الموضوع: رحلة إيطاليا ، النمسا

وعليكم السلام والرحمة

هلا بج اختي


فراشة قطر


اختي نبتدي اول شي بفينيسيا


توصلين لها من الدوحة الله يسلمج عن طريق مطار ميلان

يعني تحجزين - ميلان - دوحة


ومن مطار ميلان لفينسيا حدود الـ 3 ساعات بالسيارة


توصلين لفينسيا


والاقامه فيها على حسب يعني لكن

الغالب عليها تقدرين تقولين 4 ليالي زوينه

اول يوم استكشاف المدينة وساحة سان ماركو اللي هي قلب المدينة اللي فيها المقاهي وخلافه
ثاني يوم تركبين الجندول اللي هو عباره عن قوارب صغيره للتجول في ممرات فينسيا الجميله
ثالث يوم تروحين بالقارب إلى جزيرة مورانو او بورانو ناسي الاسم بالضبط لكنها جزيرة محاذية لفينيسيا
وحلوة ومشهورة بالـ ثريات والكرستالات المشهورة جدا ً .
رابع يوم : تروحين الله يسلمج على مسافة ساعه ونص بالسياره او القطار
إلى مدينة - فيرونا - مدينة روميو وجوليت
http://www.arabtravelersforum.com/travel267778.html

لكن يفضل تروحين لها الله يسلمج من الصبح عشان تكسبين الوقت
ولما تخلصين من فيرونا تروحين على بعد حول الـ 30 او 40 دقيقة
إلى بحيرة قاردا - جاردا -


بحيرة قاردا
http://www.arabtravelersforum.com/travel427694.html

معلومات عن قاردا
http://www.arabtravelersforum.com/travel427695.html

بحيرة قاردا(سيرميوني واخواتها)
http://www.arabtravelersforum.com/travel427710.html

واللي فيها افضل ملاهي في ايطاليا

- قاردا لاند - http://www.gardaland.com/it/home.php


ابحثي في تقارير الاعضاء وستجدين من زار قاردا وكتب عنها
http://www.arabtravelersforum.com/travel256002.html


لما ترجعين بالسلامه من قاردا

ترقدون اخر ليلة في فينسيا وتودعونها


اليوم اللي بعده عاد محزمين الشناط وكل شي


وتنتقلون إلى النمسا


اقرب المدن النمساوية لج من فينسيا هم كلاغينفورت + فيلاخ
على هالرابط تقرين عنهم : www.arabtravelersforum.com/travel424399.html
وعشان تعرفين عنهم اكثر راجعي الاخوان في ساحة النمسا لمعرفتهم الكبيرة . .



لكن اكيد تبين الاماكن المعروفة - زيلامسي - سالزبورج - فيينا


فأقرب وحده منهم لج هي زيلامسي وتبعد حول الـ 450 كيلو يعني قولي 5 ساعات بالسيارة


وتقيمين فيها نقول 5 ليالي - ما عليج اللي يقولون ما تستاهل والله تستاهل ونص-

1- اليوم الاول : استكشاف المدينة والبحيرة والتمشي
2- اليوم الثاني : زيارة المعالم السياحية فيها - راجعي قسم النمسا فيها معلومات كثيره جدا -
3- اليوم الثالث : تكملة المعالم السياحية
4- اليوم الرابع : توزرين المدن القريبة منها مثل : Innsbruck + Pertisau
راجعي هالرابط لمعرفتهم اكثر : http://www.arabtravelersforum.com/travel427718.html

المسافه بينهم حول : ساعتين بالسياره

او خيار اخر تزورين مدن اقرب
منها راجعي الرابط الاتي :
http://www.arabtravelersforum.com/travel335610.html


وبعد ما تشبعون خالص مالص من جنة الله في ارضه زيلامسي حبيبة قلبي


تنتقلون إلى سالزبورج
المسافه ساعه فقط بالسياره


الاقامه خل نقول : 4 ليالي زينة او 5 على حسب الرغبة
لعدة عوامل :
1- تخلصون من كل الاماكن في سالزبورج
اهم الاماكن السياحية في سالزبورج : http://www.arabtravelersforum.com/travel363687.html
2- ميونخ الالمانية قريبة منكم جدا يعني مشوار ساعه ونص انتي في ميونخ
- راجعي ساحة ميونخ لمعرفة اهم الاماكن ككل -
طبعا بما انج بنت فاكيد تبون اسواق هههههههههه
اهم منطقتين لج في ميونخ : مارين بلاتز - اشهر ساحة - و شارع الماكسميليان - شارع الماركات -


ولما تخلصين الله يسلمج من سالزبورج ما بقى عندج
الا فيينا

تروحون لها مشوار 3 ساعات وتقيمون فيها 6 ليالي زينة

واشهر شارع فيها شارع المشاة يسمى - الـ كيتنر -

واهم الفنادق فيها للعوايل الخليجيه :
الماريوت - الانتركوتنتال - هيلتون الدانوب - بعيد شوي لكن صاد ويصلح للعوايل

عاد الاماكن السياحية في فيينا بوووووووووووه
حدث ولا حرج
بتعب وانا اقولج
راجعي اختي مواضيع ساحة النمسا واقري وتمتعي

-------------------------------------------------------


ملاحظات :

1- لم اذكر الفنادق في فينيسيا ولا سالزبورج ولا زيلامسي
لعدم معرفتي بطلبج هل تبين فندق 3 نجوم او 4 نجوم او 5 نجوم
واذا كانت الميزانية عندج تمام انصحج بالـ 5 نجوم . .

2- وسائل النقل لم اذكرها لعدم خبرتي في مجال القطارات الاخوان هنا اكثر خبرة مني
ولكن اعتمد على السياره ،، كان بيروح وياكم الوالد او اخوكم يأجرون لهم سياةرة احلى واحسن لكم وامتع
واهم مواصفات السياره تكون :
ديزل + فيها جهاز نفقيشن اللي يدليج الاماكن

اعتقد اذا عددكم فوق الـ 5 تصلح لكم سيارة فان مرسيدس اسمها vino ان ماخانتني الذاكره


وبالتوفيق اختي


واي استفسار احنا حاضرين

بالنسبة للفنادق :

1- فينيسيا : زي ما قلت لج احرصي يكون قريب من ساحة سان ماركو

وهاذي روابط تفيدج ان شاءالله وتقارنين ما بينهم :

http://www.arabtravelersforum.com/travel255204.html

http://www.arabtravelersforum.com/travel427787.html

http://www.arabtravelersforum.com/travel427788.html

http://www.arabtravelersforum.com/travel272221.html

=============================

زيلامسي :

انصحج في فندقي المفضل

راقي + يبعد عن البحيرة 100 م بس

من الممكن تكون غرفتج مطله على البحيرة

تاخذين نوع عندهم اسمه ( studio rome )

الفندق اسمه : سالزبرجهوف

http://www.salzburgerhof.at/english/...see_studio.htm


======================


سالزبورج :

http://www.arabtravelersforum.com/travel427821.html

===================

فيينا :

مثل ما قلت لج

اغلب العوايل الخليجية تسكن في :

1- الماريوت
2- الانتركونتننتال
3- هيلتو الدانوب


وانا لما كنت مع اهلي ما سكنتهم في ولا واحد من هاذيلا لأن الصراحه كله قطريين
وخبرج ربعنا لقافه : شوفو فلان وشوفو فلانه ومدري شنو

سكنت في فندق افضل وارقى وموقعه كلش على شارع المشاة
يعني وانا بغرفتي اطل اشوف ربعي اللي جالسين تحت في ستاربوكس

لكن سعره غالي هاي اللي يعيبه
اسمه ساخير هوتيل sacher hotel

http://www.sacher.com/sacher/HotelSa...n/index_en.jsp

حتى اختي لو شفتو الاسعار غاليه

على الاقل لا تفوتين فرصة تجربة الكيكة مالتهم لأنها مشهورة جدا في اوروبا ككل

- نفس شلون مشهورة بالخليج الحلوى العمانية والبحرينية - مع فارق التشبيه طبعا ههههههههههههه

يرجع تاريخها لسنة 1832





=================


اما نقطة شلون احجز هل من الانترنت او من السفريات



يعتمد على رغبة الشخص مع ان الغالبية تؤيد الانترنت نظرا ً

للاسعار الافضل من المكاتب السياحية

http://www.arabtravelersforum.com/travel427826.html

http://www.arabtravelersforum.com/travel427849.html

ان شاءالله تفيدج هالمواقع عشان تعرفين شلون تستخدمينهم




====================


ايجار السيارات :

يتم تأجير السيارات من المواقع العالمية على الانترنت
او حتى بالتلفون سواء عن طريق فروعهم في قطر او الاتصال على الفرع بالمدينة المرغوبة

واشهر المواقع العالمية :

سيكست لتأجير السيارات
http://www.e-sixt.com/

و يوروب كار
http://www2.europcar.com/EBE/module/...directUri=home



او غيرها تجدينها في هذا الرابط http://www.arabtravelersforum.com/travel427850.html

واهم شي في اوروبا السيارة تكون فيها احد هاذين الشرطين :

1- تكون ديزل ،، لانه اوفر من البترول لأنه جدا غالي عندهم مو مثلنا الله يديم النعمه

2- يكون فيها جهاز الملاحة - النفقيشن - لمعرفة الطرق والاماكن حسب الرغبة

3- تسليم السيارة : تبلغينهم المكتب نفسه انا ابيها من فينسيا واسلمها في فيينا
عادي جدا تسلمينها في فرعهم في اي مدينة اوروبية اخرى كما ترغبين . .

=================


السواق :

يعتمد . . يعني في ناس ترغب تسوق بنفسها
السواقة مناك جدا سهله . . وما يبيلها شي
اللهم بس الرخصة الدولية تكون مع السواق - تقدرين تاخذينها من اي مكتب سفريات يسوونها لج -
ويكون جهاز النفجيشن اللي في السياره بالانجليزي مش بالالماني او بلغة ثانيه وتتوهقون . .

اما كان والله قلتو نبي سواقين افضل . .
تقدرين اختي تتصلين في سفارة قطر بإيطاليا هاي رقمها :

الموقع على الانترنت http://www.qatarembassy.it
العنوان البريدي Via Antonio Bosio, 14- 00161 Rome
البريد الإلكتروني mailto:[email protected] mailto:[email protected]
فتح الخط 3906+
الهاتف 44249450
الفاكس 44245273

وتقولين لهم الموضوع وبيتعاونون وياج واجد
قولي لهم احنا عايله قطرية وبنجي ايطاليا سياحيه فياريت تعطوني ارقام سواقين تعرفونهم
وبيعطونج كم رقم . . واتصلوا على السواقين من الحين عشان تقولون لهم التاريخ للوصول
عشان ما يكونون مرتبطين مع سياح ثانين ،، وبيقولون لكم اسعارهم لليوم ويبينون لكم
وشوفي كان السعر مناسب اوكي ،، طلع غالي وما يستاهل ،، عليكم اجل بالسيارة والسواقه الذاتيه
او كان تبون قطارات ممكن الاخوان الاخرين يفيدونكم اكثر


تحياتي لج