العفو اختي لاثقلتي علينا ولا حاجة واسالي من السؤال للمليون وانا وباقي الاخوان والاخوات حاضرين....

بالنسبة لاستفسارك الاول نظام الاندرقراوند في لندن مبني على محطات الاندرقراوند ومن داخل الانرقراوند فيه خطوط مختلفه بتاخذيها على حسب انتي رايحه وين ( شمال,جنوب.غرب,شرق لندن) ولكل خط قطار له اسم و لون معين كمثال محطة Kilburn اللي قريبه عليكم مافيها الا خط قطار واحد فقط يخدمها اللي هو Jubile Line ( اللي بيخدم احياء شمال غرب لندن - بعض احياء وسط لندن - وبعض احياء جنوب لندن وشرق لندن).

والجواب على استفسارك كالتالي:

ال Victoria Line (( هذا اسم خط القطار اللي بتاخذيه من داخل محطة الاندراقراوند لونه ازرق فاتح -- لانو عندك تقريبا 12 خط قطارات باسماء والوان مختلفة من مختلف محطات لندن))
وتاخذي ال Jubile Line (( بردوا هذا اسم خط القطار اللي بتاخذيه من داخل محطة الاندرقراوند لونه رصاصي))
Cricklewood (( هذا اسم الحي اللي فيه الفندق اللي انتو نازلين فيه - موقعه شمال غرب لندن))
Bakerloo (( بردوا هذا اسم خط القطار اللي بتاخذيه من داخل محطة الاندرقراوند لونه بني))


بالنسبة كيف تتنقلي من محطة Kilburn الى المجمعات والاسواق كالتالي:

1- هاوس او فريزر و جون لويس موجودين في شارع اوكسفورد -- تاخذين ال Jubile Lane من محطة Kilburn وتنزلين في محطة Bond Street علطول بتلقينهم على نفس شارع الاكسفورد واحد على يمينك والثاني على يسارك فقط قي مسافة بسيطة بينهم.

2- سوق الأحد بشارع ليفربول او Petticoat Lane Market -- تاخذين ال Jubile Lane من محطة Kilburn وتنزلين في محطة Bond Street وتغيري وتاخذي الCentral Line الي محطة Liverpool Street وتنزلين هناك وعلى بعد مسافة مشي بسيطة بيكون السوق هناك في شارع اسمه Middlesex وزي ماقريتي في المنتدي السوق مفتوح من 9 صباحا الى 2 الظهر ايام الاحد.

3- لكامدن تاون بردوا تاخذين ال Jubile Lane من محطة Kilburn وتنزلين في محطة Green park من هناك تغيرين وتاخذين ال Victoria Line وتنزلين في محطة Euston ومن هناك تغيري القطار وتاخذي ال Norhtern Line وتنزلين في محطة Camden Town والسوق بيكون قريب مايضيع.

4- مجمع ويست فيلد تاخذين ال Jubile Line من محطة Kilburn وتنزلين في محطة Bond Street من هناك تغيرين وتاخذي ال Central Line وتنزلين في محطة Shepherds Bush ومن هناك السوق قريب.

5- مجمع Whiteleys تاخذين ال Jubile Line من محطة Kilburn وتنزلين في محطة Bond Street من هناك تغيرين وتاخذي ال Central Line وتنزلين في محطة Queensway من هناك تمشين في شارع Queensway اللي هو داخل الحي مسافة امتار بسيطة وبيكون السوق على يسارك.

اما السوق الاخير لاسف مااعرفه وان شاءالله باقي الاعضاء يفيدوكي بموقعه.

زي ماانتي شايفه من الوصف انو يمديك تروحين لجميع انحاء لندن من محطتك بس اللهم الشي الوحيد اللي بتعملوه هي عملية تغيير القطار فقط ولما تستخدموها كثير بتحفظوا الخطوط والمحطات.

بالتوفيق في سفرتكم,

مواضيع عشوائيه ممكن تكون تعجبك اخترناها لك: