الموضوع: المسافه الرياض الدوحه

السلام عليكم
كيفك يااهل قطر
انا حاب اجي قطر عن طريق البر
وحاب اعرف المسافه بين الرياض والدوحه
اقرب واامن طريق
ولكم كل الشكر

مواضيع عشوائيه ممكن تكون تعجبك اخترناها لك:

• حياة بلازا جنقل زون
• القطرية تحصد جائزتين قيّمتين خلال حفل توزيع جوائز السفر العالمية
• بحاجة سيارة من قطر
• تذكار من قطر الحبيبة
• سؤال لأهل قطر
• حريق مجمع فيلاجيو في الدوحة بقطر
• ابي مساعتكم ياهل قطر
• المعيار الذهبي الجديد يشيد بتجارب فنادق الريتز كارلتون الأسطورية
• ஜ¦‗ـ−Ξ فـعـالـيـات رمـضـانـيـة Ξ−ـ‗¦ஜ
• استفسار عن افضل مطعم مأكولات بحرية
• منين أخذ شريحة كيوتل او فودا فون ؟؟
• مجمع فيلاجيو
• استفسار لاهل الدوحه ذاهب للدوحه ساعه
• رحلة قطر لمدة ثلاث أيام رحلة مثالية أجمل الأماكن والاحداثيات
• شقق السد المفروشة رأيكم في الشقق من حيث النظافة و الخدمة وقربها من الأماكن السياحية
• عااااجل ابي محل حلويات بالدوحة
• متحــف الفــن الاســلامـي فـي قطـــر
• رياضي يرغب في زيارة قطر وحضور الاسياد بماذا تنصحونه؟
• سؤال
• ترانزيت لمدة ساعات في دوحة الخيراقتراحاتكم

حياك الله في بلادك قطر


والله ماعندي فكره عن المسافه


بس لو تاخذلك قارمن بيعطيك المسافه و الوقت وبيعطيك الطريق المختصر


واي خدمه احنا حاضريلك

حياكم الله

خمس ساعات تقريبا ....

الطريق جدا رائع على خط خريس من الرياض دايركت الى دوار الاحساء

ومنها الى منفذ سلوى

الله يعطيك العافيه
على المشاركه والرد
والاهتمااام
والله ماعندي قارمن
بس ياليت المسافه بالكيلو
وخط السير بالتفصيل
شاكر لكم

خمس او ست ساعات تقريبا ....

الطريق جدا رائع على خط خريس من الرياض دايركت الى دوار الاحساء

ومنها الى منفذ سلوى

حياك الله في بلدك الثاني...
المسافه تقريبا 600 كيلوا واعتقد تستغرق ست ساعات
بالتوفيق

صح كلام اخوي 600 او 700

ياهلا بك أخــوي

ما قصــروا الأحبــة


إذا من الريـــاض نفسهــا .. الأفضــل بالطبــع طــريق خريـص الصحــراوي

يعني تطلع من الرياض على خــط الدمــام

وعنـد منطقـة سـعْـد .. تشـاهد مفـرق خريـص

على طـول مع هالطــريـق الى أن تصل خريـص

وبعـدين تكمـل الطريق .. إلـى الأحســاء

وبعـد ماتتعــدى نقطة التفتيـش عند مدخـل الأحسـاء

أتبـع طريـق المطـار .. (( في حالة لم ترغب دخول الأحساء ))

ومن هـذا الطـريق .. تتبـع اللوحـات الأرشـاديـة إلمؤدية الى سـلوى

وهـو الحدود السعودي القطــري

المسـافة 600 كيلو متــر تقريبــاً الى العاصمة القطريـة الدوحـة

حياك الله وبيـاك

فالك طيب

خذ العلم .....

تبي اوصف لك من بيتكم ترى ما عندي مانع ههه

عزيزي عندك طريقين اما الطريق السريع طريق الشرقيه او مع حرض (وهذا نوعا ما خطر لان جزء كبير منه طريق واحد با الاضافه انه ما يختصر كثير الا اللي بيسافر الامارات يوفر عليه تقريبا 100 كيلو ... وما اعتقد انها مستاهله في سبيل انك توصل مرتاح .... نرجع لموضوعنا اللي هو طريق الشرقيه

شف اخوي تطلع طبعا من طريق اللي يوديك الشرقيه يجيك نقطه التفتيش الاولى (اللي عند محطه الكهرباء التاسعه ) وتتركها ويجيك بعدها نقطه تفتيش ثانيه ووتتركها الي ان يجيك كبري " جوده " هذا تقريبا 255 كيلو بعد كبري جوده يجيك مفرق يوديك الهفوف تطلع معه لاحظ اللي (بعد كبري جوده) وتطلع مع هذا المفرق وتمشي تقريبا 90كيلو وبعدها يا طويل العمر تتبع اللوحات اللي توديك الهفوف طبعا بيجيك كبري اذا طلعت قدام يدخلك على الهفوف او تطلع يمين على مطار الاحساء تتبع اللوحه اللي تروح لمطار الاحساء اللوحه بتكون عند دوار خلك مركز عند هالدوار ولا تطلع للمطار اطلع باتجاه لوحه سلوى ... وبعدين اطلع قدام باتجاه سلوى والطريق كلها لوحات وارشادات بس خلك مركز شوي .... بعدين يجيك طريق دايركت لسلوى طبعا يكون طلعت من الهفوف الطريق جزء منه خطيين وجزء منه خط واحد فخلك حذر طوله تقريبا 135 كم ... بعدها تصل لمنفذ سلوى اللي هو المنفذ الحدودي للسعوديه على قطر وبعده با 5 كيلو تقريبا تدخل على منفذ ابو سمره منفد قطر على الحدود السعوديه وبعدها 90 كيلو الي الدوحه ... والسلام

اجمالا الطريق ما يقارب ال 500 كيلو من الرياض الي منفذ سلوى بحكم انه اللطريق ماهو ستريت فا حاياخذ منك ما يقارب 5 ساعات ....... بالاضافه الي 90 كيلو تقطعها داخل قطر للوصول للدوحه .....

والطريق هذا تساهيل ..... وطريق خريص حقيقه انا ماجربته ولكن سمعت انه صحراوي وخطر اما الطريق السابق ففيه محطات البنزين والخدمات اكثر الي حدا ما .


اما الطريق الاخر وهو طريق حرض فهو كالتالي باختصار :
الرياض - الخرج = تقريبا 80 كم
الخرج - حرض = 170 كم
حرض - نقطقه تفتيش الاحساء = 135 كم
نقطه تفتيش الاحساء - سلوى ومنها الي الدوحه = 256 كم
( يعني اجمالا 641 كم ) وهو كما ذكرت سابقا افضل للمسافر للبطحاء (الامارات )

الله يعطيكم العافيه كلكم
ما قصرتو والله
الصراحه استفدت كثييييير من المعلومات
وان شاء الله راح اسوي الي قلتولي
شـااااااااااااااااااااااكـر لـكــــــــــــــم

استفدنا كثير

جزاكم الله خير