الموضوع: استفسار اوتيلات لندن ۔ الله يجزاكم الجنًّه

السلام عليكم ورحمة الله وبركاته .۔
ابي اطلب خدمه منكم وأكون لكم من الشاككرين
اول سفره لي للندن وأبي أحجز اوتيل ل 4 أشخاص يكون قريب للهايد بارك وللاكسفورد
وميزانيتي ل 12 ليله للسكن حوالي 10 الاف وللعلم أنا اول مره أسافر لندن !
ابي نصيحتكم وتجاربكم للاوتيلات النظيفه وبتكون سفرتي في شهر اغسطس 2012 هل أحجز من الان يكون ارخص او السنه القادمه بعد الكرسمس ؟
وايش افضل خطوط طيران دايركت من الرياض الى لندن وبسعر مناسب من تجاربكم

بحثت في بوكينق وشدني اوتيل Belvedere
عشان موقع الاوتيل !
هل تنصحوني فيه ؟


مالي غنى عن خدامتكككككككمممممم الله يحرم وجيهكمم من النار ..*

مواضيع عشوائيه ممكن تكون تعجبك اخترناها لك:

• شقق في لندن للضرورة
• افيدوني ارجوكم بخصوص سفاري بارك
• ايش الفرق بين بطاقة اويستر وبين بطاقه 7day travelcard
• ارائكم حول الجدول
• بخصوص شقق
• استفسار عن اوت لت في ايرلندا
• حجز تذكره لبريطانيا اونلاين
• استخراج فيزا زيارة الى بريطانيا
• مــوســوعـــه مــتــكامــلـة لـكـل المسافرين لمانشستــر
• استفسارات عن فندق وعن بعض المطاعم قبل السفر بليززز
• بسافر أوروبا وجوالي فيه جيلبريك
• انا في لندن ومحتاج توجيهكم ياخوان
• استفسار بخصوص عروض الاماكن السياحية
• السفر من لندن الي باريس عن طريق
• استفسار بسيط عن التكاليف
• استفسار عن فندق
• يا خبراء لندن سااعدوني باختيار فندق
• من لندن يوستن الى ويندرمير ممكن مساعده ؟
• استفسار مهم ياأخوان الفيزا للترانزيت
• ابي اسافر من لندن الى اسكوتلاندا

اول شي الله يعينكم
شهر 8 2012 بيكون زحمه و غلاء و لويه بلندن بسبب الالعاب الاولمبيه
و اول شهر 8 بيكون رمضان و اخره بيكون العيد يعني الزحمه دبل الالعاب و العرب
يعني باختصار لندن ما تنبغا بصيفيه 2012 الا للي رايحين للالعاب طبعا
بتكون الاسعار نار و الحجوزات من الحين بتبدي تصير فل

ثانيا بغض النظر عن اللي فوق 10 الاف ل 12 يوم بعطيك فندق يكون 3 نجوم او يا دوب 4 بس يكون بعيد ..هذا بالاوقات العاديه الله يعلم باوقات الالعاب و الصيف كم بيكون ..
كم شخص انتو ؟

طبعا الدايركت البريتيش او السعوديه .. شوف الارخص واحجز عليها

فندق Belvedere ترا نجمتين ! شوف الصور في tripadvisor تسد النفس :|
لندن ال 5 نجوم يا دوب بعد نجمتين بيكون تحت المستوي المقبول .. انت و راحتك اذا عادي عندك .. طبعا اذا عايله ما انصح ابدا تسكن في هالمستوى ..

موفق

حلو بالرسمس هالسنه او في شهر 5 ميلادي اخف زحمه اذا ماعندكم مدارس

انا ساكنه بفندق 5 نجوم كنه 3 نجمات

نصيحه ابعدي عن نجمتين و3 نجمات

واذا تبين ارخص اوتيل حطو 4 ايام لندن والايام الباقيه بريف لندن

وشوفي موقع بوكينك

المشكله ان شهر 8 الصيف الياي بيكون عيد الفطر و الزحمه دبل .. الالعاب و كذلك اغلب الخليجيين بياجلون سفرهم الي ما بعد رمضان .. زحمه و اسعار نار
لو تاجلها الي شهر 10 او 9 بيكون تمام ..

شلون النجوم ما تفرق بالله !!:|
يعني 5 نجوم نفس نجمه؟ بالمنطق ليش هذا 5 نجوم و هذا 4 و هذا نجمتين؟
طبعا بيفرق
و الفندق اللي اخترته نجمتين و مستواه اقل من متواضع
حدد التاريخ بالضبط و بقولك ان شاء الله فنادق تناسب ميزانيتك و تكون معقوله خصوصا ان الوالده و العايله معاك

بحثت عن هذا الفندق Grand Plaza Serviced Apartmentسعره مناسسب جدا وموقعه حلو قريب للهايد بارك
رايكم فيه او اذا فيه افضل وسعره مناسب بس مشكلتي ابي الغاء مجاني الواحد مايضمن الدنيا

ادخل هني شوف الصور الحقيقه للزوار حق الجراند

http://www.tripadvisor.com/ShowUserR...n_England.html

اذا يناسبك توكل علي الله طبعا افضل من فندقك اول واحد بو نجمتين

شوف كمبرلاند يمكن تحصل سعر له مناسب .. موقعه ممتاز خاصه للي اول مره بلندن

المشاركة الأصلية كتبت بواسطة alkuwaitia
http://www.arabtravelersforum.com/tr...6/#post6419436

olympic games 27 july-12 aug 2012

paralympic games 29 aug-9 sept 2012



مساء الخير

هلا فيج الي نقلته وهو باللون الاحمر ۔

هذي الاولمبياد ذوي الاحتياجات الخاصه ..۔ ولا تقارن ابدا مع الاولمبياد لا من حيث الحضور الجماهيري ولا من عدد الالعاب ولا من تغطيه اعلاميه .۔ وهذا ينطبق على كثير من البظولات الخاصه للمعاقين .۔

لندن بالصيف جميله وكالعاده مزدحمه لانها الاشهر في اوربا كعاصمه رائعه.. ولن يفرق كثير مع وجود الاولمبياد ذوي الاحتياجات الخاصه






المشاركة الأصلية كتبت بواسطة wlaif
http://www.arabtravelersforum.com/tr...2/#post6418762

مشكككورين لكل اللي ردو الله يحرم وجيهكم من الناااار ياربً !
على تخطيطنا نروح ف19 اغسطس الى 31 اغسطس يعني فيوم العيد
ميزانيتنا متوسطه يعني نقدر نوصل ل 13 تقريبا
ونبي مكان يكون عند او قريب لاكسفورد وهايد بارك لاننا اول مره نروح لندن وبنحوس شوي

بيكون جوها حلو ؟
اخوي علي مافهمت قصصدك ؟ يعني ماتكون الاسعار مرتفعه ؟



هلا فيج اختي الاسعار بالصيف ارفع من غيره من المواسم لكن الافضل لكم السكن بشقق سكنيه

بمعنى تنزلون يومين بفندق وتذهبون الى المكاتب هناك اتشوفون لكم شقه على عيونكم وتكفي لكم

اذا في مجال للتغير بيكون بمووسم المدارس اخف لندن مثال من منتصف سهر 9 الى منتصف شهر 10 او شهر مايو


تحياتي

مشكورين على الردود جمميعا

اختي الكويتيه انا دخلت على كمبرلاند واعجبني سعره بس حجزه عن طريق موقعهم ! وبصراحه ماعرفت اذا فيه الغاء مجاني او لا !

اذا عندك خبره لموقعهم اتمنى تفيديني ۔ واكون شاككره لك

اخوي علي يعني قصدك ماراح يكون فيه العاب الومبياد ؟
احترت صراحه
/
منوره شككرا على الرد :$ الاوتيل قريب للاكسفورد والهايد بارك ؟
بسس مشكلة الاوتيل هذا ماله الغاء محاني :""""""""(

اقصد اذا ما استطعتي تقدمين السفر قبل رمضان يعني بشهر 6 .۔ فالخيار يكون كما ذكرتي بعد رمضان حتى لو كان زحمه

هي عاده باوربا بالصيف كلها سياح

تحياتي

يعطيك العافيه اخوي علي ماقصصصرت .۔

عندي استفسسار اذا بروح من لندن لباريسس بالقطار قالولي ساعتين ونصص ابي اعرف تقريبا كم التكلفه للشخص بالقطار والفيزا تكون فيزا اوروبا يشمل لندن ؟ ولا لازم لندن فيزا خاصه ؟

ومشكككورين مقدددممما

ادري كثرت طلباتي مممالي غنى عن خدماتكممم ..

فتحت موقع اوتيل كمبرلاند بحجز منه لانه مو موجود بالبوكينق
وحططيت لاربع اشخاص بس يطلعلي في Adult بس 2 بالغين !!
واحنا 4 كلنا فوق ال 16 !
وغير كذا هل اول خيار لاربع اشخاص الغاء مجاني ؟ يعني يسترد المبلغ في حال الغاء الحجز قبل ب يومين او ثلاثه

وشكرآآآ

اختي الكويتيه ايه احنا 4 نبي بغرفة وحده !
اخوي علي كل الاوتيلين مو متوفرين بوقت اغسطسس
رايكمم ومشورتكم الله يجزاكم خير

والكمبرلاند ماعرفت للحين احجزه من اوتيلهمم :""(

ممكن اذا تعرفون كم سعر فيزة شنغن لاني بروح يوم من لندن لباريس ولا اعرف كم سعرها وتذاكر القطار كم سعرها ؟
واذا تفيدوني بارخص الاسعار :$ *

وسؤال ثاني :$
اذا حجزت بالخطوط البريطانيه الحين وصار ظرف والغينا السفره يقتطعون من المبلغ ولا مايرجعون المبلغ كامل ؟

اخذو غرفتين بفندق و يكونون مفتوحين علي بعض .. و اذا انتو كبار 4 و معاكم الوالد شلون بتقعدون بغرفه وحده و تكرمون حمام واحد؟ اخذو شقه او شقه فندقيه

البريطانيه علي حسب نوع الحجز .. في حجوزات ما تنلغي و لا تتغير .. و في حجوزات تنلغي و تتغير برسوم .. و في حجوزات تنغي و تتغير بدون رسوم .. حسب نوع الحجز ..

سعر تذكره القطار من لندن الي باريس حسب التاريخ و الوقت .. ممكن في يوم تلقينها 50 يورو و ايام فوق ال 200 حسب التاريخ ..
و ما تسوا ترا يوم واحد كلش .. انا مره رحت ليلتين و ماشفت شي و لا مداني اسوي شي .. يوم كامل ديزني و الاوت لت اللي يمها .. و يوم تمشينا بالشانز و رحنا كينزو كافيه و خلص اليوم و ردينا و باقي وايد اماكن ما شفناها
اقل شي تقعدون 3-4 ايام

فيزا شنقن بالكويت تكلف 35 دينار .. شامله تامين صحي و رسوم الفيزا و رسوم المكتب اللي يسويها لج

المشاركة الأصلية كتبت بواسطة manoorah_bh
http://www.arabtravelersforum.com/tr...2/#post6422062

السلام عليكم ورحمة الله وبركاته

سكنت بالفندق العام الماضي الفندق نظيف وخدمتهم حلوة و امينين والفندق هادئ جريب من شارع الكوينز وي الي تحصل فيه سزفينيرات رخيصة و بالقرب منه نهاية الشارع مجمع تجاري صغير و بالقرب منه سوبر ماركت تسكو لمستلزمات الشقة والاكل - هذا اذا مشيت يسار من بوابة الفندق

خلف الفندق في شارع تجاري تمر الباصات الي توديك أوكسفورد وأيسره من مناطق

وأي سؤال أنا حاضرة *





اخيرا احد سكن بهاذي الشقق , ممكن شرح اكثر عن الشقق , وهل هي افضل من الفندق ؟ للعلم انا حجزت غرفة استديو لشخصين فقط ؟

ماقصرو الخبراء