الاكل ومزانيته في لندن ضرررررررررروري

**alifun** · 01-21-2015, 02:44 PM

السلام عليكم ورحمه الله وبركاته

كيفكم يا جماعه

حبيت استفسر منكم عن الاكل و المطاعم في لندن لمدة 8 ايام من ناحيه المصروف و كم نحسب المزانيه للاكل وهل المطاعم مثل ماكدونالز و برقر كنج و دجاج كنتاكي غاليه و حلال , لان سمعه ان الاكل هناك غالي حيل بالعلم من اني حجزت التذاكر و الفندق وكل شي بعدد 4 اشخاص ياليت من عنده معلومات يفيدني فيها لان بصراحه سمعت كلام وانها غاليه بشكل خيالي فعشان كذا ترددت بالعلم اني ما زرت لندن من قبل

ومشكووورين والله يعطيكم العافيه

مواضيع عشوائيه ممكن تكون تعجبك اخترناها لك:

**ahmed3** · 01-21-2015, 02:44 PM

مرحبا اخوي

انا مش خبره بصراحه بلندن الاسبوع الجاي ببتدي جولتي الاوربيه ولاول مره بزور لندن اللي لاحظته من تقارير الاعضاء ان المطاعم اللي في الهارودز غاليه بعض الشي اما اللي في شارع العرب لاحظت ان الاسعار معقوله جدا وليش تذبح عمرك فاست فود ترى والله يضر بالصحه انا عندي تاكل فلافل وشاورما وهالسوالف ولاتاكل كل يوم فاست فود

ان شاءالله الاخوان الخبراء بلندن يفيدونك اكثر مني

**ahmedgaper** · 01-21-2015, 02:44 PM

لا موغاليه هالمطاعم الفاست فود اسعاره متقاربه مع الخليج مع زياده جدا طفيفه ماتحسين فيها

يعني وجبه كبيره بلندن سعرها 6 باوند يعني دينارين ونص تقريبا

**alifun** · 01-21-2015, 02:44 PM

مشكووورة اختي FuNny GiRl وتروحين وترجعين بالسلامه يارب

وياليت لو تخبرينا عن السفره متى ما جيتي بالسلامه يارب نبي منك كل شي وياليت لو فيه تقرير عن الاماكن والاسعار

**ahmed2** · 01-21-2015, 02:44 PM

الله يعطيك العافيه اخوووي daderol يعني اسعارها مثل الخليج مافيه فرق يعني معقووولة

وياليت من عنده معلووومات يفيدنا

**ahmed3** · 01-21-2015, 02:45 PM

بالنسبه لكنتاكي اكلت فيه كذا مره انا وزوجي وبنتي كان بحدود 10 الى 14 باوند وحلو احسن من عندنا في السعوديه
وماك مقارب له
بس اذا مطاعم ثانيه يتراوح من 30 باوند
وفيه مطعم في الاجوار رود عربي حلو ونظيف اهم شي يقطع السلطه قدامك يعني لنا تطلبها ماتكون مجهزه قبل
صرنا كل يوم فيه سعره حلو
والمطعم الهندي اللي خلف الكمبر لاند ياهو بغيت اتهاوش معهم
رحنل له مرتين وانواع التطنيش وتاخر الطلب ومهشينا كني جايه اكل ببلاش ولا وصحن برياني و2 خبز نان وساموسه وكبر النمله وكاري دجاج طلع حسابنا 63 باوند سعر نص نعيمي لا ولا شبعنا بعد والطعم اقل من عادي
غير الحقران لنا بما اني منقبه
حكمت عليهم من مرتين مو مره حتى طلبنا المدير واشتكينا له
كان جمبي بنات كويتيات محجبات دخلنا مع بعض وطلبنا وتاخر طلبنا اكثر من نص ساعه
والطاوله اللي جمبي كانوا اوربيين وكان طلبهم زيي برياني عشان مااظلمهم ونزل طلبهم قبلنا مع انهمةحو بعدنا يمكن ب5 دقايق

**ahmedali** · 01-21-2015, 02:45 PM

يعني اسعارهم مقاربة لنا،، ودي اعرف ليش اغلب العرب مبالغين بالوصف؟؟؟
لو وجبة كنتاكي بستين درهم او ريال في هالحالة بقول غاليين موت، بس دام انها اكثر عنا بعشر دراهم يعني وين الغلاء الفاحش اللي نسمع به كل يوم ؟!!!

**alifun** · 01-21-2015, 02:45 PM

انا بعد يهمني هالموضوع

**alifun** · 01-21-2015, 02:45 PM

http://www.arabtravelersforum.com/travel362555/

واي خدمة

**ahmed3** · 01-21-2015, 02:46 PM

لا الاكل جدا جدا مناسية الاسعار

انا وزوجي نطلب بيتزا مالاجريت وخبز بالثوم وكولا والسلطة مجانا نطلع بـ11باوند(بيتزا هت ) اللي بالاكسفورد

والمطاعم العربية بحدود 30باوند

لاتقلق
عندك مطعم سيدي معروف مغربي لذيذ جدا
والبلد لبناني

**ahmedgaper** · 01-21-2015, 02:46 PM

على فكرة كنت حاطة ميزانية 1000ريال لليوم اكل وشرب وتنزه ومواصلات

كفت وزادت واعملت بالباقي شوي شوبنق

**ahmedali** · 01-21-2015, 02:46 PM

على فكره اخوان يوجد مطاعم كثيره وجيده واسعاره ارخص بكثير من المطاعم الموجوده في اجورد رود مع اعتذاري لاصحاب المطاعم في اجور رود .. يوجد مطاعم عربيه بعد فندق هلتون في امتداد اجورد رود مثل ازمر وهولير . وكذلك مطعم ايراني في منطقه كركل وت امتداد اجور رود بس مسافه 20 دقيقه بالباص رقم الباص 16 اسمه زيتون وقبل منه مطعم تركي اسمه وت كرل في منطه كلبنوالاخر ايرني اسمه بهشت في منطقه شعبيه اسم الشارع هارو روت .. المطعم مشهور جدا في لندن باص رقم 18 ياخذ من قرب هلتون بالتجاه المعاكس من متحف الشمع حوالي 20 بالباص ولديهم مواقع على الانتر نت لمعرفه التفاصيل ولكم الراي