الموضوع: استفسارات تنتظر ردودكم بخصوص السفر الي الصين

انا نزلت هالاستفسارات بيوميات سارررونه وما قصرت النشميه كالعاده تجاوبت بسرعه واكرر شكري لها

بس ودي اشوف آرائكم انتم بعد يعني حلو الواحد ياخذ كذا راي خاصه ان سفرتنا الاسبوع الجاي

عندي كذا استفسار والله يعينكم علي وارجو تجاوبون بالتفصيل لاننا ناوين نسوي جدول لنا قبل نروح ما ودنا ندربي روسنا على غفله وتضيع السفره كلها ضايعين

1- فيه شارع قريت اسمه نانا الو يقولون هذا حق الادوات المدرسيه وقرطاسيات ودي اعرف وين مكانه وهل هو مثل سوق بكين الليلي يعني شارع طويل ويفتح من 6 المساء الى 10 الليل ولا شلون وضعه واذا ما مر عليكم هالشارع وين القى القرطاسيات والمكتبات يعني شغلات المدارس

2-فيه بعد شارع اسمه ناينفنج لو يقولون حق احذيه وهدايا ابي اعرف نفس الشي وشلون وضعه ومتى يفتح ويقفل واذا ما مر عليكم بعد ودي اعرف وين القى سوق الاحذيه الرجاليه والنسائيه والاطفال لاني قريت ان فيه سوق احذيه قديم بمنطقة دونفانج لو وجديد بمنطقة ننالو بعد محطة غوانزو الرئيسيه للقطار ارجو التوضيح وش احسنهم وهل هو كبير يعني بياخذ الواحد وقت عشان يفرهم كلهم ولا كيف الطريقه ومتى يفتحون ويفقلون

3- يقولون فيه سوق ساعات جنب سوق الاحذيه الجديد اللي بمنطقة ننالو مدري هو نفس سوق الساعات اللي يقولون عنه ولا واحد غيره واذا واحد غيره وش رايك فيه وبنفس الوقت متى يفتح ويقفل

4- وش افضل سوق حقائب لاننا بصراحه كل شوي نقرا عن سوق غير ياليت تعلموني عنهم وش احسنهم وهل هم كبار حيل ولا الواحد يقدر يفرهم كلهم بيوم واحد ومتى دواماتهم

5- وين القى سوق الملابس الرجاليه والنسائيه والاطفال المقلده للماركات هل لهم مجمع يعني ولا محلات معينه مثلا بالاسواق الليليه ارجو التوضيح

6- هل تنصحونا بزيارة مجمعات مثل تي مول وشاينا بلازا ولا تحسون مالها داعي يعني غالين وبنضيع وقتنا على الفاضي

7- فيه سوق للنظارات الطبيه والشمسيه المقلده بكوازنو ولا ما فيه واذا فيه وين القاهم وابي اعرف دواماتهم

يعطيكم العافيه مقدما

مواضيع عشوائيه ممكن تكون تعجبك اخترناها لك:

• ابغى رائيكم لو سمحتو
• زيارتي لـ الصين هونج كونج مكاو اكثر من صورة واي استفسار انا خادمكم
• مطلوب شخص مقيم بالصين
• أرجو المساعدة يا أخواني
• ارجو افادتى بسفرتى الجديده لكوانزوا واتمنى الجميع يستفيد منهااا
• استفسار عن فنادق هونج كونج
• اسلئة مهمه لاهنتم بخصوص الصين وهونج كونج
• باختصار ارجو أعطائى عنوان فنادق بايوا
• هل هناك فؤق بين التأشيرة التجارية و الزيارة
• الـى اي شخص سافر الى الصين
• مهم لجميع الأعضاء قبل كتابة تقاريرهم
• الألعاب اللإلكترونية
• التجارة من الصين
• انا الان في شنزن
• جايتكم من البعد عانية ، وبفزعتكم شاكرة
• من كوانزو الى جزيرة بالي
• انا في جوانزو حاليا واريد مساعدة
• ملف عن الصين وهونق كونق
• سؤال بخصوص الفيزا بليز
• العزيز ابوضرار والاخوه المختصين