الموضوع: قريه التزلج في أسكوتلاند

السلام عليكم يأخوني ويا أخوات أعضاء منتدى العرب المسافرون

اليوم بشرحلكم رحلتي في قريه Avimor الأسكوتلنديه وفيها منتجع للتزلج من أروع منتجعات التزلج في أسكوتلاند

أقرب نقطه للوصول إلى Avimor هو مطار مدينه Anvirnessالتي تبعد قريه Avimor ب26 وعشرين ميلا تقريبا
تقع القريه بين سلسله من الجبال في أسكوتلاند وهي قريه صغيره تبعد عن العاصمه أدنبره ب3 ساعات تقريبا وتطل على بحيره وعلى العموم أسكوتلاند مليانه بحيرات بالهبل

نشوف الصور بالأول وبعدين نوضح الرحله :107:



صوره للطبيعه صورها أخوكم ياحلو يا أنا على جنبات الطريق



وصلنا المطار وأجرنا سياره من المطار ودورنا على فندق وحجزنا فندق زين ورخيص لانه كل الفنادق اللي فيها بو نجمتين ماعدا الهوليداي إن وماكو حجز
حجزنا عند واحد أسكوتلندي وزوجته في بيتهم اللي محولينه فندق ب15 باوند للشخص بالليله ....... يا بلاش
وعلى طول قطينا أغراضنا ورحنا مكان التزلج اللي يبعد 5 ميل من القريه وأجرنا معدات التزلج ب 11 باوند باليوم
شوفوا بالصوره شلون كنا مستانسين وأخوكم يا حلو يا أنا كاشخ بالجاكيت الأبيض والربطه الزرقا :115:

وركبنا بعدها القطار اللي يوديك القمه ومبين سكه الحديد بالصوره أعلاه فوق الجسر



وأهنيه وصلنا القمه وكانت درجه الحراره 15 تحت الصفر
وخذينا الخريطه وفيها اماكن التزلج على حسب المستويات

طبعا أخوك وين مكان المبتدئين تحصلوني أهناك مع اللصغار قاعد والربع وياي



وأهنيه بعد ماخلصنا التزلج بنركب السياره ومبين بالصوره ورا البحيره المتجمده اللي تطل عليها قريه آفي مور




فاليوم الثاني قررنا الأنسحاب من رياضه التزلج للمحترفين من كثر الطيحات وكلينا هوا وثلج ماله داعي
والخوض في غمار التزلج على الزلاجات التقليديه ....... وأبشركم ولا فلحنا بهذي ولا ذيك :115:



في اليوم الثالث قلنا نجرب حظنا في صناعه التماثيل الثلجيه في أحد الحقول بس هم بئنا بالفشل
والله قروبي مو فالح الا بالضحك والحش بالاوادم :109:


وهذي قصه الرحله والمنطقه ولي بعض الملاحظات على القريه والأماكن السياحيه:

1-المدينه بالشتاء ليس فيها الا التزلج فقط فأنصح ب3 أيام كافي عليها
2 بالصيف يوجد بها العديد من الانشطه بالقريه مثل القنص تسلق الجبال مشيا أو بالحبال صيد السمك في النهر والبحيره وتأجير البقيات والتجول في الغابات وزياره البحيرات الأخرى...... الخ
3-للوصول اليها أقرب مطار أنفرنيس تقدر تاجر سياره من المطار أو أخذ قطار أو باص أو تاكسي
4- أنعدام الباصات والتكاسي بالقريه
5- اللي يبي رقم الفندق أو أيميله ترى عندي

وشكرا يا حلوين يا أعضاء مـنـتـدى الـمـسـافـرون الـعـرب

مواضيع عشوائيه ممكن تكون تعجبك اخترناها لك:

• شقق لندن
• استفسار بخصوص الغرف
• ميزانية رحله الى لندن باريس؟؟ ساعدووني
• اوت لت بسترفليج
• أبو مانع يحييكم من لندن ويهديكم هالمجموعه من الصور
• دعوة صادقة في ظهر الغيب لمن يجيب على سؤالي
• خبراء لندن ابي مساعدتكم ماعليكم أمر ظرووووووري
• استفسارت على اندن اول زيارة ارجو المساعدة في اقرب وقت
• عيد الاضحى الكرسمس ؟
• واخيرا الى مدينة الضباب
• كيفية الوصول الى التون تاورز من محطة اكسفورد سيركس
• استشارة بخصوص جدولنا الى لندن
• طيران الإمارات بطائرة ايه إلى لندن
• ارجو المساعده استفسار عن
• اريد تخطيط رحلة عائلية الي لندن
• استفسار عن عربة الأطفال في الطائرة
• ارجوا من الخبراء المساعده
• استفسار عن السفاره البريطانية في الخبر
• النقاب في بريطانيا
• استفسار عاجل كيف أحجز لمسريحة لاين كينق بالانتر نت ؟

طيب كم سعر التذكره من الرياض

يا حلو يا انت

:x1: :x1:

رحلة حلووووة وصوور اروع

شعندكم مفلتين من الدوام :11ight: خبري ما في اجازة في ذاك الوقت

Hesham
شكرا على مرورك الحلو وإذا تبي تتزلج هذي منطقه بس شتويه بالصيف قنص وصيد سمك وغابات وبحيرات
إذا تبي تتزلج بالصيف بسويسرا ولا جبال الألب من صوب حدود فرنسا ةإيطاليا ولا النمسا في جبال الألب كلها ثلوج بالقمم بالصيف وعندك تقريري عن زل أم سي متزلج بشهر أغسطس بعز الصيف وشوف الصور

البليد

سعر التذكره من الرياض إلى لندن هيثرو ومن هيثرو إلى إنفرنيس طيران داخلي ساعه بالضبط او ساعه ونص جيك على محل سفريات عنكم أنا عندي أسعار داخل بريطانيا

بو عبداللطيف أنت ينخاف منك شكلك لو تصير مسؤلي بالدوام بدعي عليك :109:
يبا شوف التاريخ اللي بالصور تلقاه إجازه عيد الأضحى مو اللي طاف اللي بعده
بس شرايك بصوره صاحبنا بو شماغ شكله من البشمركه :109:

وشكرا

:113: :113: :113: :113:
موضوع رائع وصور أحلى
بارك الله فيك اخوي
وننتظر جديدك

ميسون محمد

مشكوره على المرور والإثناء على مشاركتي

علم اخوي
مع اني وصلت الثلوج لكن ماتزلجت .. ولا فكرت الا بعدين

شكراً على ملعوماتك القيمة يا حلو يا انت

من اول ما طبيت المنتدى يا حلو يا انت

ورحبنا فيك وانا قايل الريال مو بسيط

صراحه خبير اوروبي

واصل ودربك خضر

اخوي ياحلو رجعت الايام الخوالي والذكريات الحلوة انا كنت في افي مور عام 97 وبالتحديد في اواخر اغسطس وكان الجو بااااااااااااااااااااارد وسكنت في فندق ستاكيس كولمبريدج ولا انصح بالسكن فيه لانه بعيد عن سنتر القرية والانشطه الصيفية مثل ماتفضلت اخي الكريم هي صيد السمك وعندهم fish farm كبير وسباق السيرات go cartداخل صالة تزلج كبيرة وانطلاقا من هذه القرية تقدرون تزورون بحير اللوخ نيس ومدينة انفرنيس ومدينة ابردين وكلتاهما على بحر الشمال

هلا أخوي يا مصبر الموعود

أنا الظاهر سببتلك ألم وذكرتك باللي مضى أسف ماكان قصدي أني أذكرك بأيام حلوه :110:

ومشكور على مرورك الحلو وعلى إضافاتك الجميله

وشكرا

ماشاء الله عليك مبدع
في هذا التقرير
وتسلم يديك

الله يسلمك يالمهاجر
والله عيونك الحلوه

الروووووووووووووووووعة كلها فى هذا الموضوووووووووع الاجمل .....
الله يعطيك العافية أخوى ياحلو ياأنا !!!!
ومازلنا ننتظر كل جديد منك ...

ماشاء الله رحله في غاية الروووعه.


بس اللي إلى هالحين ماقدرت أفهمه :114: :114: خويك ليش لابس شماااااغ :109: :109: :109: شكله يحب لبس الشماغ :107: :107:





تحياتي.

المشرف

هلا بك أخوي على المرور الحلو ....................................... لا والله للأسف ماكو تزلج

إذا تبي تتزلج بالصيف روح جبال الألب بالصيف بالنمسا ولا بسويسرا :11ight:

وهذا رابط موضوع فيه تزلج بالصيف
http://www.travel4arab.com/vb/showthread.php?t=28894

الدهمشي

حياك الله يالدهمشي بها الموضوع ................ يا من بني وايل ولا أنا غلطان

أما بخصوص صاحبي أهو متأثر بالقوات الكرديه اللي بالعراق اللي يسمونهم البشمركه :109:

المشاركة الأصلية كتبت بواسطة يا حلو يا أنا


المشرف

هلا بك أخوي على المرور الحلو ....................................... لا والله للأسف ماكو تزلج

إذا تبي تتزلج بالصيف روح جبال الألب بالصيف بالنمسا ولا بسويسرا :11ight:

وهذا رابط موضوع فيه تزلج بالصيف
http://www.travel4arab.com/vb/showthread.php?t=28894

الدهمشي

حياك الله يالدهمشي بها الموضوع ................ يا من بني وايل ولا أنا غلطان

صدقت :101:
أما بخصوص صاحبي أهو متأثر بالقوات الكرديه اللي بالعراق اللي يسمونهم البشمركه :109:




حلووووه البشمركه :107: :107:

تسلم لنا على موضوعك الحلووو.

والله الموضوع يجنن ..وما نلومك يوم اخترت إسمك.. الصور حلوه والتقرير حلو وطريقة السرد حلوة والرحلة حلوة.. شو نقول بعد .. ننتظر منك بقية الأماكن الحلوة اللي بعد زرتها ..مول لا تخلي شي خبرنا عن هالإكتشافات الروعة متابعينك لين ما تقول ركبت الطيارة ورجعنا لبلاد ..يعطيك العافية بصراحة من زمان ما قريت موضوع فكرته جدييييييييييدة بهالطريقة

كله واضح ما شاء الله ولو تذكرت أسئلك عن شي عنها برجع مرة ثانية إذا تسمحلي

راااااااائع

اليـازيــة

مشكوره على المرور والكلام الحلو :101:

والله أنا لازم أشيد بمجهودك الرائع وتقاريرك من خلال موضوعي وأنا من المتابعين لها وجهد جبار منك ودائما شرحك وافي :107: يا أختنا اليازيه :107:

وأي سؤال عن آفي مور حاضرلك :101:

[align=center]شغل مرتب مشاء الله عليك ..

موضوع خفيف .. ولطيف ..

ويازين التزلج على الثلج الطبيعي :107:

درجة الحرارة با الخليج توصل 45 :110:



و15 تحت الصفر في أسكوتلاند




معليش بغيت اسئلك عن نوع الكاميره ورقمها .. الله لا يهينك


اخوك ابو فيصل [/align]

[align=center]
أخي الفاضل // يا حلو يا أنا

اسكوتلند .. بهدوئها .. وجمال طبيعتها .. وبحيراتها .. وأهلها بتنانيرهم المميزة !! هي الأنسب في نظري لطالب الراحة والاستجمام ..

قد لا يصدق أنه من الممكن استئجار شاليه ملكي !! في أبردين أو غيرها بـ 1500 ريال لمدة أسبوع مطل على بحيرة ما فيها غيرك !!! ويمكن أن تستأجر قارب أيضا تخلص أشغالك ؟؟ لكن الغلاء فيما يبدو لي في الأكل هل هذا صحيح !!

ممكن سؤال كثير من الأخوة يعتقدون بأن اللهجة في اسكوتلند مختلفة وضعيفة ولا تصلح للدراسة .. فما رأيك .. لأني أعتقد أن رخص السكن بها وغيره سيمكن لكثير من الأخوة الذين يعانون من الغلاء في لندن وما جاورها أن يعيشوا براحة أكثر ؟ يهمني رأيك ؟

شكرا فقط بصراحة قليلة بحقك .. ولكن شكرا .. ثم شكرا .. ثم شكرا كالبحر الذي لا ساحل له يا حلو !

[/align]

أبوفيـصل

هلا بأخوي الغالي ومشكور على مرورك الكريم

نوع الكاميرا sony t1 وقوه الصوره 5 ميغا بيكسل

انا ما انصحك فيها لأنه نزلت كاميرا سوني 7.2ميغا بيكسل نفس موديل أو موديل مشابه

وأنا من عشاق السوني وبقوه لأانها أفضل الكاميرات الرقميه الأتوماتيكيه أو للمتوسطين
أما بالمحترفين فأنا متعصب ل nikon وهي في نظري من أفضل الكاميرات ويستخدمونها كافه مصورين الصحافه والمحترفين

المغامر

انا أأويد كلامك بشده ولو فتره مكوثي فيها 4 أيام وهي بسيطه بس رخيصه بالسكن انا اعرفلي طالب مأجر فيها بيت كبير مع مزرعته ب400باوند فقط بالشهر
بينما الشقق في لندن 400باوند بالأسبوع ولا أزيدك من الشعر بيت إستيديو مو شقه

بينما اللهجه الأسكوتلنديه مطابقه للأنجليزيه مع إختلاف الأكسنت والشده بحرف r والمده الطويله شوي بكلامهم
بس ما سمعت احد درس اللغه بأسكوتلاند إذا تعرف أحد فيدنا وجزاك الله خير ..................... وإذا كان فيه فأنا أأويد بشده وروح وأنت مغمض يكفا وداده الشعب هناك والمناظر الحلوه والرخص

وبالأخير أشكرك على المرور الحلو والكلام الراقي اللي أحرجني :106:

المشاركة الأصلية كتبت بواسطة يا حلو يا أنا


وأنا من عشاق السوني وبقوه لأانها أفضل الكاميرات الرقميه الأتوماتيكيه أو للمتوسطين
أما بالمحترفين فأنا متعصب ل NIKON وهي في نظري من أفضل الكاميرات ويستخدمونها كافه مصورين الصحافه والمحترفين




:107: ياعيني على المتعصب... ترا انا بعد متعصبه لها عندي نيكون :113:

شكل المدينه جميله للتزلج بس ما اعتقد تنفع في الصيف..


تقرير حلو ولا تحرمنا من هالتقارير

هلا والله أختي أم سعيد مرورك شرف كبير لي وطبع كلمات حلوه

أي والله أنا لاحظت كل الصحفيين يشترون نيكون وحتى مصورين الأفراح نيكون للتصوير الفوتغرافي العادي

المشاركة الأصلية كتبت بواسطة أم سعيد


:107:

شكل المدينه جميله للتزلج بس ما اعتقد تنفع في الصيف..


تقرير حلو ولا تحرمنا من هالتقارير



لا والله يا أم سعيد avimor حلوه بالصيف أكثر من الشتاء

لتعدد الأنشطه فيها

مثل تاجير البقيات
تسلق الجبال
التنزه بالبحيرات وتاجير القوارب
صيد السمك
وتاجير الخيول


والله العديد من الأنشطه بس ماني ذاكرها ........... بس يكفي المناظر الطبيعيه لبلاد شبه أسكوندنافيه

أو شوفي فلم القلب الشجاع للمثل ميل جبسون مصوره في أسكوتلاند

السلام عليكم.................


ودي اسال ... سؤال مهم ومستعجل جدا
ودي اعرف معلومات عن أدمبرا في أسكوتلندا...؟ كل كل شئ

1- كيف اقدر اوصل من هيثرو الى ادمبرا؟ لو طيران كيف احجز من النت على خطوط ممتازة ؟ ولو قطار ؟ او سيارة ؟
2- خريطة ادمبرا ؟
3- السكن في ادمبرا يكون سعره معقول ما يتجاوز500 جنيه؟ ويكون مكان آمن فيه سكيورتي؟
4- وودي صور عن ادمبرا؟

ما شاء الله عليكم و الله انك انت و قروبك هب ريح
صج فشلتو بالتزلج بس على الاقل حاولتوا و كونكم تحشون هناك افضل من غالبية ربعهنا اللي ما يفكرون في الخروج من مدنهم و منهم انا للأسف
الصراحة اهنيكم

عاشق ^^ سفر

مشكور على مرورك الحلو

امواج

والله معلومات كافيه عن جلاسكو ماعندي بس النت يفيدك اكثر شي واذا استعصت عليج قوليلي وانا بالخدمه وعلى العموم انا بالصيف راح اخذ الوالد جوله اهناك وراح يكون لي مرور عنها وراح افيدج اكثر بعد الجوله



Almoravid

الحمدالله القروب اللي وياي ويا روميت السكن راعين سفر فرينا بريطانيا كلها واوربا ويكفي اني من اللي يدرسون بورتسموث بالجنوب الانكليزي والميناء قريب عندنا نشحن السياره وندزها باوربا

وناااااااااااااسه
مشكور

روعة موضوع في القمة ابدعت يا مان شكرا وتقبل مروري

مشكور على التقرير....

ههههههههه

الله يهنيكم

روعه مرره:24:

مشكووور:113:

هل في الصيف فيه ثلج؟

المشاركة الأصلية كتبت بواسطة maay
http://www.arabtravelersforum.com/tr...1/#post2876091

هل في الصيف فيه ثلج؟



نفس السؤال

المشاركة الأصلية كتبت بواسطة قمر1
http://www.arabtravelersforum.com/tr...8/#post3936648

نفس السؤال




آخي الفاضل الموضوع هذا قديم قبل سنه تقريبا

وين صورة التمثال الثلجي؟؟؟
تقرير جميل ومرتب
سلمت يداك
تقبل مروري