الموضوع: يارب يارب يارب تطلع الفيزا اليوم

السلام عليكم

قدمنا الفيزا اليوم وادري اننا متاخرين لان الحجز بتاريخ 24 -12
بس صارت ظروف وخلتنا نتاخر في تقديم الفيزا
قدمناها امس 20-12
وقالو فيه اجازه من 24 الى 26
يعني اذا ماطلعت اليوم مافيه الا على 28
يعني تاخير 4 ايام

حاولنا فيهم انها تطلع اليوم ويقولون يمكن ويمكن
بس يارب تطلع يارب

لو تشوفون بنتي متحمسه مره
يارب ماينكسر خاطرها

مواضيع عشوائيه ممكن تكون تعجبك اخترناها لك:

• مسافر الي بريطانيا و اريد المساعده
• استفسار عن راديسون بلو إدواردين، بيركشاير في اكسفورد Radisson Blu Edwardian Berkshire
• كيف احصل على الفيزا البريطانية
• شارع ريجينت شارع اكسفورد
• ممكن مساعدتكم بخصوص هذا الفندق؟
• كيف أعرف عن فعاليات و مهرجانات لندن في ؟؟
• شوية سوالات نبي جوابها منكم هاه عاد لاتفشلونا
• ساعدوني في اختيار واحد من هذين الفندقين
• فيزا بريطانيا عااااااااجل
• فنادق لندن Sheraton Park Tower
• ابحث عن مصور او مصورة للاطفال في اماكن خارجية بلندن
• السيرك في لندن
• يا جماعة انا رايح لندن لمدة ايام
• الفيزا و تاريخ الانتهاء
• اخذ جوالي علشان النت ولا شريحة بريطانية ارخص
• مشكلة فى ابلكيشن السفارة البريطانية ارجو المساعدة
• طريقة الذهاب الى التةن تورز
• ايهما تنصحوني ؟
• من شارع اكسفورد الى يوروستار
• مطاعم هنديه قريبة من الاكسفورد وشارع العرب

ان شاء الله تتطلع اليوم

يارب تطلع

أنا مث حالكم بالضبط قدمت أمس ودفعت للمكتب وبصموني في نفس اليوم وقالو يمكن تطلع اليوم ( الأربعاء ) لكن للأسف ماطلعت

ومابه إلا على يوم الثلاثاء عساها تطلع

وكل تأخيرة فيا خيرة
وأتمنى انها طلعت لكم

لا والله ياخوي ماطلع شيء
والمشكله ان التذاكر زاد سعرها
وغير كذا مافيه الا درجه اولى لو بناخر

نصيحه اخوي ابراهيم طلع الفيزا اول لايصير فيك مثلنا قالوا يوم يومين ووالحين ماطلع شيء
متى تاريخ سفرك
عشان احاول ادور لك حجز واحجز من النت ارخص واحسن والله يخلي بوكين ولا اقودا
انا اخذت الكمبر لاند بحدود 860 ريال تقريبا من غير فطور
وفيه الثيسل كان بحدود ال700 بس على كلام الاعضاء قديم شوي

حياااك الله ( عشقي السفر ===)

أأنا من يوم قدمت عن طريق المكتب وهو قايلي ما راح تطلع قبل الثلاثاء ( لان عندهم عيد كرسمس من السبت للإثنين ) ونسبة 70"% أنها تطلع الثلاثاء

وغامرت وحجزتتذاكر وأكدت حجزي يوم الخميس (الساعة الثانية قبل الفجر ) لأن عندي دورة على حساب العمل ( باللغة العربية ) في فندق سوسكس على شارع ااكسفورد

والمشكلة إني ما أعرف لغة إنجليزية ومرتب مع مركز التدريب ان الدورة تكون من الخميس


ولحد الآن ما حجزت فندق ...وخايف أتأخر أكثر وما أحصل فنادق فاضية بسبب أعياد رأس السنة والكرسمس

الفندقين اللي أنتي ذكرتي هل هي على شارع اكسفورد

ويليت تشوفين لي فندق سوسكس هل فيه إمكانية وكم سعره ( حتى إن ناسب احضر الدورة من قريب )


وأكرر شكري وتقدير لكم

نحن سفرنا تاريخ 24_12 يوم السبت قدمناها قبل سفرنا 4 ايام وطلعت الحمدالله

اسفه اخوي على التاخير
انا حجزي مبداي على يوم الخميس الفجر نفس وقتك من الرياض
خليك احتياط يوم الثلاثاء والاربعاء وان شاء الله تطلع الفيزا
الفندقين على الاكسفورد
واذا انت عزابي خذ الثيستل
انا شيك عليه حسيت انه موب مناسب لي كعايله
اذا انت تبي مكان بس تنام فيه شكله يمكشي الحال
انا صراحه اول مره اروح لندن
بس ولا عليك امر عطني سبلقن الفندق حقت بالانقليزي وابشري وبدور لك في الاكسفورد الحين

الله يعطيك العافية


اسم فندق سوسكس

edwardian sussex


إذا سعره كويس أخذت فيه علشان أحضر الدورة من قريب

وأنا ماأريده إلا للنوم ( عزابي ) وفي النهار بأخذ الدورة وأتمشى وألف البلد وعسى الله ييسر لي واحد يتكلم عربي
لأن اللغة ماعندي

بالنسبه للعربي الكمبرلاند على كلام الاعضاء فيه موظفين عرب وكله عرب
بس هذا مدري عنه
بشوفه لك
هذا اللينك تبع الفندق في بوكينق سعره فوق ال1000 وماحصلت غرفه مفرده
http://www.booking.com/hotel/gb/radi...ml?aid=1329869

بشوفه لك في موقع ثاني
وبالنسبه لثيسل ارتفع السعر وهو قريب من فندقك على نفس الشارع

حصلت فندقك على نفس موقعهم الغرفه المفرده ب265 دولار يعني 994 ريال
انت شف اللي يناسبك اي سعر هذا ولا الفندق اللي ذكرته لك وهو بحدود ال666 غير مسترد والمسترد ب750
وهم قريب من بعض والتقييم هذا 8,2من 10 جيد جدا
وفندقك 8جيد جدا
نفس النجوم ونفس التقييم تقريبا بس الفرق في السعر

الله يعطيك العافية

وعسى الله ييسر أمور التأشيرة

وأتعبناك معانا

شكلي بابدأ بالكمبرلاند إذا فيه إمكانية اسرداد ( كتسلة )

ثم الفندق للي ذكرتي اللي 750

ثم التيستل

إذا فيه استرداد

لأن التأشيرة لسه ماطلعت


الله يعطيك العافية وما قصرتي


وش رأيك بالأماكن اللي تستحق الزيارة في لندن وقريبة منها ...

بالنسبه لي اول مره اروح لندن ةاخذت بعض المعلومات من هنا
وناويه ازور لندن اي
ومتحف مدام توسو والاسواق وعلى راسهم هارودز طبعا
وبعض المدن في الجنوب بتكون يوم من الصبح ونرجع المغرب برايتون وايستبورن نشوف بيت زوجي
وبعض الملاهي المغلقه عشان بنتي
وفيه موضوع للاخ موادع عن اهم الاماكن في لندن

الله يعطيك العافية

وتوصلون بالسلامة

أحتاج رايكم في اللابتوب

هل آخذه معي للندن أو فيه مشاكل لو أخذته ( هل يفتشون البرامج والملفات ....إلخ ويبهذوني يقولون البرامج منسوخة )

لأني أسمع بعض البلدان تشدد في هذا الأمر ويصل للسجن والبهذلة

أو الأمور تمام

وأتوكل على الله وأخذه معي

وهل الأفضل أخذه بشنطة يد أو أشحنه مع شنطة الملابس في العفش

انا باخذه احسه شيء مهم
وهنا الاعضاء يقولون مايفتشون
وان شاءالله تتسهل
والافضل يكون معك عشان ماينتقل الى رحمة الله
كان عندي كام وحطيتها بين الملابس وهي في شنطتها ومامتها من الصدمات
وعلى ان شنطتي من النوع المقوى
بس يوم وصلنا واتفقدها لانها في عداد الموتى صرت وانا اصور تقطع وتحوس معي
كله من تنطيلهم

الله يعطيك العافية

عندك خبر كم مدة الرحلة من الرياض إلى لندن

لك تحياتي

والله ما حجزت فندق لحد الآن

شكل المكتب اللي أتعال معه نصاب

كل ما عطيته اسم فندق قام يضرب ضرب فلوس التيستل يقول 1400


والبقية يقول ما فيه

ياليت إذا اللغة جيدة عندك

تكتبين لي مجموعة من الفنادق اللي على شارع الاكسفورد أو قريبة جدا منه بحيث أمشي رجل

ويكون سعرها أقل من ألف ريال لليلة

ويكون فيها إمكانية حجز

حتى أطلع للمكتب وأحجز

شكلي طولتها معك
الله يعافيك

http://www.booking.com/hotel/gb/the-...ml?aid=1329869

هذا الفندق تقييمه جيد وسعره 750 وقريب من اكسفورد

تبي اشوف لك نفس فندق
بسعر 267 دولار تقريبا 1005
http://www.eurobookings.com/london-h...html?q=rmcnf:1[1,0];dsti:122648;dstt:8;dsts:London;lbl:gg_en_bh_21827 2-Radisson-Edwardian-Sussex-Hotel;cur:USD;sort:0_desc;frm:9;start:2011-12-29;end:2011-12-30;rad:0;wa:0;sf:1;
وهذا الرابط حقه

الله يعطيك العافية

وييسر أمورك

أشكرك من أعماق قلبي

أأبشرك طلعت أمس الثلاثاء

وعقبال ما تطلع لكم ( إن شا ء الله تطلع اليوم لكم )

وحجزت في الهولدي إن على الاكسففورد بحدود ألف ريال بدون إفطار ( حجزت من عند الطيار )


نسأل الله للجميع التوفيق والسداد وتيسير الأمور


شكرا

صباح الخير
ابشرك انا الحين بلندن طلعت الفيزا الاربعاء العصر والحمد الله ماكنسلت الحجز كان عندي امل الى اخر لحظه
وانا الحين في فندق المونتكالم والامور تمام
بس سعر فيزتك كنه غالي كم مدتها احنا طلعناها لشخص ب465 و280 vip

االحمد لله على السلامة

وسفرة إن شاء الله ممتعة

والحمد لله رجعت من لندن قبل أمس

أأنا فيزتي 6 أشهر

وعلى ما أذكر دفعت 465 للفيزة

و280 للمكتب اللي عبأ البيانات وخذ الأوراق ووصلها لمركز التأشيرات واستلم الجواز بعد ذلك

ويوم قلت إني مستعجل قالوا لازم تدفع 280 لمكتب التأشيرات

أجل لعبوا علي !!!!!!

الحمد لله إن الأمور تيسرت