الموضوع: السفر الى مراكش يوم الاربعاء الموافق

مساء الخير او صباح الخير للجميع


نويت السفر الى المغرب الحبيب وخصوصا الى مراكش الحمراء على الخطوط المغربيه صباح الخميس الموافق 12/6/2008:surf

طبعا خطتي اني انزل في مطار كازا ولي صاحب مغربي سوف ينتظرني في مطار كازا لينقلني الى مراكش :113:

طبعا انا قد زرت مراكش مره واحده وما زالت رائحه المغرب وسفرتي الى المغرب شيء لاينسى ويشدني السفر اليها كل يوم :106:


بصراحه ازعجت اصدقائي المقربين في المغرب

وعلى كثر سفراتي ما قد تعلقت في دوله كثر المغرب :110:


حاولت القا لي خوي بس للاسف مالقيت مع اني متعود اسافر لحالي :112:

بس ابي ذا السفره يكون معي خويي اتوقع بيكون طعمها مختلف:115:


حبيت اسال خبراء المغرب او من قد زار المغرب عن اماكن ينصحون بزيارتها وكيف احجز في شقه بس تكون فخمه في قيليز :114:


مع التحيه

مواضيع عشوائيه ممكن تكون تعجبك اخترناها لك:

• هل اجد من يعاونني بالمغرب
• حديث الكميرا لقطات منوعه من البلد الحبيب
• ممكن رقم القنصليه المغربيه في جده
• استفسار
• ما الذي يمكن أن تفعله خلال 3 أيام بالصويرة؟ (الجزء الثاني)
• عناوين مكاتب سياحيه بكازا
• استفسار عن شقق النخيل بمراكش
• وش رايكم بالفندقين ؟؟؟
• مين يساعدني في ايجاد سكن في سلا
• شقق مفروشة بتطوان او ايفران
• تجربتي بالمغرب
• الاثنين القادم اول زياره لي للمغرب استفسار
• مسافر للمغرب السبت الجاي ،، هل من نصيحه ،، لاتبخلون على اخوكم
• فزعتكم بالعائله لطنجه
• وين اهل المغرب ابي فزعتكم تكفووووون
• مسافر كازا بس فيدوني عن المصاريف
• تقرير الرحله السعيده الى الدار العزيزه
• ۩ண التقارير العائلية لأعضاء البوابة المغربية ண۩
• رحلتي إلي المغرب يوم احتاج إلي مساعدة في الامكان الجميلة
• رايكم في الشقق بكازا ؟

أخي العزيز ..

بما أن لك خوياا مغاربه وتثق بهم ممتاااااااااز جداً ..

إتصل عليهم قبل ما تسافر بيوم وقولهم يستأجرون لك شقه فخمة بقليز فبالغالب لا تتعدى اسعارها هناك 700درهم ..

وبما أن صاحبك مغربي وقول له يستأجرها بأسمه راح يأخذها بـ 500 درهم ..

ولك خالص تحياتي ..

تروج وتجي بالسلامة والمهم تحجز قبل لا تروح طالما لديك صديق مغربي.

البزناس


والله جلست احوس في الانترنت

وطحت لي على موقع يمكن من خلاله حجز الشقق


المهم لقيت لي شقه مرره فخمه وهذا من خلال الصور طبعا

بس قيمه اجارها جدا غالي وخصوصا اني باجلس اسبوع واحد فقط

يعني تخيل قالي الايجار لمده 7 ايام بـ 3500 ريال


طبعا انا انصعقت بهذا السعر

بس فخامه الشقه مازالت تغريني ولو تحب انزل لك بعض الصور




اخوي ويب ماستر

ما فهمت عليك حجز السفر ولا حجز الشقه ؟؟؟


مع التحيه

اخي هستره

تروح وترجع لينا بالسلامه ..

((( وعلى كثر سفراتي ما قد تعلقت في دوله كثر المغرب )))



ياحليلك يامستر هستره اجل بتتعلق لينا في مصر ههههههههه

تعلقوا فيها طوال الشوارب ..

وقاع البشر بيقودهم مسيو شيراك ..

في حبها المجنون خضنا تجارب ..

راه الامل بيزيد ويحلو في مسراك..

من دونها الاعمار ظلت تحارب ..

ماتنحرم منها لين الناس تبراك ..

باحاول في موضوعي هذا اني اعطيك كل مستجداتي


طبعا حجزت على الخطوط المغربيه بتاريخ 12/6 والعوده بتاريخ 20/6

واحد من خوياي يمكن يروح معاي بس الى الحين ما اكد لي


وياليت القى لي خوي


طبعا الى الحين وانا جالس ابحث عن سكن جيد وخصوصا في منطقه قيليز

وما زالت ابحث عن افضل الاسعار

ولو فيه احد يعطينا بعض المعلومات عن المطاعم والسينما اكون شاكر



مع التحيه

المشاركة الأصلية كتبت بواسطة TMEEM
http://www.arabtravelersforum.com/tr...2/#post2021242

اخي هستره

تروح وترجع لينا بالسلامه ..

((( وعلى كثر سفراتي ما قد تعلقت في دوله كثر المغرب )))



ياحليلك يامستر هستره اجل بتتعلق لينا في مصر ههههههههه

تعلقوا فيها طوال الشوارب ..

وقاع البشر بيقودهم مسيو شيراك ..

في حبها المجنون خضنا تجارب ..

راه الامل بيزيد ويحلو في مسراك..

من دونها الاعمار ظلت تحارب ..

ماتنحرم منها لين الناس تبراك ..





صح لسانك يـــ : tmeem

أخوي هستره

مريت على موضوعك وقرأته 00 وواضح انك مرتب وضعك والأمور ماشيه تمام التمام

لكن نصيحه لوجه الله 00 غير حجزك من الخطوط المغربية إلى أي خطوط ثانية

انا والشهاده لله ماطرت على الخطوط المغربية أبدا 00 لكن من تقارير الأخوان هنا 00 وهي كثر التراب

جميع من ركب الخطوط المغربية ( ركز جيدا قلت جميع ما قلت " أغلب " ) ما يمدحونها أبد 00 وشي ثاني علشان ما تشيل هم الرجعه على الخطوط المغربيه وانت اصلا شايل هم الرجعه 00 وبدال ما يصير عندك هم واحد صار عندك همين !

فــا شف حجز غيره وانت بكيفك 00 يمكن ميزة الخطوط المغربية إنها دايركت بدون توقف بخلاف باقي الخطوط الأخرى ما عدى السعودية 00 لكن دور لك على حجز يكون فيه وقت الترانزيت ما يزيد عن ساعتين أو ثلاث بالكثييييييييير 00 وإذا ما لقيت عاد الشكو لله 00 انا جربت الإماراتية والقطرية 00 وصراحة القطرية عندي أفضل من الإماراتية

اما الإتحاد والخطوط السعودية مادري عنها 00 هذا تعقيبي على موضوعك

عموما 00 تروح وترجع بالسلامه 00 بلغ سلامي لمراكش الحمراء

في أمان اللـــ ـه :101:

يا اخي فعلا كلامك السفر وحداني ما يسوى والسفر مع صاحب له طعم ثاني

وانا توني راجع قبل جم يوم و كنت بروحي بس متعود على السفر وحداني و خصوصا اني ادرس خارج بلدي

من خلال تجربتي--الشقق على افا من يشيل في مراكش- بس انت روح مكاتب الدلالة و سأل روح جم واحد و الي ترتاح من معاملته و تعجبك شقته اتفق معاها

اسعار الشقق في جليز لبو غرفتين ما تتعدى 800 و يمكن توصل 900 او حتى 1000 لأن الموسم بدأ

و رحلة سعيدة

اخوي ويب ماستر

ما فهمت عليك حجز السفر ولا حجز الشقه ؟؟؟


مع التحيه [/font][/size][/quote]

حجز الشقة يالحبيب.

r m a


شاكر لك مرورك الكريم



الاخ تريكي


التخطيط شي جميل في كل حاجه


فما بالك انك تسافر من غير تخطيط ؟؟؟؟


بالنسبه لي احبط اخطط قبل ما اسوي اي شي




بخصوص الخطوط المغربيه وسبب اختياري لها بصراحه قد سافرت فيها وكانت خدمتهم مقبوله نوعا ما وبعدين انا لو اركب على جناح الطياره المهم وصلوني للديره

وقت الرحله مناسب لي جدً

حيث يكون موعد الاقلاع الساعه 5 صباحا يوم الخميس بتوقيت الرياض والوصول الى كازا الساعه 11:30 ظهرا بتوقيت المغرب

بحيث انك توصل للديره في بدايه اليوم


والعوده كذلك مناسبه جدا حيث الاقلاع الساعه 4:30 العصر بتوقيت كازا والوصول المتوقع للرياض الساعه 5:00 صباحا


والله يعيني انزل من المطار اروح ابدل ملابسي في البيت واروح للدوام !!!


مدن الاحزان


الحمد لله على السلامه وان شا الله تكون رحلتك ممتازه ويارب تكون قضيت وقت حلو


صحيح كلامك ان الواحد لو بيروح على مكاتب العقارات اللي عندهم بيلقى خيارات متعدده وباسعار مختلفه



ولكن الا تراى ان التقنيه من خلال الانترنت وفرت الشيء الكثير يعني من خلال الانترنت تقدر تشوف الشقه وتحجز في نفس الوقت والفتره اللي تباغاها احسن لك من المرمطه


وباذن الله باوافيكم باخر مستجدات الاستعدااااد


لاني الانابحث عن شقه نظيفه وحلوه وجاري البحث وباذن الله اوافيكم بالجديد



مع التحيه



يعني

:112::112::112::112:

الى مستر هستره مع التحيه ..


عليش التمياك يامستر ..

كنمزح معك ياصاحبي والله يوفقك في سفرتك الكادمه ..

تميم



والله اني مسرور بمشاركتك



واكتشفت اني مو انا بس المزعووووووووط



يعني فيه غيري كثير


شاكر لك مرورك الكريم


مع التحيه

الاخ هستره بعد التحية والسلام أختيار مراكش موفق ان شاء الله اما بخصوص الشقق في قليز ياكثرها خاصه قبل العطل هنا بالسعودية وابيك ترسلي على الخاص عشان اقلك كلام بيني وبينك هههههههههههههه :112::112::112:
وبالتوفيق ان شاء الله

اهلين اخوي جبل البلس


يا ليت تعطيني نصائحك لاني محتاج لها


بس المشكله ما عندي ولا عندك خاصيه الرسائل الخاصه


يا ليت لو نتواصل على الايميل

(( الرجاء يمنع كتابة الإيميلات والأرقام الشخصية - الإدارة ))

مع التحيه

[font="Times New Roman"][size="3"]( الله يجزاه خير اللي اخترع الانترنت )


من المعروف ان هذه الخدمه وفرت الوقت ووفرت العديد من المعلومات التي كانت في الماضي شبه مستحيله او تأخذ وقتاً طويلا للوصول لاي معلومه .

هستره خذ هذا الرابط

http://up.u555u.com/

إحفظ الصوره على جهازك وسو لها رفع في هذا الموقع

ويعطونك رابط تستخدمه للمنتدى بعد نجاح عملية الرفع :24:

وخلنا نشوف الصور

المشاركة الأصلية كتبت بواسطة هستره
http://www.arabtravelersforum.com/tr...2/#post2034492

[font="Times New Roman"][size="3"]( الله يجزاه خير اللي اخترع الانترنت )


من المعروف ان هذه الخدمه وفرت الوقت ووفرت العديد من المعلومات التي كانت في الماضي شبه مستحيله او تأخذ وقتاً طويلا للوصول لاي معلومه .

طالع الرابط:
http://www.arabtravelersforum.com/travel124283/
وشد حيلك نبي نشوف ابداعك في التقاط الصور للمحبوبة مراكش.

تريكي مشكور على التوضيح



الاخ ويب ماستر


الله يعطيك العافيه على الرابط



خلوني الحين اجرب ونشووف

اولا شي احب اعطيكم نبذه عن الشقه

تقع في منطقه Tensift-El Haouz

طبعا ما ادري المنطقه هذي وين

هي في اقامه شمس

واقعه في الدور الثاني


تتكون من ثلاث غرف



غرفه الجلوس

http://up.u555u.com/

مدخل الشقه

http://up.u555u.com/

غرفه النوم

http://up.u555u.com/

المطبخ

http://up.u555u.com/

دورة المياه اعزكم الله

http://up.u555u.com/

شكل العماره من الخارج

http://up.u555u.com/


طبعا السعر لفتره اسبوع 600 يورو


600*6=3600 ريال لمده اسبوع



وش رايكم ؟

الشقه الثانيه


Region : Marrakech-Tensift-El Haouz.
Province : Marrakech-Tensift-El Haouz.
Geographical situation : Large cities. Address: Rue Ibn Atya.


تتكون من 3 غرف

مدخل الشقه من الداخل

http://www.a7bk-a-up.com/

صوره اخرى

http://www.a7bk-a-up.com/

غرفه المعيشه

http://www.a7bk-a-up.com/

المطبخ

http://www.a7bk-a-up.com/

غرفه النوم رقم 1

http://www.a7bk-a-up.com/


غرفه النوم رقم 2

http://www.a7bk-a-up.com/



السعر لمده اسبوع


400 يورو


400*6=2400 ريال


وش رايكم ؟؟؟؟

باذن الله لو لقيت خوي


فيه فيلا
وهذي مواصفاتها


City : Marrakech.
Country : Morocco.
Region : Marrakech-Tensift-El Haouz.
Province : Marrakech-Tensift-El Haouz.
Geographical situation : Large cities. Location :

Proximity : 170 Km from the sea, 30 Km from a lake, 0,1 Km from shops.

Capacity : 6 people.
Type : Villa - 8 Rooms - Detached - 208 sqm.

Composition : 3 bedrooms, 1 bathroom, 1 WC. Facing : South, Independent kitchen, Dining room, Living room, Balcony, Terrace, Courtyard, Garden, Garage, Private parking.

Bedding : 3 double beds, 1 children bed.


هذا منظر الفيلا من الخارج


http://www.a7bk-a-up.com/

غرفه جلوس

http://www.a7bk-a-up.com/

غرفه جلوس اخرى

http://www.a7bk-a-up.com/

وهذي الصاله

http://www.a7bk-a-up.com/

صاله الطعام


http://www.a7bk-a-up.com/

غرفه نوم 1

http://www.a7bk-a-up.com/

غرفه نوم 2

http://www.a7bk-a-up.com/



طبعا السعر لمده اسبوع

550 يورو


يعني تقريبا 550*6 =3300 ريال


وش راااايكم ؟؟؟؟

الشقه الثالثه


City : Marrakech.
Country : Morocco.
Region : Marrakech-Tensift-El Haouz.
Province : Marrakech-Tensift-El Haouz.
Geographical situation : Large cities. Location :



Capacity : 4 people.
Type : Apartment - 5 Rooms - Floor: Ground floor of 5 - Lift - 117 sqm.

Composition : 2 bedrooms, 1 bathroom, 2 shower rooms, 2 WC. American kitchen, Dining room, Mezzanine, Courtyard, Garage.

Bedding : 2 single beds, 1 double bed.

Services : Linen provided, Toilet linen provided, Housework not included.



مدخل العماره

http://www.a7bk-a-up.com/

مدخل الشقه

http://www.a7bk-a-up.com/

المطبخ

http://www.a7bk-a-up.com/

غرفه النوم

http://www.a7bk-a-up.com/

دوره المياه ( وانتم بكرامه )

http://www.a7bk-a-up.com/

صوره اخرى من زاويه ثانيه

http://www.a7bk-a-up.com/


طبعا سعر الشقه لمده اسبوع 400 يورو

400*6= 2400 ريال




الان يا اخوان انا لقيت 3 شقق وفيلا


يا ليت لو ترشحون لي الافضل منها لاني بصراحه محتار بينهم

وحاب اني تشاركون جميع تفاصيل الرحله


مع التحيه

بصراحة يا هسترة صعبة لانك محتاج واحد يعرف مراكش تمام
خصوصا لموقع الفلل

انا هناك منتصف الشهر القادم
ولاول مره بحاول اسكن في قلب مراكش
ماني ناقص ضياع وقت بصراحة

بالتوفيق

طيب وين المشكله لو سكنت في النخيــل ؟؟؟

آمن لك وأحسن

صحيح انها بعيده شوي عن وسط المدينه

لكن فكر بمسألة الأمان

وانت بكيــفك

تحيــاتي

اخوي هسترة ... من اسمك مهستر ...

انا اشوف الاسعار مبالغ فيها ... اما ترشيح الشقق طب واختار الارخص كلها حلوة
أهم شيء الامان ... وشيء تعرفة احسن من اللي ما تعرفة ... صدقني راح تلاقي
ارخص وافضل اذا ما كان المستوى متقارب ... وياريت تزودني بالموقع اللي اخذت منه
الاسعار والصور للاطلاع اكثر ..

أخوك

Laziz_Zarif

الله يوفقك خووووووووي

خذ رحلة جوية داخلية كاذا مراكش كاذا

واشترى من هنا بالسعودية ارخص وافضل

بالتوفيق

.

Laziz_Zarif

هذا رابط الموقع اللي لقيت فيه الشقق
http://www.abritel.fr/

اذا فتحت الموقع اتبع هذي الخطوات
1- غير اللغه الى اللغه الانجليزيه
2-اختر الدوله ( مثل المغرب )
3- اختر المدينه



وبعدين جيك كم هائل من العروض وانت تختار اللي تبي


ANONA717


السفر من كازا الى مراكش بتكون بالسياره ان شا الله
وانا افضل ذلك لتمتع بالطبيعه الخلابه




من خلال بحثي المتواصل عن الاماكن التي تستحق الزياره لقيت هذي المعلومات :


1- حديقة ماجوريل

2- شلالات ستي فاطمة

3- مطعم لا فيلا

4- مطعم الفاسية بمدينة مراكش

5-مطعم علي بن فلاح

6-حمام الزياني

7-المنارة

8- -وادي أوريكا

9- أزيلال (المغرب)

10- براج للا تكركست

11- اوكيمدن



يا ليت تعطوني رايكم فيها المشكله ان مده اقامتي باذن الله اسبوع يعني ابغى ارتب لي جدول اقدر ازور فيه هذي الاماكن


مع التحيه

مشكـــور أخوي هسترة والله يعطيك الف عافية

واتمنى لك سفرا سعيدا وقضاء أحلى الاوقات بمدينة مراكش

تقبل تحياتي

اهلين وسهلين اخوي Laziz_Zarif


ان شا الله يكون اعجبك



يا ليت لو تشوف ايميلك



مع التحيه

الاخ هستره

اول شيء عاجبني طريقه بحثك عن المعلومة هنا .. تدري ليش قبلك نزلت موضوع والى يومك ما احد رد علي بشيء

المهم اتمنى لك سفره سعيده

لكن اخوك المدهر من الشرقيه - الخبر

ناوي اسافر المغرب نهاية شهر 6 يعني بالضبط 26/6/2008

وبصراحه ما عندي اي معلومه عن السكن في كازا ومراكش

وودي اطلب منك طلب ادا ممكن بعد عودتك من السفر ان شاء الله قبل تاريخ سفري اتمنى منك تزودني بمعلومات عن السكن

وادا بتطول هناك اتمنى منك تتواصل معنا هنا لكي نستفيد من تجربتك اللي اتمنى ان تكون ممتعه لك

لك تحياتي وتقديري

المدهر

اخي المدهر


اولا مشكور على مشاركتك للموضوعي

وبصراحه انك اثلجت صدري بردك

وبصراحه انا واحد راعي تخطيط يعني ما احب اسافر الا وانا مخطط لها زين عشان استمتع بالرحله بقدر المستطاع


باذن الله اني باساعدك باللي اقدر عليه وبيني وبينك الانترنت مابقى شي الا وجابه


وياليت اني اقدر اجلس فتره اطول في المغرب بس للاسف اني ما اقدر وذلك لظروفي العمليه فقط


وباذن الله بانزل موضوع عن الرحله هذي وبتكون باسم رحله الاحلالام


لاني بيني وبينك لي اكثر من شهرين ابي اروح لكن للاسف ظروفي العمليه ما سمحت لي وكل مررره أأجلها لكن ذا المره لا والف لالا


تقبل تحيتي المتواضعه

anona717


يا هلا وغلا باهل جده غير


انا باذن الله مسافر على الخطوط المغربيه من الرياض الى كازا بتاريخ 12/6/2008 يوم الخميس الساعه 5 فجرا


اذا انت خوي تراني والله اشتري الخوي اللي على الكيف


وبيني وبينك انا اذا جيت اسافر ما احب ارد نفسي عن اي شي يعني الفلوس ما افكر فيها وانا مسافر


بالنسبه للسكن باذن الله حجزت اول شقه بسعر 600 يورو من الخميس للخميس


اذا لك نيه سفر بالله رد علي



مع التحيه

المشاركة الأصلية كتبت بواسطة هستره
http://www.arabtravelersforum.com/tr...0/#post2047290

ANONA717


يا هلا وغلا باهل جده غير


انا باذن الله مسافر على الخطوط المغربيه من الرياض الى كازا بتاريخ 12/6/2008 يوم الخميس الساعه 5 فجرا


اذا انت خوي تراني والله اشتري الخوي اللي على الكيف


وبيني وبينك انا اذا جيت اسافر ما احب ارد نفسي عن اي شي يعني الفلوس ما افكر فيها وانا مسافر


بالنسبه للسكن باذن الله حجزت اول شقه بسعر 600 يورو من الخميس للخميس
اذا لك نيه سفر بالله رد علي



مع التحيه

اخــوي هسترة

ودي اعرف طريقة الحجز كيف تمت عن طريق تحويل مبلغ وما هي الضمانات او عن طريق البطاقة الائتمانية

تحياتي لك

مساءك ورد

هستره

اول شيء اتمنى لك سفره سعيده

انا في انتظار عودتك من رحلة الاحلام

وان شاء الله تكون رحله موفقه

ردك شجعني اكثر للسفر للمغرب

بصراحه ماعندي الا مشكله الشقه او الفله علشان السكن

والا الباقي مقدور عليه

ونقطه التخطيط السليم قبل السفر مهمة عندي بقووووووووووووه

تحياتي

المدهر

الخبر

هستره شلونك
المهم انا شخصيا زرت مراكش كثير

بالنسبه للسكن انا افضل دائما وسط المدينه والابتعاد عن النخيل

المهم بدلك على مكان اول ما توصل شوفها وانا متاكد انا راح تعجبك
عموما هيا غرفتين وصاله وحمامين اعزكم الله ومطبخ

تعرف قهوة (لا فلام) تجي على الزاوية خلف أسيما
الشقة تقع فوق قهوة لا فلام

مع خالص تحياتي

Laziz_Zarif


بالنسبه لي


اتصلت على صاحب الشقه وقلت له راح ادفع لك كاش لانه ارسل لي بياناته بالفرنسي

واعتذرت منه قلت له ما اعرف فرنسي

وقلت له خلني اكلم الشخص اللي بيعطيني مفتاح الشقه وكلمته بالفعل وقالي مافيه مشكله قبل ما تجي بيوم اتصل علي عشان نحدد الوقت اللي نلتقي فيه



المدهر


شاكر كلامك الجميل

ويارجال رح ولا عليك وان شا الله تجي منها مزعووووووووووووط مثل الباقين


وبالنسبه للسكن صدقني تلقى بسهوله حتى لو ما حجزت منها تقدر تاخذها وانت هناك عن طريق مكاتب العقار او انك تزو العماير بنفسك وتشوف

بس انتبه من الاسعار


مع التحيه

مرقابي

مشكور على الشقه


والحمد لله تطابقت وجهه نظرك مع وجهه نظري

لك تحياتي



Laziz_Zarif


والله في الغالب صحيح ان الحجز للفندق مختلف عن الحجز عن طريق صاحب الشقه


بس اذا كان صاحب الشقه غربي يعني غير عربي فاعتمد الكلمه اللي يقولها لك

وهذا للاسف ما لمسته وحسيت فيه من خلال تعاملي مع الاجانب من اوربيين وامريكان وغيرهم

بس لما تتعامل مع شخص عربي تلقى عنده الكذب واللف والدوران


ولا تخاف اذا الله كتب لي روحتي هذا باعطيك ادق التفاصيل


مع التحيه

السلام عليكم اخوي هسترة
اخوي انا اعجبني كلامك كله
ووقتك ممتاز بالنسبه لي
وانا اتشرف بخوتك
بس عندي شرط واحد اذا امكن
ان السكن يكون بفلل النخيل
والباقي ابشر انت الامير
وانا امشي وراك
فكر ورد لي ما بقي شي على موعدك
وتراي على الدين وشاريك شرا
وسلام

الاخ هستره انا جاهز ويشرفني خوتك يالذيب

الشاقي

والله مخاوتك تنشرا وانا اخوك


وانا اللي اتشرف بمعرفتك وبمخاواتك

بس المشكله اني مابي اسكن في النخيل الا اذا تعسرت الامور

وبالنسبه للسكن انا نسقت ورتبت على الشقه رقم واحد


وخصوصا اني ابغى اسكن في المدينه ما ابغى اسكن بعيد عنها


mailto:[email protected]


اذا بغيت تتواصل معي


مع التحيه

وبدات دقات القلب تتسارع


72 ساعه على المغادره الله يوصلك بالسلامه

شكلنا بنقوس عليك هههههههههههه


اتمنى لك اخي هستره رحله ممتعه سعيده تفتتح بها سفريات الصيف للاحبه الاعضاء


دربك خضر

اهلين اخي تميم


شاكر لك مرورك الكريم


و بصراحه شي حلو اصير المرشد السياحي للاخوان بس لمراكش الحمراء


وبالفعل بدأت دقات القلب تتسارع



عندي سؤال لو تكرمت


الان انا جوالي دولي وباغى اخذه معي بس ما ابغى اتصل على اي احد الا الاهل للطمئنان عليهم فقط ( يعني كلمه ورد غطاها )

كيف اخلي اي شخص يتصل علي يطلع له مقفل بنغمه السعوديه ؟؟؟




مع التحيه

الاخ العزيز هستره

ابسط يا عم كلها ساعات وتكون ان شاء الله مزعوط جديد 2008 وكاله

سفره موفقه

والله الله في موضوع السكن لك احترامي

[size="3"][font="Times New Roman"]المدهر


نسيت اقول لكم



اني امس قصيت التذكره الى مملكه المغرب الشقيقه طبعا على الخطوط المغربيه


وكان سعر التذكره 2380 ريال

تروح وترجع بالسلامه اخوي
بس والله انا انصحك من كل قلبي انك تسكن بالنخيل
لكن
النفس وما تهوى
واتمنى لك رحله سعيدة

الله يوفقك و تروح و ترجع بالسلامه


و اذا رجعت بتحصل اني اضفتك عندي في الايميل


لاني ابي اخذ منك الاخبار بطريقتي الخاصه


ههههههههههههه


احس اني مباحث


لا بس ابي اتكلم معاك براحتي



طبعا اذا ما عندك مانع



تحياتي و اشواقي

المشاركة الأصلية كتبت بواسطة هستره
http://www.arabtravelersforum.com/tr...4/#post2060414

اهلين اخي تميم


شاكر لك مرورك الكريم


و بصراحه شي حلو اصير المرشد السياحي للاخوان بس لمراكش الحمراء


وبالفعل بدأت دقات القلب تتسارع



عندي سؤال لو تكرمت


الان انا جوالي دولي وباغى اخذه معي بس ما ابغى اتصل على اي احد الا الاهل للطمئنان عليهم فقط ( يعني كلمه ورد غطاها )

كيف اخلي اي شخص يتصل علي يطلع له مقفل بنغمه السعوديه ؟؟؟




مع التحيه







هلا بالحبيب هستره ..

والله انا ماني موظف في الاتصالات ههههههههههه


احسن وافرق لك تاخذ شريحه من المطار ولا فواتير ولا اتصال دولي ولا والو ..


لكن الجوال السعودي مااذكر اخذته معي للمغرب ممكن تسال الشباب عندك ويفهموك ويلا اتصل على 907

شكرا على اتصالك ..


تروح وترجع بالسلامه مزعوط جديد وكاله على قولت حبيبنا المدهر ..

هستره انت اعجبتني بكل ماطرحت واشكرك عليه
بس فيه تناغض واضخ ببعض كلامك مثلا
تقوال مابي تجمع الخليجيين والحين بتاخذهم معك
ومشكور على مجهودك وتفاعلك الرائع
تقبل تحياتي

المشاركة الأصلية كتبت بواسطة هستره
http://www.arabtravelersforum.com/tr...4/#post2060414

اهلين اخي تميم


شاكر لك مرورك الكريم


و بصراحه شي حلو اصير المرشد السياحي للاخوان بس لمراكش الحمراء


وبالفعل بدأت دقات القلب تتسارع



عندي سؤال لو تكرمت


الان انا جوالي دولي وباغى اخذه معي بس ما ابغى اتصل على اي احد الا الاهل للطمئنان عليهم فقط ( يعني كلمه ورد غطاها )

كيف اخلي اي شخص يتصل علي يطلع له مقفل بنغمه السعوديه ؟؟؟




مع التحيه

اخوي هستـــرة

خدمة موجود اكستر ... اذا جوالك شركة الاتصالات ... ونام مرتاح قرير العيـــن

تحياتي لك

المشاركة الأصلية كتبت بواسطة الشاقي
http://www.arabtravelersforum.com/tr...6/#post2060966

تروح وترجع بالسلامه اخوي
بس والله انا انصحك من كل قلبي انك تسكن بالنخيل
لكن
النفس وما تهوى
واتمنى لك رحله سعيدة




اخوي الشافي ممكن اعرف ليش النخيل بالذات علما اني عرفت من احد الاخوان ان النخيل يجي عليه بعض الاحيان كبسه يعني درك هل هذا صحيح انا طالع نهاية الشهر ان شاءالله الى مراكش ويمكن اكون لوحدي هل فيه شقق بالنخيل لشخص واحد وكم تقريبا ولك شكري وتقديري

المشاركة الأصلية كتبت بواسطة هستره
http://www.arabtravelersforum.com/tr...6/#post2060476

[size="3"][font="Times New Roman"]المدهر


نسيت اقول لكم



اني امس قصيت التذكره الى مملكه المغرب الشقيقه طبعا على الخطوط المغربيه


وكان سعر التذكره 2380 ريال

اليوم السفر هستره.
توصل بالسلامة...

[center][font="Arial"][font="Times New Roman"][size="3"]الف شكر للجميع على المشاركه ويكفيني مروركم الكريم



باقي ساعات قليله ونغادر ارض الوطن


شعور لايوصف ورغبه عارمه في السفر


ودي من الحين انتظر في المطار لين يجي وقت الرحله

هاه خويا هستره

حان وقت السفر والعين عيت تنام ول يالصيف كم فرق حبيب وحبيب

امسك اعصابك مابقى شئ
بس هاه الله يعينك يوم الرجعه بتتذكر بيت هالشعر عدل
سفره سعيده وموفقه

هستره

كيفك يا عمناااااا وش اخر الاخبار عندك ان شاء الله كل شيء تمام

:36_6_2:

وعندك واحد شاهي ..

وخل الحساب على هستره

المشاركة الأصلية كتبت بواسطة مزعوط بالمغرب
http://www.arabtravelersforum.com/tr...4/#post2065684


اخوي الشافي ممكن اعرف ليش النخيل بالذات علما اني عرفت من احد الاخوان ان النخيل يجي عليه بعض الاحيان كبسه يعني درك هل هذا صحيح انا طالع نهاية الشهر ان شاءالله الى مراكش ويمكن اكون لوحدي هل فيه شقق بالنخيل لشخص واحد وكم تقريبا ولك شكري وتقديري




هلا ابوي
لا رح وما عليك انا قبل امس واصل من هناك وجلست احلى عشرة ايام بالنخيل وما حولك احد الدنيا هانيه وارايقه واذا ودك تسمع كلامي انا المرة الجايه ناوي اسكن بشارع اسمه علال الفاسي نصحوني فيه الاخوان اللي قابلتهم هناك بربع السعر وبوسط البلد وامان
وسفرة سعيدة ابوي


الا هذا هسترة صاحب الموظوع وين راح :114:

المشاركة الأصلية كتبت بواسطة الشاقي
http://www.arabtravelersforum.com/tr...6/#post2104916

هلا ابوي
لا رح وما عليك انا قبل امس واصل من هناك وجلست احلى عشرة ايام بالنخيل وما حولك احد الدنيا هانيه وارايقه

الحمد لله على السلامه

واذا ودك تسمع كلامي انا المرة الجايه ناوي اسكن بشارع اسمه علال الفاسي نصحوني فيه الاخوان اللي قابلتهم هناك بربع السعر وبوسط البلد وامان


معاكم حق النخيل يعيبه البعد عن وسط البلد وهذا عيب قوي


الا هذا هسترة صاحب الموظوع وين راح :114:



سمعت انه من زود الزعطه بالمغرب الرجال استقر هناك:109:



تقبلوا تحياتي

المشاركة الأصلية كتبت بواسطة الشاقي
http://www.arabtravelersforum.com/tr...6/#post2104916

هلا ابوي
لا رح وما عليك انا قبل امس واصل من هناك وجلست احلى عشرة ايام بالنخيل وما حولك احد الدنيا هانيه وارايقه واذا ودك تسمع كلامي انا المرة الجايه ناوي اسكن بشارع اسمه علال الفاسي نصحوني فيه الاخوان اللي قابلتهم هناك بربع السعر وبوسط البلد وامان
وسفرة سعيدة ابوي


الا هذا هسترة صاحب الموظوع وين راح :114:



هلاابك الشافي والحمدلله على سلامتك ولا تعبت وكيف مراكش والاجواء هنااك حاره والا معتدله وكم كلفتك الرحله وكيف الاسعار هناااك وكم اسعار الشقق في شارع علال الفاسي على ماقلت وومكن تعطيني اماكن التمشية واماكن السهر ضروري مثل مانت عارف وكم سعر الصرف هنااك واي افضل اخذ معااي دولار او ريال او يورو والله لا يهينك
ولك شكري وتقديري واحترامي

ملحوظة: ياخوك هستره لا تلومه تلقاااه يسبح الحين:109:

المشاركة الأصلية كتبت بواسطة مزعوط بالمغرب
http://www.arabtravelersforum.com/tr...1/#post2105931

هلاابك الشافي والحمدلله على سلامتك ولا تعبت وكيف مراكش والاجواء هنااك حاره والا معتدله وكم كلفتك الرحله وكيف الاسعار هناااك وكم اسعار الشقق في شارع علال الفاسي على ماقلت وومكن تعطيني اماكن التمشية واماكن السهر ضروري مثل مانت عارف وكم سعر الصرف هنااك واي افضل اخذ معااي دولار او ريال او يورو والله لا يهينك
ولك شكري وتقديري واحترامي

ملحوظة: ياخوك هستره لا تلومه تلقاااه يسبح الحين:109:




ابشر ابوي باللي تبي
بس اذا لقيت طريقه على الخاص او المسنجر تراي حاضر

المشاركة الأصلية كتبت بواسطة الشاقي
http://www.arabtravelersforum.com/tr...8/#post2106528

ابشر ابوي باللي تبي
بس اذا لقيت طريقه على الخاص او المسنجر تراي حاضر



هذا هو الماسنجر واتمنى من الادارة مايحذفونه والا وشلون نتعرف على بعض الا من خلال هذا المنتدى الرائع والا اسمحو لنا بالرسائل الخاصة او زاوية بالمنتدى من خلالها نراسل بعض ولكم كل الشكر والتقدير ياخواني الي رايح للمغرب يحتاج معلومات واحيانا ماتقدر تكتبها على العام اتمنى ان اكون وصلت مطلبي وهو في الحقيقة مطلب اكثر الاعضاء والا وش الفايده من المنتدى وتحياتي لكم

=====تمنع الاداره وضع الايميلات=====