الموضوع: من مطار الملك خالد بالرياض احييكم والى القاهره

الله بالخير جميعا ..


الان انا في صالات المغادره في مطار الملك خالد بالرياض .. الساعه الان تشير الى 5.10 صباحاً
وجالس اتصفح الانترنت قلت خلني ادردش مع اصدقائي في منتديات المسافرون العرب
واخذ منهم معلومات مفيده أو اي حاجه ممكن تهمني في رحلتي هذي ..

موعد الاقلاع الساعه 7.50 صباحا بأذن الله

الطائرة اللي راح نركبها بصراحه غبيه وهي Md90 الصغيره انا ما ادري وشلون يطلعونها دوليه
بس ما نقول الا الله يستر الخطوط السعوديه من تالي صايره تخوف .. يارب جيب العواقب سليمه

والوعد ان شاءالله الساعه 11 بتوقيت مصر هناك .. والسواق في أنتظاري ..

مدة الرحله مفتوحه .. ومافيه مكان محدد ممكن نطلع لشرم و ممكن نطلع للجونه .. واحتمال نطلع للمغرب
من هناك ..

مصر طبعا أرض قمت بزيارتها في فترات سابقه واعجبتني بصراحه .. الى درجه اني افكر اتملك شقة هناك

لكن (العجله ) شينه واحتمال في زيارتي هذي اتفرغ لمشاهدة الشقق وكيفية التملك وطريقة توثيق العقود


عموما الشقة اللي راح اسكن فيها هي على النيل .. وبصراحه ما اخذت معي كاميرا هالمره لانه مالي نفس اصور حاجه .. بس صاحبي معه كاميرا واكيد راح يذبحني تصوير راح انزل لكم كم صوره رغم انه عندي قناعة انه ماراح تفيدكم لان اللي حصلته هنا من الاعضاء ماشاء الله فيه الخير والبركه ..

تحياتي واشواقي الى اهل الرياض .. وسلامي و ( صبح صبح ) الى اهل القاهره لانهم في انتظاري

( تخيل 70 مليون ينتظروني في المطار خخخخخ )
:114:

مواضيع عشوائيه ممكن تكون تعجبك اخترناها لك:

• ممكن اسعار الشقق حاليا في دريم لاند
• عايز افطر برة ادخل وشاركنا
• استقر الرأي على المهندسين انشالله
• برنامج للسفر الى الاسماعيلية والقاهرة لمدة اسبوع
• ارجو الافادة مسافر لمصر
• سبا رجالي في القاهرة
• ماهو جديد شرم الشيخ ؟؟؟
• شرم الشيخ استفسار
• أبو ريفال من فندق شبرد بأرض الكنانة أحيكم
• قل لنا انطباعك عن قيادة السياره بمصر
• افتتاح فندق كمبينسكي النيل رسمياً في القاهرة
• وين ألقى محلات الصرافه
• رحلة قصيرة الى الأسكندرية
• اريد لو تكرمتم معلومات عن فنادق دهب
• بخصوص الطيران الى شرم الشيخ
• مسسسافر يوم الثلاثاء ششرم الشيخ محتاج فزعتكم
• ماهي الاماكن المشهوره ولا تستاهل الزياره في القاهره
• الطفل والسفر
• فلل في شرم الشيخ
• أخواني أحتاج نصائحكم لم يتبقى وقت لموعد السفرة

ليتني في القاهرة

كان صار عدد اللي بيستقبلونك 70 مليون وواحد خخخخخ

موفق اخوي تروح وترجع بالسلامة

وتقبل تحياتي

لا ياشيخ .. قسم بالله زحمه كان يصير ..خخخخخخخخخخخخ


مشكور يالغالي .. وعقبال ماتروح لمصر ههههههههههه

شكل الرجال راح فيها الطائرة مرة تعبانة
الله يستر علية ولا شكل الرجال انفشخ منة الا بتوب

أرسلنا لك أسراب الحمام لأستقبالك بدلاً عن الـــ 70 مليون
أية رأيك مش أحسن برضة
:24:
تحياتى أخى عبود ومتابعين يومياتك سفيرنا
:101:

شكلك في هذا الوقت 12:17 توك داخل الشقة او الفندق


عموماً رحلة موفقة بإذن الله وتروح وترجع بالسلامة


لا تنسيك مصر التواصل معنا


تحياتي

بالسلامة ان شاء الله و متابعين معاك علي طول الخط
دمت بود
:101::101::101:

الله يوصلك بالسلامه اخوي وفي انتظار تقريرك وربي يسعدك .

رحلة سعيدة انشـــــــــــــــ الله ـــــــــــــــــاء

موفق خير يااارب
ومنتظرين تقريرك بفارغ الصبر

رحله موفقه وانشالله لا حقينك

اما سالفة الشقه دخيلك لاتنساها انا ميت على شقه في مصر من زمااااااااااااااااااااااااااااااااان تروح وترج بالسلامه اه يالقهر

بالتوفيق ياخوي ورحله موفقه باذن الله

صبح صبح المصريين مستنينك توصل بالسلامة

تروح وتجي بالسلامة ,,,,,,,,,,,,,,,,, بس أنا ماني معك بكرة رفض الصور
لان كل تقرير تزيده الصور جمالاَ ,,,,,,,,,,ونحن وجميع الاعضاء لا نمل من الصور مهم شاهدناها,,,,,,
وممكن تطلع بصور جديدة ورائعة,,,,,,,,,,, ولك تحياتي وتمنياتي لك بسفرة سعيدة ,,,,,

مراحب.............


بدايه مشوقه لاتتاخر روعتنا انت وطيارتك اللي اول مره اسمع فيها

الا بسألك شأخبار حديقه الماريوت للحين على عزها والا الله يرحم زمان...

مرها تكفا على كثر روحاتي مالاقي وقت اطل اشوف الوضع واخرها بالاجازه الاخيره

ننتظرك طال عمرك بسالك تقرب لي اسمك قهر وانا القاهريه

الدنيا صغيره لاتكون اخوي وانا مدري هههههههههههههههههههههههههه

بسم الله الرحمن الرحيم

السلام عليكم ورحمة الله وبركاته :-

تحيه طيبه للجميع وانا اسف طولت عليكم ونسيت اخبركم في موضوعي على الرابط التالي

http://www.arabtravelersforum.com/travel277875-2/

نسيت أخبركم ان بطارية الجهاز خلصت شحن تقريبا وحصلت واحد من الاصدقاء وجلست اسولف معه حوالي ربع ساعه وركبت الطياره .. اللي كلمتكم عنها (الماصوره )

تصدقون موعد الرحله الساعه 7.50 دقيقه صباحا ما اقلعت الطياره الا الساعه 8.50 دقيقه يعني بعد موعدها المقرر بـ ساعه بس الحمدالله جت سليمه و وصلنا بخير بدون مشاكل أو مطبات هوائية ولله الحمد


بأختصار شديد راح اذكر لكم الاوضاع حاليا :-

انا في المطار وموعد الرحله الساعه 12 الظهر .. بس السبب اللي خلني اجي بدري معي واحد من اهل الشرقية صاحبي وخليلي في السفر حاجز على الخطوط المصريه وموعده الساعه 10.30 صباحا فأضطريت اني اجي بدري معه ..

----

الوضع العام للرحله منذو الوصول :-

1- وصلت يوم الخميس الساعه 12 ظهرا تقريبا خلصت كل أوراقي وطلعت من المطار بكل يسر وسهولة .

2- كان الجو فيه حراره مما يضطرك الى استخدام المكيف .

3- الفتره هذي عند الشعب المصري فترة اختبارات .

4- واجهنا يومين تقريبا كانا الجو فيها شديد الحراره و يوم واجهنا فيه غبار شديد وانا جالس في شقة على النيل قدام قراند حياة و الفور سيزن تصدقون ما اشوفهم ..

5- حصلت لي حوادث كثيره كادت أن الغي رحلتي بسببها وجعلتني ابصم بالعشره بانني لن انزل الى القاهره مره أخرى .

6- سرقت الكاميرا الخاصه بي .. وجهاز الايبود .. ( من المطار )

7- حدثت لي مشكلة مع سمسار الشقة و السائق الخاص بي ( والذي اعرفه من 6 سنوات انا والاصدقاء ) ولكن كنت لهم بالمرصاد فذهبت للشركه نفسها والتي موضح عنوانها بالعقد وتحدثت مع صاحب الشركه وابلغته بحركة النصب التي تمت من قبل السمسار والسائق وانه امامه خياران الاول ان يرجع ما اخذه السمسار مني .. او اقوم بتقديم بلاغ بناءا على الاوراق التي معي ( العقد ) وادعي فيها بالنصب والاحتيال واهانة السائح وابشركم اخذت حقي كامل بعد جهد جهيد وتمثيليه دنا غلبان والنعمه الى درجه ان صاحب الشركه اصبح يركض خلفي وانا واقف عند قسم الدقي مما جعله يخرج الاموال من جيبه ويعطني حقي وزيادة فرجعت الزيادة له واخذت حقي وبعدها حاسبت السائق و طردته واصحبت اتعامل مع التكاسي مباشره ..

8- قمت بزيارة سريعة للاسكندريه وبصراحه مدينه تستحق البقاء فيها للسياحه واسعاره جيده وافضل من القاهره ..

9- كان جارنا في الشقة المجاورة رجل كويتي وكان لوحده وفي ليله من الليالي كنت انا وصاحبي جالسين على الشرفة ونسولف فلما سمعنا الكويتي من شرفته نادنا تفضلوا عندي وحلف علينا ( كما هي عادة أهل الكويت الكرماء ) و ذهبنا اليه وتعرفنا عليه وكانت افضل جلسه الى درجه انه جلسنا يوم كامل من بعد العصر الى ساعه متاخره مع ابو خالد في جلسه انس ومتعه فكنا بضيافته وبصراحه اعتبره هو مكسبي في هذه الرحله ..

10 - مصر حاليا الاسعار فيها غاليه جدا في كل شي اصبحت غاليه ومافيها فرق عن السياحه في دبي من ناحية التكاليف لذا في رحلتي المقبلة في عيد الفطر ان شاء الله ( كنت حاجز اوكي على مصر ) قمت بالغاء الحجز و حجز الى دولة أخرى سوف أقوم بالكتابة عنها في وقت لاحق ان شاء الله .


11- نصيحه للجميع لا احد يسكن شقق فتكلفتها نفس تكلفة الفنادق بينما الفنادق فيها اعتبارات كثيره الامن والنظافة والخدمات ..


هذا مالدي حاليا ومازلت في المطار ..

بنت ابوها ..

بالنسبة للتقرير محتاج صور وزي ماقلت الكاميرا انسرقت هي والاي بود .. الله يعوض ..

----

بو زامل

احلى مافي الرحله صديقي الكويتي ابوخالد ونعم الرجل ..

--------------

عموما الرحله بشكل عام سارت على مايرام رغم المضايقات والمشاكل اللي حدثت لكن اصريت ان تستمر الرحله وان نستمتع بالوقت مهما كانت الظروف ( الوحشه ) والامور ان شاء الله يسر مافيه شي يستاهل انك تعطل رحلتك وترجع من السفر مهما كانت المواقف ..

----------

حاليا فتحت ابواب استقبال الرحله ولله الحمد ولكن مازلت جالس في الخارج والظاهر اني بقفل جهازي وادخل جوى بس اخاف ما احصل انترنت علشان اكتب لكم كل التفاصيل ...

الان مافيه زحمه والدخول من بوابة التفتيش بكل يسر وسهولة ولله الحمد والامور تمام وصبح صبح ياعم الحج .

سيتم دمج هذا الموضوع مع الموضوع السابق لأن الموضوع واحد
تحياتى لك أخى

الحمدلله على السلامه
وأنا رأيي من رأيك الفنادق امتع وأمان وكذلك مريحه خاصة للكسلانين اللي زيي انا احب اصحى اطلب فطور شوي وهو جاييني اذا رجعت وكسلت اطلب عشاء يعني مريح لأنه بصراحه الواحد جاي للراحه والأستجمام مو جاي عشان يطبخ وينفخ وانواع القلق .
سؤال حبيبنا كيف الزحمة في الكافيهات والسرايا اذا كان رحت ومشكوووور على تقريرك وننتظر المزيد منك

السلام عليكم ..

توني داخل البيت ومروق وحاط راسي عالمخده ناويها على نومه جامده ..

بالنسبة للزحمه في بدايتها الحين اختبارات والناس مشغوله بدراستها .. وكل شي سهل ومتوفر ومايحتاج حجز
بس يمكن على نهاية الاسبوع الجاي تكون الدعوه كلها حفلات في السرايا وروتانا كافيه والخلخال اللي فوق روتانا بالحجز

اخوي قهر الحمدلله على السلامة اول شي
بعدين بداية تقريرك على انك رايح مصر نشعر انك طاير من الفرحة وادك تغمض وتفتح وانت بمصر وفي النهاية نجد سائح محبط لساان حالك يقول توبة ان رحت لمصر مررة ثانية ( على فكرة انا اخصائي نفسي)
لكن..,,,,؟
هذاء لايمنع ان مصر من اعظم المناطق السياحية في العالم وان حصل لك موفق من شخص او شخصين فهذاء يحدث في اعراق المدن انا مثلا قبل سنة ذهبت برحلة سياحية الى فرنساا انا والعائلة وهي الرقم الاول في السياحة بالعالم فتعرضت لعملية سرقة كل مامعي من شخص فرنسي بسبب الثقه الزيادة
لذلك...؟
لاتكن قاسي على مصرنا الحبيبة فهي والله من اروع الاماكن بالعالم وانا شخصيا افضل الفنادق على الشقق من خلال خبرة سابقة ..
وتحياتي واستفاد من الموقف اللي حصل اخوة ماجد