الموضوع: الى محبي الرياضه دخلو بغيتكم بموضوع

بسم الله الرحمن الرحيم


الى شباب البوابه الرياضيين بغيت كل الي تعرفونه عن النوادي الرياضيه بلندن وحوالين لندن

كل الي عندكم حطوة هنا

معلومات

روابط

مواقع

اي شي تعرفونه كتبوه بليييز عن النوادي الرياضيه حتى حلبات المصارعه اذا فيه



انتظر ردودكم

مواضيع عشوائيه ممكن تكون تعجبك اخترناها لك:

• عندي الفيزا من شهر نوفمبر بس اشلون عن فيزة عيالي ؟؟؟؟
• سؤال بخصوص السكن حول ترافلجار
• متى اروح استلم التأشيره بسرررعه
• عقب اسبوعين مسافر ومحتاج عونكم
• السلام عليكم عدت لكم من جديد
• استفسار مهم عن ريف قريب من وسط لندن
• كشتتـنا بالريف الإنجليـزي الليك ديسترك مصوّرة
• هل موجود هالشيئ في لندن؟؟
• مواطن سعودي اسكن في فرنسا وابي فيزا
• متخوفه من لندن
• هل أجد مطعم ممتاز بسعر رائع لعائلة ؟
• أحلى أيام قضيتها في مدينة الضباب صور
• بخصوص رسوم تاشيرة الخادمة مهم لو سمحتوا
• وش رايكم بالقيادة بالسياره في بريطانيا هل هي سهله ولا صعبه
• رحلتي لبريطانيا من الى مع الصورررر
• مساعدتي في تخطيط رحلتي الى اوربا
• سؤال عن التون تاورز
• قدمت طلب للفيزا من الموقع
• موقع يورو ستار ؟
• مساعدة في التخطيط فديتكم

مرحبا

انا حاليا في لندن وهي اول مره لي

شخصيا رحت الارسنال نادي عريق قريب وايد من وسط لندن
واخذت جوله على الملعب وفي متحف و متجر خاص بالنادي حلو جدا
طريقة الذهاب من الاندرقراوند من ماربل ارش الى هولبورن بعدين تغيير الى الارسنال
سعر الدخول الشخص ب 15 باوند


والشئ الاخر انا رحت له خاص بالرياضه في مانشتسر والرحله طويله جدا ومتعبة في نظري بس قضينا يوم كامل حلو
رحت ورديت في نفس اليوم

طريقة الذهاب تروحين الى محطة قطاراات ايوستن ومن هناك حجزت الى مانشستر التذاكر ب 140 باوند لشخصين
اشوفها غاليه جدا
ودخول النادي في مانشتسر تقريبا ب 13 باوند للشخص جولة ومتحف وفي الاخير المتجر
طبعا من مانشتر الى النادي بالتاكسي وبعد ما خلصنا رحنا الى مجمع الترافولد بصراحه روووعه هالمجمع

ولي نية لزيارة ملاعب التنس بس لحد الان موب محصل فرصه

ولمزيد ان شاء الله لما ارد احط تفاصيل بالصور

موضوع دائماً يُسأل عنه هنا في بوابتنا ..



أول شي لندن فيها ثلاث أنديه رياضيه أعتبرهم من كبار الأفرقه في الدوري الأنجليزي الممتاز ..


أولاً : Arsenal


موقعهم الرسمي : http://www.arsenal.com/

ويوجد به العديد من الخدمات لمن يرغب زيارة ستاد الإمارات .. وعمل العضوية بالنادي ..
حجزت تذاكر مباريات الدوري والكأس ودوري ابطال أوروبا .. حجز الجولات التي تكون داخل الملعب .. مع الاسعار طبعاً ..


وطريقة الذهاب إليه :


تاخذ السنتر لاين .. الخط الاحمر من الماربل أرش طبعاً ..

تنزل عند Holborn

وتبدل القطار الى خط البيكاديللي لاين .. الخط الازرق


وتنزل عند محطة أسمها Arsenal .. وتخرج منها وتاخذ يمين .. تمشي لمدة تقريباً دقيقتين .. وراح تشوفه على يمينك ..



ثانياً : Chelsea


موقعهم الرسمي : http://www.chelseafc.com/


فيه العديد من الخدمات .. حجزت التذاكر .. واصدار عضوية بالنادي .. واسعار كل شي متعلق بالنادي ..


وطريقة الذهاب إليه :


خلونا على محطتنا الماربل ارش .. تاخذ الخط الأحمر .. وتنزل في محطة Notting Hilll Gate .. وبعدها تاخذ الخط الأخضر .. اللي اسمه دستريكت .. وتنزل في محطة Fulham Broadway .. اللي هي محطة الستامفورد بريدج ..



ثالثاً : Tottenham Hotspur

توتنهام هوتسبير هو النادي اللندني الثالث ..


موقعهم الرسمي :http://www.tottenhamhotspur.com/

فيه كذالك حجز التذاكر .. واصدار عضوية بالنادي .. واسعار الجولات وكل شي يتعلق بالنادي ..

طريقة الوصول إليه :


نفس محطتنا الأولى .. الماربل ارش .. ناخذ الخط الاحمر السنترال لاين .. وننزل عند Oxford Circus .. وناخذ الخط السماوي .. اللي هو Victoria line .. وننزل عند محطة Tottenham Hale .. اللي هي محطة ملعب الوايت هارت لين ..



وهذا ما أذكره الآن .. واذا خطر ببالي شي سأضيفه هُنا ..



وساامحوونا على القصوور ..