أول سفرة لـي لـ أوروبـا وتحديداً لنـدن مساعدة

**alifun** · 01-21-2015, 08:21 AM

بسم الله الرحمن الرحيم

السلام عليكم ورحمة الله وبركاته

أخواني وخواتي أعضاء منتدى العرب المسافرون الكرام

أول موضوع لي وأول طرح بعد بحث طويل دون تسجيل عضوية في منتداكم الموقر ,

أبي شوية معلومات عن لنـدن وبكون شاكره لكم لمساعدتكم لي ....

أول شي حبيت أعرف الميزانية ( 60 ألف ) ريال قطري شامل التذاكر هل هي كافية لمدة 15 يوم في لندن ؟

ثاني شي حبيت أعرف شنو أحسن فندق نظيف ومرتب والغرف مب ضيقة وقريب من الهايد بارك ؟

ثالث شي لو فيه نصايح تنصحوني فيها لاني أول مره والمرافقين والدتي كبيره بالسن وأثنين أخواني أصغر مني !

في أنتظار ردودكم واجاباتكم الوافيـه

مواضيع عشوائيه ممكن تكون تعجبك اخترناها لك:

**alifun** · 01-21-2015, 08:22 AM

السلام عليكم

لو تستخدمين خاصيه البحث و تاخذين فكره من موضوع قبل طرح سؤالك المثبت بالقسم
و كذلك اطلعي علي موضوعي في التوقيع
و جداول المشرفين
و الاجابات علي الاعضاء السابقه بالنسبه للميزانيات بتاخذين فكره عن كل شي لان كل شي مذكور من قبل و بالتفصيل
و بعدين اذا عندج اسئله طرحيها تكون محدده تسهل عليج

**ahmedgaper** · 01-21-2015, 08:22 AM

هلا وغلا باهل قطر

بالنسبه للسكن

عمدج فندقين واحد اسمه THISTLE
والثاني جنبه اسمه Great Cumberland

وبالنسبه للمبلغ اعتقد يكفي وزياده بعد اهم شي بلندن السكن
وباجي الامور سهله

**ahmed2** · 01-21-2015, 08:22 AM

كويتيه تسلمين لي حبيبتي , وانا كنت من متابعين موضوعج وواجد عجبني لكن ماأستقريت على فندق لان انا الوالده بتكون معاي وتعرفين الحريم الكبار لهم مزاجهم الخاص ولهم طلباتهم الخاصه مثلاً : امي ماتشرب غير القهوه العربيه فـ معناتها بناخذ معانا عدة القهوه العربيه والفنادق يمكن ماتسمح لنا نسويها بالغرفه عشان جذيه أبي رايج أحسن فندق ولا شقه فندقيه ..

مزاجي : راح أسوي بحث عن هالفندقين وبرجع أقولك رايي فيهم ..

بأنتظار المزيد

**ahmed2** · 01-21-2015, 08:22 AM

اخوي مزاجي هالفنادق اللي ذكرتهم قريب من الهايد بارك وشارع أكسفورد ؟

**ahmed3** · 01-21-2015, 08:22 AM

اي نعم قريبين جدا
لكن cumberland افضل من ثيستل .. ثيسنل قديم و الغرف و الاثاث داثر
cumberland كتبت عنه بالتفصيل بحسناته و عيوبه في موضوعي

القهوه العربيه شلون بتسوونها يعني جوله كهربائيه بتاخذين؟ و الا تسوونها بماي حار بس غلايه و جذي؟

**ahmedali** · 01-21-2015, 08:22 AM

لا ماي حار وغلايه ,, بس بتكون معانا القهوه والهيل والدله !
وغير جذيه أبيج تنصحيني كم يوم يكفيني فيها لندن وديسمبر بتكون واجد بارده ؟
ولا أحسن أخليها شهر 1 منها ماتكون المحلات مسكره وقت الكرسمس وعيدهم ...

**ahmedgaper** · 01-21-2015, 08:23 AM

المشاركة الأصلية كتبت بواسطة bmk-dec18
http://www.arabtravelersforum.com/tr...0/#post6181074

لا ماي حار وغلايه ,, بس بتكون معانا القهوه والهيل والدله !
وغير جذيه أبيج تنصحيني كم يوم يكفيني فيها لندن وديسمبر بتكون واجد بارده ؟
ولا أحسن أخليها شهر 1 منها ماتكون المحلات مسكره وقت الكرسمس وعيدهم ...

لا اذا ماي حار و غلايه عادي بكل الفنادق مو مشكله ..

بالعكس ديسمبر و يناير ما يسكر شي ابدا !! بالعكس تخفضيات و عروض و فاعليات و وناسه
صحيح برد بس برد حلو .. اذا ما معاكم يهال و الوالده عادي تحب البرد بيكون من احلي اوقات السفر الي لندن