الموضوع: الى اهل الخبرة بالفنادق باستراليا حجزت ابي رايكم

الى اهل الخبرة بالفنادق باستراليا حجزت ابي رايكم واذا عندك ملا حظة بخصوص الفنادق انصحني فيها


مالبورن Hotel Causeway

سدني Medina Classic Martin Place

قولد كوست Hotel Watermarkهل هذه الفناق قريبة من كل شي افيدوني والله اني اول مره اسافرها وخايف اتوهق ولا اكلها مثل ما كلوها غيري بالمكاتب السياحية فأ رجو انكم تفيدوني
ولكم جزيل الشكر

مواضيع عشوائيه ممكن تكون تعجبك اخترناها لك:

• شقق في قولدكوست
• شحن الشنط كلها قبل السفر
• اوت لت في استراليا
• الى اخوي بخصوص الجدول
• •••´`••• رحـلة ــلــــان لقولدكوست نوفمبر •••´`•••
• استفسار عن رحلة الحيتان وركوب المنطاد في الجولدكوست أرجوا المساعدة ؟
• الكاثي باسفيك
• دعاية عروض الإتحاداحجز الآن وسافر بعدين
• سوف اذهب لاستراليا بشهر واريد نصائحكم
• ملف متكامل عن العاصمة السياحية قولد كوست جاهز للحفظ والطباعة ۞۞
• استفسار طارئ
• حد يعرف اى شى عن هذا الفندق
• طالب فزعتكم
• سؤال عن الأكل في استراليا
• السفر من قولدكوست الى سيدني والعوده
• اتحاد المجالس الإسلامية ينفي إقالة مفتي أستراليا
• جمااااااااعه بليز طالبتنكم ردووو علي بسرعه
• عندي استفسار ليت تساعدوني
• تذكرة استراليا
• شهر ابريل في استراليا ارجو الافاده

مرحبا أخوي naim3377

بالنسبة للفنادق الي أخذت يسرني أعطيك رايي فيها


سدني Medina Classic Martin Place

موقعه سيئ لأنه بعيد عن أهم منطقتين "السيركل كي "أو منطقة الصخرة The Rock" ومنطقة الدارلنج هاربر
وبكذا راح تحتاج تستخدم الباصات ويزيد مصاريفك هذا غير انها تقع في وسط المدينة


قولد كوست Hotel Watermark
موقعه لا باس فيه وفيه خيارات افضل


مالبورن Hotel Causeway
موقعه جيدجداً وقريب من محطة القطار وفي قلب الحركة"المطاعم والاسواق"



هذا راي في الفنادق من حيث الموقع فقط لأن ما عندي خلفية عن الفندق "غرف وخدمات....الخ"


اتمنى اني جاوبت على استفساراتك


قبل تحياتي
أخوك الرحالة

يعطيك الف عافية اخوي
واذا ماعليك امر ودي احد يرتب لي البرنامج الي بسوية في كل منطقة
اول محطة مالبورن 3 ايام
ثاني محطة سدني 4 ايام
ثالث محطة قولد كوست 7 ايام
والله اني بتعبك معاي بس تحملني اشوي الله يجزاك الف خير

لاتعب أخوي naim3377 ولا شي
يسعدني أن اساعدك بالي أعرفه

قبل ما أجاوبك ودي أعرف كم عددكم وهل معكم أطفال
تفضل رحلات السفاري والرحلات البحرية أو تفضل الاماكن الترفيهية والجلسة في الكافيهات
راح أبد أ معك بمخطط الرحلة وانتظر منك الاجابة على اسئلتي علشان يكون بحثي محدد

إذا خط رحلتك مالبورن /سدني/جولد كوست
افضل اتغيره للعكس
جولد كوست/سدني /مالبورن
لأن أفضل مكان تروح له في مالبورن هو رحلة جبل mt buller للتزلج على الثلج
وتبدأ الرحلة عادة من الفجر وتطلع من الجبل قبل المغرب ولازم تحجزه قبل بيوم
بما ان أقامتك 3 ايام في مالبورن وأول يوم لك في استراليا بعد الرحلة الطويلة تبي ترتاح من الطيارة
وبعدين لازم تكون متفرغ للبحث بين الشركات علشان تاخذ العرض الي يناسبك
ولما ترجع راح توصل الفندق تقريبا على الساعة 9 وعندك بكرة رحلة على سدني

اتمنى انك فهمت قصدي في إعادة ترتيب الرحلة
وإذا حجزت الرحلات الداخلية أو لا؟؟

اذا ما حجزت إلى الان ممكن أوضح لك نقطة
تختلف الاسعار بناء على توقيت الرحلة اذا كانت في الصباح بدري او المساء من الساعة 6 مساء وطالع تكون ارخص من الرحلات التي تكون في وسط اليوم ... وتعتمد ايضا على موعد الحجز هل حجزك قبل فترة طويلة من موعد السفر او قبل يوم او يومين ... لان غالب الخطوط في استراليا تستخدم نظام الطيران الاقتصادي ... ...
وانتبه لموعد الشيك ان والشيك أوت في الفندق وهل يناسب موعد رحلاتك علشان تقلل من وقت الانتظار




بإنتظارك أخوي

يعطيك الف عافية اخوي
رحلتي انشاالله شهر عسل
وبالنسبة للتخطيط الرحلة حجزت طيران داخلي وان مالبورن ما ابي اشوف فيها الا جبل الثلج والا شياء القريبة وبالنسبة للحجز للجبل لو حجزت قبل الرحلة وسددت لهم بالفيزا بحيث اوصل استراليا وحجزي موجود
والله حاس اني باكلها هناااااااك تكفى يا اخوي دبرني ترا ي والله ولا ادري وش الطبخة الله يعين فشيلتي قدام ام العيال قايلها ولا يهمك استراليا بالجيب هههههههههههههههههههه

رحلتي انشاالله شهر عسل
وبالنسبة للتخطيط الرحلة حجزت طيران داخلي



مبروك أخوي مقدماً
حلو انك حجزت قبل الزحمة
بالنسبة لحجز رحلة الثلج ممكن تحجز من هنا
بس ماعندي فكرة عن موقع شركات الباصات الي تودي لهناك في النت

اتمنى احد راح وحجز بالنت يرد عليك
بس ما ني متأكد الامارات للعطلات تحجز لك على mt buller
ملاحظة مهمة بالنسبة للرحلة الثلج"ما أدري انت سبق رحلة ثلجية أو لا "
راح اخذ الاحتمال الثاني الجاكيت والقفازات افضل يكون من نوعية الأقمشة التي لاتمتص الماء
والبوت وانت بكرامة يكون عالي علشان ما يدخلك الثلج وارضيته مو ملساء حتى يسهل عليك المشي على الثلج ويمنع بإذن الله من السقوط"

سدني 4 ايام

اليوم الأول ممكن تقضيه في التمشية بين الدارلنج هاربر والسيركل كي (فيه جلسات كوفي ومطاعم حلوة)أو مجرد التمشية راائعة خاصة ايام الويكند يكون الشارعين مليان استعراضيين
أو شارع جورج الملئ بالأسواق "للعلم هالشارع يصلك بين الدارلنج هارير والسيركل كي
يمكن يأخذ منك مشي تقريبا نص ساعة مع الفرجة "أو 10 دقائق بالباص والمحطات مليانة في هالشارع

وتحجز لك من بكرة على البلو ماونت "رحلة إلى الجبل الازرق يكون فيه مسار تستخد التلفريك ومسار للكهوف ومسار لأطعام الكولا والكنغر "أنت تختار طول الرحلة وترى الرحلة باردة من غير ثلج
ممكن تأخذ فكرة عن هالرحلة من مواضيع الأخوان وتبلغ تكلفتها لشخصين حسب طول الرحلة من 1000 إلى 1500 ريال


في يوم ممكن تقضية بين الاي ماكس"سينما ثلاثية الابعاد"أغلب الافلام وثائقية أو عن استراليا الا فيلم او قيلمين حسب حظك
والاكواريم "ما أدري تستمتع فيها لأنكم اثنين معاريس " على العموم الفكرة انه معرض فيه صور للكائنات البحرية ومعلومات عنها وفيها نفق تحت البحر لمشاهدة اسماك القر ش وكلب البحر والتصوير

برج سدني راح تستمتع باطلالة على سدني من علو شاهق وبرضو فيه سيننما عن الطبيعة الاسترالية
هالثلاث اماكن راح تحصلها في الدارلنج هاربر بجنب بعض
وفيه عروض للتذاكر بدل ما تدفع لكل مكان تحجز لمكانين وثلاثة بكج لشخصين يطلع لك ارخص ب،40 أو 60 ريال

فيه اماكن عند الاكواريم "كشك "حجز رحلات بحرية أو رحلات للحيتان أو رحلة للبلو ماونتن



وممكن تاخذ من السيركل كي oz jet ooting

فيه رحلات ما أدري تحبهم أو لا تصلح للاطفال ومحبي الحيوانات " وايلد لايف قربي من الاكواريم
وتارونغا حديقة حيوانات تروح لها بالعبارة من السيركل كي"



بالنسبة للمطاعم الحلال الي اتذكرهم في سدني
مطعم زعفران الهندي جلسته حلوة وعليه زحمة موطبيعة في منطقة الدارلنج هاربر
وهذا رابط للموضوع أخوي المهندس

http://www.arabtravelersforum.com/travel179748/
مطعم علي بابا في "جلسته عادية جدا بس أكله حلو مشاوي /ساندوتشات"يعني على الخفيف بس االمهم انه حلال يقع المطعم في شارع جورج أقرب للدارلنج هاربر
ومطعم تركي بيتزا قريب من فندق كراون بلازا


هذا عن سدني ومالبورن ولي رجعه لك مع جولد كوست لن لحالها يبي لها جلسة


تحياتي

مرحبا اخوي
رجعت لك بمعلوماتي عن جولد كوست

أفضل مكان للسكن في منطقة السيرفر براديس
منطقة المارينا هادئة وبعيدة عن منطقة السيرفر براديس

في منطقة السيرفر براديس
راح تجد كشكات لحجز الرحلات ومكتب لاوند"في نفس بناية فندق الهوليدي ان"

متحف الشمع "متحف صغير"
صدق أو لا تصدق "مكان صغير تعرض فيه اشياء غريبة "
لعبة الانفنتي "عند الشيفرون"

المطاعم الصغيرة الي تبيع سندوتشات وبيتزا "غالبا الي يبيع فيه عرب"
اذا تبغى تفاصيل اكثر عن المطاعم الحلال ممكن تدخل موضوعي
الموجود في التوقيع

رحلة المنطاد/رحلة الحيتان/السفاري/رحلات بحرية/أكوا دك"باص برمائي"

الاماكن الترفيهية

الموفي ورلد "فيها سينما وبعض شخصيات الافلام هذا بالاضافة إلى العابها الخطرة
السي ورلد عالم البحار وفيه عروض للدلافين وبعض الاستعراضات الفكاهية وممكن تروح في رحلة بالهيلوكبتر
الدريم ورلد مدينة العاب
الويت ورلد عالم المياه العاب مائية و لا انصح فيها.
الاوت باك الاسترالي عرض للريف الاسترالي "اشبه بالكاوبوي الامريكي" مع عشاء شوي ممكن تطلب وجبة حلال عند الحجز او أكل نباتي

هذا مالدي !!...

وأفضل لو تمر على المواضيع الموجودة في البوابة
والصورة توضح لك أكثر وأنت تحط لك جدول رحلاتك لكل مدينة
ومنها تقدر ميزانيتك

تحياتي

الكاتب naim3377

يعطيك الف عافية اخوي والله انك ماقصرت والله يكتبها بميزان حسناتك انشاالله
سوال اخير ههههههههه
كم تتوقع ميزانية تكفي من غير مشتريات مع الذهاب للاماكن الي قلتها
3 مالبورن 4 ايام سدني 7 قولد كوست من غير السكن والتذاكر طبعا
واسفين على الاطاله



الله يعافيك ومشكور على الدعوة

الميزانية والله ما أقدر اعطيك بالضبط
انت يمكن علشانك عريس ودك ما تتفشل قدام المدام و تبي كل شي ok
فممكن تزيد التكلفة المدن الترفيهية غالباً السعر 100$ قد تزيد وقد تنقص
وطبعا أفضل لما تأخذ بكج
المطاعم غالية فممكن الميزانية لشخصين 1000 ريال تقريبا وقد يزيد خاصة للأيام الي فيها رحلتين للأماكن السياحية أورحلات بعيدة مثل رحلة mt buller & blue mountain

تحياتي و انا بالخدمة

الكاتب THE IMMIGRANT

خبير البوابة الاسترالية الرحالة ...

كبير والله كبير ... الله يجزاك خير ويعطيك على قد نياتك ...

تحياتي ...




هذا بعض مما عندكم
وان في خدمة البوابة
كنت في يوم من الايام نفس مكان أخوي naim3377 و ما قصرت معي الله يعطيك العافية

مشكوووووووووور اخوي والله اني جالس ادعيلك والي خدموني بهالبوابة كلكم ماقصرتوا بشي الله يجزاكم خير
بنكون على اتصال ان صار جديد انشاالله وانت اي ملاحظة ولا غلط تحس ان كثير من الي يسافرون استراليا اول مرة يقعون فيها ياليت ماتتاخر علينا وهذا الي معودنا علية انت الله يجزاك الف خير

اخوي حبيت اخذ رايك بالبكج هل سعره مناسب ولا غالي
3 ايام مالبورن و4 ايام سدني و 7 ايام قولد كوست طبعا على الخطوط كاثي الى هونغ كونج ومن هونغ كونج على الاسترالية الى استراليا سعر البكج للشخص الواحد 8100 ريال + 1500 قالي هذي للضرائب يعني 9600 للشخص الواحد هل السعر مناسب اخوي
وميزانيتي كلها 40000 هل هي مناسبة ولا ازيدها اشوي
واسف على الاطاله

[center]ميزانيتك عال العال
بس عندي سؤال أخوي وشلك بالترانزيت
ما شاء انتم 2 كبار خله متواصلة وارتح
أو أختر ترانزيت على ماليزيا أو سنغافورة

مشكووووووور اخوي وماقصرت