الموضوع: عرض رهيب للهوليدي ان

السلام عليكم ورحمة الله وبركاته
ارحب باخواني واخواتي اعضاء المنتدى
بسافر لشهر العسل باذن الله الى استراليا وماليزيا في 19-7-2009
اولاً : جدول الرحله
11 يوم في الجولد كوست 3 ايام بفريساتشي و8 ايام بالهوليدي ان
4 ايام ببيننغ في الشانغريلا راسا سايانغ
4 ايام كوالالمبور في ماندرين اورينتل
الفريساتشي الليله ب 1375
والهوليدي ان مسوين عرض رهيب لايفوتكم :24:
اذا سكنت عندهم اكثر من 3 ايام يعطونك جونيور سويت بسعر الغرفه الديلوكس وطلعت علي الليله تقريبا ب 600 بس ماني متاكد من السعر بالضبط لاني حاسبتهم كلها مره وحده

ثانيا : الخطوط
السفر عن طريق الخطوط الاماراتيه اما بالنسبه للتنقل داخل ماليزيا فعلى الخطوط الماليزيه
سعر التذاكر طلعت 13800 لشخصين
الدمام - دبي - بريزبن - سنغافورة - بيننغ - كوالالمبور - سنغافورة - دبي - البحرين

ثالثا : الفيزا
مااخذت وقت طويل تقريبا 12 يوم عن طريق مكتب لاوند بالرياض
وكلفتني 450 ريال للفيزا الواحده
واخذو بس صورة للجواز و3 صور شخصيه

رابعا : المواصلات
من والى المطار في جميع المدن تكلفتها 900 ريال

خامسا : اجمالي مبلغ الرحله
32500 شامل تذاكر الطيران والمواصلات والفنادق والفيزا
انا من وجهة نظري اشوفه معقول نوعا ما لانه اغلب اللي بيسافرون لماليزيا كلفتهم تقريبا 28000 وهذي ماليزيا واستراليا 32500

كم استفسار لو سمحتوا
الاستفسار الاول
من ضمن الاماكن السياحيه في جبل تام بورين و جبال اوريالي و جبل سبرنق بروك تنصحوني اروحلها كلها والا واحد يكفي ووش الافضل فيهم من ناحية الشلالات والطبيعه

الاستفسار الثاني
سد هانز ينصح الذهاب اليه والا مافي شي يستاهل وطبعا الرحله شهر عسل

الاستفسار الثالث
جزيرة سترد بروك جميله ينصح الذهاب لها والا لا
وماهي الجزيرة الجميله الجنوبيه والا الشماليه

وشكرا للجميع :113:

مواضيع عشوائيه ممكن تكون تعجبك اخترناها لك:

• محتار وش أختار
• يوم في سدني اين ماذا ساعدوني
• ممكن تسساعدوني
• أفضل فندق في سيدني
• استقسار ممكن المساعدة
• كيف أحجز على النت و أنا مطمئنة
• رحلة لاستراليا
• يوم هل بأعتقادك أجد منها الفائده المرجوه ؟
• رحلتي بالمنطاد في جولد كوستروعه بالصور
• سؤال لمن درس بأستراليا
• سؤال عن الفنادق والشقق بسدني
• تخطيط 19 يوم عسل في استراليا
• سويت الكثير و ما بقى الا القليل
• افضل شركات الشحن لاستراليا
• شقق فندقية في مالبرون ؟؟؟
• إلى الأخ القيصر السعودي والمشرف العزيز
• ودي أعرف طريقة التاكس فري؟؟
• للمجربين والخبراء المطاعم الحلال والحلوة والعربية في سدني ؟؟
• بشرى جديده طيران الإتحاد يفجرها ويطير لسدني بــ ريال
• أسعار التذاكر الى استراليا ؟؟؟

مساء الخير أخوي خلوها
موفق بإذن الله و الف مبروك مسبقاً يا عريس
بس أنا عندي استفسار حجوزاتك كلها عن طريق مكتب ولا عن طريق النت ؟؟
و أيضاً بالنسبة للمواصلات قلت أن تكاليفها 900 ريال تقصد أنك حجزت التاكسي او وسيلة النقل ؟؟
طبعاً التكاليف الإجمالية اللي حطيتها التذاكر+السكن+المواصلات بس ؟؟

انا اسف كثرت الاستفسارات.

المشاركة الأصلية كتبت بواسطة عزيز رحال
http://www.arabtravelersforum.com/tr...6/#post2769236

مساء الخير أخوي خلوها
موفق بإذن الله و الف مبروك مسبقاً يا عريس
بس أنا عندي استفسار حجوزاتك كلها عن طريق مكتب ولا عن طريق النت ؟؟
و أيضاً بالنسبة للمواصلات قلت أن تكاليفها 900 ريال تقصد أنك حجزت التاكسي او وسيلة النقل ؟؟
طبعاً التكاليف الإجمالية اللي حطيتها التذاكر+السكن+المواصلات بس ؟؟

انا اسف كثرت الاستفسارات.




حياك الله اخوي عزيز والله يبارك فيك وشكرا على مرورك
لا حبيبي لاكثرت اساله ولا شي استفسر على كيفك
حجوزاتي عن طريق مكتب لاوند اللي بحي المروج وليس عن طريق النت
اما بالنسبه للمواصلات فهي وسيلة نقل خاصه من مطار بريزبن الى الفربساتشي وبعدين من الهوليدي ان الى المطار هذا بالنسبه لاستراليا
ومن مطار بيننغ الى منتجع شانغريلا وبعدين العودة الى المطار
ومن مطار كوالالمبور الى فندق الماندرين والعودة الى المطار
وبالنسبة للتكاليف التذاكر والسكن والمواصلات والفيزا اما المواصلات الداخليه ماهي محسوبه
اتمنى اني افدتك واذا عندك استفسار خذ راحتك

الفنادق جدا ممتازه

بخصوص الاسعار قارن بينها و بين اسعار النت

في القولد كوست ابدا بالهوليدي ان و اخر 3 ايام في الفريساتشي

الشانغريلا اكد عليهم الحجز يكون في الراسا وينغ و ليس القاردن وينغ

أفضل لو تخصص كم يوم لسيدني

الغرف يستحسن تاخذ اعلى نوع من الغرف (Executive) على الاقل في ماليزيا

موفق باذن الله , ومبروك الزواج مقدماً
كم استفسار لو سمحتوا
الاستفسار الاول
من ضمن الاماكن السياحيه في جبل تام بورين و جبال اوريالي و جبل سبرنق بروك تنصحوني اروحلها كلها والا واحد يكفي ووش الافضل فيهم من ناحية الشلالات والطبيعه

يكفيك الجبلين ( تامبورين + جبل اورالي
الاستفسار الثاني
سد هانز ينصح الذهاب اليه والا مافي شي يستاهل وطبعا الرحله شهر عسل

السد مقفل الان , تحت التوسعة
الاستفسار الثالث
جزيرة سترد بروك جميله ينصح الذهاب لها والا لا
وماهي الجزيرة الجميله الجنوبيه والا الشماليه

اذا صار معك وقت ما يمنع انك تروح , لان الطبيعة وحدة فقط الفرق انك تركب قارب

توصل بالسلامة
ابو لارا

اذا ممكن تقول لي وين احصل مكتب لاوند

او تعطيني رقمهم اذا ممكن

أخي الغالي خلوها
الله يوفقك في زواجك ويرزقك الذريه الصالحه أن شاء الله ويسخركم لبعض ويرجعكم سالمين غانمين
أخي الغالي أذا فيه أمكانيه الله لايهينك توصف لنا المكتب وصف دقيق وضع رقم هاتف المكتب

تقبل أحترامي وتقديري لك

أخوك الذويق

الله يوفقك في زواجك ويرزقك الذريه الصالحه أن شاء الله

السلام عليكم ورحمة الله وبركاته
اعذروني على التاخير
وصف مكتب لاوند لما يجي باب مكتب الخطوط السعودية بالمروج على يدك اليسار وانت جاي من طريق الملك فهد تجيك اشارة بالوجه اللي فيها مطعم ماك خذ يسار مع الاشارة وكمل راح يجيك نفق انزل من تحته واول ماتطلع من النفق تلاقيه على اليمين بعمارة تحتها كوفي شوب اسمه الوقت الماسي على مااعتقد وادخل باب العمارة من الجنب وهو موجود بالدور الرابع
وانا عندهم لقيت كذه واحد مقدم عندهم للدراسة باستراليا بس بصراحه انا مالفيت المكاتب الموجوده بالرياض بس انا قارنتهم بالماكتب الموجودة بالخبر ولقيته ارخص
بس بالنسبة لرقمهم ماهو عندي الحين بس راح اجيبه لكم انشالله

اخوي ماجد بالنسبه للرقم انشالله راح اجيبه لك وشكرا على مرورك
اخوي الذويق الله يوفق ويرزق الجميع واذا الوصف موب واضح اعيده لك انشالله
اخوي announcer الله يوفقك الجميع وشكرا على مرورك يالغالي

أخي الغالي الله يعطيك العافية علي التجاوب مع الجميع
بالنسبه للفيزه كم المده عطوك من شهر وهل من الرياض فتحوا التأشيره أو من دبي
تمنياتي لك بالتوفيق والسعادة في حياتك الزوجيه

أخوك/ الذويق%

هذا رقم لاوند

0556680492

بس نصيحه تراهم نصابين لقيت في مكاتب ثانيه ارخص منهم

أخي الغالي ماجد
أنت تقول عنهم نصابين ممكن توضح لنا النصب الله يوفقك
وماهي المكاتب الرخيصه وفيها مصادقيه في الحجوزات
لاتتأخرعلينا أن أمكن
تقبل تحياتي وتقديري لك

أخوك/ الذويق%

المشاركة الأصلية كتبت بواسطة الذويق%
http://www.arabtravelersforum.com/tr...2/#post2866772

أخي الغالي ماجد
أنت تقول عنهم نصابين ممكن توضح لنا النصب الله يوفقك
وماهي المكاتب الرخيصه وفيها مصادقيه في الحجوزات
لاتتأخرعلينا أن أمكن
تقبل تحياتي وتقديري لك

أخوك/ الذويق%




تخيل حصلت فندق عنده فوربوينت بسعر 766 الليله وحصلته في الصرح والمؤيد باقل بكثير

ولما قلت له اني حصلت اقل قال اتحداك تحصل اقل يقول اصلا الشركات الثايه يأخذو الفنادق عن طريقنا

انصحك تروح له اول وتشوف اللبناني ايش يعطيك اسعار بعدها رح للشركات ثانيه وقارن

عن تجربه انصحك بالصرح جدااا متعاونين

عزيزي اولاً الف مبروك
ولكن اسعار مكتب لاوند مبالغ فيها جرب اسعار الفنادق من مكتب الخطوط الكوانتس وبالنسبة للسيارة جرب الرابط هذا
http://www.tarmactransfers.com.au/

و بالتوفيق:113:

ألف مبروك أخوي خلووووها

حبيت أسئلك سعر سويت هيلودي إن في قولد كوست 600 ريال مع الأفطار أو بدون