الموضوع: مباراة في سان سيرو

أحبائي الكرام
في نوفمبر القادم سأكون في ميلان لحضور مباراة
سؤالي هو :
سمعت ان الفندق يحجز لك تذاكر المباراة .. ممكن احد يشرح لي كيف او اذا في طريقه اخرى لشراء التذاكر

ثانيا .. هل يوجد فندق ممتاز قريب من الملعب

الف شكر لكم يا كرام

مواضيع عشوائيه ممكن تكون تعجبك اخترناها لك:

• ساعدوني في مخطط رحلتي
• الفنون التشكيلية في ايطاليا أرجوا الافادة
• استفسار عن اسعار الانتقالات و المطاعم
• استفسار بخصوص المطارات
• رسوم الطرق
• اي فندق افضل فى روماالانتر ام
• كيف استأجر سيارة ؟
• من ميلان الى لوقانو
• ايطاليا اول مره
• ارجو المساعده في تخطيط الرحله
• مساعده بخصوص ميلان
• استفسار بخصوص استخراج الفيزا الإيطالية
• متطلبات الحصول علي الفيزا بدعوة من افراد العائلة
• اااااااااااه يالقهر فينيسيا المجنونه معقوله هذي اسعار فنادقها
• مالي الله ثم انتم
• هام جدا هل القيادة في ميلانو آمنة؟؟؟
• محطات القطار في ايطاليا
• المساعده في اختيار فندق في ميلانو
• ممكن مساعده في حجز الطيران
• استفسار بسيط

ماعندى فكرة بس حبيت ارفع موضوعك...ان شاء اللة يفيدونك

انا كمان راح اكون اناشاء الله في نوفمبر في ايطاليا لحضور مباراة للميلان في السان سيرو
ممكن تحجز عن طريق الانترنت وتشتري التذكره كمان بالنسبة للفندق انا كمان ضايع مو عارف اي اسوي

ياشباب فالكم طيب إن شاء الله بسأل واردلكم خبر باجر
الأمانه ما حب اكتب شي إلا يكون عن تجربتي الشخصية
ولاكن كلمة أخوي البسمة انه ضايع خلتني أجتهد واسال
وبإذن الله باجر الخبر الأكيد والله يحفظكم

بوطلي اي سي تقصد صح ؟

اخوي Cenuor
لا والله اقصد يوفي ضد انترميلان

هلا يا شباب بالنسبة لتذاكر المبارة تقدر تشتريها من النت
او من محلات الرياضة بميلان او سان سيرو
سان سيرو هي ضاحية تبعد تقريبا نصف ساعة
عن مدينة ميلان
سان سيرو فيها فندقين فقط
واحد 3 نجوم ويبعد عن النادي تقريبا 4 كيلو وسعر الدبل 76 يورو
EXPRESS BY HOLIDAY IN MILAN SAN SIRO
والثاني نجمتين بس شكله علي النت حليو وقريب جدآ من الملعب
وسعر الغرفة 59 يورو للسنجل والدبل 69 اسم الفندق
HOTEL SAN SIRO FIERA

الصراحة انا مازرت المنطقة وماجربت فنادقهم
بس يقولون الأفضل السكن بسان سيرو
وعلي حسب توقيت المبارة إذا كان في ساعة متأخرة:soccer_h4
إن شاء الله أخواني مايضيعون

مشكورة جدا أميرة ..

انا حظرت مبااراة الأنتر وبولونيا يوم 4 اكتوبر


ياطويل العمر تروحفي ميلانو لبنك اسمه Popler de milano ويتجيب معك جوازك وتروح لأي شخص وتقوله المباارة الي تبيها

وتقولة الدرجة الي تبي بعد

بعدها تزنده بقيمة التذكرة طلعت لي التذكرة حقت الدرجة الثانية ب 36 يورو غالية من جد يعني حوالي 200 ريال


وبعدها تروح للمباراة وتاخذ معك جوازك ولازم يكون الأسم في الجواز مطابق للتذكرة ومكان الملعب في ضاحية السان سيرو


ترح لها بالمترو عن طريق محطة اسمها lotto والقطار اسمه Rho Fihra وتنزل وتمشي ماسفة 10 دقايق وتشوف الملعب

قدامك


وحط في بالك انك اذا تبي تحظر مبارايات دوري ابطال اوروربا بتوصل التذكرة من 100 الي 200 يورو

حبيبي بتلقاها في الاماكن اللي ابقول لك عليها

MILANO e Lombardia:

اول مكان هذا في القاليريا حق الدومو

►Box Office; c/o Ricordimediastores; Galleria Vittorio Emanuele II
lunedì 15.30 – 19.30
dal martedì al sabato 11.00 – 14.30 / 15.30 – 19.30
telefono 02 – 8690683 -- già attivo


هاذي مكتبه مشهوره عندهم مررره

►Box Office; c/o LaFeltrinelli Libri e Musica; Piazza Piemonte n° 2
lunedì 15.00 – 19.00 -- già attivo
dal martedì al sabato 11.00 - 14.30/ 15.30 – 19.00

هاذي مكتبه مشهوره عندهم مررره


►Box Office; c/o LaFeltrinelli Libri e Musica; Via Italia n° 41 – MONZA
dal lunedì al sabato 15.00 – 19.00
il mercoledì e il sabato anche 10.30




في هالاماكن تلقاها بسعرها الحقيقي وهو رخيص ترا في النت يمكن توصل التذكر 300 يورو الدرجه العاديه حبيبي

اتمنى اني ما قصرت كذا

وزي ماقال سينيور ابعد عن النت لأنه غالي مررررررررررررررة

عزيزي عبود ..

مشكور جدا
عندي استفسار .. متى يقفل البنك انا بروح له قبل المباراة بيوم (الجمعة) .. دخلت موقعهم لكنه بالايطالي

أنت ليش معذب عمرك بس توصل الفندق اللي حاجز فيه
إذا كان بميلان ولا سان سيرو
أسأل الكونسرج بيجيبلك التذاكر بنفس السعر
أو بيدليك علي أقرب مكان للبيع
ومافي داعي تتقيد بمكان يكون بعيد عن مكان فندقك
مجرد رأي لأنك لو ضيعت هناك مافي حد ح يفهم عليك
ولو تسكن يوم المبارة بسان سيرو يكون أفضل

الله يعطيك العافية أميرة
فكرتك ممتازة

المشاركة الأصلية كتبت بواسطة net1
http://www.arabtravelersforum.com/tr...3/#post2401143

مشكورين على هل الموضوع بصراحه انا كنت ابي هل معلومات من زمان وانا بعد بروح ايطاليا شهر11 وبشوف مباراه في السانسيرو بس ابي اعرف شلون اقدر اشوف تدريبات الفريق ولا ازور متحف النادي وهل الامور


وطبعا النادي هو اي سي ميلااااااااااااااااان


وهم ودي اعرف بعض الاماكن الحلوه في مدينه ميلان يعني جم يوم اقعد فيها ؟





ملانو ماتستاهل اكثر من ثلاثة


يوم في ساحة الدومو وماجاورها
يوم حضور مباراة في السان سيرو بدون المتحف لأن المتحف مايكون مفتوح ايام المباريات
ويوم في المتحف للناديين وزيارة الأوت لت في لوقانو



هذي مجرد اقتراح

المشاركة الأصلية كتبت بواسطة بو طلي
http://www.arabtravelersforum.com/tr...5/#post2384555

أحبائي الكرام
في نوفمبر القادم سأكون في ميلان لحضور مباراة
سؤالي هو :
سمعت ان الفندق يحجز لك تذاكر المباراة .. ممكن احد يشرح لي كيف او اذا في طريقه اخرى لشراء التذاكر

ثانيا .. هل يوجد فندق ممتاز قريب من الملعب

الف شكر لكم يا كرام

:108::108::108::108:

والله يابوأحمد انا بكون في ميلان بإذن الله الجمعة الظهر جاي من برشلونه.. بحاول اشتريها من أحد الاماكن عند الدومو ..

هالأيام جالس اراسل الهوتيل عشان يأمنها لي بس لسا ماردوا علي
المشكلة كلها في الخوف ان التذاكر تنتهي لأنها مبارة كلاسيكو

السلام عليكم

النادي تقدر تروحله من اي فندق بالمترو ولكن من محطة المترو للملعب مسافة بعيدة مشي وهذا عن تجربة شخصية يعني احنا اخذنا تاكسي ولازم تتأكد بالردة من ان في تكسي يم الملعب لان ماكو تكاسي كلش والمنطقة مو سياحية فنادر ما تلقى تكاسي يمشون....فتقدر تسكن بميلان يعني بالسنتر وتروح يوم المباراة بالمترو...
وتذاكر المباراة ينباعون بالنادي بس اذا المباراة قوية ما اتوقع تلقى وكان فيه مجموعة بره النادري (السوق السوده) يعني السعر مبالغ فيه ... ما اقدر افيدك بالتذاكر اسفه.
والنادري في يسوون لك جولة داخله وفي محل يبيبع احذية وملابس هم في النادي بس اذا فيه مباراة بنفس اليوم ما اتوقع يفتح للزوار .

المشاركة الأصلية كتبت بواسطة القيسي
http://www.arabtravelersforum.com/tr...9/#post2403319

:108::108::108::108:




ياريت لو تراجع تعليق رقم 8


تحياتي .........

يوووووه الله يعييين اللي بيروح للـ سان سيرو


مشواااااار من جد ومافيه تكاسي عنده يعني احسه بمنطقه نائيه

رحنا بتاكسي

لكن الرجعه طااااااااااااااااااحت رجولنا لحد ماوصلنا للمترو

لأنه مالقينا مواقف التكاسي

وهم مستحيييييل يوقفون لك الا بالمواقف حقتهم


بس احنا رحنا له بوقت ماكان فيه مباراة

يعني ممكن لما يكون فيه مباراة تكثر التكاسي هناك