الموضوع: روما فينسيا ميلان في شهر العسل

سلام واحلى سلام بعد


الشهر عليكم مبارك


مدري وين ابدا معه ( ياهي صعبه كل ابو دايم هالمقدمه )


هاذي تفاصيل رحلتي حقت شهر العسل (ابتكلم فيها عن جزء مو كلها : ) )


ابد قدر الله علي خطبتك واول ما وافقوا بدت الحيره ...


فأول شي جا في بالي شهر العسل خخخخخخخخخخخخخخخخ


وين اروح لشهر العسل ؟!!


كروز ؟؟!


ايطاليا واسبانيا ؟


او اروح لايطاليا وجنيف وباريس زي ما سويت قبل ثلاث سنين ؟؟!!


وجلست احسبها


قلت كرووز حلوه وبطله بس تضمن لي ما يجي البنت دوار البحر !!؟


حلم سيء للغايه استعبده لين تجرب البنت وش هي من لحيه حتى لو سوت نفسها قويه


ايطاليا واسبانيا؟؟!


حل حلووو مره بس فيه مشكله بناتنا ما يتفاهمون في الشناط حقت شهر العسل ما تسوي علي من جد ادفع زي تذكره السفره على كل تنقلاتي عشان عفش ههههه


بقى اخر حل لي زي ما سويت قبل ثلاث سنين


هو الحل وكل تنقلاتنا بالقطار بتصير وعارف الديار وهي ما شافتها ومنها بتكون مستحيه بعد يعني ما تتقضى اذا رحنا روما وميلان وباريس وتصير اذا جابت الطاري اقول خلاص لا نكرر ترا مهوب زين



رحت وحجزت على السعوديه قبل السفره باربع شهور ( حتى قبل ما اضبط شي امور الزواج اول شي سويته هالشي )


قصيت التذكره الرياض - روما باريس الرياض بـ 3250 ريال


طيب وش باقي الحين الفنادق ..


وين اسكن لازم شي زين شهر عسل ويصير اول مره واخر مره بعد


وحجزت فنادق معتبره ..


باقي تاشيره المدام ..انا عندي تاشيره من العام خخخخخخخخخخخخخخ


وطلعتها من الايطاليه لها وابتدى المشوار

مواضيع عشوائيه ممكن تكون تعجبك اخترناها لك:

• كـــل الطــــــرق تــؤدي الـــــ رومـــــــــــا ــــــــى
• سان مارينو دولة داخل ايطاليا
• بولزانو
• متفرقات وملاحظات بعد العوده من ايطاليا
• مواعيد طلبات الفيزا استفسار
• استفسار الرجاء الرد باسرع وقت
• سنة أولى ايطاليا نصائحي بالصور والأسعار سبتمبر
• شهر عسل رايكم لو سمحتو
• الفزعه
• جاركم من البوابه النمساوية يبي فزعتكم
• الى جميع خبراء ايطاليا ؟
• استفسار ياخبراء ايطاليا
• عاجل بخصوص موعد السفارة
• لأهل ريتشوني
• استفسار عن رحلتي الى شهر العسل
• ياشباب ابغا اقتراحاتكم لبرنامج ليالي في ميلان
• حديقة جاردالاند في ايطاليا
• بساط كريم الدينشربين الدقهلية
• اللي رفضوا يعطونهم فيزا يدخلون وأولهم القطريين
• الأماكن الأثرية والتاريخية في روما

الرحله كانت فجريه يوم 13 - 7 - 2008 الساعه 3 الفجر تقريبا

المفروض نقلع 3 بس لازم تاخير ساعه عشان نعتز بخدمتكم

وصلنا مطار روما الساعه سبع ونص الصباح تقريبا ..!

اخذنا تاكسي الى الفندق بـ75 يورو (جعله ما يربح )

الفندق هو ( The Westin Excelsior )

بـ330 يورو في الليله بس معليش شهر عسل

هذا اللينك حقه
http://www.starwoodhotels.com/prefer...?propertyID=70

طبعا اول ما حجزت ارسلت لهم ايميل قلت لهم ابجي بدري ترا وتراه شهر عسل وكانت روما من تاريخ 13 -07-2008 الى 17-07-2008

ما قصروا والله اول ما وصلت لهم جلسنا ساعه في اللوبي قالوا شوي بس ننظف الغرفه

وبعدين دخلنا الغرفه وكان فيها هالشي بمناسبه الهوني مون


المهم جلسنا شوي يوم طلعنا رايحين لـ Spanish Steps
او بالايطالي
Piazza di Spagna




وطبعا الشارع اللي بينهم فيه كل الماركات Via Condotti



شوفوا بعد هالحركه في محل LV



اول يوم طبعا بس دوران في هالمنطقه والساعه 10 رجعنا للفندق عشان ننام تعبانين كنا مع السفر

اليوم الثالث صحينا بدري بس طلعنا كالعادهـ 11

اول شي رحنا اخذنا هالكوفي وستروبيري تورت قبال الفندق

بس من جد احلى ستروبيري يمكن يذوقه الواحد في حياته



وبعدها رحنا لـ Colosseum

او المسرح الروماني








ومنها للاثار اللي جنبها ومنها Forum Romanum









وبعدين رحنا نجلس على Spanish Steps

واحنا جالسين على الدرج يجيننا ذاك البنقالي وهو يبيع بيرهــ!!

البنقالي : سلام عليكم ..!

أنا : وعليكم السلام هلا ..!

البنقالي : معليش انا يبيع بيره والله معليش

أنا : وجالس اقول وش دخلني انا مانيب ربك ابحاسبك

والبنقالي ما غير يعيد معليش والله انا اسف

حرمتي: طيب ليه ما تبيع مويه مدامك تقول معليش ؟؟

البنقالي : انا لو بيع مويه محد يشتري هذا نفر كلوه كافر بس يشرب بيره

أنا :

يوم جاء بيروح البنقالي قال لي : انت سعودي ؟؟

قلت : لا ( مدري ليه جا في بالي انه بيغني انت سعودي طيبك جاوز كل حدودي )

يوم البنقالي عصب وجالس يقول : ليه طيب انا يقول لك اسف ومعليش ليه ما فيه قول من اول انتا ما فيه سعودي وبدا يبعد

أنا : :101:



وبعد ما خلصنا من هالموقف بدت تظلم الدنيا رحنا تعشينا وبعدين رحنا لـ Pantheon




جلسنا شوي وبعدين اخذنا ايس كريم من اشهر محل هناك وبعدين رجعنا ننام

كالعاده طلعنا الساعه 11 بس كنت مقرر نركب الباص

بس قبلها تمشينا في الفيا فينتو ورحنا لـ Villa Borghese

هي عباره عن حديقه كبيره وفيها متحف وفيها جلسات





واحلى شي اعجب زوجتي فيها هالسيكل استجرنا واحد زيه اثنين جنب بعض وفيه مكينه يعني ما يتعب بـ 10 يورو الساعه



وبعد ما خلصنا دوران فيها رحنا ركبنا الباص السياحي كان قريب مره من فندقنا

ونزلنا في Vatican

طبعا عشان يدخله الواحد لازم يصير متستر موضوع شورت ما فيه موضوع شي مزلع هم بعد ما فيه



ومنه طلعنا وكمل الباص فينا دوران ..!

تقريبا اغلب الاشياء مرينا عليها من قبل واحنا نمشي

بعدين تعشينا ورجعنا نرتب شناطنا عشان نروح لـ فينسيا

صحينا من بكره ورحنا لـ محطه القطار اللي اسمها Termini



احلى وأهم ما في روما :

1- Via Veneto وهو زي الشانز كلها قهاوي وجلسات وفيه Hard Rock

2- ملاهي luna park

3- Spanish Steps/Piazza di Spagna وهو الدرج الاسباني وانت جالس فيه تشوف Via Condotti اللي عباره عن محلات ماركات ومنه تمشي وتوصل لـ Via Frattina و Via Borgognona نفس وضع Via Condotti

4-Villa Borghese وهي حديقه كبيره ومتحف وجلسات بعد فيها

5- Colosseum وهو المسرح الروماني وجنبه اثار كثيره بعد

6- Lido Di Ostia وهو شاطىء وجلسات فيه بس تراه بعيد شي

7- Trevi Fountain/Fontana di Trevi هي اشهر نافوره فيها وهي اللي يقولون اللي يذب فيها فلوس يرجع لروما

8- Castel Romano Outlet هذا هو الاوت ليت اللي في روما

9-Piazza Navona وهي ساحه الرسامين

10-Vatican الله يهديهم بس هذا اللي اقوله

11- Pantheon وهو ساحه وجنبه اشهر محل ايس كريم جيلاتيني

12- Castel Saint Angelo عباره عن البيت الدائري ومتحف فيه

احلى ما في روما ان المحلات السياحيه جنب بعض وكل شي تقريبا توصله برجليك والعربان ما تشوفهم واجد

اكثر شي في روما ساحاتها و في كل ساحه فيها نافوره النافوره مويتها بارده يعني ما تحتاج تشتري مويه الا مره وحده بس بعدين اجلس عب علبتك والديره الواحد يشتاق ان زارها ويحبها بعد

ايطاليا بشكل عام بتاكل فيها البيتزا حلوه مره ويمكن احلى بيتزا بتقوها بس المكرونه لك عليها لانها بارده لازم تقول لهم خلوها حاره

تاكسيهم عرابجه بشكل فوق الخيالي ولا تتوقع ناس تتكلم معك بالانقليزي كثيرين ابد ابد ابد

اخر شي يمكن يقدر يقوله الواحد عن روما صدق


كل الطرق تؤدي الى روووما

يعطيك العافية اخوي سنيور ...






جلسنا شوي وبعدين اخذنا ايس كريم من اشهر محل هناك وبعدين رجعنا ننام



ياليت تذكر الاسم أو على الأقل المكان

*المها*






أرباب معليش انته كمل هاذا تقرير .. بسرعه معليش ! ما في تأخير ^_____^



إن شاء الله






ان شاءاالله حياتكم كلها عسل في عسل ..



شكرا







بسألك بالنسبه للجو في شهر 7 ما كان حار؟؟؟!



روووما يومين كان الجو فيها حلو ومطر ويوم نصه حر ونصه غابت الشمس ويوم كان شمس والله




الهلالي






يعطيك العافية اخوي سنيور ...



الله يعافيك حبيبي









ياليت تذكر الاسم أو على الأقل المكان



Giolitti

هلا أخوووي ..
يعطيك ألعافية يا غالي ..

ومبروك العرس .. منك المال ومنها العيال ..
والله يجعل حياتك كلها عسل في عسل ..

وياليت تذكر لنا كيف الحجاب عادي أو في شيء ..
واذا يها شي اذكر لنا مثال ..

انا عشقي الرياض

شف في مطار روما زوجتي كانت لابسه العبايه يوم وصلنا للجوازات راعي الجوازات يوم شافها متغطيه بغى ينادي خويته عشان تطابق

اما الحجاب في الديره عاادي مرره محد بيقول شي ولا احد بيلتفت عليك

الف مبروك على العرس وبارك للمدام كمان
الله يسعدكم وتسافرون كل سنه وتعطونا اخبار حلوه زي التقرير المفيد
جدا جدا ..

عندي سؤال ..

كم المسافه بالقطار من روما لفينيسيا ؟

الله يبارك في يا ام النواعم

المسافه تقريبا 4 ساعات

والله موضوع حلو
جزاك الله خير اخوى

المشاركة الأصلية كتبت بواسطة الرمال
http://www.arabtravelersforum.com/tr...8/#post2653588

والله موضوع حلو
جزاك الله خير اخوى




حلاته وجودكم ..!:smile:


غزال المسك






مبروووك ما دبرتواا والحمدالله على السلامه



الله يبارك فيك ويسلمك يا رب

بالنسبه لروما عندي كذا سؤال !

هل كل الاماكن السياحيه اللي ذكرتها قريبه من بعض ؟ هل نقدر نلفها مشي ؟
ووين افضل الاماكن للسكن لاني ابي احجز ومتوهقه ؟

هل بنحتاج المترو او التاكسي للتنقلات ؟

ياليت تفيدني واذا مر عليك اوتيل رخيص في موقع كويس يايت تذكره لي ..

وبالنسبه لفينيسيا .. اذا جيت ارجع لروما احجز بالقطار من محطه سانت لوسيا ؟
وايش الافضل احجز من هنا والا اذا وصلت فينيسيا ؟ وكم سعر التذكره رجعه بس ؟
واسم محطه القطار في روما ترميني ؟

اقلقتك بالاسئله بس مهمه كثير

ماشاء الله

ابدعت ياكروووووووووز

الله يهنيكم ياارب

التقرير رائع جدا ومفيد

سيفته بالمفضله

المشاركة الأصلية كتبت بواسطة الزعيمة
http://www.arabtravelersforum.com/tr...1/#post2659061

موضوعك جميل والصور اروع

والله مشكلة الناموس في ايطاليا مشكلة.....لانهم مايرشون اي مبيد حشرات عشان الطبيعة عندهم ما تنعدم على قولتهم

حنا انعدمنا يوم رحنا هناك من كثر الناموس......بس عرفنا سر الايطالين.....الا وهو انك دايم قبل ما تطلع

ترشح واقي ضد الناموس وترتاح...وهذا اللي سويناه.....

المرة الجاية اذا بغيت تروح ل ايطاليا اشتر واقي ضد لسعات الناموس .....

ومرة ثانية تسلم على ها التقرير الممتع




الزعيمه المشكله اول مره رحت ما جاني نامس وانا عارف ان ميلان كلها نامس وحاط احتياطتي معي ولا جاني شي هالمره وانا قايل لزوجتي ترا ميلان يقولون فيها نامس بس ترا اول مره ما جاني ولا جيته هالمره لعب فيني في شهر العسل تحسين زوجتي مكفختني خخخخخخخخخخخخخخخخخخخخخ

الله يعافيك ومشكور على الرد ..

بالنسبه للاوتيل ابيه من 200 يورو واقل والغرفه ابيها تربل ..
والموقع قريب من السبانيش ستيب او محلات المطاعم والمقاهي ..
بالنسبه لنافوره تريفي مدري عن موقعها اذا كويسه المنطقه المحيطه
فيها وحيويه شوفلي فيها .. يعني انت ادرى بالمواقع لانك زرتها لكن
انا مانيب قادره احكم زين .

وبعدين الواقي اللي ضد الناموس من وين القاه ؟ صيدليه ؟؟

الف مبروك الزواج وشكرا على التقرير الحلوو

المشاركة الأصلية كتبت بواسطة ام النواعم
http://www.arabtravelersforum.com/tr...3/#post2666223

الزعيمه الله يعافيك ماتقصرين شكرا

cenuor

لقيت لي شقه في موقع مميز وسعر ولا اروع بس
خلهم يردون علي وان شاء الله انها انحلت ..

شكرا لكم ماقصرتوا



نستنا منك تعلمينا عن الشقة اذا هي حلوة والا لا؟:114:

انتي حددي اللمت حقكم عشان اشوف لك الفنادق ..

الشي الثاني موضوع كم يكلفك تقريبا 100 الى 150 يورو حسب الشخص عرفتي

ممكن تواريخ بس وابشري بعزك لكل مكان

تقرير جميل وشهر عسل مبارك ان شاء الله بس ليا عتب ياخوي صغر حجم الصور احنا متابعين

هل الموضوع انتهى هنا ؟!!

سير الرحله روما - فلورنس- فينيسيا - ميلان- روما

للحين ما قررنا كم يوم لكل مدينه بس حجزنا من7/6 الى 21/6

انا بس كنت ابي منك المناطق الي تنصحني اسكن فيها مثل الي انت سكنت فيهااا وانا ان شاء الله ادور لي اوتيلات

سأزور روما يوما... سأزورها بإذن الله



الله يهنيكم

تقرير مبدع

شو رايك خبير ايطاليا .. بشهر عسل في شهر نوفمبر

خط السير تبدي من

.( باريس) 4 ليالي ..
( ميلانو ) 5 ليالي ..
فنيسيا 3 ليالي ..
.( روما ) .. 4 ليالي

شو رايك ؟؟ اخلي روما البدايه ولا باريس ؟؟

السلام عليكم اخى وان شاء الله الف مبروك

اريد ان اريك ملاحظة ظريفة وهى ان هذه الساحة فى ايطاليا يوجد لها ساحة نفسها بالضبظ فى ليبيا بنيت فى ليبيا وايطاليا وهذه الصورة ولاحظ الشبه



وهذه فى ليبيا



واسم التمتال سيبتيموس سيفيروس

تحياتى اخى

الرباطي الاجمل وجودك حبيبي..!


الوافي لازم تعرف ترا المسافه بعيده بين باريس وروما اما موضوع البدايه والنهايه حسب انت وش تبي اتوقع بدايتك حلوه باريس

تقرير رائع من شخص ابدع ايضاً ..

الله يوفقكم ويرزقكم الذريه الصالحه انشالله ..

سؤالي تجده في موضوعي الله لا يهينك

http://www.arabtravelersforum.com/travel304411-2/

تقرير رائع وصور جميله....شكرا لك

بياله شاي حبيبي اول شي عطني الوقت عشان اعطيك سعر ويمكن تقدر تقول حول العشره..!

اما سالفه كم كنت حاطه والله مدري بس الوكاد انه ما فيه امل تتكرر الميزانيه ولا السفره لانها شهر عسل وهو مره في العمر حبيبي

مشاالله على التقرير فعلا يستحق الاشاده

اخوي عندي استفسار ممكن تساعدني فيه

ابي رايك في ايطاليا وسويسر وفرنسا لي شهر عسل في نصف شهر 11

محتار في خط السير

ابي رايك في ترتيب الرحله ومدة الرحله 12 يوم

ممكن تساعدني

وشنو الاماكن اللي تنصح الواحد يروحلها في اطاليا وسويسر وفرنسا ومن ضمن الرحله جبال الالب والديزني


ممكن تساعدني

حمدلله عسلاااااامه

تسلم اخوي على هالتقرير الرائع و الواضح
ومرتب الصراحه .............


تسلم بانتظار جديدك

بياخذ عليك حبيبي 60 الى 70 يورو خذها بباص بعشرين يورو للواحد حبيبي

ناااايس ..

الحمدلله على السلامة ..


في انتظار يديدكم دوووم ^^