سنتر ون لينك للهدايا لانه وايد
حلو وفيه اشياء وايد حلوه ، والمره اللي طافت مالحقنا غير اشياء بسيطه ، والسنتر وايد روعه :24:
اخذنا جوله في السوق ، واشتريت لبناتي استكرات وايده سعرهم جدا رخيص بدرهمين او 3
=========================
تأجير سياره خاصه مع السائق من الصباح حتى اقفال الاسواق يعني المساء
ب 300رممبي الى شندو والى جونشان 450 رممبي لانها ابعد ، وداخل كوانزو ب300 رممبي
=============================
عند خروجكم من باب المطار بتشوفون جدامكم على الشارع الثاني موقف للتكاسي
وتنتظرون بالدور ، واذا ماعرفتوا موقف التاكسي اسألوا اي حد ، ولكن احذروا تركبون مع اي
حد يعرض عليكم التوصيله ويقولكم انه تاكسي ، اعتمدوا على التاكسي الرسمي.
=================
5- يفضل عدم أخذ مبالغ كبيره لانكم بتدفعون عرابين وعند التسليم بتدفعون الباقي ، وفي
هاي الحاله انتوا بترسلون المبلغ للمكتب المسؤول ، الا اذا كنتوا بتشرفون على التسليم
يااما تشلون هذا المبلغ الكبير او تفتحون حساب في البنك عندهم ويحولون لكم المبلغ.
6- يفضل أخذ الدولار الامريكي وبعض الصيني .
7- ممكن تعرفون العمله الصينيه المزوره بعدة طرق ولكن انا اعرف طريقه وحده وهي ترفعون
ورقة العمله وتركزون عند رقم العمله مثلا ورقة 100 رممبي اذا لاحظتوا وانتوا تحركون الورقه
يتغير لون الرقم 100 يعني هاي اصليه واذ شفتوا لون الرقم ثابت يعني مزوره.
8- عملتهم تساوي نص عملتنا بالدرهم الاماراتي ، يعني 100 رممبي يساوي 50 درهم
9- ضروري جدا قبل رحلتك الى الصين للشراء انك تسوي بحث كامل وتجمع معلومات
وتطبعها للتذكير ، بالاضافه الى اخذ خرايط البيت والمقاسات المطلوبه .
10- مدينة شندو للاثاث تبعد ساعه بالسياره عن كوانزو ، وفوشان للسراميك تبعد ربع ساعه
من شندو للاثاث يعني من كوانزوالى فوشان ساعه وربع ، ومدينة الاضاءه جونشان تبعد
ساعتين ونص من كوانزو .
11- اسواق الجمله تسكر من الساعه 6 المغرب اما السناتر والاسواق الليليه
فتسكر الساعه 10 .
12- ضروري عند اختياركم لبضاعه معينه اخذ بطاقة المحل وكتابة تفاصيل تذكركم بالقطعه
مع السعر المطلوب فيها ، ثم اخذ لفه في السوق ومقارنة السعر في محلات اخرى ، او
ممكن تشوفون قطعه تعجبكم اكثر من الاولى وبعد ماتستقرون على المطلوب ترجعون للمحل
وتحجزون المطلوب.
13- بعد اختيار قطعه معينه وبعد عمل الفاتوره ودفع عربون يجب عمل الآتي :
• اخذ بطاقة المحل وكتابة نوته باللي حجزتوه للتذكير وكتابة العربون المدفوع
والاجمالي وتحتفظون بالبطاقه .
• تصوير القطعه اللي حجزتوها ، لانه الواحد منا لازم بينسى بعض الاشياء والتصوير
بيساعدك انك تعرف قطعتك وماتنساها . (( تحتاجون كاميرا ))
14- احذروا تشترون من الباعه المتجولين والافضل تشترون من المحلات.
15- عيب اسواق الجمله انه ماتتوفر فيها المطاعم ، وفي هاي الحاله انتوا تحتاجون شنطة
ظهر تكون فيها المؤونه (( ماء شوكولا بسكوتات شيبس ... الخ اللي تحبونه )).
16- اذا لاحظتوا الجو معتدل هذا مايمنع انه تاخذون معاكم جاكيتات وخصوصا اذاعندكم
سياره مأجره هذا بيساعدكم تتركون الجاكيتات في السياره للاحتياط (( انا كنت آخذ
هاندباك واحط فيها الجاكيتات والمظلات واجمع فيها الكاتلوجات ، واتركها في السياره
وهاي طبعا غير شنطة الظهرللاكل.
17 - احتياطي خذ صورة من جواز سفرك واحمله معاك.
18- اغلب المحلات ماتقبل بطاقات الفيزا الا الشركات الكبيره والفنادق
(( والمحلات الكبيره تحتاج صورة جوازك اذا بتستخدم البطاقه )) .
19 – زوروا هذا المحل في السوق الرخيص بضاعته روعه ولكن غاليه
shunde empire europe furniture group
20- انصحكم باستخدام جوتي رياضه عند التسوق ، لانه بتمشون مسافات كبيره ومده طويله .
21- ماانصحكم تشترون تلفزيونات من هناك الافضل تاخذونه من البلاد مع الضمان
افضل لكم (( وهذي وجهة نظري ))
22- اللي بيشتري سيراميك او رخام من الصين لازم تعملون حسابكم انه تاخذون زياده من كل نوع .
23- ضروري جدا تاخذون معاكم مترجم ، لانه الشعب الصيني قليل منهم من يجيد اللغه الصينيه .
24- أخذ بعض المعلبات وبعض البهانس وأندومي واجبان وخبز للايام الاولى.
25- افضل وسيلة مواصلات في كوانزو هي التاكسي ولا تعطي التاكسي فئة
ال100 ريممبي لانهم ممكن يستبدلونها بمزوره والافضل دايما يكون عندك فكه .
26- خط التيلفون لازم قبل مانشتري شريحة التيلفون نتأكد قبل من استخدامها
في الاتصال الدولي وعند اجراء مكالمه دوليه لابد من ادخال فتح الخط وهو
17969 ثم رقم 966 ثم الرقم المطلوب .
27- اعطاء الفندق التذاكر عند الوصول لعمل تاكيد الحجز للعوده.
28- في سوق الشنط الماركات نسأل عن الكاتلوج لانه احيانا مايعرضون الجديد.
29- لاتتحدث مع سائق التاكسي واذا مافهم وجهتك على طول انزل وغيره .
30- افضل وأأمن مكان لصرف الدولار هو بنك الصيني والافضل الذهاب في الصباح الباكر.
31- الحذر من :
* نصاب ايراني
* التعامل مع غير الصينيين
* اخراج محفظتك امام الغير مثلا اذا طلب منك اي شخص فكه .
* بعض المساجد لانها فيها قبور ولاتصح الصلاة فيها مثل روضه ومسجد سعد بن ابي وقاص
32- اذا اشتريتوا اي شئ من الصين سواء اثاث ولاغيره وعملتوا الفاتوره
ودفعتوا العربون ، في هاي الحاله ماتقدرون تتراجعون ، الا اذا بتبدلون
من نفس المحل بنفس السعر.
33- اخترنا الطيران الكيني لانه مباشر الى كوانزو من مطار دبي ، والوزن المسموح على
الطيران الكيني 40 كيلو للشخص.
34- واخيرا لاتفوتون المساج :24:
رد مع اقتباس
المفضلات