السلام عليكم ورحمة الله وبركاته
قبل يومين ولله الحمد رجعت مع الوالدة الله يحفظها
من سفرة استغرقت 7 ايام والحمد لله كانت سفرة ممتعة
شملت:
اليوم الأول: الإقامة ليلة في شقق وأجنحة منصور في الدمام مقابل أجنحة شبه الجزيرة
اخذت استديو 2 سرير ب139 ريال, الفندق عادي جدا ونظيف نسبيا
ومناسب حق الي يبي يبيت ليلة والسلام.
اليوم الثاني والثالث: الإقامة كانت في فندق الموفنبيك في مكة ببرج هاجر.
المميزات:
الغرفة: غرفة رقم " 1607 " غير مطلة وحجمها وسط ومناسبة لشخصين لا أكثر.
النظافة: ممتازة لأقصى درجة سواء الارضيات أو الفرش, والسرير قمة في الراحة.
الحمام"أجلكم الله": نظيف جدا - وادواته متوافرة - والفوط أو المناشف نظيفة جدا.
الخدمة: الاخوان في الفندق عن نفسي متعاونيين جدا.
الانترنت: موجود بالغرفة كيبل واتوقع انه مجاني ما استخدمته لأني ما كان معي لابتوب, والوايرلس باللوبي مجاني.
البوفيه: جربت بوفيه الافطار فقط وكان قمة صراحة لذيذ ومتنوع ومناسب لكل الاذواق.
العيوب:
المدخل: في السرداب مزعج ومتعب ولوية خاصة وصولنا كان مع خروج 400 غرفة في وقت واحد!!
الأكل: ممنوع تدخل معاك مأكولات من برى الفندق, الصراحة اكثر شي ضيج خلقي بالفندق, بس كنت اشوف الناس عادي تدخل ومو هامها احد ولا رادة على احد, انا مرة وحدة اضطريت ايب معاي اكل من برى وهم ولا احد قالي شي.
عموما انا استمتعت بإقامتي بالفندق واعطيه صراحة 9.5 من 10 وانصح فيه بشدة, وأشكر الأخ الحبيب أحمد المغربي من قسم الحجوزات في الفندق على كل ما قدمه لي قبل واثناء وبعد اقامتي بالفندق
وسعر الغرفة: 500 ريال شامل الافطار, والحجز كان عن طريق الاخ احمد.
اليوم الرابع والخامس: الإقامة كانت في فندق الأنتر دار الهجرة في المدينة المنورة:
المميزات:
الانترنت: اقوى ما فيه واحلى ما فيه لكل غرفة راوتر واير لس والسرعة عالية وهالشي ما شفته في فندق ثاني.
الغرفة: رقم 429, وسط بالحجم, والاثاث نوعا ما مستهلك, والسرير توين يشيل شخصين بس مو مريح وايد.
الخدمة: الاخوان في الفندق للأمانة متعاونيين جدا الكل دون استثناء.
المواقف: مجانية ووايد بس حق السيارات الصغيرة مناسبة والكبيرة يمكن تتضايق ووايد اشوفهم صافطين برا جدام الفندق.
الحمام "أجلكم الله": نظيف ومتوفرة فيه المناشف, لكن قوة دفع الماي فيه ضعيفة.
العيوب:
مثل ما قلت: الاثاث مستهلك, قوة دفع الماي بالحمام اجلكم الله ضعيفة
السرير مو مريح مع انه كبير وايد.
البعد عن الحرم: الفندق بعده عن الحرم اتوقع 250 الى 300 متر, بالنسبة لي كان مناسب وقريب لكن للوالدة كان شوي بعيد عليها بس تأقلمت مع هذه المسافة, لكن الي معاه احد يعاني من صعوبة في المشي او كبير في السن لا تراه صعب عليه وما انصح فيه الا اذا وفر له كرسي متحرك.
سعر الغرفة: 320 ريال من غير افطار – حجزته من booking.com
والفندق اعطيه: 8 من 10 وانصح فيه للعائلات الشابة
اتمنى اكون افدتكم بالموضوع
واعتذر لعدم وجود صور بالتقرير
لأني صراحة ما لحقت اصور شي وسامحوني على الاطالة
وانا حاضر لأي سؤال او ملاحظةمواضيع عشوائيه ممكن تكون تعجبك اخترناها لك:
- يسعد مسائكم بكووول خير
- الفزعه يااهل جده
- جدة إن غربتني الليالي ففؤادي يهيم فوق رباك
- أقرب فندق في المدينة المنورة لمدخل النساء
- ابحث عن شقق نظيفة وسعرها معقول في الطاااااااايف
- اجمل ليالي العيد في فندق قصر الشرق
- ايهما أفضل الشفاء او الهدا للسكن بالطائف بعد عيد الفطر
- رحلتي الجديدة مع الأسرة السعيدة إلى مكة المكرمة وجدة الفريدة
- مساعدة اريد شقة فندقية بالعزيزية بمكة بالفترة بين
- افخم شقق الطائف؟
- اسغار فندق دار التوحيد
- الطيران السعودي وفندق هيلتون جاوبوني جزاكم الله خيرر
- سؤال موجه لأمهات الأطفال اللآتي ذهبن لأداء للعمرة
- مطعم المذاق البخاري في جدة البخاري على أصوله لا يفووووتكم
- بمناسبة قرب شهر رمضان المبارك خريطة مكة المكرمة تبين الفنادق والشقق
- أبي مساعدة
- السكن في ابراج البيت
- رحلة لجدة ودرة العروس واكثر من صورة
- مين جرب مطعم المنهوري وركن الحنيذ ؟؟؟؟؟؟؟؟؟؟؟؟
- المطاعم الاقتصادية بجدة
رد مع اقتباس
المفضلات