المشاركة الأصلية كتبت بواسطة اسيرالدوحه
http://www.arabtravelersforum.com/tr...9/#post3365409

السلام عليكم اخوي ...

شوف بخصوص حليمة ... من قالك انها الاشهر على مستوى المنتدى ؟؟؟؟

حليمة عليها كلام ... وأكثر من علامة استفهام ... وتم التحذير من التعامل معها .... ولو تلاحظ ... ان اسمها مب موجود في موضوع المترجمين ...

اللي اعرفه ... انه حليمة عندها مكتب .... والشي الاكيد ان داوود راح يتعامل مع مكتبها ...

بعدين ... انا ابي اعرف ... دام انك دفعت كل شي للشركات والمحلات ... واشرفت بعد على الشحن ...

ليش المكتب يبي منك عمولة ؟؟؟

معناته ... دور داوود كان يترجم لك بس ... يعني المفروووض تحاسبه باليومية ...

وبعدين ... شنو دوور المكتب ؟؟ يخلصلك اوراق الشحن بس ؟؟؟

يعني عشان خلص اوراق الشحن ... ياخذ منك 5% عمولة ؟؟؟؟

عمولة على شنو ؟؟؟

وبعدين ... المكتب اللي شغال صح ... المفروووض يكون بينك وبينه اوراق .. تضمن حقه بالاول .. وحقك انت ...

لكن في حالتك ... هو ماعنده شي عشان يضمنه ... انت سويت شغله كله .... لا ... ويبي منك عمولة ... ليش العمولة ...؟؟

واللي يأكد كلامي ... انه ماله حق فالعمولة ... ان الفواتير الاصليه عندك .... وهو عنده نسخة منه ...

هذا يعطيك انطباع انه مب مهتم ...

انا اشوف ... وهذا رأيي الشخصي ... تعطيه حسابه ((المترجم)) باليومية ... تحسب كم يوم كان معاك ... وتعطيه حسابه ...

اتوقع هو راح يعصب ويزعل .. لكن هذا اللي انا اشوفه ...

واتمنى حد يصححني اذا انا غلطان ....

وبخصوص المكتب ... تعطيه فلوس الشحن واتعاب تخليص اوراق الشحن بس ...

هذا اللي اشوفه انا ...

والله اعلم ..

ويعطيك ربي العافية ...




الأخ العزيز أسير الدوحة وعليكم السلام ورحمة الله وبركاته

ما أستغربت سرعة ردك لأنك عودتنا على التزامك وسعة صدرك مع الجميع والله لا يحرمك الأجر

بالنسبة لقضية الأشهر على مستوى المنتدى أنا كنت أقصد من ناحية المترجمات و أقصد العنصر النسائي ولاحظت أنه كثير من الأخوان والأخوات تعاملوا معها بدون مشاكل من بينهم الأخت هداوه والملاحظة الوحيدة حسب علمي والتي قراءتها عنها أنها لا تحصل دائماً على أفضل الأسعار بمعنى أنه يوجد أفضل منها في هذه النقطة تحديداً ولكن لم أقرء ما يشكك فيها من حيث الأمانه، ولكن الحق يقال بأن داؤود على العكس منها في قضية التفاوض (بصراحة الولد شقردي وينشف ريقهم بالمكاسر) بالنسبة للعمولة لم أدقق فيها كثيراً لأن البضاعة التي أخذتها لا تتعدى 100000 رممبي فلو حاسبته على يوميته سوف يكون الفارق قليل بلمقابل هو سوف يتولى امور متابعة الشحن وتخليص أوراقه وأرسالها بال dhl وحسب كلامه بأنه يقوم بعمل تأمين على الكونتينر، بالنسبة لي حالياً لا يشغل بالي مادفع وماتم الإتفاق على دفعه اللي راح راح لكن من ذاك اليوم وانا اقول وش يضمن حقي لو أخذ هو الكونتينر وتصرف فيه لأن بهالزمن كل شي جايز وقيمة الكونتينر اضعاف اجره وعمولة مكتبه ولما رجعت الكل قالوا لي نفس الكلام لذلك لجئت الى الله أولاً ثم لكم حتى اطمئن .

شاكر لك أخي الكريم اهتمامك وتقبل مني كل التقدير والإحترام.

مواضيع عشوائيه ممكن تكون تعجبك اخترناها لك: