الموضوع: اقتراحاتكم لبرنامج شهر العسلجولد كوست

السلام عليكم ورحمة الله

انا من زوار المنتدى الدائمين وهذا لحبي للتعرف على طبيعة كل بلد

بعد 25 يوم ناوية انا وزوجي نقضي شهر العسل في استراليا

طبعا بنمر على كوالامبور ترانزيت بس ما بننزل فيها بنروح على طول على لنكاوي ونقعد فيها يومين
وفي الرجعه بنمر على صن واي لاقون لمدة 3 ايام تقريبا

وبعدها على طول على استراليا وبنتم فيها 12 يوم يعني 11 ليله

بعد ما خذت لفه على كل مواضيع استراليا وجولد كوست

حبيت اني ازور ها الاماكن

بس بغيت اطلب من الخبراء يرتبولي اياهم يعني ممكن نزور كمن مكان في نفس اليوم


ونصايحكم اذا تكرمتو

وانشاءلله ناويه من الحين ارتبلكم تقرير محترم وانزللكم اياه بعد السفره انشاءلله

....ملاحظة... حجزنا في جولد كوست في الشيفرون

1- رحلة الباص البرمائي Aqua Bus
2- زيارة متحف صدق او لا تصدق
Ripley's Belive it or not
3- تجربة لعبة المتاهات (انفينيتي) Infinity
4- رحلة الى عالم البحار Sea World
5- رحلة الى عالم الاحلام Dream World
6- رحلة الى عالم الافلام Movie World
7- رحلة المنطاد "يمدحونها حق العرسان"
8- رحلة الريف الاسترالي Paradise Country أو الCurrumbin Wildlife Sanctuary"حديقة حيوان" اي وحده تفضلون ؟
9- رحله بحريه الى جزيرة ماكلارين " في الطريق الى الجزيره، يمكنكم تجربة الـ Parasailing او الباراشوت المربوط بالقارب... تجربه ممتعه ...ها تستحق ها الجزيرة الزيارة؟؟
الجزيره جميله والغداء شوي باربكيو وفيها رحلات السفاري ويمكنكم تجربه الطائره المائيه (60 دولار للشخص"
10- رحله بحريه لمشاهدة الحيتان Whale Watching
11- زياره عالم النحل وحديقة الحيوان The Currimbin
12- مركز باسيفيك فير صح اني قايله لزوجي ما راح نشتري بس نبغي نتفرج على سناترهم
13- حديقة الفواكه الاستوائية TROPICAL FRUIT WORLD
14- جزيرة فرايزرFraser Island
" تعد جزيرة فرايزر أكبر جزيرة رملية في العالم ،جرب هذه الجزيرة الرهيبة ، قيادة السيارة على طول شاطئ الجزيرة تمنحك أحد الفرص لتمتع ناظريك بأبرز المعالم التراثية في يوم واحد، سافر عابراً شاطئ قوس قزح وفم بزيارة المحطة المركزية و بحيرات عجيبة داخل الكثبان الرملية العالية ،تمتع بالعشاء قبل العودة إلى جولد كوست." اي جزيرة تفضلون للزيارة هاذي او ماكلارين ؟؟ رقم 14
15- رحلة للطبيعة "جبل سبرنق بروك او جبل تام بورين"
حاب اسير رحلة للطبيعة شو رايكم اي جبل تفضلون؟؟؟
انتظر ارائكم ومقترحاتكم

في القريب العاجل

مواضيع عشوائيه ممكن تكون تعجبك اخترناها لك:

• احتاج برنامج لستراليا نيوزلاندا
• اخيرا الفيزا الاسترالية باركولى
• الاخوان والأخوات في البوابة الاسترالية مساعدة عن ملبورن
• الموضوع صار حقيقة
• محتار وش أختار
• مقارنه بين
• ارجوا الرررررررررررررررررررد للاهميه
• وصلني هالايميل من السفارة ، شنو يعني؟
• شهر عسل ساعدوني
• ما جاء خبر الفيزا لليوم
• انا في جولد كوست الأن اسئلوا وامروا
• التسوق في استراليا
• أسئله وتبغى أجابه؟؟؟؟؟؟؟؟؟؟
• السفر الى استراليا صيف
• هل صحيح ان استراليا حارة جدا
• استفسار عن الجو بشهر
• ابي مسااااااااااااااااااااااعدة
• مهم جدا ارجوكم
• رحلتي الى عـــــــام
• استراليا وفيزتها؟

ليش محد رد عا الموضوع

بليز ur help

السلام عليكم

بالنسبه لختيار الشيفرون اختيار ممتاز ,, بس لو تخبرون المكتب الي حجزتوا فيه يحجز في البرج الي فوق ستاربكس ,, لانه الشيفرون يتكون من ثلاث ابراج ,,

بالنسبه للرحلات ,,

اول يوم استكشاف في البردايس .. وتتمشون على البحر ,,
وبعدها تقدرون تسون رحلات

مثلا ,, في الصباح تسيرون رحلة الى عالم البحار Sea World وبعد المغرب تقريبا تروحون صدق او لا تصدق..
رحلة الى عالم الافلام Movie World (( عاد لاتنسون تركبون لعبة سكوبيدو الصراحه لعبه حلوه وايد يوم بتلعبونها خبروني عن اللعبه ان شاء الله عقب العوده من الرحله ان شاء الله .. ولا تنسون عرض بوليس اكاديمي .. ))
وبعد المغرب تروحون الانفنيتي (( الصراحه مكان عجيب وخاصه للعرسان
رحلة الى عالم الاحلام Dream World عاد هذي الحديقه يبالها اليوم كله من الصبح الى العصر ,, عشان تخلصونها وتلعبون كل الالعاب اذا كنتوا من عشاق الالعاب,,

وفي المساء تروحون على البردايس تتمشون وتقعدون في الكوفيهات المنتشره ,, (( وانصح بكوفي قلوريا جينز ,, الصراحه اذا عرسان تراه هادي واكثر رواده من الاجانب عكس الكوفيهات الثانيه عند سنتر بردايس , ومكانه مقابل الشيفرون التقاطع الي موجود فيه برج الساعه ,, ))
زيارة متحف صدق او لا تصدق الصراحه مادري ليش ما انصح فيها ,, لانه مكان ممل اول شي مش مثل متحف لندن ,, كل الشخصيات موجوده ورا الزجاج ,, ومكان صغير وايد ,, ومكانه خلف الشيفرون ,

الجزيره جميله والغداء شوي باربكيو وفيها رحلات السفاري ويمكنكم تجربه الطائره المائيه (60 دولار للشخص" هاي الجزيره كنت بروحلها بس الظروف منعت ,, بس يمدحونها الاعضاء ,, ماقدر اقيم

مركز باسيفيك فير صح اني قايله لزوجي ما راح نشتري بس نبغي نتفرج على سناترهم
انصح فيه بقوه حتى لو مابتشترون شي ,,, على الاقل تروحون السينما ,, تغير جو البردايس ,,

رحله بحريه لمشاهدة الحيتان Whale Watchingيقولون انه مش دايما تكون الحيتان موجود ,, يعني عادي تروحون وماتشوفون شي ,, هذا الي سمتعه ,

رحلة الريف الاسترالي رحله حلوه ,, بس شوي ممله مادري ليش ,, بس اذا تحبون تجربون الريف جربوا ,, التجربه حلوه ,,,
بالنسبه للجزر الصراحه ماجربتها ,, يمكن خبراء استراليا وقولد قوست خاصه عندهم خبره في الموضوع وان شاء الله راح يفيدون..

اما باقي الاماكن الصراحه مارحتها لانه من تقديري ما احب اروح هل الاماكن الي مالها معنى ,, يمكن ناس تحب تروح الناس ازواق ,,

وعندكم سوق البحر ,, يوم الجمعه بس العام الماضي كان يوم الثلاثاء مادري الاربعاء نسيت والله اعتقد غيروا خلهم يومين ,, سوق شعبي حلو الصراحه ,,

صح عندكم العاب الي مقابله الكروان تاور ..

اذا عندك اي اسئله انا حاضر ,,,

تحياتي
خالد

سؤال المبلغ الي ذكرتيه لمدة 16 يوم ,,

ممكن تخبريني بالتفصيل الفنادق واي طيران واي درجه ,,

لانه اشوفه وايد الصراحه ,, الا اذا على الدرجه الاولى او البزنز ,,
انظر الرد

السلام عليكم

أخت كوكو بالبداية مبروك الزواج واتمنى لكم شهر عسل ممتع ورائع وحياة سعيدة بإذن الله تعالى.

الأخ العزيز خالد السويدي ما قصر بالرد ووضح امور كثيرة.

بالنسبة لي شخصيا في جولد كوست يفضل بالصباح زيارة الاماكن الترفيهية (موفي ورلد، دريم ورلد، سي ورلد، لا انصح ب ويت اند وايلد لانه لا يناسب عوائلنا العربية) بردايس كنتري. وبالمساء يفضل الذهاب الى انفينيتي، متحف صدق او لا تصدق، سبيس ووكر التنزه في السيرفر بردايس والقهاوي.

هذه افضل طريقة للاستفادة من اليوم في جولد كوست.

أنصحكم ايضا بالذهاب إلى Australian Outback Spectacular عرض الحياة الريفية النائية في استراليا. عرض مسائي ممتع يتخلله عشاء يتم عرض الحياة القديمة في استراليا بامكانك الدخول للرابط التالي واخذ فكرة عن العرض.
http://www.outbackspectacular.com.au/








المشاركة الأصلية كتبت بواسطة خالد السويدي
http://www.arabtravelersforum.com/tr...5/#post1227989

زيارة متحف صدق او لا تصدق الصراحه مادري ليش ما انصح فيها ,, لانه مكان ممل اول شي مش مثل متحف لندن ,, كل الشخصيات موجوده ورا الزجاج ,, ومكان صغير وايد ,, ومكانه خلف الشيفرون ,




أخ خالد أكيد بكلامك هذا تقصد متحف الشمع Wax museum أما متحف صدق او لاتصدق فيستحق الزيارة ويفضل زيارته مساءا.

بالتوفيق

المشاركة الأصلية كتبت بواسطة مسافر الجزيرة
http://www.arabtravelersforum.com/tr...5/#post1228452

السلام عليكم

أخت كوكو بالبداية مبروك الزواج واتمنى لكم شهر عسل ممتع ورائع وحياة سعيدة بإذن الله تعالى.

الأخ العزيز خالد السويدي ما قصر بالرد ووضح امور كثيرة.

بالنسبة لي شخصيا في جولد كوست يفضل بالصباح زيارة الاماكن الترفيهية (موفي ورلد، دريم ورلد، سي ورلد، لا انصح ب ويت اند وايلد لانه لا يناسب عوائلنا العربية) بردايس كنتري. وبالمساء يفضل الذهاب الى انفينيتي، متحف صدق او لا تصدق، سبيس ووكر التنزه في السيرفر بردايس والقهاوي.

هذه افضل طريقة للاستفادة من اليوم في جولد كوست.

أنصحكم ايضا بالذهاب إلى Australian Outback Spectacular عرض الحياة الريفية النائية في استراليا. عرض مسائي ممتع يتخلله عشاء يتم عرض الحياة القديمة في استراليا بامكانك الدخول للرابط التالي واخذ فكرة عن العرض.
http://www.outbackspectacular.com.au/


أخ خالد أكيد بكلامك هذا تقصد متحف الشمع Wax museum أما متحف صدق او لاتصدق فيستحق الزيارة ويفضل زيارته مساءا.

بالتوفيق

اشكرك اخوي مسافر الجزيرة


اذا رحنا على Australian Outback Spectacular بنلغي رحلتنا للبردايس كونتري

لانهم تقريبا كلهم يعرضون الحياة الريفية


واشكرك مره اخرى

المشاركة الأصلية كتبت بواسطة غلا كوكو
http://www.arabtravelersforum.com/tr...5/#post1229076

اشكرك اخوي مسافر الجزيرة


اذا رحنا على Australian Outback Spectacular بنلغي رحلتنا للبردايس كونتري

لانهم تقريبا كلهم يعرضون الحياة الريفية


واشكرك مره اخرى

للعلم فقط لا يوجد تشابه بينهم.

بردايس كنتري مكان مفتوح وبه حيوانات ويتم زيارته صباحا.
عرض الاوتباك في مسرح مغلق وبه عرض للخيل والاغنام وعروض فكاهية وممتعة.

روحوا الاثنين ودلعوا نفسكم :109: