الموضوع: طلب مشوره في برنامج

بسم الله الرحمن الرحيم

هذه اول مره اشارك معكم ... وعندي طلب ارجوا المساعده فيه ....

قررت انشاء الله هذه السنه السفر واخترت الدول التالية

إيطاليا (فينيسيا - وروما - ميلان) - النمسا (طبعاً زل ام سي فقط) - المانيا (ميونخ فقط)

ومدة الرحلة من 15 - 20 يوم ....

1- ابغا اعرف رأيكم من اي دوله ابدأ ؟

2- وماهي الوسيله الاقتصادية للتنقل بين الدول ؟

3- وماهي التكلفه المقدرة لمثل هذه الرحله (طبعأ شخصين وطفل 3 سنوات) ؟

اتمنا الاجابه على استفساراتي وعدم الاهمال ....

مواضيع عشوائيه ممكن تكون تعجبك اخترناها لك:

• سكي بميلان
• ضروري وعاااااااااااااجل من ايطاليا
• استفسارات بسيطة عن فينيسيا وميلانو بليييييييييييز
• ابي افاده ضروريه ياجماعه لا تخلوني
• ماهي معلوماتكم عن مدينة في شمال إيطاليا؟
• فات الفوت
• ليلتين في فينيسا
• اقرب مطار دولي لفينيسيا
• كنائس روما والحجاب
• اوت لت روما
• ارائكم في هالفنادق في ميلان
• شوية استفسارات
• عاجل مارأيكم بفندق في روما
• احلى جزر في ايطاليا
• محتاجه مساعدتكم بجدول رحلات
• افضل منطقه علي ساحل البحر الادرياتيكي
• الفزعة يا أخوان الأعضاء والمشرفين
• كيف اروح لملعب السان سيرو ؟؟
• سؤال من جرب الخطوط التركيه ؟؟انا بجربها و خايفه منها
• طلب من المشرفين والأعضاء المتميزين

مشكورة اختي بيتزا بالمكرونه :24:

بس باقي الاستفسارات ما احد رد

وينكم يا الخبراء تكفون لا تخلوني :110:

تحياتي للجميع ؛؛؛

وانا الي اقدر افيدك فية شيئان
الاول ان الرحلة تكون من الجنوب الي الشمال اي روما فينيسيا ميلان
ثانيا مدينة زي لام سي اكثر من روعة ما يكفيها خمس ايام لاكن المسافة طويلة جدا بينها وبين ميلان

نصيحة إذا انت رايح سياحة
(( ابعد عن العااااااااااااااااااااااصمة)

خذها قااااااااااااااااااااااااااااااعدة

هلا اخوي

انا من راي تكنسل ميونخ وتبدلها ب"سالزبرغ" بالنمسا ,, لان من جد ميونخ ما ينعنى لها ما فيها من الزود شي ,,, تعتبر تسوق اكثر شي ,, ومهي مدينة سياحية ,,, ما فيها غير قصر على ستايل والت دزني وبس !!! غير ان العرب الي فيها صراحة مو ذاك الزود مع احترامي يعني مو راقين!!! وماتحس انك بدولة اوروبية كنك بدولة عربية وانت ماشي ,, لان قلت لك اكثر شي فيها التسوق ,,, وتزهق صراحة !!!

اما سالزبرغ دام انك بتروح زا ام سي ,,, مر عليها ترا المسافه ما اذكر انها طويلة ,,, احنا رحنا من سالزبرغ ل زال ام سي بالسيارة ,,, وحتى لو كانت المسافه طويلة والله ما حسينا فيها ,,, زي طبيعة وجو النمسا ما شفت ,,, وحلوة سالزبرغ راااااااايقه وفيها مزارات سياحية مرة حلوة 4 ليال بالكثير تكفيها اذا كانت حركتكم سريعه ,,, فيها قصر مائي مرة حلو يووووووونس ,,, فيها مغارة ملحية حلوة فيها زحليقة ظريفه بيصورونك فيها وانت تتزحلق ,,, وفيها حديقة تفتح النفس ,, وفيها قلعه ترد الرووووووووووووح جلستها مافي منها خاصة بوقت الغروب ,, وفيها زحليقة الجبلية ,,, واشياء يمكن نسيتها ,,, صدق يا كثر متاحفها يعني لا نزل مطر ما تحتار وين تروح اختار اي متحق وادخل ,,, ايه صح تذكرت اهم شي في قرية اسمها "والف قنق" هذه فيها 3 بحيرات لما توصل لها بالسيارة تركب سفينة عالبحيرة يودونك لمحطة القطار الي بيرقيك لفوق الجبل (40 كيلو) لما توصل وتطل من فوق الجبل هذيك الساعه ادعيلي ,,, الجبل فيه كم مطعم وقهوة متى ما خلصت تنزل من نفس القطار خذ لك تمشاية في القرية مرة مرة رايقة ,, واركب السفينة حتى ترجع لمكان سيارتك وارجع لسازبرغ لاوتيلك ,,, سالزبرغ مافيييييييييش منها صراحة ,,,, اقصد هدوءها وجوها العام وشعبها بعد

زال ام سي ,, انا بقولك هي كلها كلها كلها قرية تجي كبر حارتكم ان ماكانت اصغر ,, احلى مافيها البحيرة والاوتيل الي يطل فيها ,,, اذا كنت تحب الروقاااااان وما يهمك الطلعات ممكن تقعد فيها اربع ليال وكثير صراحة اعتبرهامقارنة بعدد ايام الرحلة تبعك ,, اما اذا كنت تحب تطلع وتروح وتجي صراحة مرارة تكفيها ,,, لان بتطلع منها لاطول شلال باروبا مرة حلو صراحة والزحلايق ,,, بس هذه الي فيها وكم قهوة ,,, بس قلت لك البحيرة لحالها منظر ,,, وعلى حسب هو طريقتك بالسياحة اذا تحب القعدة والا الحركة ,,, احنا مثلا قعدنا فيها 4 ليال كلها امطااااااار على حظنا !!! فطول الوقت قاعدين بالاوتيل بالوبي شابكة نت ,, ومع كذا كنت مبسووووووطة مو فارقه معي ,, واذا قعدت بالغرفة المنظر لحاله يتكلم ,,, بس ابوي مرض فيها لان ما يقدر يقعد يحب طول الوقت يمشي يمشي يمشي ... الخ ,,, اول يوم تحمل ثاني يوم طقت معه ثالث يوم مرض من ضيقة الصدر خخخخخخ ,,, كنا ناخذ مظلاتنا نطلع كم دقيقة ونرجع لان امطارها غزيرة نتقهوى واو نتعشى ونرجع ,,, يوم جا يوم السفر وقف المطررر وايش ذاك الجو الخطير يعني تحس الدعوة كانت عناد فرحنا الشلال والزحلايق وسافرنا لميونخ الي من جد ما تسوى العنوة وكنا حاطين لها بعد 5 ليال من الزود عاد الي فيها ,,,, وزيادة بعد يوم رحنا السوق منزل شتوي والناس الي فيها جماعتنا ما شاء الله ما بقو شي بالسوق !!! والله ما ابالغ بتشوف الاكياس عن الناس من كثرها والله ايدينهم واصله لفوق ,,, غير الي محملين اكياس في عربات البيبي ,,, غير الي يتسوقون بشناط الترولي ,,, يعني تفرج وانت ماشي!!!!


اما مدن ايطاليا ما بعد اروحها ,,, بس حتى لو ما ينصح بزيارة روما مهما كان السبب ,, انا من راي ان شي مهم في اي دولة ان العاصمة تنزار ,,, حتى لو كم يوم ,,, هذا راي !!! واذا صدق بتبطل عن روما ,, ميلان فيها طلعات مرة حلوة ,, تقدر تطلع لكومو مرة يمدحونها ,,, لو قانو ,, ريموني وريتشورني ,,, بحيرة قاردا ,,, اممممممم غير الايام الي بتقعدون فيها اصلا في ميلان ,,,


يعني تصير سفرتك ,, روما وروح منها لجزيرة الكاريبي مرة يمدحونها مو شرط كل الايام تقضيها في روما - فينيسيا وممكن تطلع لفيرونا منها وترجع بنفس اليوم - ميلان (نفس الي كتبته) - زال ام سي (على حسب حظك اذا بتكون كلها امطار نفس حالتنا ولا بيكون المطر واقف هو صراحة بالحظ!!! ) خلها نقطة الراحة والريلاكس خذ لك كم ليلة فيها على حسب الي يناسبك - سالزبرغ (بدل ميونخ) والله بتدعيلي خلاص تسوقو من ميلان ماله داعي طقة مشوار ميونخ !!


التقلات احنا في النمسا بالسيارة مرة مرة وناسة وخطييييييرة الرحلة ,,, ايطاليا ان شاء الله هالسنة بنروح لها تنقلاتنا بالقطار بنجرب بس ما بعد نحجز القطارت لاننا الى الان حاطين فبالنا ان نسافر بالسايرة ما قررنا بعد,,,
انا سفرة السيارة تعجبني لان متى ما تبي توقف بالطريق تقدر توقف ,, وصراحة انا احب محطات البنزين حقاتهم خخخخخ المحطات تحسها مدينة مو نفس حالتنا الله يرحم حالنا !!! هو فيه ميزة وحده بالقطار ان يضبطك بالوقت ,, اما السايرة تاخذ فيها وقتك وممكن تتاخر في الوصول ,,, لان القطار يمكن يفوتك اما السايرة فهي على حسابك


هذا راي ,,, واسفه اذا طولت عليك ,,,وان شاء الله اني افدتك

بسم الله الرحمن الرحيم

السلام عليكم ورحمة وبركاته

اشكر الجميع على الردود والتفاعل :24:

بس بصراحه حيرتوني :114: :114:

شكلي بلغي روما :110: وش رايكم

مرة ثانية مشكورين:24: