الموضوع: فينيسيا

السلام عليكم ورحمة الله

انا ان شاالله جاي على فينيسيا يوم 27/8 انا وخويي

لمدة يوم واحد قدومآ من جنيف عن طريق الطياره ومن بكره عودتنا الى الوطن

سوالي هل احجز فنادق من هنا

او اروح هناك واشوف على نظري وارخص سعر من المكاتب او موقع بوكينق المشهور والي دائما ما اتعامل معه وماهي افضل الفناق الثلاث نجوم ويكون سعره من 100 الى 140 يورو

والي عرفته ان الافضل السكن با القربمن ساحة سان ماركو علشان اتفادى ركوب التكاسي

:surf

مواضيع عشوائيه ممكن تكون تعجبك اخترناها لك:

• رايحه روما في
• شهر العسل الضائع
• الرحلة الأوروبية نقل حي ومباشر
• يا أهل الخير شلون ميلانو بالصيف
• التنقل داخل المدن الأوربية
• تكفى ساعدوني عن مواقف السيارات
• مخطط رحله لشخصين لمدة يوم ايطاليا سويسرا النمسا المانيا بالتفصيل الممل
• حجزت في هالفندق ليلتين مارايكم فيه
• وش احلى ايطاليا ولا اسبانيا ؟
• كيفية السفر بين مدن إيطاليا ؟؟
• استفسار بالنسبه للفيزا
• الفيزاااا الايطالية تكفووون
• ضيعت ريموت السيارة وش العمل؟
• عــــــــــــــــــــــــاجل بخصوص الفيزا الله يجزاه خير الي يساعدني
• الفزعه اخوكم محتاج مساعدتكم مسافر يوم
• رحلة الى ايطاليا من اين ابدأ
• استفسارات اخيره قبل السفر
• الرحلة الأولى لي إلى إيطاليا ،، أرجوا الإفادة
• افتتاح فندق أرماني ميلانو ثاني فنادق مجموعة أرماني
• تفضلوا يا محبين ايطاليا

كانت معنا سيارة دخلنا العبارة بسيارتنا وبعدها الى منطقة فيها قوارب كثيرة وبوتات وحجزنا على سان ماركو الشخص 13 يورو ورحنا الى سان ماركو السااااااااحرة وركبنا الجندولا ب175 يورو واحلى مافيه انك تركب الجندولا وتاكل الحمام بالساحة شعور حلوووووووووووو وخيالي

ممكن يأخ ممساح تدلني علىفندق يطل على ساحة سان ماركو اربع نجوم

رد علي عندي اسأله كثيره ماودي اتفاجأ بشي مو زين في ايطاليا

ممساح

هلا اخوي / مقهى

يااخوان في بعض المدن مايبلها لف ودوران

مثل البندقيه " فينيسيا"

يبيلها يوم واحد فقط يومين لوحاب تروح جزيره بقربها اسمها على مااضن " لوغانو"


وبالنسبه للفنادق يااخوان اعتقد لو تروح تسكن برى احسن لكم وتوصل لمارك سكوير

او مثل مانقول مربع اوساحه مارك عن طريق بوت احسن لكم


وانا انصحكم بفندق مجرب اسمه albatrous

بس اسعاره ماني عارفها لأني حجزت من هنا مع قروب

بالنسبه لفينيسيا

اهم معالمها

1- ساحة مارك

2- مصنع الزجاج

3- الكنيسه حقت مارك

4- الجندولا وعن نفسي ماانصحكم تدفعون 100 يورو فيها لأنكم راح تمشون بين بيوت والمويه مختلط فيها ريحة مجاري واضف على ذلك الجو رطب


هذه يمكن اهم مافي فينيسيا

وانصحك بأن تلبس لبس مناسب للجو الرطب

ترى على فكره 9 ساعات في فينيسيا فرفره مع الخريطه والمرشدين تكفيكم وتطلع ريحتكم منها


ولاتنسون اشتروا حب للحمام ترى بطر من الشبعه وهي اجمل لحظاتكم هناك

بسام الله يعيطك العافيه والله
اتعبتك معي

لكن اناودي بفندق يكون في ساحه سان ماركو او قريب من الجسر

عشان كل شي يكون قريب مني

ومشكوور على جهودك واذا عندك اي معلوات اضافيه ياليت تدلني واكون لك من الشاكرين

اتوكل على الله


والله يسهل عليك


وياحبيبي مافي بيننا شكر هذا واجب

بسام ماركوني انا مشيك عليه قبل 20 يوم كان ب 170 والحين يوم شيكت عليه حصلته

ب 283

وش رايك بكزنوفا والا فيه فندق حلو في الساحه بحدود ال180 يورو

واكون لك من الشاكرين

المشاركة الأصلية كتبت بواسطة ممساح
http://www.arabtravelersforum.com/tr...2/#post1493252

توني راجع من فينيسيا


وبصراحه ........................... يوم واحد كافي عليها


وصولك من المطار إلى وسط فينيسيا بالقطار ومن ثم تاخذ الباص النهري 10 يورو للفرد الى ساحة سان ماركوس ولا تحول تاخذ التكسي لانه غالي


اما الجندول فسعره ما يتعدى 100 يورو ............... وفاصلهم


والسعر للجوله وهي تقريبا بين ساعه وساعه ونصف

وغير الساحه مافيها شي ..................... كلها حواري وسوق



بالضبط اخوي مافيها شي بالمرررررره وانا كنت فيها يوم 29-7-2007 كلها حواري قديمه وبيوت متهالكه و وصلت لفينسيا عن طريق البر قادم من النمسا وعبرنا الجسر اللي يربطها بالبر الايطالي ودورنا مواقف لكن ززززحمة رهيبه ولقينا مجمع مواقف ووقفنا السياره بالدور العاشر و مشينا الى اول المدينة ومحلات الاشياء التذكاريه جنب بعض تلاقيها بكثره والجندول طبعا مخلص من كثر السياح لكن في المركب العادي والاسعار كلها وحده 45 دقيقه بسعر 100 يورو ومايفاصلون واذا فاصلتهم خلوك ومشو عنك لانهم شبعانين وعارفين انهم مايتعطلون !!! ومع هذا يتشرطون لازم بس 6 اشخاص في المركب لانهم اذا ركبوا سواح اكثر من العدد المسموح تخالفهم الشرطه بغرامه 300 يورو !!! المهم ركبنا وكان حظنا مع سايق ممتاز وحبوب واخذ فينا لفه حول فينيسيا مرورا بالقنال الكبيره او غراند كانال وشفنا اهم الاماكن اللي فيها مثل جسر
ريالتو والشخابيط اللي عليه تذكرني بشخابيط اسوار المدارس !!!! وساحه سان ماركو وجسر التنهدات وهو جسر صغير بالمررره والقصر الملعون وهو بالمناسبه بيت صغير وليس قصر . وبعد مرينا جنب الميناء فينيسيا الكبير و شفنا بواخر الكروز وفيها السياح ..يعني الجولة تسوى ..

ملاحظات :
1. توجد مواقف سيارات رخيصه وفيها شخص ايطالي ياخذ مفتاح السياره مثل الفنادق وتنزل تتمشى وترجع لكن ما انصح بالطريقه هذي والسبب .. ايطاليا ؟؟؟؟ احتمالات كثيره وارده مثلا السياره بكبرها ماتلاقيها او شي مفقود فيها خصوصا اذا كانت محموله بالاغراض وانت مسافر فيها .

2. القصر الملعون : تقول الاسطوره عنه ان كل شخص يشتريه اما ان يفلس او ينتحر ؟؟؟

طيب بسام انا ودي بفندق ما استخام في التاكسي الا للمطار بس

كازنوفا انت تشوفه مناسب والا فيه فندق ممتاز سعره حلو
واقدر اروح لكل شي مشي مو مهم المشي عندي

المهم التكسي ما اخذعه با الروحه والرجعه

اتوكل على الله واحجز ارخص فندق جنب الساحه

اذا فعلآ ماودك باالتكاسي

وخذ هذا الموضوع كمان يفيدك

http://www.arabtravelersforum.com/travel116385/?f=89

بسام انا قررت اني اروح هناك واحجز من عندهم على نظري

يقولون احسن

وقررت بس ما قدرت

كيف اشكرك

ياليت تقدر تكلمني على الخاص

انا مسافر بكره ان شا الله

هلا اخوي مقهى وبسام شكرا يابسام على مساعدتك انا لي يومين ادور على معلومات عشان كذا مافتحت التقرير هذا وبعطيك شوي يامقهى من المعلوماتاللي وصلتله عساك تلحق تقراها......

_ فندق (كونكورديا) في سان ماركو مقابل ماكدونالدز

_ فندق(ريالتو) 7دقايق عن الساحه

_ فندق (ماركوني)
_ فندق(villa condulmer)

_ فندق(savoia jolana

http://www.bauervenezia.com اعزائي هذا رابط فندق في فينيسيا هو طبعا 5 نجوم لكنه بصراحه روعه واللي يذكر منكم المسلسل الامريكي the bold & the beautil اللي صار سنين طويلة وهو يعرض ..هذا المسلسل صورو بعض من مشاهده في فينيسيا وخصوصا في هذا الفندق

هلا بسام معليه يمكن انت عزوبي وماتفرق معك لكن العائلات تفرق وبعدين

حنا نبي الدلع احد يشيل الشنطه وتنظيف الغرف مهم بالنسبه لنا وانا دخلت استكشف في باريس 3نجوم

بصراحه كئيبه جدا......