الموضوع: متى ازوركم ؟

السلام عليكم يا اهل قطر:24:
حلمت اني رحت قطر و اني استاااانست واااااااايد:101:
عاد انا قلت حق نفسي شرااايج اسويه الحلم حقيقه و اروحلها:114:
بس قبل لا ارووح و اعزم ابي نصييحتكم
ارووح بالصيف او انطر لي الشتا الياي ؟؟
لان هاذا خياراتي بس :114:
تقبلوا تحياتي :101:

مواضيع عشوائيه ممكن تكون تعجبك اخترناها لك:

• لاخواننا القطريين نداء عاجل جدا
• "أفضل خمسة فنادق في قطر"
• ماهي أقرب الفنادق والشقق القريبة من مركز قطر الدولي للمعارض
• شقق الأجنحة الملكية قطر منطقة نجمة
• هل يوجد فندق بحمام سباحة خاص في قطر
• مطاعم فيها كباين للعوائل
• مهرجانات قطر
• استفسار عن أوقات الدوام
• نصيحة لزائر قطــــــــــــرسوق واقف
• حديقة المتحف
• مساعدة من المشرفين
• استفسار عن فندق شرق و سؤال عن فندق بسويت
• صــور من زيارتي للدوحــة تحت الغيــوم
• القطرية تعتزم تسيير رحلات إلى ثالث وجهاتها في إيران
• ۞۞۞ ☺ مجلس الاستفسارات لدولة قطر☺۞۞۞ ضع استفسارك هنا
• كيوتيل ولا فودافون؟؟
• قطر تعتزم بناء فنادق ومنشآت ضيافة بسعة ألف غرفة
• ياأهل الخبره ممكن
• فندق سانت ريجيس – قطر
• ابي مساعدكم افيدوني

لا ياحبيبتي والله انطري الشتاء افضل لج ..

تعالي شهر 1 الجاي إذا الله احيانا واياكم انشالله

بيكون الجو شتوي والدنيا حلوة ،، هذا رأيي وانتي براحتج

تحياتي لج بأحلام سعيده دوم
بنت البوادي

شوركم و هداايه الله
انا بعد قلت الشتا احسن
شكرا على مرووركم :101:
زعطوطه :106:

مافيها شي اذا المضيف يختار وقت للزااائر فيك الخير و البركه يا طاير 2

قطر حلوا بالزحمه و اللا بالهدووووء ؟؟؟؟
يعني انا مابي امشي بروحي بالشواارع :108:
كلامك حيرني اكثر يعني شنو احلا الجو و اللا النااس ؟؟؟
اكيد الناس:113:
و اللا انتو شرايكم ؟:101:

الغاليه


اقري كلامي وركزي هالمره

المشاركة الأصلية كتبت بواسطة زعطوطه
http://www.arabtravelersforum.com/tr...1/#post1173331

قطر حلوا بالزحمه و اللا بالهدووووء ؟؟؟؟
يعني انا مابي امشي بروحي بالشواارع :108:
كلامك حيرني اكثر يعني شنو احلا الجو و اللا النااس ؟؟؟
اكيد الناس:113:
و اللا انتو شرايكم ؟:101:



زورينا في اي وقت
قلبنا وبيوتنا مفتوحه لاخوانا وخواتنا من كل مكان في العالم ..

وقطـر ترحب فيج :101:

:101: الله احييك اكثر اخوي جاسم و شكرا على مرورك و انشالله تشرفونا

اختي زعطوطه ياهلا فيج في اي وقت,لكني مع الاخوان اقولج لو تجين في الشتا بتحبينها اكثر,خصوصا لين جانا مطر مثل اللي جانا السنه وصارالبر اخضر صدقيني بتستانسين على المناظر الروعه اللي تمتعنا فيها السنه, ومره ثانيه اقولج حياج الله في اي وقت,واهلا بالجميع في دوحة الجميع

زعطوطه سمعي كلامي وانا اخوج وخذي النصيحه من الكبار لانج زعطوطه ههههههههههههههههه

انتي يايه من الكويت يعني صيفنا حده بارد والمطر ماشاء الله كل يوم اشدعوة ؟؟؟؟؟؟؟

الحر موجود في كل الخليج بس قطر جوها رطوبه مو مثل جونا حاااااااااار ولاهوب يعني حلوة بالصيف وخصوصا اذا تحبون تروحون البحر وتسبحون لان فيها اماكن وايد الواحد يقدر يسبح بروحه وخصوصا للعوايل

اقولج روحي بالصيف لانها ارخص والفنادق قليله نوعا ما في قطر يعني بالشتا وين تحصلين فندق او شقق مفروشه

واهل قطر طيبتهم حاره بالشتا وبارده بالصيف توكلي على الله وروحي بالصيف وحققي حلمج

عاد انا حلمان اني رايح ايران ؟؟؟؟؟؟؟؟؟؟؟؟؟ اروح ولا كابوس هذا

اخواني و اخواتي من قطر

تاجلت سفرتنا الى قطر الحبيبه حتى اشعااار ااخر

بس انشالله ما راح اتاخر عليكم .....انشالله امركم و اشوف قطر و اكحل عيني باهلها
دعواااتكم

مرحبا بك في بلدك الثاني قطر
انتي راعيه المكان وحنا ضيوفك
الحلم بعض المرات يكون بالعكس يعني يا اما تكونين خربطتي في الوجهه ول ايمكن مغلطه في العنوان
وبعدين انتي زغنطوطه بتضيعين عند الابراج
امزح معاك
وحياك الله في اي وقت والاخوان ما راح يقصرون معاك وهذا كرم اهل الكرم .... كرم عيال بومشعل

المشاركة الأصلية كتبت بواسطة bonaif
http://www.arabtravelersforum.com/tr...9/#post1203399

مرحبا بك في بلدك الثاني قطر
انتي راعيه المكان وحنا ضيوفك
الحلم بعض المرات يكون بالعكس يعني يا اما تكونين خربطتي في الوجهه ول ايمكن مغلطه في العنوان
وبعدين انتي زغنطوطه بتضيعين عند الابراج
امزح معاك
وحياك الله في اي وقت والاخوان ما راح يقصرون معاك وهذا كرم اهل الكرم .... كرم عيال بومشعل



اي اهوا صج حلم بس كان حلم حلو ....
شدعوه اضيع بالابراج .. عاد تدري اسهل شي بالكويت الشووارع كللش ما تضيع
و مشكور على ترحيبك ... و الله مو غريبه عليكم تسلم

مهما تكلمت أو سطرت ايادي عبارات وكلمات وجمل للحديث عن دولة قطر ( فلن أوفيه حقها من المدح والثناء ) .
سافرت لحضور مؤتمر لمدة ثلاثة ايام مع كريمتي الدكتورة .
تم حجز الفندق من السعودية عن طريق الانترنت ( حياة ريجنسي ) بجوار دوار الرياضة .
السعر غالي ( 880 ريال قطري ) لغرفة مزدوجة بدون فطور ولا يوجد مطعم لانه بصراحة الفندق لرجال الاعمال ولكن لا يوجد لديه خدمات .
يوجد العديد من الاسواق ( سيتي ستار بالغرافة + سوق اللولو بجوار الفندق + كارفور باتجاه المطار روعة والتصميم اروع واروع كانك داخل بنايات قديمة ويوجد به شركات عالمية + وسط البلد بصراحة روعة وكان يوجد لديهم مهرجان تراث الشعوب وبصراحة أكلت ( فطيرة وبليلة ) لكن عندهم لهاا سم آخر لا افتكره الان وكان يوجد العديد من المهرجانات وسط البلد وعلى الكورنيش بصراحة تنظيم رائع ومنظم وكانت الاجواء باردة .
يوجد العديد من المطاعم لايفوتك مطعم ( بارديز ويوم الجمعة لديهم بوفيه مفتوح سعر الشخص 40 ريال قطري كل وتمتع بالاكل اللذيذ ) وبجواره العديد من المطاعم وانتبه لا يفوتك الطازج في مجمع سيتي ستارز .
المهم بلد حلوة ونظيفة بها العديد من المشاريع الجبارة ابراج سكنية وتجارية وأسواق عالمية ونظافة الشوارع واهلها بصراحة ( حلوين وطيبين ) .
عموماً البلد صغيرة وجميلة وكثر من الجلسات الرائعة لديهم ( خضار مناظر طبيعة الله يحفظهم )
أستاجرت سيارة بصراحة غالية شوى بسعر 260 ريال قطري لليوم .
الريال السعودي يمشي لديهم يعني ما في داعي تحول .

في أمان الله .

هلا اخوي بو مشاري
و الله شوقتني اروح اكثر
بس الظاهر هالسنه ماكو نصيب
انشالله ازورها باقرب وقت ممكن

و الديانر الكويتي يمشي عندهم ؟؟