الموضوع: سماسرة العقار في سوريا

انا راح اتكلم عن موضوع سماسرة مكاتب العقار في سوريا

وهو ان ان صاحب العقار يعرض شقة أو فيلا او غيره للإيجار مثلا بسعر 5000 ليره في اليوم وتجد صاحب المكتب يعرضها عليك بسعر 8000 ليره يعني بزيادة 2000 ليره عن كل يوم

الله لا يجعلنا من الحاسدين ولكن ما هذا الاستغلال زيادة كبيرة في السعر ويا ليت ان 3000 ليره اتعاب مكتب ولكن كأنه شريك مع صاحب العقار فتخيل لو انك تجلس شهر في الفيلا او الشقة فصاحبها يأخذ 5000 ليره
5000* 30 يوم = 150 الف ليره في الشهر

صاحب المكتب يأخذ 3000* 30 يوم 90 الف ليره في الشهر
طبعا صاحب المكتب ما يقولك هذه التفاصيل يعطيك سعر 8000 ليره عن اليوم وهو وصاحب العقار ياخذون حقهم
للأسف حصلت معاي من عدة سنوات ولكن السنة اللي بعدها تعرفت على صاحب السكن وتفاجأت بأن السعر ينزل للنصف تقريباً
عندنا في المملكة مكاتب العقار تأخذ 500 ريال عند عقد إيجار الشقق عن سنة كاملة
فما الحل في استغلال مكاتب العقار ؟؟؟؟
يعني لو الواحد ياخذ شيئ معقول كان تنبلع شوي

مواضيع عشوائيه ممكن تكون تعجبك اخترناها لك:

• طفل يبلغ من العمر سنتين يطلق النار على والده من مسدس
• مساعده ضروري
• المطارات والحلقة المفقودة
• الجوازات السوريه وتطبيق جوازات النساء ؟
• مطلوب موقع فندق بالقرب من حديقة تشرين
• شو رأيكم نعمل سفارة بالمنتدى
• طريق الجوفابو عجرمالقريات
• ساعدوني أعانكم الله
• الفززززززززززززززززززززززززززززززززززعه
• السفارة السورية بالرياض تنفي
• معلومات عن بعض الفنادق الرخيصه في دمشق الحبيبه
• السكن
• اليوم عدنا من سوريا وقصة دفتر المرور والمكث لا أثر له على امر الواقع
• أكثر من ألف زائر إلى قلعة الحصن بحمص خلال الشهر الماضي
• كيفية ارسال هديه
• هل تتوقعون تبديل الوجهة الى الاردن ومصر هذي السنة ؟؟
• الاخ النورس العربي والاخوه الاعضاء المحترمين
• المطاعم المحافظة
• صور مطعم ألف ليلة وليلة اخيراعالم من الخيال
• نروح ونروح وفي النهاية راجعينرديت لكم بـصورة

الحل انك ماتروح لمكتب عقار , يعني على سبيل المثال الزبداني وبلودان تلقى عند كل فله او شقه لوحه مكتوب عليها رقم طبعا هذا الرقم هو لصاحب الفيلا دق عليه على طول او دق باب الفله وهو راح يأجرك بدون عقد وبدون اي خساره ثانيه وحقيقه لو إني رايق راح اكتب لك بعض النصائح لكن والله اني زعلان من هالبوابه هاليومين وممغوص من بعض المواضيع ومصدع من بعض الردود اللي تصدر من ناس ماودك والله تخليهم يرعون مع عنزين جرب فما بالك بكمبيوتر وانترنت .............. إحترامي لك وللغالين فقط .......

محمد بن عبدالعزيز والله العظيم اني متضايق من هالبوابه لي يومين مدري وش اللي جاها كنا ماشيين زي العسل وصارت مشكلة العتيبي , وكل اللي بنيناه إنهدم وصارت البوابه كأنك بحراج بن قاسم , طيب سعودي انخطف هناك يعني خلاص إنتهت الدنيا لا ويجوك من يطبلون وينزلون مواضيع تحوم الكبد دون ادنى دليل يعني مثل واحد كاتب رد يقول لا تستاجر سياره لانه يجونك صاحبين السياره وبالمفتاح السبير يسرقون السياره ويخلونك تعوض قيمة السياره علما بان السياره من نوع كيا اللي عندنا ماتستاهل 30000 الف ريال عندهم ضعف الضعف يعني بالله هذا كلام واحد عاقل (_ حدث العاقل بما لا يعقل فإن صدق فلا عقل له ) يااخي والله العظيم واحلف لك وعندك السائح الهروي وخالد 99 ومشاري الشملان والمهندس الاول أتحداك لو يقولون لك سوريا ماتنفع للسفر وانه فيها مثل هالامور يعني السعوديه مافيها خطف ولا قتل كل مكان بالدنيا فيه جرائم واتحدى احد ينكر هالشيء لكن البعض يا زينهم بثقافة القطيع معاهم معاهم عليهم عليهم بس يا شين الفضاوه وياشين الفلسفه بغير مكانها ..........


ابو عبدالعزيز حبيبي والله مانسيتك وتراك في البال وابشر بعزك طال عمرك ............

قولدن اجل عنزين جرب هههههههههههههههههههههه
وسعد صدرك ترا بعض الامور يبيلها طولة بال :109:

اتمنى من الاخوة يعطونا اسعار تقريبية لايجار شقة صغيرة ستة اشهر اواسعار الاراضي قريب دمشق

هلا والله ,, اخوي انا اسافر سوريا بكثره تقريبا كل شهرين او ثلاثه اسافر , وبصراحه ماحب استأجر سيارات من اي مكان ومكاتب لان فعلا في ناس ضعيفه نفس تستغل السياره معاك وتسوي فيها اي بلاء علشان ياخذون منك فلوس زياده , لان المصداقية معدووووومه وانا دائما احب اتخذ الحيطه والحذر لما اسافر لسوريا ولكن سوريا صعب الواحد مايسافر لها فيها سحر غريب يخليك تبي تجيها كل مره , وبالنسبه للي صاير الان وسالفه الاختتطاف , الحقيقه الغلط مننا احنا السعوديين نروح كل مكان ونمشي في اماكن مو المفروض نروح لها لان سوريا مو كل مكان تروح له أمن , علشان كذا تحصل احداث كثيره تحصل للسعودين منها توصلنا ومنها ماتصل مرره , لكن من اللي اشوفه هناك اقولك السبب منا احنا .

اخوي بالنسبه للسكن عن طريق مكاتب الايجار اترك منهم نصابين مرره ولاتقربهم بعدين ياناس قولو لي وش الفايده من ان الشخص كل مره يسافر يضطر يبحث عن شقه , هذا الشخص انا اعتبره ما استفاد من السفرات اللي قبل وماكون له علاقات , الحقيقه اغلب اللي يسافرون سوريا بصفه دوريه تحصل اماكن سكنهم معروفه ولايغيرونها ولايبحثون ولاشيء.

حاحكيلك واقع ...
المكاتب تاخذ 2500 على ال10000 ...وهي نسبة اي مكتب بالعالم حتى عندكم بالسعودية كمان ياخذوا 2ونص بالمية حسابك غلط ما حدا بيعطي عال8000 للمكتب 3000 ...هي اول شي ...والحقيقية الطمع من اصحاب الشقق قبل ما يكون من المكاتب ...في اصحاب شقق صدقا شقتهم لا يقبل السكن فيها احد ومع هالشي يقلك انا بدي فيها مو اقل من 40 الف بالشهر...وتلاقيه موظف عنده4 او 5 شقق بيأجرهم سنوي وباعلى الاسعار...ولا تخاف اصحاب الشقق فيهم البركة يعني بيجي صاحب الشقة هو بيوصل للمستأجر بيعطيه رقمه بالسر وبيتفقوا برة المكتب...فلا تظن انه المكاتب كمان مرابحها ممتازة...كمان هنن بيتعرضوا للغش من اصحاب الشقق...والمكتب بياخذ نسبته برضا ووضوح الطرفين ...يعني لا غشك ولا خبى عليك...الكل يعرف انه له 2 ونص بالمية فان ما ناسبك لا تستاجر ببساطة عن طريق مكتب ...
انما المكتب هو عمله هيك...وممكن انه يكون عندك رقم صاحب الشقة انما الفرق انه المكتب بيملك ارقام شقق مو شقة ...هذا الفرق ..انه لو نزلت وبدك شقة من صاحبها خصوصي بالصيف ممكن تلاقيها مؤجرة ولازم تلف بنفسك انت وعائلتك ..اما المكتب مباشرة يقدملك مجموعة كاملة من الشقق جاهزة فارغة..تختار يلي بدك بدون ما ترهق عائلتك بالانتظار...

طباخ التمربدأ في البوابة قبل النخل :109:


مشكورين حبايب ألبي أنا لي فترة وأسكن في منزل واحد لكن العام صارت أحداث دراماتيكية:11ight:
وقلت أشتري راحة وأمان عيالي بمكان أفضل


المهم الله لا يهينكم كم تتوقعون الأسعار بالزبداني وبلودان وفي دمشق بدون سمسار العقار

في دمشق شلون اطقطق الشقق واقول ابي استاجر؟

بالنسبة للمكاتب العقار وما فيه من نصب واحتيال على السائح
فهي لا تتكتفي بمناصفة مالك الشقة بل حتى انه تأخذ رسوم العقد من السائح وغيرها الكثير الكثير

ايه انتبهوا من قيمة العقد لايحسبه عليك والشغاله

وشيكوا على المعدات الكهربائية من مكيف وتلفزيون وستالايت والتلفون لايكون مشترك

والمعدات الصحية انتبهوا خلوه يشغل كل شئ وانت تشوف الشقة

تحياتي..,