موقف ... لا احسد عليه

كنا متجهين الى مطار هيثرو للمغادره الى الكويت ... اول ما وصلنا المطار ..قالولنا ان الطياره عطلانه ووقت الانتظار راح يطول ... واللي يبي يروح الكويت يطلع على اللفتانزا ... المهم شلنا اغراضنا وطلعنا على اللفتانزا .. طبعا غيرنا الترمينال ...

الرحله كانت الى فراكنفورت ومن ثم الكويت مع تغيير الطائره في فرانكفورت .. اول ما وصلت الى مطار فرانكفورد ومعاي مجموعه كبير من اللذين حولوا تذاكرهم ، رحنا نركب الطائره ولا الموظفه تقول اغلقنا لانكم تأخرتو طبعا حاولنا نقنعها ان الموضوع ليس بسببنا .. لكن الالمانيا كلامها كان سيف ... لا يعني لا ... المهم طلعنا مكتب الحجوزات فوق وشرحنا الموضوع قال في طائره طالعا الكويت غدا صباحا مع العلم ان الوقت هو 10 صباحا .. يعني راح ننتظر 24 ساعه ... قال لازم تروحون فندق المطار وطبعا مافي حل اخر ، لما جينا نمشي قال لا ما اقدر لانكم ماعندكم فيزا شنغن مع الاسف راح تقعدون في المطار 24 ساعه ... طبعا شوي ونحب خشمه يا فلان دبرنا شوف حل اي طياره طالعه طلعنا معاها لو ترانزيت ... يمين يسار ... بعد الطقطقه على الكمبيوتر قال في حلين ؟!!
قلنا هات ما عندك يا الماني ...

قال الاول هو فرانكفورت . دلهي . الكويت ؟؟؟!!!!

قلنا من الغرب الى الشرق الى الشرق الاوسط يعني اسبوع لما نوصل

عطنا الثاني .. طلع طامه اكبر من الاول

قال فرانكفورت تلئبيب القاهره الكويت ؟؟؟؟!! ركز على تلئبيب

قلنا اقول القعده بالمطار ابرك

.....
صارت الساعه 2 الظهر واحنا عند الكاونتر والحبيب يدور لنا حل ..
قال عندي حل ...قلنا عطنا

قال ارجعكم لندن ومن لندن تطلعون على القطريه الساعه 10 بالليل الى الدوحه ومن ثم الى الكويت

قلنا اقل الاضرار اتوكل على الله

رجعنا لندن الساعه 4 العصر وشفنا الناس اللي ماراحت معانا وانصدمو لما شافونا رجعنا هههههه

ركبنا القطريه ولما وصل وقت الاقلاع 10 مساء قال الكابتن ان الكمبيوتر عاطل ويحتاج وقت ((((

قلت قدر الله وما شاء فعل

الحمدلله بعد ربع ساعه قال الوضع اوكي ...

طرنا الى الدوحه ووصلنا الساعه 7 صباحا ومن ثم الى الكويت الساعه 8.30 صباحا


وقت الخروج من الفندق 7 صباحا ووقت الوصول الى المنزل اليوم الثاني 9.15 صباحا

مدة الرحلة للعوده هي 26.15 مع التعب والنفسيه

لكن ما اقول الا الحمدلله على كل حال

شكرا على سعة صدركم

مواضيع عشوائيه ممكن تكون تعجبك اخترناها لك: