الموضوع: الفزعة والمساعدة من خبراء إيطاليا

السلام عليكم ورحمة الله وبركاتة
أول حاجة بما أن هذي مشاركتي الأولى لمنتداكم الراقي والهادف فأنا أتشرف أني أكون عضو جديد في منتداكم الكريم وأتمنى أني أكون عضو فعال
أخواني الخبراء في الشأن الإيطالي أنا ناوي بأذن الله بعد رمضان أسافر لهذي المناطق
ايطاليا
فلورنس 3 ايام
فينيسيا 2 يومين
روما 4 ايام
وبعدين باروح مدينة كان الفرنسية 4 أيام
وأخيرا باريس 10 ايام.................................................. ............
أحتاج مساعدتكم أنا مش عارف بالنسبة لإيطاليا أشلون أبتدي بالمناطق الإيطالية يعني وش الأحسن تكون المنطقة الأولى واي وحدة يفضل تكون الأخيرة ووش أحسن وسائل النقل بينهم وهل يوجد طيران بينهم أبس قطارات وماهي المدة بين كل منطقة سواء بالطائرة أو القطار...ورح أكون طماع لو حد ساعدني وأرشدني يارقى الفنادق هناك واللي أفضل أنها وسط الأسواق الراقية ....لة لكل الشكر وعظيم الأمتنان اللي بيهندس لي هذي السفرة وجزاكم الله خير أبي حد يظبط لي اياها
السيف الصقيل دولة قطر
:114::114::114::114:

مواضيع عشوائيه ممكن تكون تعجبك اخترناها لك:

• للخبراء الفيزا والسيارة في ميلان شهر جولاي
• بشأن السفر إلى إيطاليا بفيزا فرنسيه
• جديده على ايطاليا ساعدوني
• مساعدة لو سمحتوا
• استفسار عن السياره بميلان ؟
• ميلانو فينيسيا شهر عسل ابي شوركم؟
• ميلان الوجهه الأولى وماذا بعدها ؟ تخطيط رحلة
• استخرجت شنقن ولكن انتهت ولم استخدمها؟ هل هناك مشكلة؟
• مصانع ايطاليا
• احتاج مشورات لو سمحتوا بخصوص روما فنيسيا مده اسبوع
• اريد معلومات عن ايطاليا وتحديدا مدينة فيررارا
• استفسار ضروري
• استفسار عن ؟؟
• تعالوا معاي وخططوا رحلتي لايطاليا و اسبانيا لشهر فبراير ارجوكم
• فندق ميلان
• استفسار للايطالين
• برنامج ليومين في روما لو سمحتم
• السياحة في ايطاليا
• احداثيات ايطالياااااا تكفووووووون
• عاجل جداً لأهل الخبرة ضروري الوقت ضيق

السلام عليكم

أخوي القطارات والباصات والطيارات متوفرة للرحلات الداخليه
وعن طريق القطار :
روما فينيسا حوالي 4 -5 ساعات
فنيسيا ميلانو 3 ساعات
روما فلورنس 4 ساعات تقريبا
وممكن طائرة
والفنادق نصيحة تسكن بالقرب من محطات الباص لسهولة التنقل وتفتك من التاكسي الغاليه جدا
وعلى العموم يا تنزل اول منطقه : ميلانو أو روما
بينهم فنيسيا وفلورنس
وفلورنس لا تطول فيها ترا ما فيها شي هاديه
فينيسيا احلى
وأنت في ميلانو كأنك ماتدري اخذ القطار ساعه ونص روح كومو ....بحيرة خياليه
ويوم آخر كأنك ماتدري بعد أخذ القطار ساعه وتزور ( سيروموني ) في Brescia قريبه من ميلانو
فيها بحيرة ( garda ) جميلة جدا لازم تزورها.

http://www.mapsofworld.com/italy/italy-county-map.html
هذي خريطة ايطاليا
rome روما
milan ميلانو
venice فينيسا البندقية
florence فلورنس
pisa بيزا ( برج بيزا )
Brescia برسكيا تقع فيها ( سيرموني ) - بحيرة Garda
http://www.booking.com?aid=1329869
موقع فيه فنادق ايطاليا
اتمنى اكون افدتك

أختي بنت سعود مشكورة وماقصرتي وجعلك سالمة بس ياريت تقولين لي بالطائرة كم ساعة بين كل منطقة




وأتمنى باقي الأخوان يشاركون باللي يقدرون يفيدوني بة

بالطيارة ساعه أو أقل
مثل المسافة بين الكويت وقطر
والكويت والامارات تقريبا
مووو أكثر....وتذكرة الطائرة أرخص من القطار
وشركات الطيران الداخلي كثيرة بين مناطق ايطاليا وبين يطاليا واروبا
تخيل من ايطاليا تروح فرنسا تذكرتك حوالي 25 دينار كويتي
والفنادق اخوي غالية في ايطاليا
يعني فندق اقل من عادي والتكييف تعبان والاثاث قديم جدا والغرف ضيقه ( وهذا حال أغلب الغرف في ايطاليا) يطلع لك سعره 50 دينار كويتي وهو الفندق بو نجمه ولا نجمتين...بس لأنه قريب من المواقع السياحية.
وأتمنى يفيدك أحد من الأخوان بفنادق يعرفونها ويعرفون أسعارها.
في فندق في روما ( عجيييييييب) وموقعه خيالي ...راح تدعيلي :-) ( غصب مو طيب )
اسمه :
أدريانو
وهذا موقعه بالانترنت تقدر تحجز منه اذا حبيت
http://www.hoteladriano.com
وحياك الله وأتمنى لك رحلة سعيدة