بخصوص القطار

**ahmed3** · 01-21-2015, 08:44 AM

السلام عليكم

انا ان شاء الله بسافر لندن شهر 11 بس بغيت اعرف اقدر اروح من مطار هيثرو دايركت الى مانشستر ولا لازم انزل لندن واروح بعدين لمانشستر عن طريق قطار ثاني وشنو اهو القطار الي يوصل؟ وكيف بخصوص الشنط راح اتكون معاي شنطة كبيرة وشنطتين صغار اقدر اسافر فيهم بالقطار لمانشستر فيه لهم مكان؟؟ لاني احب اقعد كم يوم في مانشستر وبعدين ارجع لندن ..۔

وبخصوص القطارات الي يودي لاوتلت بيستر فيليج اقدر اروح بالقطار العادي الاندر جراوند ولا في قطار ثاني لازم اشتريله تذكرة واروح عليه لهالمنطقة

مواضيع عشوائيه ممكن تكون تعجبك اخترناها لك:

**ahmed1** · 01-21-2015, 08:44 AM

السلام عليكم

عشان تروح مانشستر لازم من محطه اوستن يعني اذا تبي تروح دايركت تاخذ مواصلات من امطار الي المحطه عشان تاخذ القطار .. و اكرر نصيحتي لك تقصي ليله ليلتين بلندن و تخلي اغراضك و تروح خفيف مانشستر ليلتين ثلاث و ترجع ..

بيستر فيلج لازم قطار من محطه مارلبورن مثل ما وضحت بالتفصيل في موضوعي اللي قريته .. الاندرقراوند داخل لندن فقط و بيستر فيلج منطقه خارجها

**ahmedgaper** · 01-21-2015, 08:44 AM

مشكورة ما قصرتي بس ما ابي اضيع وقت السفرة كلها 11يوم وانا حاط في بالي اخر شي لندن ونبيج اتكملين موضوعج علشان اجهز حق السفرة باقي الاماكن الي وعدتي بتحطينهم

**ahmed3** · 01-21-2015, 08:45 AM

بالعكس السفره ماراح تضيع اذا قسمت الايام ۔ شوف الاخت jnanl بموضوعها سوت جذي .. و استفادو من كل يوم .. النقله بالاغراض متعبه و السفر من طياره لي قطار ساعتين و شوي و بينهم تنقل تعب
علي العموم الراي لك
و ان شاء الله علي ما ايي شهر 11 يكون مخلص اتمنى

**ahmedgaper** · 01-21-2015, 08:45 AM

كل شي بيتيسر قدامك .۔ في حالة ان فيك شده تكمل الرحله والسفر ،، ولا تنسى اذا افراد بس ممكن اما اذا فيه طفل على الاقل فتعب تعب تعب عليكم

المهم اذا تحس انكم نشيطين اشرب 5 علب بايسن

وروح بالتاكسي من المطار الى محطة اوستن ،، ومن هناك توكل على الله او احجز على الاقل ليلة بجنب المحطه لان احتمال اوقات الرحله تكون بعيده او ماشابه ،،،،،

وبالنسبه للشنط طبعا فيه اماكن لها بالقطارات اللي بين المدن

رحله موووووووووووفقه