي سوق معقول اقدر اشتري منه هدايا الاهل بس مابيه يكلفني تعرفون الاهل كثيرين ومانبي ننسى احد بنس الوقت مانبي نخسر كثير
- على حسب ميزانيتك فيه أوت لت فيه ماركات حلوة بس غالبا ستوكات يبعد عن لندن ساعة تقريباً أسمه بسترفيلج . الأسواق والمحلات كثيرة وست فيلد والاكسفورد ستريت وغيره

7 هل الاماكن اللي عددوهاالاخوان معروفه بارقام معينه مثل لو ابي شارع اكسفورد هل معروف برقم معن للباص ولا على حسب المكان اللي انا فيه
- أغلب الباصات تمر على الأكسفورد ستريت مثلاً باص 10 و94 و73 و23و7 وغيرها كثير


تحملوني انا كتبت بالعاميه وكل اللي يخطر في بالي واللي بيخطر بس ياليت تجاوبوني لاني سفرتي قريبه وابي اجمع معلمات وانا الحين انمي نفسي باللغه
- أنا وكل الأخوان ماراح يقصرون والموضوع كثيرة وبتفيدك

ورحلة ممتعة أن شاالله .

الالوان اللي يتكلمون عنها هي الوان الاندرقراوند
مثلا لون منطقة الوسط أحمر و لون البيكاديللي ازرق و البيكرلو بني وهكذا
وهذي الالوان واضحة عند الدخول للمحطة للتسهيل على الناس التوجه للمكان الصحيح دون القراءة
و هو أرخص طريقة للتنقل في لندن و هو آمن جداً

ارخص سوق هو كامدين تاون بس كثير من البضايع صينية
و الهدايا الافضل تكون من هارودز مثل الشنط اللي عليها اسمه سعر معقول و مميزة

شارع العرب ماركة مسجلة لابد من زيارته دون السكن فيه أو حوله عن قولة مارحتوا للايدجوير

وباقي الاسئلة رد عليها الخبير سيرفس15 مشكوراً

اشكركم جميعا على الرد انا ((هم تارو)) بس صار معي مشكله بالاسم ماقدرت ادخل حاول بس ماضبط معي ولا عرفت اكلم الاداره ودخلت باسم ثاني اللي اهو ((دودي الصغير)) بس ماعليش
مافهمت البيكاديللي و البيكرلو وش يعني وانا قررت اننا نسكن في اكسفورد افضل بحيث ان كل الاماكن قريبه منه على راي اللي كتبو عن تجاربهم
بس سوال الله يعافيكم اذا انا باخذ في اكسفور تعرفون اوتيل ممتاز والله منحرجه من كثره اسالتي