الموضوع: تم شراء التذاكر ولا عليكم امر ابي الهمه في ترتيب الرحله

السلام عليكم ورحمته الله
وصباح ومساء الخير للجميع

تم شراء التذاكر من تاريخ 24-12 الى 11-1 لمده 18 يوم

ابي اجلس في لندن وابي اروح مانشيستر وكنت ناويه على اسكتلندا بس الجو ماراح يساعد

برمنقهام كم تبعد عن لندن ودي ازورها اذا قريبه
ممكن اخلي يومين مانشيتسر او 3 ويومين برمنقهام


وابي ازور ايستبورن وبرايتن بس بتكون من لندن اطلع الصبح وارجع في الليل

ضروري ازورهم عشان نسلم على المعزبين بعد اخذ موعد منهم طبعا

الحين اخترت فندق كمبرلاند
وافكر احجز يومين بالفطور واسوي حجز ثاني لباقي المده
بحيث اذا وصلت وعجبنا الفندق وفيه مجال اخلي الحجز غير مسترجع اغير لان فرق بالسعر

وش ايكم بالخطه

ولا ازيد الفلوس واخليه مسترد لاي طاري

طيب افضل الفنادق في مانشيستر ايش هي وهل فيها اوت لت
وبرمنفهام افضل الفنادق وفيها اوت لت

اقصد الافضل من ناحيه النظافه والجوده والسعر

طبعا الحين جمعت بعض المعلومات
اني احجز سياره من النت من شركه الفا صح ولا فيه افضل


تذاكر الزيارات احجزها من النت ارخص
واخذ بطاقه اوستر لاسبوع او اسبوعين

طيب قريت مره عن توفير التذاكر
وسالت بس الاخ ماجاوب على سؤالي ياليت اللي عنده معلومه هو كان ذاكر انه لازم اقص التذكره من محطه قطار طيب احتاج لبطاقه اوستر ولا تكفيني هذي

هذا اللي في بالي الحين

والله يعينكم علي
بس هذا العشم فيكم

مواضيع عشوائيه ممكن تكون تعجبك اخترناها لك:

• استفسار عن اسكتلندا
• استفسار عن ؟
• استفسار عن الفيزا
• رأيكم أي الفندقينالشقق أفضل بلندن وشكرا
• لندن شهر فبراير ارجو الافاده
• الكرام أعضاء المنتدى الفزعة تكفون
• الحجز بالفيزا بأسم الوالد
• سؤال مهم بخصوص سوق الماركات العالمية
• بهدلنا الثلج
• السلااااام
• السلام عليكم
• مسافر لحالي لندن واتمنى تفيدوني يالغالين
• بخصوص عادات الشعب البريطاني
• استفسار اول مره اسافر لندن
• الاماكن الترفيهيه للاطفال في لندن
• التركية للطيران لديها مكتب في لندن
• فزعتكم الله يوفقكم
• لندن الحلم احتاج للمشوره في جدول الرحله
• ربي يجزاكم الجنة بعض الخانات لم اعرف تعبيتها بابلكيشن الفيزا اتمنى المساعدة
• اول مرة لندن المساعدة يا كرام

السلام عليكم
اولا رحله موفقه .. تاريخ السفر من افضل اوقات لندن بسبب البرد والوناسه و الاحتفالات و الفعاليات و طبعا السيل ..

ثانيا ترا برمنجهام مالها داعي 3 ايام .. استغل الفتره بلندن افضل .. روح يوم من الصبح لي الليل او بات ليله بس .. مو بعيده و مافيها اشياء وايد ..

مانشستر مافيها شي زود . بس اذا تبي تزور النادي تقدر تروح يوم وترد او تبات ليله .. خل قعدتك بلندن .. مانشستر قريب منها اوتلتين .. بس اوتلتات عاديه جدا محلات نكست و قاب و مارك سبنسر و هالمحلات يعني مو ماركاات عالميه مو نفس البيستر فيلج ..

كمبرلاند اختيار زين .. الموقع ممتاز و النظافه و الخدمه معقولين ..
بالنسبه انك تروح هناك و تسوي حجز غير مسترجع ترا ماراح تلقاه .. الحجز و السعر المنخفض يكون اذا حجزت قبل السفر بمده لكن اذا حده حده السعر بيكون اغلا وايد من سعرك لو حجزت الحين ..

اذا ميزانيتك تسمح في فتدق The Montcalm او ماريوت قروفنر سكوير .. مونتكالم يبعد خدوات عن كمبرلاند و ماريوت قروفنر سكوير امام سلفردجز تقريبا .. و الاثنين توب ال توب
عموما لو تدخل موضوعي اللي بالتوقيع بتلقا رايي بالصور عن كمبرلاند و 10 او 11 فندق غيره سكنتهم شخصيا ..

الفا اخيرا ممتاز و توكل علي الله

اويستر تكفيك للمواصلات .. في اسبوع و ترد تجددها .. 16 باوندز اذا للباصات بس و 28 اذا باصات و اندرقراوند ..

اللي يم مانشستر مثل ما قتلج عادي جدا و ما تلقين فيه المحلات اللي في بيستر فيلج
فخلح علي اللي من لندن افضل Bicester Village و قللي وقت مانشستر يوم او ليله كافين لها

الثورب بارك مسكره الحين لي شهر 3
عندج الالتون تاورز فاتحه لي 1-1 يعني من بعد راس السنه تسكر لي فبراير

صحيح كمبرلاند نص السعر و انتي اولي بالفرقيه

مشكوره وجزاك الله خير

حياكم الله

وماقصرت كويتية في الرد

هل فيه سؤال محدد ممكن نساعدكم فيه


وبخصوص فنادق مانشستر

[center][center]فنادق مانشستر

Crowne Plaza Manchester City Centre بالسنتر
[url]http://www.booking.com/hotel/gb/crowne-plaza-manchester-city-centre.html?label=gog235jc%3Bsid%3D7ef27fdc3e73040 ed340753cbd6e631e%3Bcheckin%3D2011-03-23%3Bcheckout%3D2011-03-28%3Bsrfid%3D36e62c53ea2366660c1fc332ff854706%2C3% 5B%2Furl%5D%5Bb%5D%5Bcolor%3D%22black%22%5D&aid=35 8324

[/color][/b]The Place Apartment Hotel بالسنتر
http://www.theplacehotel.com/

Ramada Manchester, Salford Quays يبعد عن السنتر اشوي يعني تروح بالقطار
[url]http://www.booking.com/hotel/gb/ramada-manchester-salford-quays.html?label=gog235jc&sid=7ef27fdc3e73040ed340 753cbd6e631e&checkin=2011-03-23&checkout=2011-03-28&srfid=ef42e99d5736e076019a993cd42425ff%2C9&lang =en-us&selected_currency=GBP%5B%2Furl%5D%5B%2Fcenter%5 D%5B%2Fcenter%5D%5Bb%5D%5Bcolor%3D%22black%22%5D&a id=358324

[/color][/b]

ابيكم تساعدوني التذاكر احجزها من النت
وش الطريقه
غير كذا مانشيستر وبرمنقهام تستاهل اجلس فيها كم يوم ولا اخليها كلها لندن
والملاهي اي وحده تكون فاتحه
ابي كل شيء هالسفره من تخطيطي وتجهيزي زوجي شايل يده
وماابي اتفشل عنده ويلقاها حجه علي

مشالله حلو وقت انا توني راجعه واشوف العاب الهايد بارك عشان الكرسمسس

بس ترا ايامك مره كثيره على لندن انا عشره ايام وطفشت ليش ماتروحين باريس اذا 18 يوم

واختيارك كمبرلاند اختيار موووووووووووووووفق مره حلو واهم شي موقعه

الي ضايقني كله خليج على ان وقت سفرتي عدد العرب قليل بس تجمعنا بكمبرلاند خخخخخ

المشاركة الأصلية كتبت بواسطة عشقي السفر==
http://www.arabtravelersforum.com/tr...0/#post6417540

ابيكم تساعدوني التذاكر احجزها من النت
وش الطريقه
غير كذا مانشيستر وبرمنقهام تستاهل اجلس فيها كم يوم ولا اخليها كلها لندن
والملاهي اي وحده تكون فاتحه
ابي كل شيء هالسفره من تخطيطي وتجهيزي زوجي شايل يده
وماابي اتفشل عنده ويلقاها حجه علي



جاوبتج عالملاهي
و مانشستر و برمنقهام .. دخلي علي اخر جزء في موضوعي اللي بالتوقيع فيه عن ماشستر مع روابط اضافيه شوفي اذا تناسبج تقعدين فيها اكثر من يوم او .. و سوي سيرج علي برمنقهام و اقري عنها .. الاذواق تختلف .. يعني مثلا الاخت نوف تقول 10 ايام و طفشت من لندن .. شخصيا لو اقعد بلندن سنه ما امل .. و في رد لمشرفنا موادع في موضوع اخر يقول قعد 7 شهور كانها يوم و الاغلبيه من رواد لندن هذا رايهم .. فالمسأله اذا منطقه تسوي او لا شي نسبي يختلف من شخص لاخر .. انتي شوفي اماكن كل مدينه و قرري ..

و موادع وافق علي كلامي

و التذاكر تقولين شريتيهم
اي تذاكر تبين؟

انا شريت تذاكر الخطوط طبعا
بس انا اسال عن تذاكر الفعاليلات مثل مدام توسو ولندن اي وغيرهم اخذهم من النت ولا اخذهم من هناك
طبعا ابي الاوفر

غير كذا من المطار اخذ سياره اكون متفقه معهم ولا اجرب القطار والا الان ماادري عن الشنط بس في الرجعه بتكون زايده اكيد

انا لندن من عمري وانا احبها وانا ماشفتها

وخاطري اعيش فيها

فاكيد ماراح امل منها
خصوصا يومين لازم نمر على اهل زوجي في الجنوب اذا كانوا حيين بعد ماماتوا

لا لايكون الفندق كله عرب

مابي اشوف ولا واحد
تراني علمتكم
واكيد ياكويتيه مالي غنات عن تقريرك

حبيت اسال عن محلات الاجهزه الكهربائيه مثل كنود كتشن ايد

ناويه امر عليهم اذا فيه عروض ناخذ منهم

سالفه ان ما تبين عرب صعبه بلندن ههه كل الفنادق فيهم عرب
اول ما بديت اسكن في مونتكالم كان مافيه و لا عربي ابدا ابدا كله يابانييين .. الحين عرفوه العرب و حتى الكونسيرج صار مصري

ماريوت قروفنر سكوير شفت فيه كويتيين بس قلييييل جدا يسكنونه العرب مادري ليش ..

رويال قاردن كلش ما شفت فيه عرب .. بس هذا في هاي ستريت كينسقتون مو صوب الاكسفورد
فنادق الاوكسفورد و ما حوالينها ماراح تلقين فندق مافيه عرب
و بعدين انتي الفندق يادوب بتنامين و تريحين فيه مالج شغل باحد .. الشارع بتلقينه متروس عرب و خليجيين هذي لندن

وعليكم السلام ورحمة الله وبركاته

هلا وغلا عشقي سفر

ماشاءالله الجماعه ماقصروا .۔

هل فيه شي معين نقدر انفيدكم فيه

وكل التحيه لخبيرتنا الكويتيه ماقصرت

مشكورين وماقصرتوا
والله يجزاكم كل خير
ويحرم يديكم عن النار والديكم ومن تحبون