الموضوع: كيف آخذ موعد بالسفارة الإيطالية ؟

السلام عليكم ورحمة الله...

اخواني الأعضاء.. عندي كم سؤال بسيط لو سمحتوا :

1- كيف آخذ موعد من السفارة الايطالية في الرياض ؟

2- هل أقدر أعبي الابليكيشن عن طريق النت.. وبعد كذا اطبعه ؟ وكيف ادخل على الموقع ؟

3-لو كان وصولي أول شي لمطار فرانكفورت وعودتي من ميلان.. هل أقدر أستخرج الفيزا من الايطالية وأدخل المانيا أولاً ؟ ولا راح يكون فيه مشكلة ؟
مع العلم اني ما راح اجلس بإيطاليا الا آخر يومين فقط مع ان رحلتي 21 يوم (يعني أغلب رحلتي ما بين المانيا وسويسرا وفرنسا) ؟

3- هل اجراءات السفارة الإيطالية أسهل من السفارات الباقية مثل الالمانية والفرنسية ؟

4- آخر سؤال .. هل الحجوزات من موقع Booking.com معتمدة من السفارات أم لا ؟
علماً بأنني أعتمد عليها في كل رحلاتي .. وقدمتها العام الماضي على السفارة البريطانية ومشت الأمور تمام.
بس ما أدري عن فيزا الشنجن يمشونها ولا يعقدون الأمور ؟



يا ريت تردون علي بسرعة علشان أقدر أخلص أموري بدري

الف شكر لكم.. وربي يسعدكم

مواضيع عشوائيه ممكن تكون تعجبك اخترناها لك:

• لو سمحتو من يساعدني في ترتيب برنامجي ايطاليافرنسا
• أبي الشوووووووور
• يا أهل ميلانو الرجاء لاتبخلون علي
• لحجز واستئجار السيارات في ايطاليا
• اسئلة اماكن سياحية في ميلان وترتيب رحلة لمدة ايام
• استفسار لاهل الخبره في روما وفينيسيا
• وش رايكم هل تؤيدوني بحضور مباراة اليوفي يوم
• مطلوب خطة لشهر عسل في إيطاليا عشرة أيام
• الانتقال من ايطاليا الى فرنساباريس والعكس
• فينيسيا لمدة ساعات الطريقة المثلى للاستفادة من الزيارة
• أستفسار عن ميلانو واقرب المدن
• وش رايكم بالفنادق اللي حجزتها؟
• إستفسار عن خطاب التعريف من جهة العمل المقدم للسفارة
• كم تبعد ميلان عن روما وفينيسيا ؟؟؟؟
• مااااا اعرف شي عنها
• تنصحوني اطلع من فينيسيا لفلورانس ولافيرونا ساعدوني باقي على رحلتي تسع ايام
• إحداثيات ميلان وهذا الفندق رجااااء
• ألحقووووني أنا بادئة تجارتي الخاصة بس الفنادق ناااار
• عاجل اللي ما بعد قدم على الفيزا يا تلحق يا ماتلحق
• ايهما ارخص حجز القطار عن طريق النت ام هناك في روما؟؟؟

المشاركة الأصلية كتبت بواسطة cenuor
http://www.arabtravelersforum.com/tr...6/#post2763286

1- http://www.ambriad.esteri.it/Ambasci...ota_la_visita/

2- اطبع هالاثنين وعبهم يا حبيبي

http://www.ambriad.esteri.it/NR/rdon...clarations.pdf

http://www.ambriad.esteri.it/NR/rdon...cationForm.pdf

3- اذا طلعت فيزا شنقن تدخل اللي تبي من الدوله المنظمه ومحد يسالك اما اذا كان سؤالك بتقدم لهم بس يومين ووصولك بعد ل المانيا اول اتوقع يرفضونها ..!


4- انا اعتبرهم اسهل ويقولون بدوا يتشددون الحين للاسف شوي


5- ايه معتمد وعادي بعد عندهم



تسلم يا خبيرنا على تجاوبك السريع

أستاذي.. أنا ما فهمت اش قصدك بالضبط من كلامك اللي باللون الأحمر ؟

على العموم أنا راح أقدم على فيزا شنجن طوال رحلتي لأوروبا اللي هي 21 يوم وليست لليومين اللي بإيطاليا فقط (إذا كان هذا قصدك)
هل فيه مشكله لدخولي المانيا ؟

والنسبة لموقع Booking.com هل فيه مشكله لو كانت حجوزاتي منه ؟ وأنا بالفعل أعتمد عليه وليست حجوزات وهمية .

شي ثاني.. إذا جبت لهم كشف حسابي اللي ينزل فيه الراتب لـ 6 أشهر, وفيه حوالي ثلاثين إلى خمس وثلاثين ألف هل يكفي أم أحاول تحويل مبالغ اضاقية لزيادة الرصيد ؟ وبعد كذا أرجعها ؟

هل وجود فيز بريطانية سابقة بالجواز للعام الماضي والذي قبله يسهل من إجراءات الاستخراج للشنجن؟ أو ما لها اعتبار ؟


شكرا لك من القلب.. وآسف على ازعاجك

ربي يوفقك ويسعدك ومن تحب دنيا وآخره

المشاركة الأصلية كتبت بواسطة NO CASH
http://www.arabtravelersforum.com/tr...0/#post2763255

السلام عليكم ورحمة الله...

اخواني الأعضاء.. عندي كم سؤال بسيط لو سمحتوا :




وعليكم السلام ورحمة الله وبركاته

إن شاء الله أقدر أفيدك باللي أقدر عليه
بحكم أني مفدم على الفيزا قبل شهر وطلعت ومسافر بعد أسبوعين إن شاء الله







المشاركة الأصلية كتبت بواسطة NO CASH
http://www.arabtravelersforum.com/tr...0/#post2763255

1- كيف آخذ موعد من السفارة الايطالية في الرياض ؟



تقدر عن طريق موقع السفارة :
http://www.ambriad.esteri.it/Ambasci...ota_la_visita/
أو عن طريق الأتصال الهاتفي على الرقم :
4834877/01







المشاركة الأصلية كتبت بواسطة NO CASH
http://www.arabtravelersforum.com/tr...0/#post2763255

2- هل أقدر أعبي الابليكيشن عن طريق النت.. وبعد كذا اطبعه ؟ وكيف ادخل على الموقع ؟



لا أظن ماتقدر أخوي

لكن تقدر تطبعه من النت وتعبيه يدوي

أو تروح لمكتب سياحي ويعبيه لك هو بالكمبيوتر







المشاركة الأصلية كتبت بواسطة NO CASH
http://www.arabtravelersforum.com/tr...0/#post2763255

3-لو كان وصولي أول شي لمطار فرانكفورت وعودتي من ميلان.. هل أقدر أستخرج الفيزا من الايطالية وأدخل المانيا أولاً ؟ ولا راح يكون فيه مشكلة ؟
مع العلم اني ما راح اجلس بإيطاليا الا آخر يومين فقط مع ان رحلتي 21 يوم (يعني أغلب رحلتي ما بين المانيا وسويسرا وفرنسا) ؟



لا أخوي اللي أعرفه أنهم راح يرفضون طلبك لان من شروطهم تذكرة طيران الى إيطاليا
لكن ممكن أنك تقص لك تذكره وهمية وتقدم على الفيزا وبعدين تكنسل التذكرة
بس لاحظ ..
ممكن ألمانيا يرفضون دخولك بهالحالة بحجة ( ليش ماقدمت الفيزا على سفارتنا ؟؟ )







المشاركة الأصلية كتبت بواسطة NO CASH
http://www.arabtravelersforum.com/tr...0/#post2763255

3- هل اجراءات السفارة الإيطالية أسهل من السفارات الباقية مثل الالمانية والفرنسية ؟



اخوي يقولون أنهم أسهل .

لكن من ناحية الطلبات ما أعتقد أن في فرق كبير بينهم لانهم كلهم يتبعون للفيزا الموحدة للأتحاد الأوروبي ( شينقن )

وأعتقد لو تقدم عن طريق الألمانية يمكن أضمن لك







المشاركة الأصلية كتبت بواسطة NO CASH
http://www.arabtravelersforum.com/tr...0/#post2763255

4- آخر سؤال .. هل الحجوزات من موقع Booking.com معتمدة من السفارات أم لا ؟
علماً بأنني أعتمد عليها في كل رحلاتي .. وقدمتها العام الماضي على السفارة البريطانية ومشت الأمور تمام.
بس ما أدري عن فيزا الشنجن يمشونها ولا يعقدون الأمور ؟



أنا قدمت على السفارة الأيطالية بحجز من Booking وقبلوه
أعتقد ماعندهم اي مشكله أخوي
----------------------------

تذكير بالمتطلبات :
1- موعد من السفارة
2- حجز طيران
3- حجز فندق
4- تأمين
5- تعريف عمل بالأنجليزيه
6- كشف حساب 6 شهور مع مبلغ 10 الاف ريال كأقل تقدير
7- تعبئة النموذجين
8- صورة بطاقة الأحوال + صورة الجواز مع الأصل + صورتين شخصية

رسوم الفيزا 300 ريال أعتقد

إذا يسمح لي أخوي ومعلمي خبيرنا cenuor







المشاركة الأصلية كتبت بواسطة NO CASH
http://www.arabtravelersforum.com/tr...8/#post2763358

على العموم أنا راح أقدم على فيزا شنجن طوال رحلتي لأوروبا اللي هي 21 يوم وليست لليومين اللي بإيطاليا فقط (إذا كان هذا قصدك)
هل فيه مشكله لدخولي المانيا ؟



أول شي مدة التأشيرة اخوي السفارة الأيطالية تعطيك تأشيرة لمدة 6 شهور (عدة سفرات) بالراحة

أخوي أعتقد الموضوع على حسب موظف الجمارك اللي بيختم لك بألمانيا

لكن على العموم الايطالية ماتقبل اوراقك الا إذا كان عندك حجز طيران لأيطاليا







المشاركة الأصلية كتبت بواسطة NO CASH
http://www.arabtravelersforum.com/tr...8/#post2763358

والنسبة لموقع Booking.com هل فيه مشكله لو كانت حجوزاتي منه ؟ وأنا بالفعل أعتمد عليه وليست حجوزات وهمية .



بالنسبه للسفارة الأيطالية ماعندهم مشكله تحجز عن طريق Booking







المشاركة الأصلية كتبت بواسطة NO CASH
http://www.arabtravelersforum.com/tr...8/#post2763358

شي ثاني.. إذا جبت لهم كشف حسابي اللي ينزل فيه الراتب لـ 6 أشهر, وفيه حوالي ثلاثين إلى خمس وثلاثين ألف هل يكفي أم أحاول تحويل مبالغ اضاقية لزيادة الرصيد ؟ وبعد كذا أرجعها ؟



لا المبلغ كافي وزيادة إن شاء الله







المشاركة الأصلية كتبت بواسطة NO CASH
http://www.arabtravelersforum.com/tr...8/#post2763358

هل وجود فيز بريطانية سابقة بالجواز للعام الماضي والذي قبله يسهل من إجراءات الاستخراج للشنجن؟ أو ما لها اعتبار ؟



أخوي في بالأبليكيشن اللي تطبعه مكان لتعبئة الدول اللتي قمت بأصدار تأشيرتها سابقا

اعتقد الفقرة رقم 26


-------------------------

واعتذر من أخوي cenuor لـ لقافتي :smile:

طيب ممكن سؤال انا مسافر على ميلانو وجنيف بالصيف وسويت كل حجزاتي ودفعت وتذاكر الطيران لميلانو بس بالروحه ماراح اقعد بميلانو على طول على جنيف بس بالرجعه راح اقعد بميلانو ست ايام سؤال هنا هل اطلعها من السفاراه السويسريه او الايطاليه احسن واذا كان من الايطاليه بعد كم يعطو الموعد وشكر لكم

أنا عاجز عن شكرك أخوي فارس خيال

معنى كلامك ان الأفضل أقدم على الألمانية (مع ان الناس تقول انهم معقدين حبتين) ربك يعين..

هل الشروط اللي كتبتها اخوي تنطبق على السفارة الالمانية؟ أم لهم شروط وطلبات اضافية؟

وهل الأبليكيشن أيضاً يدوي مثل الايطالية؟
وكيف آخذ موعد لي وللعائله ؟

يا ريت تفيدني

كلفت عليك.. ربي يسعدك

المشاركة الأصلية كتبت بواسطة NO CASH
http://www.arabtravelersforum.com/tr...3/#post2764313

أنا عاجز عن شكرك أخوي فارس خيال

معنى كلامك ان الأفضل أقدم على الألمانية (مع ان الناس تقول انهم معقدين حبتين) ربك يعين..

هل الشروط اللي كتبتها اخوي تنطبق على السفارة الالمانية؟ أم لهم شروط وطلبات اضافية؟

وهل الأبليكيشن أيضاً يدوي مثل الايطالية؟
وكيف آخذ موعد لي وللعائله ؟

يا ريت تفيدني

كلفت عليك.. ربي يسعدك




نعم اخوي انا لو مكانك ماراح اقدم الا على الالمانية ( اول محطة وصول ) لتجنب المشاكل

من ناحية التعقيد والله أعتقد أن امورك بتمشي عندهم إن شاء الله


الشروط تنطبق أخوي

الفرق أن السفارة الألمانية لاتشترط حجز موعد

وأيضا هي تشترط انك تحضر شخصياً

ممكن انك تزور هالروابط

http://www.riad.diplo.de/Vertretung/...r_20Saudi.html

http://www.riad.diplo.de/Vertretung/...ngszeiten.html

رابط السفارة :

http://www.riad.diplo.de/Vertretung/...tartseite.html

مع ملاحضة أنك لازم تعبي نفس النماذج السابقة

طبعا تعبيها يدويا وتاخذها معك

أي أستفسار اخوي والله أني أستانس بالخدمه اللي تتفضل علي بأني أقدمها لك


مع التحيه

-اخوي فارس خيال بيض الله وجهك وما قصرت الله يوفقك
ابتوكل على الله واقدم على الألمانية.. وربك ييسرها إن شاء الله

-اخوي الليث الإيطالي مشكور على اضافتك ربي يسعدك


سؤال أخير (معليش مصختها) :smile: :

بما اني راح ارجع من ميلان.. فأنا كنت ناوي أمر يومين على لوقانو وأشوف المناطق القريبة منها , ومن ضمنها الأوت ليت القريب أعتقد اسمه فوكس تاون,
ثم بعد كذا اتجه إلى أحد فنادق مطار ميلان وأسلم السيارة هناك وأسكن فيه آخر ليله..

لكن وأنا أتصفح موقع Booking.com وابحث عن سكن.. لقيت هالفندق وهو يعتبر من فنادق مطار ميلان وما يبعد عن لوقانو الا حوالي 42 كلم
فكرت اني آخر ثلاث ليالي اسكن فيه وبلاش السكن في لوقانو علشان ما نجلس نتنقل كل فتره , وفي نفس الوقت هو قريب من لوقانو وأقدر أزورها و أزور المناطق اللي حولها بأي وقت بحكم ان معي سيارة..
اش الراي..؟ (ابغى تشورون علي)..

هذا هو الفندق وعرضه بالمره حلو يا ريت تشيكون عليه وتقولون لي رأيكم :

[u][url]http://www.booking.com/hotel/it/novotel-milano-malpensa-aeroporto.html?sid=b1b10943d7c0c4be822644abf19795f 8%3Bcheckin%3D2009-08-18%3Bcheckout%3D2009-08-20%5B%2Furl%5D%5B%2Fu%5D&aid=358324


مشكورين الله لا يخلينا منكم

موقع booking رائع وممتاز وذات مصداقية ( اتعامل معه من عام 2005 ولله الحمد لا توجد اي مشاكل )

بخصوص الشنقن .... الخبراء والاعضاء ما قصروا الله يجزاهم خير

-----------------------------------------

gmgm_888


خذها من ايطاليا



تحياتي للجميع

مشكور اخوي الهلالي الله يوفقك..

ياريت تبدي لي رأيك والاخوان الكرام في استفساري الأخير بخصوص السكن في فندق مطار ميلان بدلاً من السكن في لوقانو بحكم قرب المسافة...
(آمل الإطلاع على سؤالي الأخير)


الف شكر لكم جميعاً

والله وانا اخوك انا لو مكانك ..... اسكن في لوقانو او كومو .... واتمشى فيهم وفي ميلان و فوكس تاون

والمطار خله في وقته ( هذا رأيي الشخصي )