الموضوع: كويتية رايحة الدوحة

أشلونكم يا أحلى دوحة على قلوبنا

إنشاء الله في تاريخ 13/10 رايحة مع زوجي الدوحة 3 أيام وأبي ما أضيع وقت وعندي بعض الأسئلة ياريت تردون علي:-

1) فنادق زينة تكون في الستى سنتر
2) أحس الأسواق والمولات التي يجب زيارتها
3) مطاعم تسوى وحلوة واحد يروحلها

ومشكورين

وردة الكويت

مواضيع عشوائيه ممكن تكون تعجبك اخترناها لك:

• ابي شقق قريبه من المولاااات
• محتاج جدول مرتب لثلاثة ايام
• مؤسسة الشيخ عيد الخيرية في قطر عرض هام
• إطلاق كمبينسكي الدوحة للأجنحة والشقق الفندقية
• رحلة عمل إلى راس لفان أين أقرب سكن؟
• اسعار السمك في قطر
• سؤال عن أسعار الشقق المفروشة أو الفنادق وكذلك عن الأماكن السياحية بالدوحة
• الى اهالي قطر الحلوووووووووووين ساعدوني
• رحلة شبابيه لمدة ليلتن اتمنى تساعدوني خصوصا ان انه اول مره نروح قطر
• اسئله عن قطر ارجوا الاجابه
• استفسار بخصوص التاشيرات السياحية
• أريد المساعدة
• × صور حفل الافتتاح بعدسة اخوي ×
• أول زيارة للدوحة استفسار عن فندق أو شقة فندقية غرف لـ أشخاص الدوحة
• استفسار عن لافيلا
• زرت مطاعم قطر؟ شاركنا تجربتك
• سوق واقف اهلا بك فى احتفالات ربيع سوق واقف
• هل احتاج خريطه
• الدوحة لك من اسمك نصيب
• أرجو المساعدة

مرحبا اختي

وياهلا وسهلا فيكم وتنور الدوحه بحضوركم

بالنسبه للفنادق الستي سنتر لحد الآن لم تكتمل فنادقه لكن توجد فنادق قريبه منه وما تبعد 300 متر

عموما ارشح لك أفضل فندقين قريبين منه وهما
فندق الفورسيزن وهو من أجمل فنادق قطر
وفندق شيراتون الدوحه وهو على مستوى عالي جدا

وفندق حلو بعد مقابل الفورسيزن وهو الموفنبيك

بالنسبه للاسواق اختي والمولات سجلي عندج

1- مجمع الستي سنتر وهو بيكون قريب من الفنادق الي تم ذكرها وهو مجمع متكامل ويوجد به أفضل سينما في الدوحه وملاهي للاطفال .
2- فلاجيو مجمع تحفه معمارية ولا يفووتج +مجمع الحياة بلازا حيث ان هذين المجمعين متلاصقين في بعض .
3- مجمع الاند مارك .
4- مجمع الرويال بلازا .

بالنسبه للاسواق :

سوق واقف إبداع يا أختي الصراحه ما ينمل منه وخصوصا انج بتجين في جو حلو وهو سوق شعبي كبير ويوجد به العديد من المحلات وبه مجموعة كبيرة من المطاعم والمقاهي لا يفوتج .

بخصوص المطاعم اختي

1- الأكل الهندي : رويال تندور يوجد فرع له في سوق واقف وفي منطقة السد ومطعم بخارا عجيب .
2- آكلات شعبية : مطعم الطواش في سوق واقف .

اختي هم في مطعم الخيمه ولا تفوتج ام علي فيه والمقبلات والمشاوي وام الربيان عندهم خطيررره ومطعم فنيسيا اكل بحري ومطعم المجلس ومطعم اصفهان جلساته خيال وديكوره روعه بس تراه غالي حبتين وهو في سوق واقف
مطعم البيت الشامي حلو بس للتنبيه تراه مطعم ومقهى يعني فيه شيشه
مطعم الساحه مطعم راقي واكله حلو ويقدم الاكل الشامي
وعمووما اختي انتي بس حددي المطاعم او النوعية المفضله لج وراح اكتبها لج

واحب اقول لج شغله المطاعم الي كتبتها تراها مطاعم عليها اقبال كبير ومميزه وحاولت اجمع فيها الجلسه الحلوه والاكل الطيب والسعر المناسب

واختي بعد تقدرون تدشون مشروع اللؤلؤه ( فينسيا العرب ) وتمتعون بالمناظر الخياليه وجلسة كوفي وإطلالة حلوه
واي استفسار احنا بالخدمه وتنورنا في بلدكم الثانيه قطر

المشاركة الأصلية كتبت بواسطة حرس الحدود
http://www.arabtravelersforum.com/tr...9/#post3286019

مرحبا اختي

وياهلا وسهلا فيكم وتنور الدوحه بحضوركم

بالنسبه للفنادق الستي سنتر لحد الآن لم تكتمل فنادقه لكن توجد فنادق قريبه منه وما تبعد 300 متر

عموما ارشح لك أفضل فندقين قريبين منه وهما
فندق الفورسيزن وهو من أجمل فنادق قطر
وفندق شيراتون الدوحه وهو على مستوى عالي جدا

وفندق حلو بعد مقابل الفورسيزن وهو الموفنبيك

بالنسبه للاسواق اختي والمولات سجلي عندج

1- مجمع الستي سنتر وهو بيكون قريب من الفنادق الي تم ذكرها وهو مجمع متكامل ويوجد به أفضل سينما في الدوحه وملاهي للاطفال .
2- فلاجيو مجمع تحفه معمارية ولا يفووتج +مجمع الحياة بلازا حيث ان هذين المجمعين متلاصقين في بعض .
3- مجمع الاند مارك .
4- مجمع الرويال بلازا .

بالنسبه للاسواق :

سوق واقف إبداع يا أختي الصراحه ما ينمل منه وخصوصا انج بتجين في جو حلو وهو سوق شعبي كبير ويوجد به العديد من المحلات وبه مجموعة كبيرة من المطاعم والمقاهي لا يفوتج .

بخصوص المطاعم اختي

1- الأكل الهندي : رويال تندور يوجد فرع له في سوق واقف وفي منطقة السد ومطعم بخارا عجيب .
2- آكلات شعبية : مطعم الطواش في سوق واقف .

اختي هم في مطعم الخيمه ولا تفوتج ام علي فيه والمقبلات والمشاوي وام الربيان عندهم خطيررره ومطعم فنيسيا اكل بحري ومطعم المجلس ومطعم اصفهان جلساته خيال وديكوره روعه بس تراه غالي حبتين وهو في سوق واقف
مطعم البيت الشامي حلو بس للتنبيه تراه مطعم ومقهى يعني فيه شيشه
مطعم الساحه مطعم راقي واكله حلو ويقدم الاكل الشامي
وعمووما اختي انتي بس حددي المطاعم او النوعية المفضله لج وراح اكتبها لج

واحب اقول لج شغله المطاعم الي كتبتها تراها مطاعم عليها اقبال كبير ومميزه وحاولت اجمع فيها الجلسه الحلوه والاكل الطيب والسعر المناسب

واختي بعد تقدرون تدشون مشروع اللؤلؤه ( فينسيا العرب ) وتمتعون بالمناظر الخياليه وجلسة كوفي وإطلالة حلوه
واي استفسار احنا بالخدمه وتنورنا في بلدكم الثانيه قطر



مشكور يا حرس الحدود على التجاوب السريع بصراحة شرحك عجييييييب وشغل عدل ومو غريبية على أهل الدوحة وبالنسبة للمطاعم نحب المطاعم الكشخة إللي ما فيها شيشة وربشة وتكون عائلية وعن مشروع اللؤلؤة يعني قريب ولابعيد يعني يسوى الروحة وحبيت أعرف متى تفتح وتسكر الأسواق عندكم ومجمع ستى سنتر غير لاند مارك لأن سمعت أنه نفسه وفيلاغيو يعتبر كبير ولا يعني وآآآآآآآآآآآآآآآسفة دوختك

وردة الكويت

:24:شكرا لكي يا وردة الكويت

هلا وغلا بكم تنور قطر

اختي اضيف على رد اخونا

هذا الرابط بفيدك واي استفسار ابشري به
http://www.arabtravelersforum.com/travel283370/

المشاركة الأصلية كتبت بواسطة qatar2007
http://www.arabtravelersforum.com/tr...4/#post3286184

هلا وغلا بكم تنور قطر

اختي اضيف على رد اخونا

هذا الرابط بفيدك واي استفسار ابشري به
http://www.arabtravelersforum.com/travel283370/




بصراحة مشكورين وأحرجتونا بكرمكم هذا كلش موغريبة عليكم وعموماً أي إستفسار عندي ماراح أستحي منكم لأنكم تعتبرون أهلنا بالكويت ووايد متحمسة أشوف قطر بصراحة رحنا كل دول الخليج بس ما مرينا على الغالية قطر بس هل المرة مستحيل أطوفها

وردة الكويت

الله يحييكم في بلدكم والأخوان ماقصروا وحللتم أهلا ونزلتم سهلا

انا رايي من راي اخوي قطر3333 بنسبة للفندق انصح بفندق دبليو لانه رووووووعه

والاماكن شرحها اخوي حرس

وهي المجمعات التجارية وسوق واقف ومتحف الفن الاسلامي والكورنيش

واي استفسار احنا بلخدمة

المشاركة الأصلية كتبت بواسطة warda
http://www.arabtravelersforum.com/tr...1/#post3286271

بصراحة مشكورين وأحرجتونا بكرمكم هذا كلش موغريبة عليكم وعموماً أي إستفسار عندي ماراح أستحي منكم لأنكم تعتبرون أهلنا بالكويت ووايد متحمسة أشوف قطر بصراحة رحنا كل دول الخليج بس ما مرينا على الغالية قطر بس هل المرة مستحيل أطوفها

وردة الكويت




تنور قطر فيكم وابشري بسعدك

ما قصرو الاخوان وان شاء الله تستانسون فالدوحه