لندن ليوم واحد

**alifun** · 01-21-2015, 09:36 AM

السلام عليكم .۔

انا راح انزل ترانزيت بلندن لمدة يوم بنصف نوفمبر

ممكن احد يرشحلي سكن ( شقق او فندق ) لـ 7 اشخاص ،، ابي حول ال 2000 ريال بس منطقة ممتازه !

وايش اهم الاماكن اللي ممكن ازورها بهاليوم ؟ مابي هارودز !! ومابي متاحف !! ولا طبيعة

مواضيع عشوائيه ممكن تكون تعجبك اخترناها لك:

**alifun** · 01-21-2015, 09:36 AM

ما تبين سوق
ما تبين متاحف
ماتبين طبيعه
هههههه ماكو شي بعد !
اقضو اليوم تمشي علي النهر او الهايدبارك

و عقب امريكا ما يبيلككم سوق خلاص بتكونون تشبعتو

**ahmedgaper** · 01-21-2015, 09:36 AM

ههههههههه لا مو قصدي سوق / بس هارودز خاصه لاننا بنصير موجودين بالمطار فتره طويله يمدينا نشتري منه

فيه ماركات كثيره بريطانية موموجوده بامريكا عشان كذا افكر ازور بست فيلج تنصحيني فيه ؟

والسكن ؟

**ahmed2** · 01-21-2015, 09:36 AM

والله حرام اذا يايين من امريكا تروحون بيستر فيلج .. كل محلاتها موجودين في امريكا بتشكيلات احدث و ارخص .. و اوتلتات امريكا لا يعلي عليها !

سكنو صوب الاوكسفورد و اقضو اليوم في اوكسفورد و توابعه .. و روحو الويستفيلد بالليل
السكن 2000 ريال ل3 غرف؟ و الا الغرفه؟

**ahmed1** · 01-21-2015, 09:36 AM

ماقصرت خبيرتنا

**ahmed3** · 01-21-2015, 09:37 AM

500 باوندز عادي اخذولكم بالمونتكالم او ماريوت قروفنر
او كمبرلاند اذا ارخص
عادي كلهم مناسب لكم

مارحت والله شارلوك هولمز

لا ما انصح بيستر فيلج اذا يايين من امريكا و المده كلها يوم واحد فقط

**ahmed3** · 01-21-2015, 09:37 AM

المشاركة الأصلية كتبت بواسطة not me
http://www.arabtravelersforum.com/tr...2/#post6240002

السلام عليكم .۔

انا راح انزل ترانزيت بلندن لمدة يوم بنصف نوفمبر

ممكن احد يرشحلي سكن ( شقق او فندق ) لـ 7 اشخاص ،، ابي حول ال 2000 ريال بس منطقة ممتازه !

وايش اهم الاماكن اللي ممكن ازورها بهاليوم ؟ مابي هارودز !! ومابي متاحف !! ولا طبيعة

مرحبا ..

لندن غير أميركا .. لندن بلد ماتحتاجون فيه سيارة لأن القيادة فيه متعبة على اليمين والشوارع ضيقة والمواقف قليلة وصعبة وغالية ورسوم على كل شي حتى الدخول للستي سنتر ..

والأهم من هذا كله شبكة تنقلات عامة من اندرقراوند وباصات من الطراز الأول .۔

أنا بالنسبة لي جلست 3 سنوات في لندن ما مسكت دركسون سيارة ولا حتى فكرت ولا احتجت .۔

..۔

بالنسبة للسكن أعتقد اذا هو ترانزيت يوم واحد أفضل شي تسكنون جنب المطار عشان ماتتعبون في الروحة والرجعة وهي كلها يوم واحد تحطون اغراضكم وتنامون وتطلعون كل اليوم بالستي سنتر وبعدين ترجعون تاخذون اغراضكم وعالمطار .۔ لأنو الانتقال مع العفش والاطفال حيكون متعب ومكلف ..

واذا مصرين تسكنون في الستي سنتر .. عندك فندق هيلتون بادنجتون .. ميزة هالاوتيل ميزة مهمة جدا .. انو موقعه في الستي سنتر جنب محطة اندرقراوند بادنجتون وهي المحطة اللي يوصل فيها قطارهيثرو اكسبرس وهذا القطار 20 دقيقة مدة الرحلة بين المطار والمحطة والعكس .. يعني تنزلون بالمطار تاخذون القطار و20 دقيقة وانتم بالمحطة وتطلعون للفندق على رجولكم حتى مدخل الفندق من داخل المحطة .۔ واذا بغيتوا ترجعون للمطار نفس الموضوع ..

بالنسبة لأماكن الزيارة .. دام الموضوع يوم واحد أنا أشوف انكم تقضونها تمشي في اكسفورد ونايتس بريج وبالليل في البيكاديلي وكلها اسواق وكافيهات ومطاعم .. لأنو ما حتلحقوا تزورون شي يسوى ..

تحياتي

**alifun** · 01-21-2015, 09:37 AM

المشاركة الأصلية كتبت بواسطة badr 7q
http://www.arabtravelersforum.com/tr...2/#post6241586

بالنسبة للسكن أعتقد اذا هو ترانزيت يوم واحد أفضل شي تسكنون جنب المطار عشان ماتتعبون في الروحة والرجعة وهي كلها يوم واحد تحطون اغراضكم وتنامون وتطلعون كل اليوم بالستي سنتر وبعدين ترجعون تاخذون اغراضكم وعالمطار .۔ لأنو الانتقال مع العفش والاطفال حيكون متعب ومكلف ..

واذا مصرين تسكنون في الستي سنتر .. عندك فندق هيلتون بادنجتون .. ميزة هالاوتيل ميزة مهمة جدا .. انو موقعه في الستي سنتر جنب محطة اندرقراوند بادنجتون وهي المحطة اللي يوصل فيها قطارهيثرو اكسبرس وهذا القطار 20 دقيقة مدة الرحلة بين المطار والمحطة والعكس .. يعني تنزلون بالمطار تاخذون القطار و20 دقيقة وانتم بالمحطة وتطلعون للفندق على رجولكم حتى مدخل الفندق من داخل المحطة .۔ واذا بغيتوا ترجعون للمطار نفس الموضوع ..

بالنسبة لأماكن الزيارة .. دام الموضوع يوم واحد أنا أشوف انكم تقضونها تمشي في اكسفورد ونايتس بريج وبالليل في البيكاديلي وكلها اسواق وكافيهات ومطاعم .. لأنو ما حتلحقوا تزورون شي يسوى ..

تحياتي

يعطيك العافية كفيت ووفيت عجبني اقتراحك جدا شكرا جزيلا