الموضوع: انا في الصين في كوانزوا

السلام عليكم يا اعضاء المنتدى

نيهاو نيهاو اخاف مسبه خخخخ

طبعا وصلنا اليوم بالسلامة الصين قبل ساعتين تقريبا الحين الساعة الواحدة صباحا انهد حلينا في الطيارة خيبه 8 ساعات وربع هلكنا من اليلسة وافتر راسنا من التلفليف في القنوات

و الحمد لله كان في واحد في استقبالنا وصلنا لغاية الفندق بس الفندق مدخله فخم هو فندق اسمه جاردن هوتيل خمس نجوم بس سعره غالي وايد 950 في الليلة وانا و ريلي وولدي و الريوق حق شخص واحد و الاثنين الثانين ب 200 ربمبي كل يوم يطلع الحساب 11500 ريمبي التوتل اشوفه وايد

شو تنصحوني بفندق جريب لاني ما شفت شي حذاله واللا يمكن ظلام

قالت المترجمة بتشوف لنا باجر الصبح فندق ثاني بس انتو كتجربه شو الفندق المناسب في السعر و مستوى النظافة و الخدمة

انتظر الرد بسرعة


ويزاكم الله خير

مواضيع عشوائيه ممكن تكون تعجبك اخترناها لك:

• حصل على افضل فندق
• أول مشاركةسؤال لو تكرمتوا
• متى اقرب معرض لقوانزو
• استفسار عاجل عن الصين ؟
• أماكن بيع ملابس السهره
• كيف اشترك في خدمة البلابيي في الصين
• الطقس في كوانزو لاول اسبوع للمعرض ربيعي
• هونق كونق هالوقت
• ضروري ياخوان ارجو المساعدة
• طلب معرفة تقديم الطلب ايام العيد
• أسبوع في هـونغ كـونج كم يكلفنـي
• جوانزوا وشانجهاي
• درجة الأفق في الكاثي باسيفيك مين جربها؟؟
• سؤال بخصوص معرض كانتون فير
• كل عام وانتم بخير ،، نحتاجكم هنا
• سيراميك لاحواض السباحة
• استفسار عن نقل البضائع من كوانزو ضرووووري جداا
• ارجوا المساعده شهر عسل فو هونج كونج
• هل من سوبر ماركت عربى فى شنغهاى او على الانترنت
• شنزن

الحمد لله على سلامتكم ..

فيه فندق آسيا انترناشونال قريب منه ... وفندق شاينا ماريوت ....

شوفي اختي ... انا حاجز فندق الهولدي انن بس لسى ما نزلت فيه ...

حاجز غرفة ثلاثيه ( تريبل ) مع الافطار 3 اشخاص ... عن طريق مكتب سياحي بـ 650 ريال سعودي لليله ..

http://www.holidayinn.com/hotels/us/...ch/hoteldetail

شكرا يا جماعة

ع القول سوا لنا خصم بس لازم نحجز من مكتب سياحي بعد غالي يعنى 160 دولار بدون الافطار و جان زين الغرفة تسوى السعر جان عادي

شو رايكم بفندق كانتون شفت الاعضاء يمدحونه

الحين بسير و بلف لفة ع الفنادق ويا المترجمة واذا حصلنا شي حلو كان بها و اذا لا امرنا لله

يالسين نتريا المترجمة لين الحين ما وصلت يعنى موعدنا المفروض ع الحدش بس لين الحين ما يت وبعدنا بنلف ع الفنادق و بنسير شنده نستطلع الامور قبل لا نشتري الاثاث


انتظركم

الله يحفظنا خخخخ ادعي حق عمرنا

السلام عليكم ..

انا انصحج بفندق كانتون ...

انا سكنت فيه اكثر من مرة ....

وقريب من شارع بكين ....

وياخذ بالتاكسي الى مطعم سبأ ... حول دقيقة او دقيقتين .....

وانصحج تحجزين من موقع ctrip

http://english.ctrip.com/

تقدرون تحجزون السويت ... مع افطار لشخصين ....

على حسب المعروض عندهم فالموقع ...

مشكورين يا جماعة وايد ما قصرتوا

ع طول شفت انا الردود في اول شي و شلينا قشنا و نسيت نعالي وانتو بالكرامة في فندق جاردن خخخخ من العيلة

و سرنا فندق اسيا حجزنا غرفة double bed ب 85 دولار يعنى وايد فرق من فندق جاردن اللي كان ب170 دولار في الليلة

وشكرا لكم وايد يا اخواني ما قصرتوا

انتظروا تقريري عن الصين

السلام عليكم

استحملوني بتعبكم وياي
زين اني ما خاذة اللاب وياي

رحنا اول يوم مدينة شندة و طبعا الطريج ساعة واشوي و القينا نظرة ع الاثاث ع عشان اخذة فكرة طبعا رحنا المجمع الكبير للي بعض الاعضاء كانوا حاطين صوره في المنتدى اعتقد اسمه Louve ما ادري الاسبلينغ صح او خطا

طبعا شفت الاسعار غالية وايد بالنسبة للامارات يعني بغيت اخذة غرفة لبناتي طلع علي تقريبا 38000 ريمبي

طبعا يمكن ع عشان الخشب سوليد

و عجبني طاولة طعام ب 46000 درهم قلت اذا 20000 ريمبي باخذة بعد ما طاعت

و يلست اقول وين المركز اللي يتكلمون عنه الاعضاء تقريبا الاسعار متقاربة في هذا المول الا الطابق الخامس اغلى شي يعنى الملكي و اول ما دخلت اتحسبت داخله فندق 6 نجوم من الاستقبال و الريسبشن و السقف الذهبي يقول احنا في عصر نابليون دخلنا من باب وطلعنا من الثاني خخخخخ


المهم المركز ما كملنا كله في اليوم الاول تقريبا 4 ادور و الرابع ما خلصناه كله

تقريبا عجبني كمن طقم ان شاء الله في التقرير بنزل صورهم بس بعد كان غالي بس حسيت انه مميز

اليوم الثاني اخذتنا المترجمة للمركز اللي قبل هذا المجمع و هو طوابق ارضية يعني فيه اشياء بس هب نوعية جيده بس خذت طقم كنبات جلد بحدود 9000 عقب طلوع الروح و بعد زوجي اخذ طقم للمكتب عبارة عن طاولة مكتب و كرسي و مكتبة زجاج و ابجوراة و مكتبة كتب و برواز نفس الطقم ب8500 يعنى السعر كان اوكيه


و اللي عجبني وانا طالعة طقم مطبخ وخاصة اني بعدني ما سويت المطبخ انجذبت للالوان

فعطينا الريال الخريطة و القياسات و فصلنا مطبخ عنده سعره كان اوكيه لان الباب كان نوعيته جيد و من الداخل Mdf مع الاستانستيل عشان جيه طلع غالي

المهم

انا بعدني في الصين و لين الحينه ما اخذت الاساس و هو غرف النوم و الجلوس

هل في مكان ثاني اقدر اشتري منه وسعرهم مقبول لان المترجمة راسها والف سيف المركز الكبير نشتري منه لانه فيه كل شي بس غالي خخخخ


اتفقنا باجر انسير مصنع للاثاث برع من المركز والله يعلم شو ايصير نبا ننجز و الا بحصل

و هيه ذكرت ابا اشتري حق ولدي اللي امخبلنا يقول متى بنسير مال الالكترونيات و اليوم مرينا عليه ع الساعة 7 بس كان امبند و بعد لاب توبات و اي باد لبناتي ما ادري وين احصله


و هيه بعد وين احصل كهربا حق الاب توب يعنى الفيوز اللي عندهم هب شرات اللي عندنا 3A و اشتريت واحد بس للاسف صغير ع واير اللاب الثلاثي




انتظركم ع احر من الجمر

سؤال مباشر

مقاعدكم في الطائرة يوم جيتوا على كوانزو كانت

16a , 16b , 16c

الحاسة السادسة تقول كذا

جاوبي بدون تردد لو سمحتي

مرحبا اختي .. انا الحين في كوانزو .. وين تسوين المساج

ياليل مااطولك

vili
قريب من القطار وانت جاي من هونج كونج
الي يبغا زياده اوصف له يجيني برايفت واعطيه رقمي الصيني

سلام عليكم أريد أن اسافر إلى الصين كوانزو ممكن الفيزا من البحرين و كيف