التخطيط لاستراليا

**ahmed2** · 01-21-2015, 11:15 AM

السلام عليكم ورجمة الله وبركاته
ياليت احد يساعدني في تخطيط السفر لاستراليا ويكون خبير فيها وينصحني
احنا اثنين انا وزوجي والمده اسبوعين لثلاثه ومخططين نسافر بأول اغسطس

ايش احلى المدن
واحلا الفنادق واذا فيها منتجعات
مانحب الاماكن الزحمه ولا الاسواق نبي اماكن رايقة وهاديه
وكم يوم نقعد في كل منطقة وزي كذا
بليييز اذا احد يعرف يخطط لي السفره وانا بمشي عليه:106:
وشكرا

مواضيع عشوائيه ممكن تكون تعجبك اخترناها لك:

**ahmedali** · 01-21-2015, 11:16 AM

اختي الكريمة ...

ياليت لو تاخذين لك لفة في البوابة الاسترالية ... وبوابة التقارير الاسترالية المصورة ... لاخذ فكرة شاملة ووافية بالصور عن استراليا ... وبالنهاية تتبلور الافكار في بالك لتختارون منها مايناسبكم ...

واهم المدن السياحية سيدني و قولدكوست و مالبورن وكيرنز ... وطالما سفرتكم ثلاث اسابيع انصحكم بزيارة مدينة اسيوية في الذهاب ومدينة اخرى في العودة ... وهذا ماتوفر طيران الامارت ... من خلال زيارة مدينة بانكوك اما في الذهاب او العودة وكذلك سنغافورة ...

تحياتي ...

**ahmed2** · 01-21-2015, 11:16 AM

الله يعطيك العافيه
انا خذيت لفه بسيطه واحترت
الحين سويت الحجز وهو بواحد اغسطس لسدني والرجعه من مالبورن
طيب بغيت اسأل كم تأخذ الفيزه وقت وعادي افيز من البحرين مع اني سعودية
وكمان فيه رحلات بحريه بأستراليا
وشكرا بتعبك معاي

**ahmed2** · 01-21-2015, 11:16 AM

المشاركة الأصلية كتبت بواسطة mezajyah
http://www.arabtravelersforum.com/tr...4/#post3070847

الله يعطيك العافيه
انا خذيت لفه بسيطه واحترت
الحين سويت الحجز وهو بواحد اغسطس لسدني والرجعه من مالبورن
طيب بغيت اسأل كم تأخذ الفيزه وقت وعادي افيز من البحرين مع اني سعودية
وكمان فيه رحلات بحريه بأستراليا
وشكرا بتعبك معاي

أختي الكريمة

قد يساعدك الاعضاء من السعودية بموضوع الفيزا

و لكن اسمحي لي باضافة هذه النقاط بما يخص أستراليا

يمكن اتباع الجدول التالي

http://www.arabtravelersforum.com/travel142202/

و عموما تتمتع استراليا بطابع خاص ملئ بالحركة و لا اعتقد بأنها تصلح لتكون وجهة هادئة على الرغم من طيبه أهلها و بساطة حياتهم

و بما يخص الرحلات البحرية فهناك العديد من الرحلات البحرية في أستراليا

سواء لزيارة الحيد البحري الكبير أو لمشاهدة الحيتان

**ahmedgaper** · 01-21-2015, 11:16 AM

الفيزا الاسترالية اذا تبينها عن طريق ارامكس تاخذ لها من 10 ايام الى 14 يوم

**ahmed1** · 01-21-2015, 11:16 AM

اختي انصح اتروحين غولد كوست وسدني وتلغين ملبورن من غير الدول الاسيوية

اتخلين الروحه سنغافورة ليلتين وبعدها غولد كوست 12 ليله

وبعدها سدني 5 ليالي واخر شي بلعوده يابانكوك او هونغ كونغ ليلتين او 3 ليالي

واستراليا نظام تمشيةمرحلات ومدن ملاهي وترفيه ورحلات

يعني موهادية ورمنسية مثل المالديف

انا اشوفها من احلى الدول لان كل شي فيها يعني بعكس اوربا الي زحمه وجوهم هسنه حااار ومن غير ان مافيها رحلات وايد مجرد اسوقه او كوفيات

اما استراليا فلج حلو وبارد وثابت لان فصل شتاء عندهم يعني مويوم برد ويوم حر

ومن غير لو تبين سوق بتحصلين لو تبين مددت ترفيه بتحصلين لو تبين رحلات بتحصلين لو تبين كوفيات بتحصلين ل تبين شاطئ بتحصلين وكل شي فيها

وارخص من اوربا بوايد

وماقلتيلنا انتي حاجزة على اي طيران

والسكن انا انصح بشقق السيركل في غولد كوست وانصح بستارستي او الفورسيزنت في سدني وانصح بجراند حياة في سنغافور واذا بتروحين بانكوك انا انصح في الاند مارك واذا بتروحين ملبورن انا انصح بلكراون بلازا

واي استفسار احنا بلخدمة

**alifun** · 01-21-2015, 11:16 AM

الله يعطيكم العافيه الحين بروح اغير كل الحجز وبعطيكم خبر
ومشكوووووووور eng904 مره عجبني الجدول
كلمت الفيفا قالولي تاخذ 3 اسابيع وطلبو مني صور واعبي الابليكيشن بس
افكر نروح لسدني 5 ايام ولقولد كوست 5 ايام ويومين بسنغافورة لاني رحت لها قبل بس تذكرت انه فيها دكتو ممتااااااااز
يعالج بالاعشاب اهلي كلهم يروحون له كل سنه يعالج كل شي الشعر والجسم بالاعشاب مرررره روعه
الي يبي ايميله يقولي وانا اعطيه
ومشكورين على تعاونكم وبقولكم ايش صار معاي

**alifun** · 01-21-2015, 11:17 AM

سوري نسيت اقول اني حجزت عند الشافعي قالولي عنه انه بسيهات شفت العروض حقتهم وكلمتهم وكانت خدمتهم معاي سريعه اذا احد يعرف عنهم شي يقولي لاني اول مره اسمع فيه
انا كنت احجز اول عند الطيار او المجدوعي
ولاتبخلو علي بالنصايح بليييييز