الموضوع: سؤال عن فندق ال

السلام عليكم ..

إخواني أهل منتدى دولة قطر الحبيبة عندي سؤال لكم ..

أنا إنشاءالله ياي قطر لمدة يوم واحد وحجزت مع زوجتي في فندق الدبليو . أبي أعرف رايكم بالفندق هذا وكذلك مدى قربه من مجمع السيتي سنتر .. يعني هل أحتاج سيارة للذهاب للمجمع أو أقدر أروحله مشي ؟

ولكم جزيل الشكر

مواضيع عشوائيه ممكن تكون تعجبك اخترناها لك:

• نبي فندق بالدوحه مناسب لذكرى زواج
• من الكويت الى قطر كم ساعة بالسيارة ؟
• ىا أهل قطر وخبراء قطر أهل الكرم والجود استفسار
• بليز ساعدوني
• ابحث عن شاطئ رملي
• اسئله حول قطر
• اول مره في قطر
• شباب فلاجيو فتح بعد الحريق ولا لا ؟؟؟؟؟؟؟؟؟؟
• وين القى الجينزات والتي شيرتات الرخيصة بقطر؟
• شقة عائلية في الدوحة بلييييييييز
• ابي فزعتكم ابليزززززز
• تقرير سفرتي من المملكة المغربية لدولــة قطر
• بعض الإسئلة عن قطر سكن ومسبح
• الخطوط القطرية تسير خمس رحلات لمطار هيثرو
• استفسار
• نقطه مهمة لاحظتها في فنادق قطر
• ارجو المساعدة من اهل دوحة الخير
• واحة كيوتل تستقبل أكثر من ألف عائلة في اليوم
• ورشة الانصاري
• وش الأفضل الميلينيوم ولا وريزيدنس كمبينسكي

مرحبا اخوي وحياك الله بالدوحه

والله اخوي الفندق جديد ماكمل الشهر وانا دخلت المطعم الموجود به تحت ، وهو قريب من الستي مسافه مشي عشره دقايق بس فيه قطع شارعين وأنا ماودي ذلك

يعني تنصحين بالإقامة فيه أو لأ ؟

حياكم الله


تنورون قطر


اية نعم انصحكم فيه ....الفندق راقي جدا ومتمييز

ومثل ماذكرت اختنا المشي صعب لانة شارع رئيسي بس قريب جدا

وهذا الرابط ممكن تشوفة وتستفيد منه

http://www.arabtravelersforum.com/travel257270/

السلام عليكم اخوي جم حصلت سعر الليلة فية ؟؟

مشكورين جميعا على ردودكم الطيبه وانشاءالله بس ارد من قطر اوعدكم بتقرير عن الفندق عشان الكل يستفيد منه ..
انا للحين سؤال شلوون اووصل للفندق انا ناوي اخذ سياره تاجير وانا الصراحه بس اعرف اوصل للسيتي سنتر وبعدين ما ادل اوصل ليه الفندق ف ياليت اهل قطر يفيدوني بالشي هذا

ومشكورين

أخي الكريم ...
فندق w مقابل الستي سنتر من جهة الشمال ويبعد عنه تقريباً 200متر , وهذي صورة من جوجل ايرث تبين موقع الفندق(فوق بالوردي) وموقع الستي سنتر:

وهذي صورة فندق w


وأتمنى لك اقامة طيبة في بلدك الثاني دار بن ثاني

وأي سؤال لاتتردد :101:

المشاركة الأصلية كتبت بواسطة saleh q8
http://www.arabtravelersforum.com/tr...6/#post2731356

عشت طال عمرك وماقصرت بس وايد غالي



معاك حق يس أنا لاحظت إنه كل فنادق الدوحة ال 5 نجوم غالية وكلهم محاري السعر هذا

الفندق جديد و باين عليه من الصور إنه راقي

لكن بهالسعر أفضًل إني أسكن في منتجع شرق

و لو كنت حاب تسكن قريب من سوق عندك فندق سوق واقف فخم و بوسط السوق و ب٩٥٠ الليله

عموماً فندق دبليو جديد و يستحق التجربه و بتكون صاحب أول تقرير عنه بإذن الله

إقامه سعيده

الحين يا أهل قطر يعني لو أعرف أوصل حق السيتي سنتر هل معناته إني أعرف اوصل ليه فندق الدبليو ولا بيكون بعيد

بيكون على طول حولة واي احد ممكن يفيدكم من الموجودين بالشارع

وتنور قطر فيكم

المشاركة الأصلية كتبت بواسطة dr_ydentist
http://www.arabtravelersforum.com/tr...6/#post2736326

السلام عليكم مرة ثانية وسامحوني إذا أزعجتكم بموضوعي وكثرة إستفساراتي عن ديرتكم الحبيبة قطر ..
لكن ظل عندي سؤال أخير هل هناك في شركات فبي قطر تأجر سيارة مع سايق يعني خدمة اليموزين ولا لأ وهل ممكن تفيدونه عن أسعارهم وأرقام تلفوناتهم ولكم جزيل الشكر



4588888

كروه

إتصل لهم قبل بيوم و حدد معاهم الموعد و بيرسلون لك سياره مع سايق و الحساب بالساعه

السلام عليكم يا أهل منتدى قطر ..

أنا توي رجعت من قطر ويا حلاتها من ديرة .. وبس حبيت أقولكم عن فندق ال w تراااه حده حده روعة والخدمة روعه والغرف الصراحة ولا في الخيال عجيبة وكبيرة وجدا جدا فخمة يعني أنا أعطي الفندق 10 على 10 ولا أعتبره خمس نجوم بس الصراحه أعتبره 7 نجوم وأي إستفسار عنه أنا حاضر

الحمدلله على السلامه وسلامة الأسفار