الموضوع: طالبتكم اخواني في قطر

اهلين اخواني انا جايه الاسبوع الجاي للقطر ان شاء الله وبرنامجي راح يكون تسوق في الغالب
ابي تدلوني محلات ملابس نسائية مايكون لها فروع في دول الخليج وابي افضل الشوارع الحيوية الي فيها بويتكات او محلات ملابس وجزم وانتم بكرامه
ولكم مني جزيل الشكر:106:

مواضيع عشوائيه ممكن تكون تعجبك اخترناها لك:

• الى اهل قطر الغالين والي عنده خبر
• سؤال يا هل قطر
• ¸¸۝❝الله ياعــمـــري قـــطـــر اكثر من صوره❝۝¸¸
• الجمال و الهدوءو الرومانسية في الديحةقطر
• اللاند مارك يا اهل قطر
• رأيكم في فندق سوق واقف
• قطر في راس السنة شرايكم
• مساعدتكم لا عدمتكم
• أهل قطر افتوني ولكم كل الشكر
• دوحة لاند وبريميرإن تعتزمان إنشاء فندق بالمدينة التعليمية
• خاص للزعماء سكن الهلال في الدوحة وأشياء أخرى
• مصر
• شقق شنو رايكم فيهم
• في خطوة رائدة لأحد فنادق الدوحة
• ممكن تفيدوني عن الدكتور كمال حسين صالح
• استفسار اقرب طريق لقطر من الرياض؟
• حاليـآ في قـطـــــــر
• سافر بين الدمام والدوحة بـ ريال فقط على الخطوط الهولندية
• رأيك يهمني فلا تبخل على أخوك
• استفسار ضروري

الف شكر اختي
وماقصرتوا

حياج الله في قطر
بالنسبة للتسوق منطقه الاسواق فيها سوق واقف والديرة فيها محلات لبيع القماش وكذلك محلات للعبايات
اما سوق جبر بتحصلين فيه محلات لبيع الملابس الجاهزة للكبار والصغار وكذلك في الطابق العلوي محلات لبيع الاحذيه
اما سوق فالح فهو مكان مخصص للعبايات
سوق العسيري لبيع الاقمشه والعبايات
وعندج شارع السد كما ذكر سابقا وشارع النصر بالاضافه منطقه المنترة في شارع المنتزة لبيع العبايات ومحلات لخياطه الفساتين للمناسبات
والمجمعات التجارية مثل ستي سنتر لاندمارك فيلاجيو رويل بلازا المول حياه بلازا (اذا كان معاج اطفال فيوجد في حياه بلازا مكان ترفيهي للاطفال اسمه جنغل زون )
واي خدمه انا جاهزة
اقامة ممتعه وسعيده ان شاء الله

روحي المحلات في السد خلف مجمع رويال بلازا بيعجبج.........

[center]مشكورررين ياهل قطر ماقصرتوا
كنت متردده ومحتاره بين قطر ودبي بس سمعت كثير عن اسواق قطر وانها مميزه
فقررت انا ووالدتي اني اجي
بس ودي اعرف وشو دور السينما ودليل الافلام المعروضه بهالصيف
ادري اني ازعجتكم بس انا الي بسوي برنامج الرحله كل شئ علي عشان كذا حابه يكون عندي خلفيه ومااحتاس اذا جيت


مشكوريين للمره المليووووووووووووون :106:

مسامحة بس حبيت أقول ملاحظة :
الإسبوع اللي طاف كنت في قطر ، كنت رايح في السيارة
ولكن الغريب أكثر من 4 تكاسي ماجفت معظم اللي جفتهم بالصدفة !
يعني مافي تكاسي متوافرة إلا قليل جداً

مرحبا فيج في قطر احب اضيف للمحلات - محل قلامور في طريق سلوى وهو للملابس الجاهزة وبوتيك عايدة في ابراج الفردان وهو متخصص بملابس الماركات وعندج بعد ابراج المانع فيها محلات حلوة بوتيك زاي طريق سلوى
وعنده في الدور الثالث خصم على ملابس الماركات يصل ل 75% وفيلا مودا بوتيك في فندق الريتز كارلتون متخصص في الماركات - وحياج في بلدك الثاني قطر

ماقصرو الجماعة معاج وحياج الله في ديرتج قطر
وبالفعل ترى ماكو تكاسي !! لازم تتصلين او اذا سكنتي بفندق بتلاقينهم عند البوابات او بالاتصال ..
ويبغي لج تاخذين لفه على المجعات اللي عندنا وبتشوفين كل الماركات والمحلات اللي تعرفينها واللي ماتعرفينها ..
بس هذا يعتمد على الوقت اللي عندج يعني انتي كم يوم بتقعدينهم ؟ وعلى الميزانيه الل مخصصتهم للتسوق ؟؟

ويامرحبا بج في ديرتج الثانيه قطر