الموضوع: ماذا عن جنوا اقتراحكم لتقسيم الايام على المدن؟؟؟

السلام عليكم ورحمة الله ,,,,


من خلال اطلاعي المتواضع على المواضيع بالبوابة الايطالية ,,, لفت نظري انكم اسهبتو عن تقريبا كل المدن الموجوده فيها ما عدا جنوة ,,, احنا ان شاء الله هالسنة رايحين ايطاليا وفي احد اقترح علينا ان احنا نسكن بجنوا لمدة "اربع ليالي" ,,, يوم جيت ادور مواضيع عنها مالقيت تقارير عنها ,,,


ابي احد ولا عليكم امر يعطيني فكرة عن هالمدينة يسوا الواحد يروح ويسكن هالمدة فيها ؟؟؟ ولا في مدن احلى منها عشان كذا ماحد يكتب عنها؟؟؟ ,,, احنا سفرتنا حول 20 يوم تقريبا قسمتها:

5 ليال روما
4 ليال فينيسيا ( في اماكن قريبة من فينيسيا ممكن نطلع لها الصبح ونرجع الليل ؟؟)
4 ليال فلورانس (نفس السؤال في مدن قريبة ممكن نطلع لها من الصباح ونرجع لفلورانس بالليل ؟؟؟)
4 ليال ميلانو ( نفس السؤال وخاصة ان احنا بنروح واغلب السوق مسكر عشان كذا في امكان ممكن نطلع لها من ميلانو ؟؟؟ )

تبقى 3 ليال ما اعرف وين بتروح عشان كذا عندكم تقسيم غير كذا (بالنسبة للايام والمدن الي بنبيت فيها؟؟),,, مع العلم ان احنا عيلة والاهل الله يحفظم مشترطين (4 مدن بس) اقل مدة نقعد فيها في كل مدينة (4 ليال) خبركم فك وصك شناط وبنتعب اكثر من احنا نبسط ,,, احنا الي يهمنا نحط شناطنا في الفندق وممكن نستاجر سيارة وسواق نطلع من المدينة الي احنا فيها لمدينة قريبة منها ونرجع بنفس اليوم (تكون الرحلة من ساعه لساعتين مثلا مو اكثر) ,,, اغلب سفراتنا بالطريقة هذي اريح لنا

الله يعافيكم ابي احد يساعدني لان نبي نخلص الحجوزات حتى نطلع الفيز ,,, وذا عندكم بالطريق مكتب سياحي مجرب مريح التعامل لا تبخلون علي بليييييييييز ,,,

وربي يسعده ويوفقه الي بيرد علي

مواضيع عشوائيه ممكن تكون تعجبك اخترناها لك:

• اريد اجابة عاجلة عن رحلة اوربية لمدة اسبوع
• ارشدوني الى الريف الإيطالي
• محتار بين فندقين وارجو المساعدة
• خبراء ايطاليا ارجو الافاده
• شهر العسل في ايطاليا
• العائلة الكريمة
• روما وميلانولا عليكم امر
• هذا هو مخططي للسفر فما هو رايكم؟
• ساعدوني قبل ما اتوهق à اي فكرة عنه؟؟؟
• ابي فزعتكم
• تكفوووون فزعتكم خويكم غشيم
• استفسار عن سكن لعائله
• عندي استسفار عن فينيسا الله يجزاكم الجنة
• استفسار بخصوص تجارة الملابس جملة في ايطاليا الرجاء المساعدة
• متورط ابي جدول مميز
• ترا اذا ما ساعدتوني مانيب مسافرة بكيفكم
• مسافر ايطاليا مدينة تريفيزو
• أخطط للسفر لإيطاليا بعد عيد الفطر المبارك مباشرة، أحتاج لتوجيهاتكم هنا
• نداء من لموية العسولة الى الزعيمة وخبراء ميلانو وأوربا
• مشكلة حجز الموعد في القنصايه الايطاليه بجدة

المشاركة الأصلية كتبت بواسطة metzan6ra
http://www.arabtravelersforum.com/tr...8/#post1266469

السلام عليكم ورحمة الله ,,,,

لفت نظري انكم اسهبتو عن تقريبا كل المدن الموجوده فيها ما عدا جنوة ,,, احنا ان شاء الله هالسنة رايحين ايطاليا وفي احد اقترح علينا ان احنا نسكن بجنوا لمدة "اربع ليالي" ,,, يوم جيت ادور مواضيع عنها مالقيت تقارير عنها ,,,





اختي العزيزة مادري متى رحلتكم ؟ انا انشاء الله ناوية اروح في 18 يونيو وبرجع في 4 يوليو ويمكن ازور جنوة
واذا مريتها أكيد بصورها وبعرضها هني بالمنتدى





المشاركة الأصلية كتبت بواسطة metzan6ra
http://www.arabtravelersforum.com/tr...8/#post1266469



4 ليال ميلانو ( نفس السؤال وخاصة ان احنا بنروح واغلب السوق مسكر عشان كذا في امكان ممكن نطلع لها من ميلانو ؟؟؟ )

تبقى 3 ليال ما اعرف وين بتروح عشان كذا عندكم تقسيم غير كذا



روحي بحيرة كومو فيها سوق حلو وراقي و عندك مدينة سان ريمو يمدحونها ويمدحون سوقها وانا ناويه اروح لها انشاء الله وكذلك سوف تكونين قريبة من الريفيرا الفرنسية يعني تقدرين تمرين على نيس وموناكو وكان و عندك قرب فلورنسا توجد مدينة بيزا وتشوفين البرج

اشرايج في اقتراحاتي :106:

جنوا سمعت انها حلوة ياليتك تكتبين عنها لما ترجعي

ام علاوي ,,, يعطيك العافية حبيبتي ما قصرتي ,,, اقتراحاتك حلوة .. لكن سالفة فرنسا ازيدك ان اهلي بعد مشترطين بلدة وحدة نروح حتى لو الطريق بين ايطاليا واي دولة اقل من ساعه ,,, حسينهم شروط تعجيزية مالهم مزاج سفر واحنا ناشبين بحلقهم الا نبي نسافر حتى لو على شرطكم

رتبت ترتيب ثاني يعني افضل شي طلع معي
5 ليال روما وواحد من هالايام نروج "جزيرة كابري"
4 ليال فلورنسا واحد من هالايام زي ما قلتي بنروح "لبيز" ويوم نروح "للقرى الخمس" (اذا احد يعرف كم المسافه لا تبخلون علي و سمحتو بين القرى وفلورنسا) ويومين تمشاية فيها
5 ليال فنيسيا وبنطلع منها لاماكن والله نسيت اسمها ما اذكرها الي اذكره "ريميني وريتشوني"
6 ليال او 5 في ميلانو (على حسب وقت الرجعه والحجز المتوفر) ومنها يوم بنروح زي ما قلتي ل"كومو" ويوم"لوقانو" ويوم"بحيرةقاردا" ويوم بنروح لملاهي ستايلها زي ما نقال لنا نفس ستايل دزني لاند ,, ويمكن نمر على "جنوا " مرح نسكن فيها لان الي يشتغل بوكالة السفر الي تعاملنا معها ابد ابد ما شجع نسكن "بجنوا" والله نسيت السبب ليش بس ما ايد بالمررررة ,,, ويوم بنخليه لميلانو نتمشى فيها اكيد فيها كم محل على الاقل مفتوح ,,, بعدها بنرجع على روما اقلاعنا من هناك ,,, قالو لنا مافي رجعة من ميلانو !!! عشان كذا في يوم بيضيع علينا اصلا وهو يوم السفرة لروما بنبيت ليلة بعدها عالمطار وكل عام وانتو بخير

بس اب ياسالك لو سمحتي وشو سان ريمو هذي ؟؟؟ اول مر اسمع فيها

احنا سفرتنا ان شاء الله 8 او 9 شهر 8

------------
الفارس الاسود والله على كلام الوكالة ما هقيت بنروح لها !!! ان شاء ام علاوي تكتب لك التقرير الي طلبته

عزيزتي لقياس المسافات بين المدن اليك هذا الرابط

http://www.maporama.com

ولمعرفة المزيد عن سان ريمو اليك هذا الرابط

http://www.arabtravelersforum.com/tr...4+%D1%ED%E3%E6

المشاركة الأصلية كتبت بواسطة أم علاوي
http://www.arabtravelersforum.com/tr...8/#post1266520

اختي العزيزة مادري متى رحلتكم ؟ انا انشاء الله ناوية اروح في 18 يونيو وبرجع في 4 يوليو ويمكن ازور جنوة
واذا مريتها أكيد بصورها وبعرضها هني بالمنتدى

روحي بحيرة كومو فيها سوق حلو وراقي و عندك مدينة سان ريمو يمدحونها ويمدحون سوقها وانا ناويه اروح لها انشاء الله وكذلك سوف تكونين قريبة من الريفيرا الفرنسية يعني تقدرين تمرين على نيس وموناكو وكان و عندك قرب فلورنسا توجد مدينة بيزا وتشوفين البرج

اشرايج في اقتراحاتي :106:



اقول ماتلاحظين ان الروحه كلها السوق السوق السوق السوق


:109::109::109::109: