نكمل رحلتنا :
(مع اني ترددت اكمل لقلة الردود فانا توقعت ان تقريري غير ممتع او غير مرتب زي التقارير الاخرى ولكن قلت نكمل لعل اي احد من الشباب يستفيد ) .:108:
بعد رحلة الاقصر واسوان وصلنا بالقطار الى القاهره الساعه 6 صباحا .
انطلقنا الى شرم الشيخ بالطيارة من مطار القاهره الساعه 1 مساء على الخطوط المصرية طبعا .
ووصلنا مطار شرم 1:50 وكان المطار نظيف ومرتب جدا اخذنا الشنط ولقينا السواق حق الفندق مستنينا .
وعلى طول اتجهنا الى فندق جراند روتانا ( بالنسبه للفندق كنت محتار اي فندق :
واحد قالي سافوي
واخر قالي ريجنسي
واخر قال الفورسيزون
بس انا اخترت قراند روتانا صراحة الفندق فخم جدا جدا وروعه وكان فيه اكثر من نوع ( غرف على الحديقة 120 دولار
على حمام السباحه 150 دولار
على البحر 170 دولار
الصف الاول على البحر 220 دولار وهذي اللي كنا فيها على طول ننزل على البحر وفعلا الفندق ممتاز من جميع النواحي ):24:
المسرح الروماني
حمام السباحه
الغرفة اللي يسار فوق هذا غرفتنا
البوني للاطفال يركب الاطفال على البوني وياخذ بيهم لفه
اول ماوصلنا اتغدينا في مطعم في الفندق على البحر اكلات بحرية شخصين 320 ج .:24:
وبعد العصر روحنا السوق القديم واشترينا شوية حاجات وحلقنا وزبطنا .
مدخل السوق
واتعشينا في مطعم فارس اكلات بحرية شخصين 110 ج شوفوا فرق السعر . :112:
اليوم الثاني صحينا الظهر وعلى طول اتغدينا وكان الغدا في مطعم رمسيس وهو تابع للفندق بوفية مفتوح الشخص 110ج .:24:
وبعد الغدا نزلنا حمام السباحه وشربنا عصير في هالجو الحلو وبعد العصر ركبنا البنانا وكنت اول مره اركبها والحمدلله تمسكت زين وماطحت . :115: بس اني كنت موصي السواق يهدي السرعه . :24:
الغرفة من الداخل
بعد البنانا رحنا الغرفه واخذنا دش وجلسنا في اللوبي منتظرين سيارة الرحله ( العشاء البدوي ) على فكره بعد المغرب في اللوبي جلسات حلوه وفيه واحد قاعد يعزف صراحة ماني عارف الاله بس اعتقد اسمها الساكسفون او زي كذا دايما اشوف واحد يعزفها على قناة نجوم الخليج .
الساعه 7 م وصلت السياره وركبنا ومرينا كذا فندق ناخد ناس حاجزين نفس الرحلة وكان اكثرهم من عرب 48 او عرب اسرائيل .
المهم طلعنا البر بالسيارة وكان فيه قروبات ثانية طالعين بالدبابات .
وصلنا المقر كان تحت جبل وفيه جلسات ارضية جلسنا وسووا شوية عروض على المسرح رقص عربي على فرق استعراضية على واحد ساحر ووزعوا شاهي سئ للغاية وبعد كذا دق الجرس للعشاء كان فراخ مشوية وبيبسي وخبز طبعا كان الاكل بارد وماله طعم احس انها كانت طلعه بايخه مو حلوه وكانت تكلفتها 150ج للشخص . رجعنا الفندق الساعه 11 م ونمنا .
اليوم الثالث : صحينا الظهر واتغدينا في رمسيس زي امس بس فعلا المطعم هذا يستاهل الاكل فيه مره واثنين وثلاث بعد .:24:
بعد الغدا نزلنا حمام السباحه الى العصر وبعد العصر كنا حاجزين البراشوت طلعنا اللانش ووصلنا الى لانش ثاني الى لانش ثالث الين في الاخير وصلنا البراشوت . :surf
وركبت وانطلقت الى الفضاء تجربة ممتعه جدا جدا تعيش في الهوء على ارتفاع 70م بس لو انفطع الحبل ماراح تنزل الا في تل ابيب . :109:
تكلفت البراشوت : 300ج للنفر .
رجعنا الفندق قرابة المغرب اخذت دش وغيرت ملابس ونزلنا خليج نعمه وهناك حجزنا رحلة للبلو هول ودهب .
رحنا نتمشى في الشاية وهالمقاهي الحلوه ( كل مقهى تلاقي اثنين شباب لابسين زي الخليجيين ومشغلين اغاني اجنبية ويرقصون رقص بحيث يشدون الزبائن ) وفيه ناس في نفس المقهى يشدها الطرب ويلا ارقص صراحه جلسات رهيييبه لاتمل .
اليوم هذا تعشينا في علي بابا انا اخدت اكلات بحرية والمميز في هذا المطعم ان الثلاجه قدامك تختار اللي تبي وهم يصلحونه لك مشوي ام مقلي اللي على مزاجك اما خويي عمر فطلب ستيك وكانت التكلفه 600 ج .:105:
بعد العشاء رحنا وجلسنا في احد هالمقاهي الحلوه واتصلوا بنا اثنين من الشباب وقالوا انهم جايين علينا فاضطرينا انا نلغي رحلة دهب والبلو هول .
اليوم الرابع وصلوا الشباب الساعه 10 صباحا ورفضوا انهم ينزلون في فندق قراند روتانا وذلك لكثرة اليهود اللي فيه واضطرينا ان نسلم الغرف ونطلع معاهم الى فندق تروبيكانا واللي كان فرق كبيييير بينه وبين قراند روتانا وكأنك طلعت من القصر عشان تسكن في عشة ( من اسوأ الفنادق اللي شفتها جميع النزلاء عرب 48 وبكميات كبيره حمام الغرفه الله يكرمكم اذا قفلته ماينفتح الا من برى يعني لازم احد يجي ويفتح لك . الريموتات عطلانه لازم تقوم تغير المحطة بنفسك .
بعيد كل البعد عن البحر . الشاطئ مانشوفه . المسطحات الخضراء نصها ناشف وميت ومليانه حشرات ) :112:
وهذا احد الاسباب اللي خلاني اكنسل الرحله وارجع القاهره .
بالليل قعدنا نلف بالسياره حقت الشباب رحنا الف ليله وليله ورحنا المشاية وقعدنا في القهوه ومن ثم رجعنا الى الفندق .
اليوم الخامس قررت اني اكنسل الرحله وارجع القاهره وهنا استأجرنا سيارة تاخدنا الى القاهره .
وفي القاهره اخذت يومين في الشيراتون لحد موعد الحجز وكانوا يومين عاديين زرت بعض المعارف اللي هناك واتمشينا في سيتي ستار وبعديها اتجهت للمطار في الصباح وركبت الطيارة الى السعودية واخذت سيارتي من المطار واتجهت الى وادي الدواسر . :113::8888:
وهنا خلصت الرحله والحمدلله على السلامه .... وانتظروني ان شاء الله في رحله قادمه افضل واوسع من هذي . ..
وركبنا الساعه 6 ونص متجهين الى الاقصر
رد مع اقتباس
المشاركة الأصلية كتبت بواسطة الشايب العاشق
المشاركة الأصلية كتبت بواسطة مسلم وافتخر
المشاركة الأصلية كتبت بواسطة حطموك يا قلبي
المشاركة الأصلية كتبت بواسطة **رحـــيل**
المفضلات