الموضوع: بررردي في ايطاليا

:smile002:


اول شي احب اشكر كل اعضاء منتدى المسافرين العرب لانه بصراحه لولا مشاركاتهم ومساهماتهم في هذا المنتدى ماستانسنا واستمتعنا بسافرتنا سواء لايطاليا او غيرها

ايطاليا 2008



هل سنه قررنا نسافر لايطاليا والهدف الاساسي كان الشوبنج وشويه تمشي بس الشوبنج كان الهدف الاول والاخير وخذا نصيب الاسد من الرحله

بدايتنا كانت بالبحث في المنتدى عن اماكن التسوق وشفنا ان السوق في ميلان وحواليها فقررنا نسكن مكان قريب من ميلان مو في ميلان والسبب ان ميلان مثل ماسمعنا وقرينا انها حاااره واحنا منحاشين من الحر

قالتلي وحده من رفيجاتي ان KLM مسوين عرض على التذاكر وكان سعر التذكره حلو :24: فحجزنا على طول
وهذي صور من الطياره





نيي الحين للسكن دورنا ودورنا وهم دورناا وبعد مافتر راسنا من الدواره لقينا خوش شقه في Lecco و المنطقه تبعد تقريبا ساعه عن ميلان بالسياره و 45 دقيقه بالقطار

دزيت ايميل حق موقع الشقه وسالتهم اذا عندهم شقه حق 6 اشخاص..ردت علي صاحبه الموقع وقالتلي ماعندها شقه ل 6 اشخاص بس عندها شقتين وحده ل4 والثانيه ل2 بس يم بعض وبنفس الدور..بعد ماتشاورنا :gathering مع الوالد والوالده قررنا ان ناجرهم

بعد التذاكر والسكن بقت السياره..حجزت السياره من موقع الKLM قبل السفره بحروة الشهر ولكن وللاسف قبل السفره ب4 ايام دقوا علي :36_13_1: يقولولي ان في مشكله بالفيزا وموراضيه تسحب المبلغ الي يبونه راجعت البنك قالولي المبلغ محجوز للشركه يعني العمليه مقبوله رديت على شركه السيارات وقلتلها البنك يقول مقبوله قالولي احنا عندنا انها دكلاين وخلاص الغينا حجزج مت من الحره :112: وين الحين احصل سياره كبيره احنا ماخذين سياره ل9 اشخاص علشان تشيل الجناط وكانت مهمتى فاول يومين من السفره اني القى سياره لان من غير السياره راح تنعفس مخططاتنا في التنقل من مكان لي مكان

مخططنا كان التسوق في ميلان وسيرفالي اوت لت وفوكس تاون..وطبعا كنا ناوين نروح زيرمات ولوقانو وفينيسيا وجاردا لاند وكومو


وبعد تخطيط للرحله من قبل 4 شهور رحنا المطار



وهذي بعض من جناطنا قبل السفره طبعا وقت الرده الجناط كانوا بينبطون من الي فيهم كانوا يشكون الحال



واخيرا يه مو عدنا مع الطياره









مقتطفات من الحلقه القادمه من المسلسل التركي عفوا اقصد الايطالي
طارت عنا الطياره..
اضراب المواصلات في ميلان..
غرقت شقتنا....

مواضيع عشوائيه ممكن تكون تعجبك اخترناها لك:

• استفسارات عن صقلية ؟
• أماكن التسوق في روما
• كيف أتنقل بالقطار بينمطار ميلان و فينيسيا
• برج بيز المائل والعجيب
• بعد العودة من روما
• هل صحيح ان استئجار سياره من ميونخ وتسليمها في ايطاليادون ضرائب بشرط ان تكون ايطالية ؟
• اقرب مدينة ايطالية لحدود النمسا
• طلب مساعدة لبرنامج سياحي في ميلان
• مساعدة في ترتيب رحلة إلى ايطاليا وسويسرا
• ابي افضل اماكن في فينيسيا المائية و وميلان
• وقدمنا على السفارة الطلبات اللي جبتها تساهيل
• هل يوجد في ايطاليا مثل الاسواق الصينيه
• خبراااء ايطاليا
• كومو قصة مدينة
• وحجزززنا التذاكررر الذهاب روما العوده باريس
• أنقذوني بموعد في السفاره الإيطاليه
• المدن الممكن زياتها حول ميلان
• هل تفتح آسواق ميلان يومي السبت والاحد
• الرحلة الاوروبيه
• سؤال مهم جدا لاهل الخبره تاشيرة ايطاليا

شكل التقرير مشوق سجليني متابع

متابع اخر ينتظر حلقات الاكشن

:101:

مشكورين يا اخوان على المتابعه بس اسمحولي بالويك اند اكون مشغوله وماقدر اكتب الموضوع بس اوعدكم باجر انشالله اكمل رحلتنا

الحلقة الثانية


كان خط الرحله كويت - امستردام ترانزيت مدته 50 دقيقه - ميلان مطار Malpensa
الطياره وصلت امستردام بموعدها

هذي صوره لوصول الطياره مطار امستردام..كانت الارض مبلله طاق عليهم خوش مطر






رحنا نختم جوازاتنا بس الطابور حق ختم الجوازات كان حده طوييييييييييل خلصنه منه وركضه ركضه طبعا بوابتنا كانت بآخر الدنيا وصلنا قبل لاتطير الطياره ب5 دقايق بس للاسف كان الباب مسكر ومارضوا يدخلونا :36_1_44:

ياجماعه مايصير نبي نروح ميلان بعدين الطياره كاهي موجوده خل نركب قالوا ماكو تبون راجعوا مكتب ال KLM
انزين اجناطنا شلون عليها؟؟ ... قالوا نزلناها :016: .... بسم الله عليهم نزلوها بسرعه البرق :36_1_25:
المهم خذينا فوق تحت ورحنا مكتبهم الحمدالله انهم تفهموا الوضع وقالولنا عندكم حلين يـــاتنطرون ساعه ونص وبعدها تروحون ميلان مطار Linate او تنطرون 12 ساعه تقريبا وتروحون مطار Malpensa

طبعا اخترنا مطار Linate اول شي لانه النطره بالمطار 12 ساعه موشي وبعدين احنا واصلين الصبح مبجر خل نستغل الوقت احسن والسبب الثاني ان مطار Linate اقرب حق Lecco من مطار Malpensa

هذي صوره لنا واحنا ناطرين الطياره




وصلنا مطار Linate و قعدنا ننطر اجناطنا بس ماوصل منهم شي وطبعا هذا الي كنت متوقعته.. :sad1:

رحنا كلمناهم خذوا منا مواصفات الجناط وعنوان سكنا ورقم التلفون وقالولنا بس يوصلون الجناط اندزهم لكم على العنوان الي عطيتونا اياه

الحين نبي نروح شقتنا شلون....دورنا سياره كبيره داخل المطار علشان ناجرها طبعاً كلهم يقولون ماعندنا....قلنا خل نطلع من المطار ونشوف لنا طريقه توصلنا لمنطقتنا...و طلعنا من المطار ولا الدنيا زحمه وطابور له اول ماله اخر. :36_1_42:. ...يا جماعه شالسالفه طبعا يرطنون علينا بالايطالي وحنا موفاهمين شي..يانا واحد جان يقول لنا اليوم في اضراب عن العمل في قطاع المواصلات يعني لا باص ولا مترو ولا بطيخ ماكو الي التكاسي وتبون صفوا ورا هذا لطابور الطويل..وقفنا وامرنا لله والحمدالله لقينا سياره جيب تركب 6 اشخاص ودتنا لي الشقه تقريبا 30 دقيقه ب160 يورو

هذي صور الطريج











وهذي صورة التاكسي الي وصلنا





دقينا على صاحبه الشقه وقلنالها ان احنا ناطرينها..شوي ووصلت جان تقول ياجماعه عذروني بس شقه من الشقتين الي ماجرينها قبل يومين خر عليها ماي من الشقه الي فوقها وتلفها ماراح اقدر اسكنكم فيها قالت اذا تبون ادورلكم سكن يم الشقه علشان تتوزعون طبعا احنا رفضنا وسالناها اي شقه الي انتلفت قالت ام شخصين قلنا خلاص نسكن كلنا بشقه وحده ولا نتفترق ناس هني وناس هناك... وافقت ويابت لنا اكسترا بد
.
.
.
الشقه عباره عن غرفة نوم لشخصين وصاله فيها صوفا بد لشخصين وطاوله طعام لاربع اشخاص ومطبخ صغير وحوش صغير

وهذي صوره حق حوش الشقه اهو صغير بس حلوه القعده فيه





وهذي صور الصاله











صوره للحمام..كرمكم الله





غرفة النوم






.
.
.
.
.
.
طبعا بس وصلنا كل واحد قط نفسه بصوب وخذينالنا غفوه نرتاح فيها من لوية المطار والطيارات

بعد مارتحنا طلعنا نشوف المكان وكان الجو حلو والمكان احلى
::
::
::
::
::
::
::
مقتطفات من الحلقه القادمه..
لقينا السياره بس..
اتصال من مجهول..

حمدلله على السلامه

بدايه حلوة

ارجوا انك تمتعيننا بالتقرير

سجلني متابع


تحياتي................

اخت mist

الله يسلمج انشالله

الشقه ل4 اشخاص مع 2 اكسترا بد لمده اسبوعين 1280 يورو

على فكره الموقع الي حجزت منه عندهم كذا شقه في Como & Lecco وكلهم حلوين

بنت عمي الحين ساكنه بشقه تابعه للشركه بس بكومو الليله 90 يورو لشخصين..اذا رجعت بالسلامه وعندها صور للشقه راح انزلهم لكم انشالله

وهذا موقع الشركه

http://www.cecmaison.it/

حياك الله اخوي الليث الايطالي..يشرفني مرورك

حياك الله اخوي shot

الله يعطيك العافيه على البدايه الحلوه للتقرير

ومررررررره منتظره تكملين

لأني ناويه اروح ميلانو ان شاءالله كله علشان السوق هذا هدفي

ياليت تكتبين لنا المحلات اللي رحتي لها والأغراض اللي اشتريتيها يعني الأشياء الحلوه عندهم

اذا مو حابه تكتبينه هنا ياليت ترسلين لي بالخاص

ودي اروح هناك وانا عارفه كل شي ماابغى احوس

لأنه عندي 3 ايام بس

[

الحمدلله على السلامة والبداية صعبة وفيها تعب

سجليني معكم متابع لهذا التقرير الرائع والصور الأروع

الله يسلمك مشرفنا..ويسعدني مرورك

صج الرحله من قبل لاتبلش لي اخر يوم فيها بعض المواقف المتعبه شوي..بس مااذكر مره سافرنا من غير اكشن :109:

احس الي يصير ملح السفره..ويخلينا ماننساها غصب :36_1_21:

صج هالسفره الاكشنات بزياده شوي..بس الحمدالله احنا ناس متفائلين وناخذ الامور برحابه صدر كثر مانقدر ولو غير جذي جان علوووووم

اختي still dreaming

حياج الله

انتي متى ناويه تروحين ميلان ؟

انا بعد جم يوم راح اكتب عن السوق في ميلان وحواليها وحزتها اذا عندج سؤال انا حاضر

الحلقه الثالثه


رجعنا الشقه..طبعا جناطنا مومعنا..واهم معطينا جنطه اللاجئين (احنا مسمينها) فيها فرشه ومعجون اسنان - موس ومعجون حلاقه - عطر - شامبو - شور جيل - لوشن وتي شيرت منتخب الفيله مقاس XXL

لبسنا التي شيرتات وحطينا راسنا ونمنااااااااااااا :thumb_ico

قعدنا الصبح..كان يمنا انترنت كافيه..قعدت ادور على سياره بالنت لقيت بالمحطه الرئيسيه لميلان في سيارات كبار..قلنا يالله نروح هناك نحجز السياره ونتسوق مره وحده

قصينا تذكره الشخص تقريبا ب3.5 يورو من Lecco لي Milan

وهذي صوره للمحطه

[IMG]http://www.0zz0.com[/IMG]

وصلنا المحطه..دورنا على مكاتب السيارات..سالناهم عندكم سياره كبيره يقولون لأ..شلون لأ انا شايفه بالنت ان عندكم قالوا ماكو..ضاق خلقي :36_1_10::36_1_10: شوي ولا انا عند مكتب اليوروب كار قالي ماعندنا الا اذا حاجزه قلت اوكي احجز منكم الحين قالوا مايصير اذا تبين تحجزين حجزي من النت..شسالفه اذا عندكم حجزولي وخلصوني مارضوا

رحت ادور على انترنت كافيه احجز منه قالولي يم ماكدونالد رحت ادور يمين يسار ماكوووو

شفت سوداني ومرته يتمشون قلت خل اسالهم يمكن شايفين بطريجهم انترنت كافيه..والله الريال ماقصر معاي رايح حق واحد مصري قريب من ماكونالد وصلني لي عنده بس ياويلتي ويلتاه لقيناه مسكر :112:

قالي لاتزعلين في واحد ثاني بس شويه بعيد حق اخ مغربي..قلتله يالله وانشالله نلقاه مبطل..وصلنا والحمدالله كان مبطل..دشيت النت على الموقع الي كنت شايفه فيه السيارات كبار..واخيراااا حجزت السياره على اساس استلمها من المحطه الرئيسيه واردها بالمطار

مامداني اطلع من الانترنت كافيه ولا تلفوني يرررن..الوو..الوو احنا الشركه الي ماجره منها السياره..هلا والله اختي..سيارتج انشالله تستلمينها من يوربكار بالمحطه الرئيسيه وانا داقه ااكد حجزج..شنو انقهرت من اليورب كار انهم مارضوا يحجزولي وعندهم سياره..بس بنفس الوقت استانست اخيرا بناخذ السياره وكان الوعد باجر الساعه 12 الظهر نستلمها

مشيت شوي ولا يرررن تلفوني مره ثانيه..نفس الرقم..بصراحه ضاق خلقي قلت اكيد في سالفه على السياره الله يستر..الوو وانا خايفه..الوو لوسمحتي عندنا مشكله صغيره..قولي شعندج موضوع السياره شكلي ماراح اخلص منه..قالت لاماكو شي جايد طبعا جايد هذي من عندي بس السياره ماراح نقدر نسلمها لكم الساعه 12 ممكن تستلمونها الساعه 4.. ارتحت..بس جذي افا عليج انشالله الساعه 12 بالليل مومشكله بس نستلمها

رحت لاهلي الي قاعدين بماكدونالد ينطروني على احر من الجمر..وصلت بالسلامه والضحكه تارسه ويهي قعدت ارتاح..شوي جان يرررن التلفون بس هل مره رقم ايطالي ماعرفه منو يا ترى :114: الووو...واحد يرطن علي بالايطالي..ديوسبيك انجلش..الاخ مكمل رطينته..زين انا ماافهم شتقول..جان اتذكر جناطنا قلت يمكن اهو يايبهم..

لقيت بنات ايطاليات يمي قلت خل اسالهم يعرفون انجليزي..قالتلي وحده منهم انها تعرف شوي..قلت الله يابج..كلميلي الريال وفهمي منه السالفه..كلمته جان تقول الريال ناطركم عند باب الشقه وعنده جناطكم..

وهقه شلون واحنا بميلان والقطار يبيه 45 دقيقه يالله يوصل وهذا اذا لقينا قطار الحين..قلت حق البنيه قوليله احنا بميلان ويبيلنا وقت على مانوصله..كلمته والحمدالله قال بيروح يوصل باجي الجناط ويمرنا بعد ساعتين..تضيعه الجناط مع ال KLM شكلهم متعودين عليها..

يالله ياجماعه شفتوا ماكدونالد الي يم المحطه والمحطه اوكي..بس كافي عليكم انتهت رحلتكم حق ميلان يالله على ليكو..
والله و نحجز حق ليكو ونرد على اول قطار..وصلنا وقعدنا بالشقه ننطر الريال..
شوي وصل ومعاه الجناط..1 2 3 4 !!! في جنطه خامسه وينها ؟؟ رد يرطن علينا..المهم ان فهمنا منه انهم مالقوها وبيبونها بس يلقونها..الجنطه الشيطونه :36_1_17: اكيد قاعده تحوس بالسوق الحره بميلان ولا وينها مايت مع خواتها..

طبعا مايمدينا نرجع ميلان..فقلنا خل نتجول بمنطقتنا ونشوف شنو فيها..كان يومها عندهم مثل احتفال بس مادري شنو المناسبه..

هذي صور من الاحتفال











وهذي صور الممر الي ودي لشقتنا







وهذي صور للبحيره بالنهار وبالليل






























..
..
..
..
..
..
..
..
..

مقتطفات من الحلقه القادمه...
سوق ميلان ولا يعلى عليه..
يا لهوتيييييييي سرئوني..

ماشاء الله وش هالمغامرات ...



متابعه معك

اخت mzoon

حياج الله..نور الموضوع بمرورج :101:

تقرير خفيييييييييييف دم و روعة :24:

متحمس اشوف تجربتكم بالسواقة في ايطاليا :101:

اشكر الاخوان الي مروا بالموضوع بصراحه يشرفني مرورهم

واعتذر للكل لاني ماقدرت اكتب شي بالفتره الي طافت بسبب ظروف خاصه غير رمضان وجوه الخاص

وكل عام وانتوا بالف خير

الحلقه الرابعه


وصلنا ميلان وقررنا اول شي نطب via montenapoleone وبعدها نروح doumo نكمل تسوق هناك

بصراحه فترينا بالهالشارع كله

ومن شارع لي شارع

ومن سكه لي سكه

لين لقينا نفسنا عند ال doumo

خلال تسوقنا مرينا على شوارع واااايد وبصراحه مااذكر اساميها بس اهمها بالنسبه لي الي كان فيه مجمع وكافيه ارماني

اسمه via manzoni

طبعا لا تسالونا عن ايدنا لانها طاحت من شيلت الجياس ولا تسالونا عن ريولنا لان ماقمنا نحس فيها

كنا بالنلحق على كل شي بالسوق قبل لا يسكر

تسوقنا من 12 الظهر لي6 باليل من غير مبالغه انهد حيلنا :36_1_42:

واخر شي قعدنا بواحد من المطاعم وتعشينا وردينا lecco

ردينا لسببين اولهم مافينا حيل نمشي زياده

ثانيهم ان بنستلم سيارتنا ونرجع فيها لمنطقتنا وبما انها اول مره نجرب السياره لي منطقتنا قلنا نرجع قبل لاتظلم الدنيا ونعرف الطريج عدل

طبعا كان معانا قايدنا الجي بي اس + تلفون نوكيا نفقيشن

وصلنا بالسلامه :icon_thum




قعدنا الصبح تريقنا :36_13_5: وكنا مقررين نروح سيرفالي اوت لت

ضبطنا الجي بي اس على سيرفالي اوت لت وانطلقنا

هذي لافته تبين طريج الاوت لت

http://www.0zz0.com

هذي صور المصافط مع الاوت لت من بره

http://www.0zz0.com

وهذي صور للاوت لت

http://www.0zz0.com

http://www.0zz0.com

http://www.0zz0.com



وهذي صوره صورناها بعد ماتغدينا..ماكو شغل علشان جذي قاعدين نصور

http://www.0zz0.com


وهذي صوره سيارتنا العزيزه بالمصافط

http://www.0zz0.com

في واااايد محلات ماندري من وين نبدي

اخذنا الكاتلوج وحطينا علامات على المحلات الي نبيها وتسلحنا بالبطاقات البنكيه بانواعها وانطلقنا

دشينا اول محل

ثاني محل

ثالث محل

رابع محل

ومن محل لي محل واحباطنا بالمكان يزيد

بصراحه مالقينا فيه شي يسوا

مااقول ماشرينا شي امبلا شرينا بس الي شريناه نقدر ناخذه من اي مكان ثاني وحتى لوماخذيناهم مولازم

الي شريناه فوط..ارواب للسباحه..تكرمون جواتي رياضه من نايك واديداس على جم تي شيرت وبسسس

واسعارهم نفس اسعار المحلات الي بميلان

وبالنسبه حق باقي المحلات فبضاعتهم قديمه وماتسوه

قعدنا نتشاور ها نرجع ميلان ولا نقعد

وقررنا نقعد لان مايسوه نرجع على مانرجع الا المحلات سكرت

قلنا نقعد جود نلقى شي يسوه

في نهايه اليوم تحسفنا انا رحنا لسرفالي اوت لت :36_1_10:



اليومين الي بعدهم كنا نروح ميلان من الساعه 12 الظهر لين يسكر السوق

في يوم من هاليومين تسوقنا في Galleria vittorio Emanuele والمحلات الي حوله

http://www.0zz0.com

http://www.0zz0.com

http://www.0zz0.com


وهذي صوره من محل فراري

http://www.0zz0.com


وفي اليوم الثاني رحنا محل la Rinascente اهو محل عباره عن 8 طوابق علشان جذي قعدنا فيه نهار كامل

كل طابق مخصص لشي

السرداب

مخصص لادوات المطبخ باشكالها وفيه مكتب للتاكس فري

منه تقدرون تاخذون فلوسكم كاش بس راح ينخصم منها مبلغ اعتقد 5% غير انهم راح يعطونكم اياهم بالدولار مو باليورو..فراح تخسرون شي من قيمتهم لما تبدلون العمله

وطبعا لازم تختمون الاظرف بالمطار وتحطونهم بالصندوق قبل لاتسافرون ولا يخصمون من حساب فيزتكم ضعف المبلغ الي ستلمتوه

والي مايبي الفلوس وقتها يقدر ياخذهم كاش وباليورو بالمطار

اما الدور الارضي

مخصص للعطور والمكياج وبعض الاكسسوارات

الدور الاول

مخصص للحقائب بمختلف الماركات لويس فيتون - فندي - كلوي - فالنتينو - موسكينو - فيرلا.....وغيرها

بعدها دورين مخصصين للملابس رجاليه من ماركات مختلفه

ايي بعدها دور ملابس للنساء من مختلف الماركات

والي بعده دور لملابس الاطفال والنساء وشويه احذيه من الماركات الموجوده بربري - D&G - ديزل - ديور - كلوي - DKNY....وغيرها

الدور الاخير اغراض المنزل..كفرات..حقائب سفر..اكسسوارات منزل..وغيرها



والحين بقصلكم قصه البوقه

كان يا مكان وفي يوم من الايام وكنت اتسوق في ميلان
طلعولي بنتين شقران يسالوني عن مكان بالخريطه
وكنت لابسه جنطه كروس وبوكي منها يبان
وحده منهم حاطه ايدها ماسكه الخريطه من تحت وكانت ترجف
والثانيه وصلت ايدها للجنطه ولما حسيت برجفتها جااااااااااااان انفضها واحط ايدي على ايدها واقولها هييييييييييي
البنات اخترعوا جان ينحاشون والحمدالله ماباقوا شي
امبين عليهم سنه اولى بوق لانهم صغار ولما جكيتهم قالوا سوري ونحاشوا :109:

ياجماعه ديروا بالكم من الغجر الي يايين من مادري وين لان الاهل يبيعون عصير وجوز الهند وهالسوالف والبنات الصغار شغالين بوق

..
..
..
..
..
..
..

مقتطفات من الحلقه القادمه...
ليما الحين الجنطه الصايعه تحوس بمطارات ميلان..
بردي في ايطاليا..
احلى رحلة ضياع..

الله يسلمك اخوي الهلالي

ومرورك اهو الاروع :101:

مازلنا متابعين مغامراتكم


و كثير و الله ما مدحوا سيرفالي اوت ليت .. كويس اننا ما تعنينا له ..



يعطيك الف عافيه

السلام عليكم

صباح الخير

ماشاءالله تبارك الله ..

أما سالفة البةق شكلهم بعدهم سنه أولى بوق :8888:

طيب سؤال إذا سمحتي لي ..

احنا الحين في انترلاكن وطالعين الثلاثاء على ميلانو ان شاءالله ..

وين شفتي أفضل مكان للسوق لأن الأهل كلهم يبون السوق !!

وهل رحتوا شارع بيونس أيرس ؟؟

وتسلمين

يعطيج العافية

متابع....

mzoom

حياج الله اختي..الحمدالله انكم ماضيعتوا وقتكم بسيرفالي اوت لت

ربكم يحبكم



il Bambini

الله يعافيك اخوي

وانشالله مااطول عليكم بكتابه باقي التقرير

اخوي القطري

تذكرت كذا شغله

المحل بو 8 طوابق la Rinascente يسكر 10 بالليل هذا بالصيف ماادري عنه الحين فانتوا سالوا متى يسكر علشان تاخذون راحتكم بالتسوق اباقي السوق والي سكروا المحلات روحوله..هذا اذا فيكم حيل :101:

ودامك بسويسرا اختم التاكس فري من الحدود

علشان تقدر تاخذ فلوسك كاش مو ناقص منهم شي وباليورو من المكتب الي ب la Rinascente

ساعات اهم مالهم خلق يعطونك الفلوس..بس انت صر عليهم انك تبي الفلوس كاش اذا كنت صج تبيها
لاني اشوف وايد ناس ترد منهم بس خاتمه فواتيرهم من المجمع من غير ماياخذون فلوسهم

وانا سمعت الاخوان بالمنتدى يمدحون ارماني اوت لت الي يكون بطريج كومو

انا رحت ارماني فاكتوري قريب من كومو بصراحه مااااااااااااااااااااااايسوه هدومه ملوت الف وتسعميه وحطبه

ماادري اذا اهو نفسه الي تكلموا عنه بالمنتدى ولا واحد ثاني..بس اذا اهو نفسه لاتروحله

تقرير ممممممممممممممتع ..

في انتظااارج

تقرير رائع وانا من متابعينه وننتظر المزيد

السلام عليكم

يعطيج العافيه اختي بنت الكويت

مريت على محل la Rinascente وتشرينا منه وحسب ماقالت لي الموظفه ان هالمجمع ماينعرض فيه شي جديد لأن الأشياء الجديده تنعرض في البوتيكات الي برا نفس الي في شارع نابليون ..

وامس وصلنا روما ..وإذا سوينا مقارنه بين سوق ميلان وسوق روما فسوق ميلان أحلى بالنسبه لنا ..

بكرا ان شاءالله بنروح أوت لت وان شاءالله ايكون يستاهل ..

ماقصرتي واموفقين ان شاءالله ..

القطري


اخوي المحل فيه اليديد وفيه القديم

طبعا تشكيله المحلات الي بره اكبر وكلها يديد

بس الي ماعنده وقت ويبي اكثر من شي بمكان واحد ممكن يحصل فيه الي يبيه

وحتى الاغراض القديمه الي فيه مو قديمه حيل

والله يوفقكم في سفرتكم وترجعون منها سالمين غانمين انشالله

بنت الكويت...يعني ما في تكملة للتقرير

ماشاء الله تقرير حللوو ورووعه وواصلي احنا متابعين

انا عندي معلومه من احد الاعضاء كان منزل تقريره بس ماذكر من بالضبط بخصوص الاوت لت هو ذكر انه افضل شهر لتسوق

من الاوت لت وخصوصا سيرافالي قبل الصيف لانه الاقبال عليه كثيف والناس تخلص البضايع وخصوصا من السياح ومايتبقى

الا البضايع اللي ماتسوى ..

امبييييييييييه تقريرج حده يشوق والله شوقتيني عفيه كملي ياحبوبه

بحرينيه مسافره

اعتذر لج اختي لاني وعدت وماوفيت بوعدي بس الله اعلم بظروفي

vamos_rafa

الله يعافيك اخوي

اسعدني مرورك..واذا انت متشييش انك تروح انا كل ماشفت الصور اتشيش على الروحه هناك

بالنسبه للسفر على KLM اهي اسعارها مناسبه بس كطيران ماعجبني يعني بصراحه ماتقارن بالاماراتيه

بس اذا سالتني تسافرين عليها مره ثانيه اقولك اي بس بشرط تكون اسعارها تناسبني

اهي مو بذاك السوء بس السعر كان مغري

سعرها حزت العروض حلوووو غيره لا والله مااحجز عليها

بانكوكي_2

الله يعافيك اخوي بويعقوب

وشاكرتلك مرورك

gemini_211

مرورك الاروع

والله احنا حرصنا نروح اول الصيف علشان ماتخلص البضايع

وصلنا ايطاليا بتاريخ 7/7/2008 وتوهم كانوا مبلشين التنزيلات

وصدقني بعد اسبوعين تقريبا ردينا لسوق ميلان ولا وااايد شغلات خالصه..الحمدالله انا لحقنا عليها مبجر

seashellq8

حياج الله حبيبتي

اليوم الحلقه متروسه صور..بصراحه وانا اختارها تعب قلبي ابي اررررجع هناك :110:

اصلا في صور احس اني اشوفها لاول مره

قاعده اقول حق اختي هالمكان احنا صج شايفينه ومصورينه

طبيعه وجمال صج تاسر الالباب

هذا بالدنيا شلون بالاخره اللهم ارزقنا جنانك..الي لاعين رات ولا اذن سمعت ولا خطر على بال بشر

سبحانك ياربي سبحانك

يله لا تبطين وايد هحنا بالانتظار

اليوم كان الجو حلوووو معنه فيه شويه مطر

قلنا دامنا قاعدين مبجر خل نروح لوقانو

تزهبنا وضبطنا الجي بي اس وانطلقنا

[IMG]http://www.0zz0.com[/IMG]

الجي بي اس كان يقول نروح يسار

ينا بنمشي ولا السياره مافيها بانزين

رحنا ترسنا بانزين وكان البانزين بعكس الاتجاه الي كان الجي بي اس يقولنا عليه

قلت حق ابوي شرايك انعاند الجي بي اس ونكمل يمين بدال يسار ونشوف لي وين نوصل..عجبته الفكره :24:

مشينا والجي بس اس كل شوي يضبط الدايركشن

دشينا انفاق وطلعنا من انفاق

[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]




ومشينا بين بيوت ودخلنا ممرات

[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]




وطول ما احنا نمشي نقول الللللله وسبحان الله شي بديع

وكل شوي نقول حق ابوي وقف خل نصور

اشونه ماطوعنا وكل صورنا مصورينها والسياره تمشي لان لو يبي يطاوعنا جان مانوصل لي باجر

مرينا على منتجع مكانه روعه والمناظر ترد الروح وكان قريب منا فقلنا المره اليايه بنروح نتغدى فيه

المهم نمشي ورا الجي بي اس يقول يمين نروح يمين يقول يسار وراه يسار

بعدين جنه قام يخوره لان الطريج طول 3 ساعات واحنا بس ندور

لا واكتشفنا انا احنا كنا ندور على قولتهم حول حلقه مفرغه

لان بالنهايه وقفنا عند نقطه كنا مارين عليها باول رحله الضياع

هذا النيشان الي عرفنا منه انا احنا كنا ندور حول نفس النقطه..كنا مثبتينه لان تبع كنيسه وشكله غير عن الي حوالينا

[IMG]http://www.0zz0.com[/IMG]


وهذي بعض الصور من الطريج

[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



المصيبه الجي بي اس يقول لفوا يمين ويمين ماكو غير البحيره يعني شلون نطب سباحه ولا شنو

التفتنا حوالينا ولا في فندق ورانا قلنا ننزل نسال عن الطريج

سالنا الرسبشن جان يقول لوقانو تروحونلها بالعباره المحطه ورا الفندق على طول والطريج ماياخذ غير 10 دقايق

اهاااا اشوف الاخ الجي بي اس يبينا ندش بحر

اثاريه صاج بس مايدري انا سيارتنا ماتعرف تسبح

ركبنا 6 اشخاص مع السياره تقريبا ب21 يورو اذا ماني غلطانه

هذي صور حول محطه الانطلاق


[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



هذي عبارتنا



[IMG]http://www.0zz0.com[/IMG]



وهذا اسم المحطه


[IMG]http://www.0zz0.com[/IMG]



ركبنا العباره المشكله ان امي مع وحده من خواتي مايحبون البحر ايهم دوار البحر فقرروا يقعدون داخل السياره

اما الباجي فصاعدين ونازلين ونصور هني وهناك جنه عمرنا موراكبين عباره (ركبتها مره حق فيلكا ومره سنه 94 بتركيا) يعني فيني فقر عبارات :109: بس صج ونااااسه

وهذي صور من العباره


[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



وهذي صوره محطه الوصول من بعيد


[IMG]http://www.0zz0.com[/IMG]



وصلنا نقول حق امي يالله وصلنا الحين بننزل من العباره..تقول من صجكم ماحسيت فيها واهي تمشي!!

اقولها شلون ماحسيتي..انزين ماشفتي المناظر واهي تتغير عليج..تقول لأ طول الطريج مغمضه عيني

مسكينه طاافها الجو الحلووو والمناظر الاحلى

وكاهي سيارتنا نازله من العباره


[IMG]http://www.0zz0.com[/IMG]


وهني اسم المحطه


[IMG]http://www.0zz0.com[/IMG]



وهذي صوره من طريج لوقانو


[IMG]http://www.0zz0.com[/IMG]


وصلنا لوقانو متاخرين بس اساسا كان يوم احد يعني كل شي مسكر فماتفرق وايد

كنا ناوين نروح مصنع الكاكاو بس الوقت مااسعفنا فاجلنا الروحه ليوم ثاني

تمشينا في لوقانو دار مدار البحيره لين وصلنا الحديقه بس لاتسالوني شنو اسمها ماادري بس هالتمثال الي اعتقد ان حق روبن هود موجود قبل الحديقه بشوي


[IMG]http://www.0zz0.com[/IMG]


هذي صورة قطار لوقانو ياخذكم بجوله فيها


[IMG]http://www.0zz0.com[/IMG]


وهني ناس قاعدين يطالعون هالي يلعبون شطرنج


[IMG]http://www.0zz0.com[/IMG]


هذا دري طوييييييييييييييييل ماني عارفه شنو سالفته وماكان عندي لا الوقت ولا الجهد الي يخليني اطلع واشوف شنو اخره

فالله يعافيكم الي يعرف شنو سالفته يقولي


[IMG]http://www.0zz0.com[/IMG]


بس جيكو على الشايب والعيوز الي نازلين الدري..ياللللله شنو هاللياقه

مو احنا تونا شباب دري بيتنا يتعبنا


[IMG]http://www.0zz0.com[/IMG]


طبعا بتقولون شنو سالفه هالصوره بقولكم ماكو سالفه بس شوقتني هالبنوته صورتها

وهم الصوره اليايه مالها سالفه بس عاجبني اهو وشريطته الحمره :101:


[IMG]http://www.0zz0.com[/IMG]


طبعا راعيته شايفتنا مستانسين عليه كل شوي رايحه وراده علينا


وهذي مجموعه صور حق بحيرة لوقانو


[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



[IMG]http://www.0zz0.com[/IMG]



وطبعا ماننسى اصدقاءنا واعزائنا مرافقينا في جميع البحيرات والي نخش لهم بواقي الريوق علشان نوكلهم



[IMG]http://www.0zz0.com[/IMG]


وبعد هاللويه رحنا نتغدا بمطعم اكله لذيذ خاصه البيزا والريزيتو لا وعندهم سلطه ماعرفت اسمها بس فيها مثل القمح بس اهو موقمح وطعمه لذيييذ

حسافه ماعرفت شنو اسمه ولا اسم السلطه علشان اطلبها مره ثانيه

هذا اسم المطعم موجود قبال البحيره بس موجهه ماكدونالد وربعه لا الناحيه الثانيه


[IMG]http://www.0zz0.com[/IMG]


واحنا طالعين من المطعم ولا قلبي يفز شفت شي عجبني ابييييه بس ماطوله فقلت خل اخذ صورله له احسن من ولا شي

ومايندرا يمكن بيوم من الايام نلتقي لاني بصراحه حبيته..الله يعافيكم الي يعرف شي عنه يقولي وله الاجر والثواب

هالشي اهو
..
..
..
..
..
..
..
..
..

[IMG]http://www.0zz0.com[/IMG]


هالسياره حبيتها وعشقتها من اول نظره..بس المشكله مااعرف شنو اهي ومن وين :110:


نهاية هاليوم كانت سعيده لولا قلبي المجروح

الحمدالله استانسنا واحلى شي رحله الضياع..ولا انتوا شرايكم

[center][size="5"][color="Blue"]

il bambino

الله يعافيك اخوي

وانشالله القى احد يدليني على حبي الضايع

~ NoOoFii }


حيالله بنات السعوديه..عاد تصدقين انا كنت مصوره اسم السياره بس ماادري وين راحت الصوره من بين الصور

توليب30

الله يعافيج اختي

وللاسف السنه اليايه مااعتقد اني بسافر خير شر..لاني باخذ صيفي اوبعده رمضان

المشاركة الأصلية كتبت بواسطة bent al-kuwait
http://www.arabtravelersforum.com/tr...5/#post2460105

بحرينيه مسافره

اعتذر لج اختي لاني وعدت وماوفيت بوعدي بس الله اعلم بظروفي

معذورة اختي والله يوفقك في دراستك

جزء جميل:24:

بحرينية مسافرة

تسلمين حبوبه على الدعوه الحلوه..كثري منها لاني محتاجتها

مبروكككككككككككككككككككككككككككككككك وناسة شنى اول وحده اهنيك

اليوم راح اكمل التقرير بعد انقطاع طوووووووووووووويل
واتمنى انكم تسامحوني على التاخير
واشكركم على التثبيت صج ياي متاخر بس كلمن له ظروفه
وراح احاول اخلص تقريري خلال هالاسبوع الوحيد الي شبه فاضيه فيه

...........................................

بهاليوم نوينا نروح قاردا لاند هياااا
قعدنا الصبح تريقنا وسوينلنا بوب كورن وحركنا
الطريج من ليكو لي قاردا حروة الساعتين ونص وصلنا الظهر الجو زين بس النطره بالطابور فيها شويه حروره
الجو العام للحديقه حلو وزين بس عيبها هالمراهقين وحركاتهم خاصه لما يشوفونا كعرب يمصخونها حبتين عاد احنا طناش ولا يبين علينا شي جنه مانشوفهم

قبل لاندش الحديقه بومبو كانت باستقبالنا

http://www.0zz0.com



سعر التذكره تقريبا 35 يورو للكبار والصغار الي عمرهم من 0-4 سنوات بلاش

اول ماتدشون لازم تاخذون بروشور العروض لان عروضهم روووعه فعن طريق البروشور تعرفون مواعيدهم

العروض ابلاش ماعدا عرض الدلافين كان ب5 يورو بس بصراحه مايسوه خاصه للي شايف عروض للدلافين من قبل

دشينا عرضهم وبغينا نطلع من اول مادشينا لو مو الوالده الي اصرت انا نقعد جووود يطلع شي يسوه بس ماطلع شي زايد

المهم اول مادشينا صوب قسم اليهال كانت باستقبالنا مجموعه لشخصيات الحديقه

http://www.0zz0.com

http://www.0zz0.com


وهذي صوره لعرض الدلافين ويمكن هذي الحركه الوحيده البروفشنال الي سوها

http://www.0zz0.com

http://www.0zz0.com

http://www.0zz0.com


وكان في عرض هولييود وهذي صور للعرض

http://www.0zz0.com

http://www.0zz0.com


وهم دشيتا عرض التزلج على الجليد وكان روووعه

http://www.0zz0.com

http://www.0zz0.com

http://www.0zz0.com


بعدها كنا نتمشي بالحديقه ولا نشوف مسرح استايله استايل بيوت على بابا والسندباد وهالسوالف

http://www.0zz0.com


بعد التمشي اذا حسيتوا بالحر وتبون تبردون على نفسكم شوي فحياكم الله

http://www.0zz0.com


ميزه العابهم ان اغلبها تصلح للكبار والصغار بس هاللعبه مو من ضمنهم

http://www.0zz0.com

http://www.0zz0.com

http://www.0zz0.com


وهذا مدخل لعبه الجندول

http://www.0zz0.com

ومن هني تنزل

http://www.0zz0.com

1


http://www.0zz0.com

2


http://www.0zz0.com

3
تششششششش


http://www.0zz0.com


الحديقه فيها 3 مطاعم
مطعم فاست فود بس بحري بصراحه مو متاكده منه بس هذا الي شفته من بعيد مادشيت وسآلت
ومطعم ثاني ماطحت عليه الا اخر شي وماكان عندي وقت اعرف شنو فيه
ومطعم بيتزا وهذا الي كليت فيه والمطعم ديكوره ديكور الكاوبوي وهذي صوره

http://www.0zz0.com

http://www.0zz0.com

http://www.0zz0.com


واذا عندكم اي سؤال فمكتب الانفورميشن جاهز واذا ماعندكم سؤال كافي تصورون عنده

http://www.0zz0.com


وعلى الساعه 12 بالليل يسوون مسيره دار مدار الحديقه للشخصيات وسوالف الحلوه وبالويك اند الساعه 12 عندهم عرض العاب ناريه

http://www.0zz0.com

http://www.0zz0.com

http://www.0zz0.com

http://www.0zz0.com

http://www.0zz0.com



وهني تنتهي رحلتنا حق قاردا لاند

طلعنا تقريبا 12:30 بالليل وصلنا ليكو على 3 الفير بس الحمدالله الطريج سهل وامان

بنت الكويت سافرتو باي تاريخ؟؟ وشلون الجو

ابي اماكن تسوى قريبه من ميلان
غير لوقانو - نيس وكان - كومو - جاردا - فينيس - فيرونا - شنو في بعد ؟؟

اي في شي رفيجتي تقولي فوكس تاون و سيرفالي الاثنين مايتطوفون تقول بس لازم تعرفين شلون تتسوقين عدل منهم

وبالاخص فالينتينو وفيرساجي انه ملابس السهره والجواتي والاكسسوارات مايتطوفون وباسعار رخيصه حييل بالنسبه للسعر الاصلي

المشاركة الأصلية كتبت بواسطة travel-aholic
http://www.arabtravelersforum.com/tr...7/#post3030587

بنت الكويت سافرتو باي تاريخ؟؟ وشلون الجو

ابي اماكن تسوى قريبه من ميلان
غير لوقانو - نيس وكان - كومو - جاردا - فينيس - فيرونا - شنو في بعد ؟؟





اخوي احنا سافرنا اول شهر ٧ وكان الجو حلو بس ميلان فيها حروره

وبالنسبه للمناطق فانت ذكرت مناطق اكثر من الي انا رحلتلها فماعندي مناطق يديده افيدك فيها

travel-aholic

حياج الله اختي

ابي اماكن تسوى قريبه من ميلان
غير لوقانو - نيس وكان - كومو - جاردا - فينيس - فيرونا - شنو في بعد ؟؟

اذا قصدج هالسؤال فانا ماعرف مناطق غير الي انتي ذاكرتها

بس اذا تبين اماكن شوي ابعد عندج بيزا تشوفين برج بيزا ويمها فلورنس وممكن توصلين لي روما

واذا تبين جهة سويسرا ممكن توصلين حق انترلكن وزيورخ

هالاماكن موقريبه القرب الي تبينه بس اوربا كلها حلوه وتحسين ان ودج تلفينها كلها

بس تنوين تروحين مكان تلقين مكان يمه موبعيد عليه حلو ودج تزورينه

بس طبعا هذا يعتمد على الميزانيه والمده الزمنيه

الله يسعد ايامك
تقرير رائع

ودمت بخير