ادري طولت عليكم بس والله لأسباب فنية غصب عني!

ريتشوني (الشاطئ الشرقي)

لما كنا في روما سالنا عن وسيلة للذهاب الى ريتشوني وقالوا لنافي بالسيارة او الباص او القطار........واكيد فضلنا القطار....وكانت رحلتنا من روما الصباح بدري (لما جينا نعمل تشك اوت من الأوتيل كان المطعم ما بعد فتح الا انهم جابوا لنا فطور مخصوص في اللوبي ) تقريبا تحركنا من محطة تيرميني الساعة 7 صباحا حتى اننا لما وصلنا المحطة كنا ندخل مع الموظفين ....مدة الرحلة كانت حوالي خمس ساعات...
لما وصلنا لمحطة ريتشوني كانت صغيرة مرة , وتوجهنا لمكتب الانفورميشن واخذنا منهم خريطة للمدينة موضح فيها اوتيلنا وطلبنا فان عشان يودينا .. وفعلا خمس دقايق والسيارة جاية وتوجهنا بسم الله للأوتيل
واول ما وصلنا انصدمنا الأوتيل صحيح كبير وعلى البحر الا انه قديييييم وما عجبنا بالمرة وموظفين الاستقبال مو ذاك الزود بالخدمة الظاهر طفشوا من كثر الناس اللي ساكنين(اجانب وايطاليين بس) لكن للأمانة موظفات الروم سيرفس كانو لطيفات ماعدا عجوز مقلعة (على قولة الشباب) قابلتنا اول يوم بيوني فورم مفتوح وتحته مايوه( تعيشك جو الشاطي بقوه) ...
الأوتيل


من امام الأوتيل



المنظر من البالكون الخلفي



بعد ما ريحنا اتصلنا نطلب سيارة عشان نروح ريميني بس موظفة الاستقبال قالت حرام تطلبون سيارة واحنا مرة قراب لريميني ليش ما تجربون الترام خصوصا انه محطتة على باب الاوتيل(انا سمعت انها جنب ريتشوني بس ماتوقعت لهالدرجة)..
بعد التشاور قلنا خل نجرب ليش لأ احنا هالمرة مقررين نسوي اللي ما عمرنا سويناه وفعلا ركبنا الترام(طبعا بدون تذاكر لأننا خلاص صرنا اهل ديرة :109..
انطلقنا بالترام وكان حلو وفاضي تقريبا وكل ثانيتين يوقف ويركبون ناس جدد واحنا مرتزين ما ندري وين ربي حاطنا :097::097:
احلى ما في الموضوع انه ما كان يلف يمين ولا يسار لأن ما فيه الا شارع واحد على البحر يعني ما فيه امل تضيع واحنا قلنا المكان اللي يعجبنا بننزل فيه وفعلا استمرينا بالترام نتفرج على الشارع ولا حسينا بعد عشر دقايق الا واحنا واصلين اخر ريميني والترام بيلف ويرجع ريتشوني...

هنا نزلنا وبدينا نتمشى ولفت انتباهنا ان الفنادق على طول الشارع كانت صغيرة جددا وفيه منها الحلو والشين طبعا هالكلام كان اخر النهار تقريبا وكانت ريميني مررررة زحمة وسوقها ومقاهيها حليوة (اذكر لقينا عند واحد من المحلات ملابس مررة حلوة وغريبة ) بس الغريب اننا درناها كلها وما شفنا ريحة الخليجي (في اليوم الأول بس , لكن لما جينا في يوم ثاني شفنا الكثير منهم خصوصا البنات اللي صادفناهم عند اللي يعملون الجدايل الأفريقية على الأرصفة)
على الساعة عشر ونص تقريبا سكرت المحلات وما بقى الا المطاعم والمقاهي فقررنا نرجع ووقفنا ننتظر الترام.. كان الوضع مختلف هالمرة الزحمة غير طبيعية والترام ماينطاق من كثر الأمم وبصراحة خفنا وتضايقنا بس ما عاد يمدي:16:
المهم بعد ما ركبنا ومشينا كم محطة قررنا ننزل ونكمل مشي لأن الوضع مو مريح والمسافة ما كانت كبيرة....:1224::1224::1224: واحنا نمشي قابلنا اشكال عجيبة من بنات الليل (اسفة على هالكلمة)في ريميني (الشهادة لله محد يضايقك بس احنا ما ارتحنا للمناظر خصوصا ان معانا مراهقين).... وبعد ربع ساعة وصلنا للأوتيل
وكانت المفاجأة.......................................... .................................................. ..........
الأوتيل يقع على الخط الفاصل بين ريميني وريتشوني(وانا اقول ليش الموظفة تقول مرررة قريب) وبالتحديد عند اللوحة اللي مكتوب عليها ريتشوني :5:
هنا احنا مررررررررررررررة عصبنا على المكتب اللي حجز لنا لأننا طالبين في السنتر(وهذي النكبة الثانية من بعد ميلان)
طبعا قضينا ذيك الليلة واحنا عازمين بكرة ان شاء الله ندور على اوتيل في السنتر ...
وبالفعل بعد ما افطرنا اتصلنا بالسيارة ورحنا للسنتر اللي كان حلو وونيس والمحلات والمقاهي اللي فيه حلوة وقضينا يومنا نتمشى ونستكشف بينما جزء من العائلة استغلوا تمشيتهم في السؤال عن الفنادق اللي مالية المدينة
اللي عجبنا اكثر شي كان اوتيل جراند هوتيل والاسكا و(اهم ميزة فيهم التكييف والموقع القريب)

طبعا لما جاء المساء بدوا ربعنا الخليجين يتوافدون من كل مكان (الكل متأنق ومتجهز للسهرة) وسكرت المحلات وما بقى الا المطاعم وابتدا الشو اللي انتو خابرين:36_11_4: (هنا عرفت ليه ماأحد في ريميني)
صورة السنتر



من بكرة ودانا السواق الى مركز تجاري كبير اسمه لو بيفاني
صورة للمركز



كان حلو وشرح تمشينا فيه كل النهار بعدها رجعنا نريح ونستعد للسهرة في سنتر ريتشوني

واليوم اللي بعده كان مخصص لسنتر ريميني اللي عبارة عن ساحة فيها محلات ومقاهي والبضاعة كانت مررة حلوة..

وبكذا قضينا مدتنا على هالبرنامج(في النهار نطلع برا ريتشوني وفي الليل نروح نتعشى في السنتر) لكن بصراحة ملينا لأن الجو مو جونا(اذكر كنا كل يوم نقعد في كافيه مرة حلو وراقي بس كل اللي يمرون يطالعوننا بشكل غريب وما كنت فاهمة ليه :114: واكتشفت بعدين انه ما يقعد فيه الا الناس المهمين :36_1_12: احم
وقدامه المطعم اللي يتجمعون فيه العرب عشان يقابلون اللي في هالكافيه)
وكانت النتيجة اننا قررنا نقدم رحلتنا الى المحطة التالية...............
وبكذا تكون هذي اخر مدينة في ايطاليا واللي انطلقنا منها الى الدول الأوربية الأخرى......واولها ميونخ في المانيا

مواضيع عشوائيه ممكن تكون تعجبك اخترناها لك: