الموضوع: استفساااااااااااااااااااارات الرجاء المسااااااعده

السلام عليكم ورحمة الله وبركاته


إخواني الأعزاء بإذن الله مسافره لندن بشهر ديسمبر وعندي كم سؤال اتمنى منكم اجاباتي "


1. عندي استفسار على هذا الفندق أش رايكم فيه هل تنصحوني اسكن فيه اهم شي عندي النظافه والموقع *Hotel Edward Paddington *


2. مدري هل هذي الفتره فيها تخفيضات علما ان رحلتي بتكون 2 ديسمبر الي 11

3. انا خلاص حجزت بس ابغا اعرف هل هذي الفتره فيها ثلوج يعني ما باشوف خضرة الهايد بارك


وان شاء الله اذا في سوال أسألكم

مواضيع عشوائيه ممكن تكون تعجبك اخترناها لك:

• الاماكن الساحية في مقاطعة أسكتلندا(بريطانيا)
• افيدوني
• أحتاج المساعدة في تخطيط رحلتي إلى لندن
• مواعيد التاكس فرى
• بريطانيا في سبتمبر ..
• طلب تخطيط رحلة للندن
• افضل فندق خمس نجوم لعرسان
• باقي في جواز سفري خمسة أشهر
• استفسار عن ؟
• استفسار بخصصوص تذاكر الاماكن السياحه وطريقة الوصل لها
• احتاج مساعده عن سكن والخطوط الى لندن
• استفسار بخصوص ايجار شقه لمده لاتقل عن اشهر ولا اجيد الانجليزيه
• استفسار سريع جدا جدا جدا
• استفسار بخصوص الفيزا و الاجواء
• بورمث
• المغــــامـــره اللندنــيـه
• موسوعة الصور الشاملة لبريطانيا لندن
• ساعدوني سكن لمدة شهرين في كانتربري
• أفيدوني بأسهل طريقة لدخول بريطانيا
• سؤال عن البحيرات ضروري

ايوه تذكرت بغيت شريحه للبلاك بيري عشان أتواصل مع اهلي أش احسن
اشتري فودافون ولا في شي افضل

والله الفندق صوره الفعليه ما تبشر بالخير و لا اراء الناس عنه
الصور الفعليه للفندق غير كلش الموجوده في بوكينق
شوفي اراء الناس و الصور اللي حاطينها الزوار له
http://www.tripadvisor.com/Hotel_Rev...n_England.html
معطينه نجمتين و يضيق الخلق الصور و الكلام
و ترا اهوه نجمتين بس الفندق .. لكن في بوكينق حاطينه 3 و الا مكتوب Hotel Edward is a friendly 2-star hotel in Westminster

5 نجوم بلندن و الف عيب كانهم 4-3 نجوم في دول ثانيه .. فشلون رسمي نجمتين !
الراي لج

البلاكبيري في مواضيع وايد تكلمت عنه .. اخذي اورانج و 5 باوندز بالشهر مفتوح و قولي حق الموظف اللي بالمحل يضبط لج و يفعلج اياه

شهر 12 برد و ان صار في ثلج بيكون مع المطار و طبقه بيضا مو ثلج جليد كل شي .. و الخضار بالربيع مو بالشتا بس هم من احلي فترات السفر شهر 12

في تخفيضات اللي قبل كريسماس لكن التخفيضات الفعليه اخر 12 و اول 1

بالتوفيق

ماقصرت خبيرنتا الثلج بشهر 1 شوفي تقريري تحت بالتوقيع الله يعينكم بالبرد اهم شئ تخذون معاكم القفازات الايدي

مع القيعه الراس

خبيرتنا الله وجزاك الف خير والله على توضيحك للفندق وانا أحسبه ثلاث نجوم وكأني قريت في البوكنق انه مرااا نظيف وموقعه خطير
يالهي مرااااااااا مصدومه شي يفجع الي والله جاني غثيااااااااان فضيع

طيب ممكن ترشحولي فنادق سعرها معقول ونظيفه جزاكم الله خير واحد مجربها لأني

إخواني الاعزااااااااااااء ساعدوني بفندق جزاكم الله خير نظيف وسعره معقول

جم الميزانيه؟

الله يجزاكي الف خير

اذا تقدرين يكون بالليله 120 باوند

نظيف وموقعه زين الله يسعدك دنيا واخره

لازم عند اوكسفورد و الهايدبارك ؟ و الا عادي شوي ابعد عند النهر مثلا؟
و هل ممكن زياده ميزانيه الليله شوي؟

والله اول مره اروح لندن ونفسي بجد اروح لها

ودي يكون الفندق قريب من الهايد بارك لأني أخاف أتوهق وأضيع


طيب مو مشكله ازيد الميزانيه شويتين

بس رشحلي فنادق نظيفه جزاك الله خير
*

ان شاء الله بشوفلج انسب شي و احطلج لسته

الله يجعله في ميزان حسناتك


وانا في انتظارك

اب


اب



اب

السلام عليكم

اختي كويتيه بارك الله فيك وجزاك الله الف خير وعلى جهدك


بغيت أسالك على بعض الفنادق لأني محتاره بين ثلاثه


لأني صراحه فتشت الفنادق وشفت صورها من تصوير الناس والزوار اهم شي عندي النظااااااااافه لأني حسيت انهم في وادي والنظافه بوادي


الحمدلله ثلاث فنادق عجبتني الله يجزاك خيررررررررر








واكثر عجبني الفندق الي جنب نهر التايمز ابو خمس نجوم

بس مدري هل هذا الفندق جنبه مواصلات المترو والباصات تساعدني اروح للاكسفورد والهايد بارك وغيرها وهل هو بعيد عن السنتر وش في شي جنبه فكرت أحجز وخلاص فيه بس شايله هم وأتوهق


ويرضه محتاره اختار هذا الفندق hotel indigo London حسيته جديد وغرفه نظيفه وأحلى شي فيه جنب محطة القطار الي توصل للهيثرو

وكمان الفندق الي قلتي عليه الي جنب الكمبرلاند وموقعه تمام عجبتني صوره بس برضه محتاره مرااااا بين الثلاث الفنادق هذي


بخبرتك عزيزتي اش افضل أني اختار من بين الثلاث بما أني اول مره أسافر لندن



وهل الموقع الاجنبي حق الفنادق easy to book موقع موثوق مثل البوكينق احد جربه



و جزاااااااااك الله الف خير تعبتك معايا

دخلتي تريب ادفايسور قريتي اراء الناس و شفتي الصور الحقيقيه للفنادق؟

1- Hotel Indigo Paddington London
http://www.tripadvisor.com/Hotel_Rev...n_England.html

2- Shaftesbury Suites Marble Arch London
http://www.tripadvisor.com/Hotel_Rev...n_England.html

3- Rafayel Hotel on the Left Bank London
http://www.tripadvisor.com/Hotel_Rev...n_England.html

علي فكره انا الفنادق هذي كلها ما سكنتها .. انا سكنت ال12 فندق اللي حاطتهم بتقريري فقط .. هذول حسب اللي اقراه و اراء الناس و خبرتي باماكن هالفنادق او اعرف ناس يكونون مجربينها يعني و تناسب ميزانيتكم ..

شوفي Rafayel اللي 5 نجوم علي النهر .. عيبه انه بعيد .. اهوه يعتبر بوتيك هوتل يعني صغير و لوبي عادي صغير .. بس الغرف مالته حلوه و المنظر حلو و النظافه .. لكن كفندق و لوبي و جذي لا تتوقعين بتلقين فندق كبير 5 نجوم لا صغير جدا و خدماته محدوده بس نظيف و الغرف راقيه مثل مانتي شايفه بالصور ..
عيبه الوحيد من وجهه نظري الموقع .. يعني جدامه صحيح محطه باص .. بس الباصات راح توديج اماكن لازم تغيرين فيها عشان تروحين مثلا اوكسفورد و هاردوز و جذي .. يعني لازم تتعلمين اولا و لازم حوالي 30-40 دقيقه طريج ..
و التاكسي ما انصح فيها يبيلها بروحها ميزانيه .. حتى اقرب اندرقراوند يمه لازم يوديج محطه و تغييرين فيها اللاين عشان تروحين اوكسفورد .. شي متعب بيكون حق ناس اول مره يروحون و يبون يستغلون كل دقيقه بالسفر و اصلا مو متعودين علي مواصلات لندن .. و الا الفندق جميل :|

انا Shaftesbury فحسنته العظيمه الموقع .. بقلب الستي .. خطوات انتي بكل مكان مثل ما قتلج .. مستواه مو واو .. لكن مقبول .. شوفي الصور القعليه ..
في غرف جدا ضيقه و في غرف عاديه .. اللوبي صغير و عادي .. لكن الموقع من وجهه نظري بيغني عن كل شي بالنسبه لميزانيتكم ..
يعني الفندق مافيه لوبي و لا مطاعم و لا شي .. بس ارد و اقول الموقع سوبر و النظافه ممتازه و الخدمه جيده ..

اما Indigo .. فالغرف مقبوله و نظيفه .. عيبه من وجهه نظري حوالينه كله بقالات العرب و القهاوي جذي شخصيا ماحب شارع العرب و توابعه و هذا احد توابعه .. لكن بغض النظر عن هالشي مناسب لميزانيتكم .. يم المحطه .. باصات كثير حوالينه .. غرفه نظيفه و جديده .. خدمته جيده

حيرتج اكثر؟

السلام عليكم


ههههههههه ايو والله شفت ذاك الموقع وتصوير الناس لأني تعقدت



خلاص اختي رسيت على الفندق الاول. الي. جنب الكمبرلاند وحجزت فيه الحمد لله

2- Shaftesbury Suites Marble Arch London


والله يعطيك العافيه ويجزاك الف خير ماقصرتي عزيزتي


طيب اختي كويتيه الحين ابغا اعرف كيف طريقة الوصل من المطار للفندق الي انا فيه عن طريق قطار هيثرو

كأني كثرتها بالأسئلة
*

اتمنى لكم رحلة موفقة

fبس شركة الفا هذي وين نلقاها

المشاركة الأصلية كتبت بواسطة mizofaheem
http://www.arabtravelersforum.com/tr...4/#post6149194

fبس شركة الفا هذي وين نلقاها



http://www.arabtravelersforum.com/travel349761/