الموضوع: مسافر قريب وتكفون محتاج خبرتكم لا عدمتكم

السلام عليكم ورحمة الله وبركاته

سعيد بأني أكتب معكم اليوم مع أني من أشد المتابعين لهذا المنتدى واستفدت منه الكثير

وأنا ودي اليوم بمشاركتكم ومساعدتكم لي بخبراتكم

أنا بإذن الله تعالى مسافر خلال هالشهر للعلاج خارج المملكة على حساب الدولة

ومخيّر بين (بريطانيا) أو (ألمانيا) أو (فرنسا) وجميعهم قبلوا حالتي طبياًًًً

مدة إقامتي بين شهرين إلى ثلاثة أشهر

طبعاًً الأمر يشمل مرافق ومع الأسف لم أجد من يذهب معي إلى هناك

وأنا عن نفسي ما أعرف أي شي في أي من الدول الثلاث

كيف وضع السكن؟

وأيها أغلى بالأسعار؟

وأيها أسهل في التعامل وأكثر أماناً؟

وبماذا تنصحوني؟

وأعتذر منكم على الإطالة فديتكم

وللجميع خالص تحياتي واحترامي

مواضيع عشوائيه ممكن تكون تعجبك اخترناها لك:

• اخيراا تم الاختيار لندن
• واخيرا رجعنا الى ارض الوطن وصولا من لندن صور
• اخر استفسار عن الفنادق
• مساء لندني لاروع اعضاء منتدانا الغالي لندن في مارس ؟؟؟
• استفسار ضروري عن شقق
• فزعتكم اول مره اطلع لندن ،رأيكم بالتذاكر والفنادق او الشقق
• هل يوجد للتنقل بالقطار والباصات؟
• الرجاااااااااء المساعده موعد السفاره
• ابي شقه لشخصين لطلاب ويكون سعرها رخيص
• غريس بلغرافيا أول ناد نسائي في لندن
• مندوب لعمل الفيزا في دبي
• نداء إستغاثه لاعضاء المنتدى والمخضرمين منهم باقي من الوقت يوم اسعفوني
• ركوب الخيل في لندن أو حولها مصنع كادبوري
• إستفسارات زائر لأول مرة للندن ’
• الأجواء في اكتوبر النقاب في الملعب
• اول مره اروح لندن شهر عسل ارجوا المساعده
• عاجل مطلوب شقة صغيرة
• ساعدوني يارواد لندن
• محطه وكيفيه الوصول لمعالم لندن
• ما هي طرق المواصلات في ويندرمير؟

وعليكم السلام ورحمة الله وبركاته

هلا وغلا الغالي

وحياك الله بين اخوانك وخواتك وان شاءالله اتفيد وتستفيد

والله يشفيك وايردك لاهلك بالسلامه ان شاءالله .۔

اشهر دولتين للعلاج المانيا وبريطانيا .۔

ميزة بريطانيا ان اغلب العلاج في لندن ولندن متوفر فيها كل شي .۔

اما المانيا العلاج منتشر في عدة مدن ..اذا كان علاجك في ميونيخ او بون امورك طيبه .۔

ولكن التجمعات الخليجيه في المانيا محدوده وااااجد ..اما لندن فكل يوم اتشوفهم في الهايدبارك .۔

واي خدمه احنا تحت امرك الغالي

تسلملي هاليدين اللي شرفتني بردها

الله يعطيك العافية اخوي الغالي القطري

والله لا يريك مكروه ان شاء الله

ولكن حبيت اسأل عن أيهما أغلى في الأسعار

والأكثر أماناً وأفضل تعاملاً مع السائحين

واعذروني على إزعاجكم فديتكم


محبكم...

ماتشوف شر ان شاء الله .۔ ولا باس عليك .۔

اخوي لندن اغلى من المانيا .۔

والامان اتوقع لندن افضل .۔ واذا علاجك متوفر في بون بتحصل خليجيين واجد هدفهم العلاج .۔

واذا كان هدفك علاج +سياحه =لندن

وتحياتي لك ..

فداك لاش اخوي .۔

واي ستفسار لا يردك الا السانك هالمنتدى ما انوجد الا الرد على استفساراتنا .۔ وتبادل المعلومات .۔

ورحله موفقه ان شاء الله

الف سلامة عليك يالغالي وماتشوف شر لندن حلوة ولكن غالية شوي من ناحية السكن وحاول تسأل السفارة اوالملحقية الصحية عن اي شي يخطر في بالك والاخوان ايضا في هذا المنتدي ماراح يقصرون عليك في شي ونصيحة حاول تحذر من التعامل مع بعض العرب اللي في الاجور رود واذا كنت تحتاج لمترجم تري اغلب المستشفيات توفر مترجمين ولاتشيل هم .. ورحله موفقة ان شاءالله،،

بعد قلبي والله اخوي وليد والشر ما يجيك وأنا اخوك

يا بعدي أبشرك لا سفاره ترد ولا ملحقية وخرب جوالي من كثر ما اتصل فيهم

لازم كل واحد يخلص اموره بنفسه في هالديرة

وبالنسبة للتعامل مع بعض العرب لا تهتم يعيوني أنا حذر بزيادة

أما بالنسبة للمترجم فالدولة أمنت لي مترجم يقولون انه راح يستقبلني بالمطار وان فلوسه مدفوعه كاملة

تسلم اخوي ( وليد98 ) على مرورك وتشريفك لموضوعي

لك مني أطيب الأمنيات وأصدق الدعوات

محبك...

والله ماسوينا شي اخوي واي خدمة وان شاءالله ربنا يسهل امورك وقبل النسيان حاول تخذ بالك من الجو من اليومين الجاية بالتوفيق ان شاءالله