السلام عليكم يأخوني ويا أخوات أعضاء منتدى العرب المسافرون
اليوم بشرحلكم رحلتي في قريه Avimor الأسكوتلنديه وفيها منتجع للتزلج من أروع منتجعات التزلج في أسكوتلاند
أقرب نقطه للوصول إلى Avimor هو مطار مدينه Anvirnessالتي تبعد قريه Avimor ب26 وعشرين ميلا تقريبا
تقع القريه بين سلسله من الجبال في أسكوتلاند وهي قريه صغيره تبعد عن العاصمه أدنبره ب3 ساعات تقريبا وتطل على بحيره وعلى العموم أسكوتلاند مليانه بحيرات بالهبل
نشوف الصور بالأول وبعدين نوضح الرحله :107:
صوره للطبيعه صورها أخوكم ياحلو يا أنا على جنبات الطريق
وصلنا المطار وأجرنا سياره من المطار ودورنا على فندق وحجزنا فندق زين ورخيص لانه كل الفنادق اللي فيها بو نجمتين ماعدا الهوليداي إن وماكو حجز
حجزنا عند واحد أسكوتلندي وزوجته في بيتهم اللي محولينه فندق ب15 باوند للشخص بالليله ....... يا بلاش
وعلى طول قطينا أغراضنا ورحنا مكان التزلج اللي يبعد 5 ميل من القريه وأجرنا معدات التزلج ب 11 باوند باليوم
شوفوا بالصوره شلون كنا مستانسين وأخوكم يا حلو يا أنا كاشخ بالجاكيت الأبيض والربطه الزرقا :115:
وركبنا بعدها القطار اللي يوديك القمه ومبين سكه الحديد بالصوره أعلاه فوق الجسر
وأهنيه وصلنا القمه وكانت درجه الحراره 15 تحت الصفر
وخذينا الخريطه وفيها اماكن التزلج على حسب المستويات
طبعا أخوك وين مكان المبتدئين تحصلوني أهناك مع اللصغار قاعد والربع وياي
وأهنيه بعد ماخلصنا التزلج بنركب السياره ومبين بالصوره ورا البحيره المتجمده اللي تطل عليها قريه آفي مور
فاليوم الثاني قررنا الأنسحاب من رياضه التزلج للمحترفين من كثر الطيحات وكلينا هوا وثلج ماله داعي
والخوض في غمار التزلج على الزلاجات التقليديه ....... وأبشركم ولا فلحنا بهذي ولا ذيك :115:
في اليوم الثالث قلنا نجرب حظنا في صناعه التماثيل الثلجيه في أحد الحقول بس هم بئنا بالفشل
والله قروبي مو فالح الا بالضحك والحش بالاوادم :109:
وهذي قصه الرحله والمنطقه ولي بعض الملاحظات على القريه والأماكن السياحيه:
1-المدينه بالشتاء ليس فيها الا التزلج فقط فأنصح ب3 أيام كافي عليها
2 بالصيف يوجد بها العديد من الانشطه بالقريه مثل القنص تسلق الجبال مشيا أو بالحبال صيد السمك في النهر والبحيره وتأجير البقيات والتجول في الغابات وزياره البحيرات الأخرى...... الخ
3-للوصول اليها أقرب مطار أنفرنيس تقدر تاجر سياره من المطار أو أخذ قطار أو باص أو تاكسي
4- أنعدام الباصات والتكاسي بالقريه
5- اللي يبي رقم الفندق أو أيميله ترى عندي
وشكرا يا حلوين يا أعضاء مـنـتـدى الـمـسـافـرون الـعـربمواضيع عشوائيه ممكن تكون تعجبك اخترناها لك:
- الأجواء في لندن حاليا
- بليز ابغي معلومات عن لندن اول مرة اسافر اوروبا وابغيها رحله مميزة
- خبراء لندن ساعدوني ابي شقه بلندن ولكم دعوه بهالشهر الفضيل
- الاكل ومزانيته في لندن ضرررررررررروري
- استفسار عاجل كيف أحجز لمسريحة لاين كينق بالانتر نت ؟
- رايكم في هذا الفندق
- فندق في نبوكاسل
- مساعده في اختيار السكن المناسب في لندن وبرنامج ل ايام
- نوع التأشره لحضور دورة تدريبيه
- تـقـريـر رحـلتي إلى لنـدنـ
- بخصوص كشوف حساب البنك المطلوب لاصدار التأشيره
- طلبتكم مساعده لمسافر جديد
- استفسار لاهل الخبرة في لندن ارجو المساعدة ضررررررورررري
- استفسار بخصوص الفيزا و الاجواء
- يوم في لندن ومانشيستر وجلاسكو لكن محتار ولدي استفسارت
- استفسارات عاشق الشواطي ترتيب الرحلة الى لندن
- حد عنده معلومات عن
- استفسار عن
- عاجل ابغى ارسل ايميل للسفاره البريطانيه؟؟وش الطريقه؟؟
- فيزا بريطانيا ضروووري الله يسعدكم
المفضلات