الموضوع: بالنسبة للشحن والتاكس

السلام عليكم
اخواني عندي استفسار بخصوص الشحن والتاكس فري
انا رحلتي الى لندن مع الاهل بتكون لمدة اسبوعين وطبعا عارفين التسوق في لندن
ف قررنا نشحن المشتريات لان بعد لندن بنروح فرنسا
وقالت لي الاخت الكويتيه ان التاكس اقدر اسويه في المطار الاخير اللي هو شارديقول
بس بما اني راح اشحن الاغراض يعني ماراح يكون وياي مشتروات
ف هل هالشي عادي بيمشوني؟
ولا بيقولون نبي نشوف الاشياء
انا مرتين من مطار باريس مشوني بدون لا يشوفون بس يمكن عشان اغلب الفواتير من لندن يمكن يقولون نبي نشوف الاشياء
ياليت تساعدوني بهالنقطة
او يصير مثلا يكون الرسيت مال مكتب الشحن يكون اثبات لهم بمشترواتي الي شحنتها ؟

مواضيع عشوائيه ممكن تكون تعجبك اخترناها لك:

• اماكن الارياف لكبار السن ارجو المساعد ولكم مني خااااالص الدعاء
• بالصور شركة قطرية تستحوذ على فندق دبليو لندن
• كيف أذهب من مانشستر إلى ألتون تاور ؟؟؟
• اللي يعرف لندن يدش ولا يبخل علي من المعلومات
• بعدستي زياره ملعب تشلسي وأرسنال
• ياريت تساعدوني رايح لندن وفي بعض الاسئله وأتمنى الرد عاجل
• ارجو المساعده
• استفسار عن متحف الشمع و
• مانشستر
• ابي مساعدتكم ياهل الخير
• شقق لندن
• ممكن تفيدوني عن تعالوا أعلمكم عن إيش
• باقي أسبوعين تقريباً وأبي أكبر كم من الردود لو تكرمتو
• حجز تاكسي المطار
• بأسافر إلى لندن في الكريسمس
• ممكن تفيدونا بأفضل الأماكن في مدينة اكسفورد
• دوره تدريبيه في
• استفسار مستعجل للفيزا ؟ جزاكم الله خير
• رحلتي العمليه الاوروببه متعدده الوجهات
• استفسار عن فنادق ليك ديستريكت

شوف سالفه يسالونك نبي نشوف الاغراض هذي حظ ..
يعني انا يمكن كل 10 مرات مره وحده يسالون وين الاغراض ..
مره بلندن .. كنا وايد و فواتيرنا وايد .. و كان الاخ فاضي و نحيسسس ما خلانا ناخذهم قال يبي يشوف الاغراض و احنا كنا مدخلينهم الطياره ..
و مره في مطار فيينا ايضا تعسرت مالت التاكس فري و فتحت الشنطه طلت فيها بس و لا حتى شافت شنو فيها ..

نصيحتي لك .. الاشياء الغاليه خلها معاك بالشنطه ..
الاشياء القديمه و الملابس الوصخه و جذي قطهم بالشحن ..
الاشياء الرخيصه و الثقيله قطهم بالشحن ..
خل لك عينه من كل محل تشتري منه الاشياء اليديده معاك بالشنطه ..
يعني مثلا شاري من قاب 10 قطع .. قط 7 بالشحن و خل 3 او 4 معاك بالجنطه
شاري من مارك سبنسر 5 قطع قط 3 و خل معاك 2
شاري من سلفردجز 20 قطعه خل معاك 5 و قط الباجي
عشان لا سمح الله قال ابي اشوف شي من المحل الفلاني تطلع له اياه ..
الجناط و الساعات و الماركات خلها معاك خاصه ما غلا ثمنه ..
و انت واقف عند التاكس فري رزو الجناط يمكن يعني الاغراض كاهي موجوده ..

و بس توكل علي الله و ربي يسهل دربك و ييسرها عليك

الشحن في مكاتب كثيره بجوان رود

في مكتب بابل

الشرق الاوسط

زاجل

الصقر

نسيت والله بس كثار

يشحنون اغراضك بالكيلو

اذا كان اقل من 150 كيلو

يحسبون سعر الكيلو باوند 75 بنس الي 95 بنس

اضافه 50 باوند بوليصة تامين

يعني اذا عندك 100 كيلو

يشحنونها لك بسعر 175 باوند الي 195 باون وزيد عليها 50 باوند

اما اذا وزنك فوق 150 كيلو يحسبون لك سعر الكيلو باوند 85 بنس بدون بوليصة تامين تكون على حساب المحل

الاسعار مو متاكد منها

يعني ممكن تزيد 10 الي 30 بنس

وممكن يضيفون عليك 5 باوند تعليف الشنط وبعض الاحيان تكون على حساب المحل

* مده وصول الاغراض 3 الى 5 ايام تقريبا وممكن تزيد كم يوم


رقم الصقر للعلم ماتعاملت وياه
02088111445
07551024082

الزاجل

02082226722
http://Www.alzajilcargo.com

انصحك تتصل عليه وتتاكد قبل لاتاخذ الكلام مني

يمكن بعد الاستفسار مايعجبك شي

وكلهم يتكلمون عربي

يعطيج العافيه اختي الكويتيه افدتيني بمعلوماتج وايد ماقصرتي الشيخه
ان شاء الله راح نسوي هالحركة وان شاء الله ما يمللونا ويطلبون انهم يشوفون الاشياء
لان مرات وايد يكونون نحيسين ونفسيتهم خايسه خاصة لو شافوا فواتير وايد يبون الفلوس اتم لهم حسبي الله عليهم
بس ان شاء الله ربج يسهل ومايدققون

اذا توصين على شي لاتستحين ومشكورة مرة ثانيه اختي

تسسسلم اخوي بيبسي كولا
اشكرك على العنواين انا مرة جربت دقيت ع كذا مكتب من فترة
اللي مايرد واللي يرد ويتكلم بدون نفس ويقول الاسعار بسرعه خخخخ ما مداني القط منه شي
قلت ان شاءالله لين رحت هناك بزورهم بنفسي وبتاكد من الاسعار وبقية الامور

ومشكووور على ردك ومعلوماتك لاعدمناك

حياك الله
العربي كان بالنسبه لنا الارخص و الاسرع و الموظفين متعاونين جدا
لا تنسا تفاصلهم بالاسعار

مشكورين على تعاونكم اخواني
وربي يحييكم يالطيبين