السلام عليكم ,, الاخ ولد الرسيني والحاضريين انا سافرت لليمن بالسيارة من الكويت لليمن وكانت الرحله الاولي مغامرة والثانية عن تجربة انطباعي عن البلد جميل وانا افضل السيارة لحرية التنقل بين المدن وعندك خطيين رئيسيين واحد عن طريق جيزان الي مركز الطوال الي حرض الي الحديده ثم من الحديده تحدد وجهتك اذا عدن (تعز ثم عدن) اذا صنعاء (طريق صنعاء)وهناك ايضا طريق المحويت ثم صنعاء وعلي فكره المحويت حلوه ,, ومن صنعاء الي وين ماتبي اب مثلا حلوه مثل ماقال اخونا ثابت اما الخط الرئيسي الثاني عن طريق مفرق السليل يسار الي طريق نجران ثم مفرق شروره الي شروره ثم ظهران الجنوب الى المراكز الحدوديه وبعد المركز اليمني يوجد 60 ك/م طريق رملي ومن ثم اسفلت ومن ثم تقاطع رئيسي بأتجاهيين يمين صنعاء والمناطق اللي ذكرتها سابقا ويسار حضرموت والمكلا ومهره ومناطق الجنوب وانا شخصيا افضل وارشح الطريق الاول,,,,, بعض الملاحظات للعلم - لازم يكون معاك تربتيك للسيارة او يحجز جواز سفرك (تامين) بالمركز لحين عودتك للمركز نفسه - لازم تكون سفايف السيارة (القماشات) جديده وغير تجاريه (اصليه) لسلامتك لوجود مرتفعات ومنحدرات كثيرة في صنعاء واب وتعز والمحويت ويفضل وليس بالضروره ان تكون السيارة جير عادي - يوجد ببعض طرق السفر بين المحافظات نقاط تفتيش يرجي الانتباه لهم ليلا لانهم يستخدمون المصابيح اليدوية وليس الفلاشر ولا كنهم طيبيين ومتعاونيين - البنزين عادي واحيانا تقطع السيارة فلا تستغرب ويقل عزمها وهذا امر طبيعي واخيرا تروحون وترجعون سالمين وبحفظ الله ورعايته وارجوا ان اكون ماقصرت .

مواضيع عشوائيه ممكن تكون تعجبك اخترناها لك: