الموضوع: خبراء ميلانو فزعه ولا بتصير نزعه

:8888:

السلام عليكم ورحمة الله وبركاته

كيف الحال الغالين ..

يعطيكم ربي ألف عافيه على الجهد ألي تبذلونه لإخوانكم في السفر ..

ولي شجعنا على أيطاليا هو سوقها المغري وهذا هدفنا الرئيسي ..

أحنا إن شاء الله عندنا رحله مابين انترلاكن 4 أيام + ميلانو 3 أيام + روما 3 أيام

وماشاءالله عددنا 7 نسوان و2 رجال ومبدئياً حجزت فان 9 راكب ..

وعندي بعض الاستفسارات أتمنى الخبراء يفيدونا فيها وهي كالتالي :

أولا ميلانو : راح اسكن في فندق خارج الدومو لأن فنادق الدومو أغلبها ماعندهم مواقف للسيارات ..

السؤال الأول : هل فيه مواقف مجانية أو خاصة حوالين ساحة الدومو عشان اقدر أوقف السيارة فيها ؟

السؤال الثاني : بما أن عندي سيارة فراح اسكن أشوي بعيد وراح أجي على الدومو والمحلات بشكل يومي..هل هذه الحركة صائبة ولا خاطئة ؟

السؤال الثالث : هل فيه مطاعم حلال حوالين الدومو ؟

السؤال الرابع : هل استطيع أن اذهب إلى شارع Via Montenapoleone وشارع Via Sant'Andrea وشارع Via della Spiga وشارع بيونس ايرس مشياً على الأقدام ؟؟
وهل أستطيع أن انتهي منها كلها في يوم واحد ؟؟

السؤال الخامس : هل هناك شوارع أخرى للتسوق تنصحون بها غير المذكورة أعلاه ؟؟

هذي الأسئله الي في بالي الحين وأتمنى تتحلمونها وتتحملوني :101:

وجزاكم الله خير

مواضيع عشوائيه ممكن تكون تعجبك اخترناها لك:

• إستفسارات سريعه
• ممكن خدمة من اللي برجع من روما واكون شاكر ومقدرر قناع في المطار ابغى استلمه
• خبراء إيطاليا إقتراحاتكم لخط سير مناسب
• عذب الكلمات واولادها الخمس عنزات فى بلاد الطليان والخواجات
• ملعب السنسيرو
• السياحه الايطاليه ممتعه شوفوها وجربوها
• انظروا إلى الأعجوووووووووووبه
• موقع رائع لايجار الشقق والمنازل الخاصة حدد المدينة وابحث عن السكن المناسب
• الســــــفر الى ايطاليا و شـــــــروط الفيزا
• نداء للمتواجدين في ميلان الآن او قريبا
• مساعدكم ايهما افضل فندق فى روما
• عليميه علمووني
• خبراء ايطاليا أريد المساعدة بأسرع وقت ممكن الشنقن استئجارسيارة شقق
• أيهما أفضل في الحجز لو مارس ؟؟
• مساعده ☺ لتنظيم شهر عسل للحاجه القصوى😳
• ارجوكم ساعدني بالرحلة
• فندق الكونكورد بميلان يرجي المساعده من الطليان
• شكرا لهذا المنتدى الررررررررررررررررررائع
• خبراء ايطاليا بليز انقذوني
• شهر عسل في إيطاليا

استفساراتك التسوقيه مفيده لي ..


بنتظر معاك الاجابات ..



و ان شاء الله رحله سعيده

المشاركة الأصلية كتبت بواسطة mzoon
http://www.arabtravelersforum.com/tr...4/#post2121804

استفساراتك التسوقيه مفيده لي ..


بنتظر معاك الاجابات ..



و ان شاء الله رحله سعيده





هلا وغلا مزوون :101:

وكلنا بالانتظار لأن التيم الي معاي قاعد يتهدد من الحين:109:

وتسلمين على كلامج الطيب :101:

هلا وغلا بالغالي بوعزيز ( يشهد الله اني احبك في الله ) ..

وبعدين انا شرهان وعتبان عليك ..ومانشره إلا على الغالي ..

كيف أتجي قطر ولاأتخلينا انقوم بالواجب !!

ومتى جيت؟؟ ومت رحت ؟؟

على الأقل خلنا انكحل عيونا فيك لأن الي مثلك يتشرف الواحد بمعرفته ..

كان على الأقل حطيتنا في الأجنده عندك ..

خساره لنا ..

__________________________________________________ ______

قاعد اكتب الموضوع ومتكدر ان احنا ماشفناط ولا قمنا بالواجب معك ..

وهل تتوقع اني افكر ازور ميلانو من غير ماتفقد مواضيعك :24:

الحلو في مواضيعك وأسلوبك أنك سلس في الشرح وادعم الموضوع بالصور وفوق هذا أتقول لنا أيش الأفضل ..

وماأتقصر وخيرك سابق على الإجابات الطيبه الي اشفيت غليلي فيها ..

بالنسبه لميلانو ..موضوعك حللته تحلل وماأتصدق لوا أقولك اني خزنته عندي لأني قاعد استفيد منه بشكل غير طبيعي وحتى موضوعك الي عن روما يوم رحت مع ام العيال الله لاأيفرقكم قريته وراح انزل موضوع استفسارات عن روما ولكن لما اخلص من ميلانو وأشفي غليلي منها ..

* بالنسبه للسياره والعفش ..السياره الي حجزتها نفس الي ذكرتها ( ماشاءالله عليك وعيني عليك بارده ) والموقع كاتب ان السياره اتشل 3 شنط فأعطيت المحاربات الي معاي اوامر بان كل 3 في شنطه(هذا بالنسبه للذهاب أما العوده فراح انخلي الخال ايروح مطار روما ومعاه تقريباً أغلب الشناط )
السياره الي كانت عندك حلوه ومريحه ولكنها الـ 7 راكب حسب ماعطاني الموقع :110:

*بالنسبه للفنادق الي في الدومو ..انا كنت أشيك على تسهيلات الفنادق الي في الدومو وتفاجئت انهم ماعندهم مواقف:105: ..وكنت دائماً أدخل موقع بوكينق وقبل ماأختار الفندق اشيك في البدايه على التسهيلات الي في الفندق إذا كان عنده مواقف ولا لا ..وكان خاطري في فندق Sir Edward الي سكنته انت لأنك حسب ماذكرت كان 40 او 50 متر من الدومو ..

__________________________________________________ ____

بوعزيز ..جمايلك وخيرك امغطيني من العام ..وكل سنه خيرك يغطينا أحنا الأعضاء أكثر وأكثر ..

وموقعك الشخصي هل تقصد منتدى العرب المسافرون ولا غيره :114:

وأحياناً عليك نعليقات أتخلي الواحد يضحك بصوت عالي في الدوام من عير ماأيحس :109:

بالله عليك ..حريم رايحين ميلانو وماتبيهم يتسوقون بأخلاص :110:

صدقني راح يخلصون لميلانو أكثر من خلاصهم حق رجاجيلهم :105:

تسلم يمينك الغالي ..

وخلك متأكد ..ان أحد أكثر الأسباب زيارتي لميلانو هو انت ورجل شرقي :24:

ومن حظي الحلو أنك شفت الموضوع بالصدفه ويامحلاها من صدفه .. لأنك في كل مكان لك بصمات ماشاءالله ..

ياليت كل الصدف في حياتي كذا كان توفقت في حياتي كلها

مازلت غير مستوعب كيف جيت قطر وماشفناك ولاقمنا بالواجب

تسلم يمينك الغالي وماأتقصر ..

والفنادق الي اتفضلت فيها عرفتهم من خلال البحث في موقع بوكينق وقول أيرث وراح أتصل فيهم وبأكد عليهم مسألة السياره ..وراح اسوي مقارنه بينهم في الأسعار والخدمات وأتمنى الاقي عندهم غرف عائليه ..

خبرك كل المصاريف على عاتق أخوك المسكين :110:

المشاركة الأصلية كتبت بواسطة mzoon
http://www.arabtravelersforum.com/tr...1/#post2122121

تسلم و الله يا بو عزيز






مزوون ..خلج معانا او تابعينا وفالج طيب

وحاولوا اتخلصون من السوق لأن الي معانا يتهددون وخصوصاً عندهم 3 أعراس:109:

ياهم ناوين نيه على السوق ..

وعلى قولة الغالي بوعزيز ..الي يبي أيشوف الأخلاص في السوق أيخاوينا في هذي الرحله :109:

الغالي بوعزيز ..

مبدئياً حطيت العين على فندق Brunelleschi وراح ناخذ 4 غرف والسبب كثرة العدد ..

ومازلت أبحث عن فنادق عندها غرف نوعية family room وإذا مالقيت راح ناخذ هالفندق وأختيار موفق ان شاءالله :8888: