الموضوع: ابي فزعتكم

مرحبا يا أهل قطر كل عام وانت بخير وعيد سعيد ......

يا اهل قطر اذا احد منكم يخدمني ،،،، انا موظف حكمومي في وزارة الصحه في الرياض

ارغب النقل الي قطر العزيزه الغاليه على قلبي واتمنى لو احد فيكم يقدر يساعدني او يدلني اذا كان

له علاقات في مجال الصحه يعني ((( واسطه )))) ما يبخل علي .....

كل امل في انه ما احد يبخل علي يا اهل قطر ،،،،، فزعتكم الله لا يهينكم .....



تحياتي ابو مــــدى

مواضيع عشوائيه ممكن تكون تعجبك اخترناها لك:

• الخطوط القطرية تزيد رحلاتها الآسبوعية بين الدمام والدوحة
• مستعجل لشخص قطري ترك فلوسه في جهاز الصراف بالاحساء
• فندق رمادا الدوحه
• مسابح الفنادق
• محتار بين الفنادق La Cigale Hotel و W Doha Hotel Spectacular
• الأن جدول فعاليات مهرجان الدوحة الثقافي
• فزعتكم بجدول مرتب
• استفسار لاهل قطر الغالين
• جاكليت
• ابي فزعتكم ابليزززززز
• السلام عليكم
• بلييييز ساعدوني
• مركز ذي جيت مول جديد في الدوحة
• اربعة أيام في الدوحة
• ترانزيت وين اشوف مباراة البرازيل اليوم الفزعة
• اضاءة كشخة لحفلة اكشخ
• زيارة الى قطر اول مرة
• كم سعر فندق سوق واقف
• متى تبدأ الاختبارات في قطر
• قطر تشهد انتعاشاً قوياً مدعوماً بسياحة المؤتمرات والأعمال

مرحيا اخوي

ونورت البوابة

بس اخوي احنا منتدى سياحي يعني اي شي بسياحه او سياحة قطر احنا تحت امرك وبعيونا نخدمك

بنسبة للواسطه او التوزيف فتقدر تدخل مواقع توظيف ويمكن يساعدونك

وانا نيحتي انك ترسل السي في مالك الى موقع الوزارة او اتنزل قطر يوم واتقدم واتكون جايب خبراتك وشهاداتك

واذا لك نصيب تشتغل بدوحه راح تاخذه وتشتغل

ومشكور على الكلام الحلو

وتحياتي لك

انتظر المزيـــــــــــد ...

ويعطيكم العافيه .....

والله لو بيدنا كان ما قصّرنا معك يا ابن الأجواد

ع العموم أنت قدّم , وقابل كم شخصيّة في الوزارة و عسى الله يوفقك

الامل ان شاء الله موجود ..... اذا انا خليجي ما اقدر اتوظف في قطر و الشعب الافريقي اول من
يجي لقطر على طول يعطوه الجنسيه اقل شي انا اتكلم خليجي ولي فرصه صح يا اخوان !!!!!

مرحبا اخوي

اتمنى ما تقول كلام الا وانت واثق منه ومعاك مصدر

لان احنا مانبي نطلع عن صياغ المتدى ولا نبي ندخل في مهاترات

ومن قالك ان مافي توظيف في قطر بلعكس في توظيف بس انت قدم اوراقك وان شاءالله خير واكيد الاولوية للقطري واصحاب الشهادات والخبره

بس انت تقعد في بيتك وتدخل النت واتقول ابي واسطه حتى الي عنده واسطه بقول اتوسط لهل ديرتي احسن لي لان الاقربون اولى بلمعروف

فيا اخي الفاضل الله يقول اسعى يا عبدي واسعى معك اتمنى دامك تدخل على النت اتسويلك سي في وترسله على الوزارة وان شاءالله خير

ومومعناتها خليجي يعني لازم تتوظف مو اساسن في قطرين ومولاقين وظايف وهم اهل البلد

وبنسبة للاجانب او الافريقين اذا قصدك عن الاعيبه في جوازهم يختلف عن جواز المواطنين يعني اسم انه قطري من دون اي مميزات مثل المواطن القطري ومايعتبرون مواطنين

والتجنيس مصكرين بابه من زمان وانا اعرف عوائل للحين ماخذو الجنسيه وهم مقمين من سنة 92 وفوق هاي امهم قطرية بس ابوهم اجنبية مع ذالك ماخذو الجنسية القطرية

الموضوع معقد واكبر من الكلمتين الي انت كتبتهم

واتمنى قبل ماتكتب شي اتكون مراعي الله في الي كاتبه واهم شي معاك مصدر

وتحياتي لك

يالله ليش

كذااا طيرتو الرجال من ارضه


شوي شوي عليه


الي ماعنده واسطه يقول اتمنى لك التوفيق وخلاص بدون الدخول في متاهات ولف ودوران

واكيد يدري ان احنا هناه في منتدى سياحي ومافيها شي لو احد عنده واسطه وتوسط له




ماشوف الاخ تعال غلط

بالعكس تكلم بكل احترام


اخوي تعال اتمنى لك كل التوفيق وانشاء الله يكون لك نصيب في الوظيفه في قطر

الله يعطيك العافيه يا اخ روز 2010 هذا الكلام اللي يفتح النفس ....

بس الله يهديه حلو ومدلع قاعدلي مافيه الا هو يرد علي بس

الله يعطيكم العافيه .....

سوري بس يا اخت روز نا في شنو قللة احتراممي لصاحب الموضوع

اتمنى تقدرون ردي الف مره ومره علشان تفهمون انا شنو كاتب

الاخ سال وانا جاوبت وقلت له المتدى سياحي لان بهشكل يعتبر موضوعه مخالف

وماقللت من قيمته وقلت له اذا لك نصيب بتاخذه ونصحته يقدم اوراقه اشلون اتقولين طيرته من مكانه

وردي الثاني كان على كلامه انا بعد مارضى يجي حد ويتكلم عن ديرتي من دون مصدر

قلت له يا اخي الكريم لا تكتب شي بدون مصدر لان بهشكل انت اتشوه الدوله

والتوظيف مو بيدي ولا بيد غيري علشان يقولي انا اتكلم خليجي وانا ماقلت له ماراح تتوظف ولا قللت من قيمته

بس الي يبي الشي يطقه من بابه اماكن التوظيف ومعروفه وقلت له انه يقدر يرسل السيرة الذاتيه على الانترنت

واذا له نصيب بياخذه ومامنعته من شي ولا قللة من احترامه او قدره واعيوني له لو اقدر افيده

بس انا مارضى ان حد يتهمني اتهامات باطله انتي اتقولين طيرت الريال من ارضة

وهو يقول انا قاعدله قعده

واتمنى منكم اتكلموني بحترام ولا راح اخلي الادارة اتصرف

وانا ردودي موجوده وردودكم موجوده وفي من يقيم ردودنا ويعرف من الي غلطان

وصاحب الموضوع كاتب ابي فزعتكم ويوم نصحناه وارشدناه اتقول قاعدلك قعده

صدق من قال خير اتسوي شر اتلاقي

وتحياتي للجميع